1
Dabid kara Iyohaichish
Dabid kar Iyohaycis
【ダビデの詩。】
Dabid kara Iyohaichish
Dabid kar Iyohaycis
【ダビデの詩。】
AA Ehoba, E otta ku ramat ku yange na.
Aa Ehoba, E or ta ku=ramat ku=yanke na.
主よ、わたしの魂はあなたを仰ぎ望み
Aa ku goro Kamui, Aokai gusu ku eyaikopashte nisa, Iteki en yainikoshmare wa en kore: En epokba utara iteki en annokara kuni ne kara wa en kore.
Aa ku=kor Kamuy, Aokay kusu ku=e=yaykopaste nisa, Iteki en yaynikosmare wa en=kore: En epokpa utar iteki en=annokar kuni ne kar wa en=kore.
わたしの神よ、あなたに依り頼みます。どうか、わたしが恥を受けることのないように敵が誇ることのないようにしてください。
Ruwe un, E orun eyaikopashte utara yainikoroshma shomoki; Ikkewe sak no kokandama ki utara anak ne ayainikoroshmare kusu ne.
Ruwe un, E orun e=yaykopaste utar yaynikorosma somo ki; Ikkewe sak no kokantama ki utar anakne ayaynikorosmare kusu ne.
あなたに望みをおく者はだれも決して恥を受けることはありません。いたずらに人を欺く者が恥を受けるのです。
Aa Ehoba, E kon ruhu en nukare, E koro apkash kuni ru en epakashnu wa en kore.
Aa Ehoba, E=kor ruhu en=nukare, E=kor apkas kuni ru en=epakasnu wa en=kore.
主よ、あなたの道をわたしに示しあなたに従う道を教えてください。
E koro sonep otta en enoye wa en epakashnu wa en kore; En kashiobiuki Kamui E ne ruwe ne gusu ne na; To ebitta Aokai gusu ku chipachipa ruwe ne.
E=kor sonep or ta en=enoye wa en=epakasnu wa en=kore; En=kasiopiwki Kamuy E ne ruwe ne kusu ne na; To epitta Aokay kusu ku=cipacipa ruwe ne.
あなたのまことにわたしを導いてください。教えてくださいあなたはわたしを救ってくださる神。絶えることなくあなたに望みをおいています。
Aa Ehoba, E koro omap an rampokiwen irenga bene E koro ramuhauge irenga hene anak Fushkotoi wano an ambe ne gusu eshikarun wa en kore.
Aa Ehoba, E=kor omap an ranpokiwen irenka pene E=kor ramuhawke irenka hene anak Huskotoy wano an anpe ne kusu esikarun wa en=kore.
主よ思い起こしてくださいあなたのとこしえの憐れみと慈しみを。
Ponram ita ku ki katpak hene ku ohaitap hene iteki eshikarun wa en kore: Aa Ehoba, omap an ramuhauge irenga E koro gusu, Pirika irenga E koro wa an gusu, en eshikarun wa en kore.
Ponram hi ta ku=ki katpak hene ku ohaytap hene iteki esikarun wa en=kore: Aa Ehoba, omap an ramuhawke irenka E=kor kusu, Pirka irenka E=kor wa an kusu, en=esikarun wa en=kore.
わたしの若いときの罪と背きは思い起こさず慈しみ深く、御恵みのために主よ、わたしを御心に留めてください。
Ehoba anak ne pirikap ne, oupekap ne: Tambe gusu katpak ki utara otta ruhu epakashnu kusu ne.
Ehoba anakne pirka p ne, owpekap ne: Tanpe kusu katpak ki utar or ta ruhu epakasnu kusu ne.
主は恵み深く正しくいまし罪人に道を示してくださいます。
Shinuma anak ne aesanniyop otta ramu-rotcha utara ani: Ramu-rotcha utara otta koro ru epakashnu kusu ne.
Sinuma anakne aesanniyop or ta ramu-rotca utar ani: Ramu-rotca utar or ta kor ru epakasnu kusu ne.
裁きをして貧しい人を導き主の道を貧しい人に教えてくださいます。
Ehoba koro uitaknup newa ekamhaktep shikkashima guru gusu Obitta no okai Shinuma kon ruhu anak omap an ramuhauge ambe ne, sonep ne ruwe ne.
Ehoba kor uytaknup newa ekamhaktep sikkasima kur kusu Opittano okay Sinuma kor ruhu anak omap an ramuhawke anpe ne, sonep ne ruwe ne.
その契約と定めを守る人にとって主の道はすべて、慈しみとまこと。
Aa Ehoba, E kon reihei irenga gusu ku wen-buri tusare wa en kore, Nei ambe porobe ne ruwe ne gusu ne na.
Aa Ehoba, E=kor rehe irenka kusu ku=wen-puri tusare wa en=kore, Ne anpe poro p ne ruwe ne kusu ne na.
主よ、あなたの御名のために罪深いわたしをお赦しください。
Ehoba koishitoma guru nen ne ruwe? Nei guru numge kuni ruhu Shinuma epakashnu kusu ne na.
Ehoba koysitoma kur nen ne ruwe? Ne kur numke kuni ruhu Sinuma epakasnu kusu ne na.
主を畏れる人は誰か。主はその人に選ぶべき道を示されるであろう。
Kon ramat pirika no oshiroma kusu ne: Aige, koro sanikiri anak ne moshiri eikeshkoro kusu ne na.
Kor ramat pirkano osiroma kusu ne: Ayke, kor sanikiri anakne mosir eykeskoro kusu ne na.
その人は恵みに満たされて宿り子孫は地を継ぐであろう。
Ehoba koro nuina no an ukoramkorobe anak ne Shinuma ko-ishitoma utara tura an; Shinuma nei utara otta koro uitaknup nukare kusu ne.
Ehoba kor nuyna no an ukoramkorope anakne Sinuma ko-isitoma utar tura an; Sinuma ne utar or ta kor uytaknup nukare kusu ne.
主を畏れる人に主は契約の奥義を悟らせてくださる。
Ku shiki anak ne ramma Ehoba orun ingara wa okai; Shinuma anak ne ya wano ku kema etaye ruwe ne kusu ne na.
Ku=siki anakne ramma Ehoba orun inkar wa okay; Sinuma anakne ya wano ku=kema etaye ruwe ne kusu ne na.
わたしはいつも主に目を注いでいます。わたしの足を網から引き出してくださる方に。
En orun hosari hine pirika irenga sange wa en kore; Kuani yaitura wa an otek-sak guru ku ne ruwe ne.
En=orun hosari hine pirka irenka sanke wa en=kore; Kuani yaytura wa an otek-sak kur ku ne ruwe ne.
御顔を向けて、わたしを憐れんでください。わたしは貧しく、孤独です。
Ku keutum ta okai yairamhekomo ambe anak ne aporore wa an, Ramusarakbe wano en ohaitare wa en kore.
Ku=kewtum ta okay yayramhekomo anpe anakne a=porore wa an, Ramusarakbe wano en ohaytare wa en=kore.
悩む心を解き放ち痛みからわたしを引き出してください。
Ku oknatarap ku nuwapbe esanniyo wa Obitta no okai ku ki katpak tusare wa en kore.
Ku oknatarap ku nuwappe esanniyo wa Opittano okay ku=ki katpak tusare wa en=kore.
御覧ください、わたしの貧しさと労苦を。どうかわたしの罪を取り除いてください。
En epokba utara inne ne gusu, nei utara esanniyo wa en kore; Nei utara yupke aetunnep ani en etunne ruwe ne.
En epokpa utar inne ne kusu, ne utar esanniyo wa en=kore; Ne utar yupke aetunnep ani en=etunne ruwe ne.
御覧ください、敵は増えて行くばかりです。わたしを憎み、不法を仕掛けます。
Aa ku ramat shikkashima hine en kashiobiuki wa en kore; Aokai gusu ku eyaikopashte, aige, iteki ku yainikoroshma kuni ne kara wa en kore.
Aa ku=ramat sikkasima hine en=kasiopiwki wa en=kore; Aokay kusu ku=e=yaykopaste, ayke, iteki ku=yaynikorosma kuni ne kar wa en=kore.
御もとに身を寄せます。わたしの魂を守り、わたしを助け出し恥を受けることのないようにしてください。
Oupekap newa keutum oheuge sak no an ambe en shikkashima, Aokai gusu ku chipachipa ruwe ne gusu ne na.
owpekap newa kewtum ohewke sak no an anpe en=sikkasima, Aokay kusu ku=cipacipa ruwe ne kusu ne na.
あなたに望みをおき、無垢でまっすぐならそのことがわたしを守ってくれるでしょう。
Aa Kamui, obitta no okai ki yairamhekomo ambe wano Israeru un utara kikiraye wa en kore.
Aa Kamuy, opittano okay ki yayramhekomo anpe wano Israeru un utar kikiraye wa en=kore.
神よ、イスラエルをすべての苦難から贖ってください。