122 Ik.

Payekai shinotcha; Dabid karape.

Payekay sinotca; Dabid kar pe.

【都に上る歌。ダビデの詩。】

EHOBA kora kenru orun paye yanro sekoro, En orun nei utara itak ita anak ne ku yaikopuntek nisa ruwe ne.

EHOBA kor kenru orun paye yanro sekor, En=orun ne utar itak hi ta anakne ku=yaykopuntek nisa ruwe ne.

主の家に行こう、と人々が言ったときわたしはうれしかった。

Aa Yerusarem kotan;chikoro chikiri anak ne, E koro apa otta ash wa okai ruwe ne.

Aa Yerusarem kotan;ci=kor cikiri anakne, E=kor apa or ta as wa okay ruwe ne.

エルサレムよ、あなたの城門の中にわたしたちの足は立っている。

Ukotura aashte wa an machiya nei no, Yerusarem kotan, aokai akara na.

ukotura a=aste wa an maciya néno, Yerusarem kotan, aokay a=kar na.

エルサレム、都として建てられた町。そこに、すべては結び合い

Israeru un utara orun paweteshu an gusu, Ehoba reihei koyaiiraige gusu, Moshiri uirup Yah koro uirup poka nei orun hemeshpa ruwe ne.

Israeru un utar orun pawetesu an kusu, Ehoba rehe koyayirayke kusu, Mosir uyrup Yah kor uyrup poka ne orun hemespa ruwe ne.

そこに、すべての部族、主の部族は上って来る。主の御名に感謝をささげるのはイスラエルの定め。

Nei kotan ta esanniyo gusu an amset, Dabid chisei un utara koro amset aashte wa okai ruwe ne gusu ne na.

Ne kotan ta esanniyo kusu an amset, Dabid cise un utar kor amset a=aste wa okay ruwe ne kusu ne na.

そこにこそ、裁きの王座がダビデの家の王座が据えられている。

Yerusarem kotan ta itomo irenga an kuni inonno-itak ki yan: E omap utara anak ne aeyaiepirikare kusu ne.

Yerusarem kotan ta i=tom irenka an kuni inonno-itak ki yan: E omap utar anakne aeyayepirikare kusu ne.

エルサレムの平和を求めよう。「あなたを愛する人々に平安があるように。

E koro chashi onnaigeta itomo irenga an, E koro yop chisei ta pirikap ashipiraspare kuni ako-ramkoro.

E=kor casi onnayke ta i=tom irenka an, E=kor yop cise ta pirka p asipiraspare kuni ako-ramkor.

あなたの城壁のうちに平和があるように。あなたの城郭のうちに平安があるように。」

Ku iriwak utara newa katairotke utara gusu, E oshiketa itomo irenga an na, sekoro tane ku ye kusu ne na.

Ku=irwak utar newa katayrotke utar kusu, E oske ta i=tom irenka an na, sekor tane ku=ye kusu ne na.

わたしは言おう、わたしの兄弟、友のために。「あなたのうちに平和があるように。」

Chikoro Kamui ne Ehoba kora kenru gusu, E pirikare kuni ne ku ki kusu ne na.

Ci=kor Kamuy ne Ehoba kor kenru kusu, E pirkare kuni ne ku=ki kusu ne na.

わたしは願おうわたしたちの神、主の家のために。「あなたに幸いがあるように。」