65 Ik.

Shinotcha esapane guru gusu. Iyohaichish. Dabid kara shinotcha.

Sinotca esapane kur kusu. Iyohaycis. Dabid kar sinotca.

【指揮者によって。賛歌。ダビデの詩。歌。】

AA Kamui, Aokai gusu Zion otta ramye-hi an na: Orowa, Aokai gusu auitaknu ambe aki kusu ne na.

Aa Kamuy, Aokay kusu Zion or ta ramye hi an na: Orowa, Aokay kusu awitaknu anpe aki kusu ne na.

沈黙してあなたに向かい、賛美をささげます。シオンにいます神よ。あなたに満願の献げ物をささげます。

Aa inonno-itak nu Kamui, E orun obitta no okai kam araki kusu ne.

Aa inonno-itak nu Kamuy, E orun opittano okay kam arki kusu ne.

祈りを聞いてくださる神よすべて肉なるものはあなたのもとに来ます。

Wen-buri anak ne en annokara: Koroka, Aokai anak ne chikoro ohaitarep isamka kusu ne.

Wen-puri anakne en=annokar: Korka, Aokay anakne ci=kor ohaytarep isamka kusu ne.

罪の数々がわたしを圧倒します。背いたわたしたちをあなたは贖ってくださいます。

Aokai numge wa E kora kenru ta oshiroma kuni ne ehange no tura guru anak ne anunuke ne! E kot chisei ta okai kashnukarape gusu, E koro ashkanne chisei gusu chi utara aeramushinne kusu ne na.

Aokay numke wa E=kor kenru ta osiroma kuni ne ehanke no tura kur anakne a=nunuke ne! E kot cise ta okay kasnukarape kusu, E=kor askanne cise kusu ci utar a=eramusinne kusu ne na.

いかに幸いなことでしょうあなたに選ばれ、近づけられあなたの庭に宿る人は。恵みの溢れるあなたの家、聖なる神殿によってわたしたちが満ち足りますように。

Aa un kashiobiuki Kamui Oupeka no Aokai anak ne ashitoma ambe ari un orun ese kusu ne; Moshiripa pakno moshirigesh pakno, shui ehangeko no an atui ne yakka E orun eyaikopashte ruwe ne:

Aa un kasiopiwki Kamuy Owpekano Aokay anakne asitoma anpe ari un orun ese kusu ne; Mosirpa pakno mosirkes pakno, suy e=hankeko no an atuy ne yakka E orun e=yaykopaste ruwe ne:

わたしたちの救いの神よあなたの恐るべき御業がわたしたちへのふさわしい答えでありますように。遠い海、地の果てに至るまですべてのものがあなたに依り頼みます。

Okirashnu wa nupuri yupke no ashte; Kiroro ani atumamkoshaye ruwe ne gusu ne na.

Okirasnu wa nupuri yupke no aste; Kiroro ani atumamkosaye ruwe ne kusu ne na.

御力をもって山々を固く据え雄々しさを身に帯びておられる方。

Atui kunrak-kunrak hum, riri turuminse hum, Moshiri uirup sakayo hum more ruwe ne.

Atuy kunrak-kunrak hum, rir turuminse hum, Mosir uyrup sakayo hum more ruwe ne.

大海のどよめき、波のどよめき諸国の民の騒ぎを鎮める方。

Shui, moshiri iyotta keseta oshiroma utara E ki shiroshi gusu ishitoma kusu ne: Aokai anak ne kunneiwano newa onuman nupetnere wa shinotcha kire ruwe ne.

Suy, mosir iyotta kes ta osiroma utar E ki sirosi kusu isitoma kusu ne: Aokay anakne kunneywano newa onuman nupetnere wa sinotca kire ruwe ne.

お与えになる多くのしるしを見て地の果てに住む民は畏れ敬い朝と夕べの出で立つところには喜びの歌が響きます。

Aokai anak ne moshiri ta ek wa teineika Nei ambe pirikare ruwe ne: Kamui pet anak ne wakka ani eshik; Aokai anak ne toitoi etokooiki chiki amam shipiras-pare ruwe ne gusu ne na.

Aokay anakne mosir ta ek wa teyneyka Ne anpe pirkare ruwe ne: Kamuy pet anakne wakka ani esik; Aokay anakne toytoy etokooyki ciki amam sipiras-par ruwe ne kusu ne na.

あなたは地に臨んで水を与え豊かさを加えられます。神の水路は水をたたえ、地は穀物を備えます。あなたがそのように地を備え

Aokai anak ne nuye an no nei ata ushike kata wakka chari, Nei tane-ru kashike eramamke: Sashne-sashne an apto ani nei ambe hapurure ruwe ne; Aokai nunuke wa nei ambe shiparaspare ruwe ne na.

Aokay anakne nuye an no ne ata usike kata wakka cari, Ne tane-ru kasike e=ramamke: Sasne-sasne an apto ani ne anpe hapurure ruwe ne; Aokay nunuke wa ne anpe siparaspare ruwe ne na.

畝を潤し、土をならし豊かな雨を注いで柔らかにし芽生えたものを祝福してくださるからです。

Aokai anak ne kashnukarape ani pa pirikare, E koro apkash-i kiripu rapapse ruwe ne.

Aokay anakne kasnukarape ani pa pirkare, E=kor apkas hi kirpu rapapse ruwe ne.

あなたは豊作の年を冠として地に授けられます。あなたの過ぎ行かれる跡には油が滴っています。

Nup ka mun anak ne erai, Orowa, huru anak ne ramuritetke ruwe ne.

Nup ka mun anakne eray, Orowa, hur anakne ramuritetke ruwe ne.

荒れ野の原にも滴りどの丘も喜びを帯とし

Chikoikip mimdara anak ne topaha ari automchiure; Pinnai anak ne amam ani akamure ruwe ne; Nei ambe anak ne nupetne hau rikunitara, orowa shinotcha ki ruwe ne na.

Cikoykip mimtar anakne topaha ari a=wtomciwre; Pinnay anakne amam ani a=kamure ruwe ne; Ne anpe anakne nupetne haw rikunitara, orowa sinotcaki ruwe ne na.

牧場は羊の群れに装われ谷は麦に覆われています。ものみな歌い、喜びの叫びをあげています。