61 Ik.

Shinotcha esapane guru gusu: ka oma arektep. Dabid karape.

Sinotca esapane kur kusu: ka oma arektep. Dabid kar pe.

【指揮者によって。伴奏付き。ダビデの詩。】

AA Kamui ku ashte hawe du wa en kore, Ku ki inonno-itak orun ikokanu wa en kore.

Aa Kamuy ku=aste hawe tu wa en=kore, Ku=ki inonno-itak orun ikokanu wa en=kore.

神よ、わたしの叫びを聞きわたしの祈りに耳を傾けてください。

Ku keutum akamure ita, moshirigesh wano E orun ku hawe ashte: En gusu mashkin no ri wa an watara orota en tura wa en kore.

Ku=kewtum a=kamure hi ta, mosirkes wano E orun ku hawe aste: En kusu maskinno ri wa an watara oro ta en tura wa en=kore.

心が挫けるとき地の果てからあなたを呼びます。高くそびえる岩山の上にわたしを導いてください。

Aokai anak ne en gusu numne-ushi ne, En epokba utara okai gusu tumashnu chashi E he ruwe ne.

Aokay anakne en kusu numne-usi ne, En epokpa utar okay kusu tumasnu casi E he ruwe ne.

あなたは常にわたしの避けどころ敵に対する力強い塔となってくださいます。

Ramma pakno E koro kash otta ku oshiroma kusu ne: E koro tekkup choropoketa ku yai-nuina kusu ne na. [Sera.]

Ramma pakno E=kor kas or ta ku=osiroma kusu ne: E=kor tekkup corpoke ta ku=yay-nuyna kusu ne na. [Sera.]

あなたの幕屋にわたしはとこしえに宿りあなたの翼を避けどころとして隠れます。〔セラ

Aa Kamui, ku ki uitaknu ambe E nu nisa, E kon reihei koishitoma utara eikeshkoro kunip a en kore nisa ruwe ne gusu ne na.

Aa Kamuy, ku=ki uytaknu anpe E nu nisa, E=kor rehe koysitoma utar eykeskoro kunip a en=kore nisa ruwe ne kusu ne na.

神よ、あなたは必ずわたしの誓願を聞き取り御名を畏れる人に継ぐべきものをお与えになります。

Aokai anak ne moshiri esapane guru koro inotu anohoro kuni ne kan ruwe ne: Koro paha inne ainu ikiri pakno epa kusu ne na.

Aokay anakne mosir esapane kur kor inotu anohoro kuni ne kan ruwe ne: Kor paha inne aynu ikiri pakno epa kusu ne na.

王の日々になお日々を加えその年月を代々に永らえさせてください。

Ramma pakno shinuma anak ne Kamui kotchaketa an kusu ne: Nei guru akoshiratki kuni ne omap-an-ramuhauge ambe newa sonep etoko-oiki wa en kore.

Ramma pakno sinuma anakne Kamuy kotcake ta an kusu ne: Ne kur a=kosiratki kuni ne omap-an-ramuhawke anpe newa sonep etoko-oyki wa en=kore.

王が神の前にあってとこしえの王座につき慈しみとまことに守られますように。

Yakun, otusashuishiri pakno E kon reihei gusu ramye shinotcha ku ki kusu ne, Nei ambe anak ne kesto ku uitaknu ambe ku ki kuni gusu ne na.

Yakun, otu sasuysir pakno E=kor rehe kusu ramye sinotca ku=ki kusu ne, Ne anpe anakne kesto ku=uytaknu anpe ku=ki kuni kusu ne na.

わたしは永遠にあなたの御名をほめ歌い日ごとに満願の献げ物をささげます。