36 Ik.

Shinotcha esapane guru gusu. Ehoba koro uitekbe ne Dabid karape.

Sinotca esapane kur kusu. Ehoba kor uytekpe ne Dabid kar pe.

【指揮者によって。主の僕の詩。ダビデの詩。】

KU goro keutum ta okai wen-buri ohaitap ene ye-hi:— Koro shik-samata Kamui ko-oripak ambe isam, sekoro itak.

Ku=kor kewtum ta okay wen-puri ohaytap ene ye hi:— Kor sik-sama ta Kamuy ko-oripak anpe isam, sekor itak.

神に逆らう者に罪が語りかけるのがわたしの心の奥に聞こえる。彼の前に、神への恐れはない。

Inambe gusu ne yakun, koro wen-buri anukara wa aetunne shomoki kusu ne sekoro Yaikota koro shik-samata yairatchitarare ruwe ne gusu ne na.

Inanpe kusu ne yakun, kor wen-puri a=nukar wa a=etunne somo ki kusu ne sekor Yaykota kor sik-sama ta yayratcitarare ruwe ne kusu ne na.

自分の目に自分を偽っているから自分の悪を認めることもそれを憎むこともできない。

Koro paroho oma itak anak ne irarape ne shungep ne ruwe ne: Pirikap ki kuni wayashnu-hi aokere nisa ruwe ne.

Kor paroho oma itak anakne irara p ne sunkep ne ruwe ne: Pirka p ki kuni wayasnu hi a=okere nisa ruwe ne.

彼の口が語ることは悪事、欺き。決して目覚めようとも、善を行おうともしない。

Shotki kata wenbe esanniyo; Pirika shomo ne an ruhu otta yaiashte: Wenbe etunne shomoki ruwe ne na.

Sotki kata wenpe esanniyo; Pirka somo ne an ruhu or ta yayaste: Wenpe etunne somo ki ruwe ne na.

床の上でも悪事を謀り常にその身を不正な道に置き悪を退けようとしない。

Aa Ehoba, E koro omap-an-ramuhauge-i anak ne kando otta an; E koro sonep aoingara kando pakno epa ruwe ne.

Aa Ehoba, E=kor omap-an-ramuhawke hi anakne kanto or ta an; E=kor sonep a=oinkar kanto pakno epa ruwe ne.

主よ、あなたの慈しみは天にあなたの真実は大空に満ちている。

E koro oupeka-i anak ne Kamui nupuri nepkoro ne; E ki esanniyo-hi anak ne shiri ooho ambe ne; Aa Ehoba, Aokai anak ne ainu hene chikoikip hene kashiobiuki ruwe ne.

E=kor owpeka hi anakne Kamuy nupuri nepkor ne; E ki esanniyo hi anakne siri ooho anpe ne; Aa Ehoba, Aokay anakne aynu hene cikoykip hene kasiopiwki ruwe ne.

恵みの御業は神の山々のようあなたの裁きは大いなる深淵。主よ、あなたは人をも獣をも救われる。

Aa Kamui, E koro omap-an-ramuhauge irenga nep nupurube humi! Utara koro poho anak ne E koro tekkup sempiriketa yainuina ruwe ne.

Aa Kamuy, E=kor omap-an-ramuhawke irenka nep nupur pe humi! Utar kor poho anakne E=kor tekkup senpirke ta yaynuyna ruwe ne.

神よ、慈しみはいかに貴いことか。あなたの翼の陰に人の子らは身を寄せ

Nei utara anak ne E kora kenru ta an kiripu gusu nuye an no aeramushinne; Orowa, E koro nupetne pet otta Aokai nei utara ikure kusu ne na.

Ne utar anakne E=kor kenru ta an kirpu kusu nuye an no a=eramusinne; Orowa, E=kor nupetne pet or ta Aokay ne utar ikure kusu ne na.

あなたの家に滴る恵みに潤いあなたの甘美な流れに渇きを癒す。

Inambe gusu ne yakun, E otta inotu motoho an ruwe ne: E koro nupeki gusu nupeki chi nukarʼash kusu ne na.

Inanpe kusu ne yakun, E or ta inotu motoho an ruwe ne: E=kor nupeki kusu nupeki ci nukar as kusu ne na.

命の泉はあなたにありあなたの光に、わたしたちは光を見る。

Aa, E eamkiri utara gusu ramma omap-an-ramu-hauge-i atte; Keutum oupeka utara orun oupekap sange wa en kore.

Aa, E e=amkir utar kusu ramma omap-an-ramu-hawke hi atte; Kewtum owpeka utar orun owpekap sanke wa en=kore.

あなたを知る人の上に慈しみが常にありますように。心のまっすぐな人の上に恵みの御業が常にありますように。

Pakesara chikiri iteki en epokba, Wen utara koro tekehe iteki en oke we kuni ne kara wa en kore

Pakesara cikiri iteki en epokpa, Wen utar kor tekehe iteki en=ok we kuni ne kar wa en=kore

神に逆らう者の手がわたしを追い立てることを許さず驕る者の足がわたしに迫ることを許さないでください。

Nei ita irarape iki utara hachiripa wa okai ruwe ne: Nei utara ahachire wa hopumba eaikap kusu ne na.

Ne hi ta irara p iki utar haciripa wa okay ruwe ne: Ne utar a=hacir wa hopunpa eaykap kusu ne na.

悪事を働く者は必ず倒れる。彼らは打ち倒され再び立ち上がることはない。