82 Ik.

Asap kara iyohaichish.

Asap kar iyohaycis.

【賛歌。アサフの詩。】

KAMUI anak ne Kamui koro uwekari ta ash, Kamui utara tumugeta koipishi ki ruwe ne.

Kamuy anakne Kamuy kor uekari ta as, Kamuy utar tumke ta koypisi ki ruwe ne.

神は神聖な会議の中に立ち神々の間で裁きを行われる。

Hembara pakno echi utara anak ne oheuge no koipishi wa, Wen utara kashiramu ya? [Sera.]

Henpara pakno eci utar anakne ohewke no koypisi wa, Wen utar kasiramu ya? [Sera.]

「いつまであなたたちは不正に裁き神に逆らう者の味方をするのか。〔セラ

Tumsak utara newa eshikop sak utara koipishi yan: Yairamkoiki utara newa otek-sak utara gusu oupeka ambe ki yan.

Tumsak utar newa esikop sak utar koypisi yan: Yairamkoiki utar newa otek-sak utar kusu owpeka anpe ki yan.

弱者や孤児のために裁きを行い苦しむ人、乏しい人の正しさを認めよ。

Katchak newa irapokkari utara kashiobiuki: Wen utara koro teke wano nei utara ohaitare yan.

Katcak newa irapokkari utar kasiopiwki: Wen utar kor teke wano ne utar ohaytare yan.

弱い人、貧しい人を救い神に逆らう者の手から助け出せ。」

Nei utara erampeutek, ramepakari ka shomoki; Kunne-i otta ekeshinne no apkash: Toitoi koro obitta no okai asama shimoye ruwe ne na.

Ne utar eranpewtek, ramepakari ka somo ki; Kunne hi or ta ekesinne no apkas: Toytoy kor opittano okay asama simoye ruwe ne na.

彼らは知ろうとせず、理解せず闇の中を行き来する。地の基はことごとく揺らぐ。

Echi utara anak ne Kamui utara echi ne, Obitta no okai echi utara anak ne Iyotta Ri Kamui koro poho echi ne, sekoro ku ye nisa.

Eci utar anakne Kamuy utar eci ne, Opittano okay eci utar anakne Iyotta Ri Kamuy kor poho eci ne, sekor ku=ye nisa.

わたしは言った「あなたたちは神々なのか皆、いと高き方の子らなのか」と。

Yakka, ainu utara korachi echi rai kusu ne, Orowa, sapane guru un shinen korachi hachiri kusu ne na,

Yakka, aynu utar koraci eci=ray kusu ne, Orowa, sapanekur un sinen koraci hacir kusu ne na,

しかし、あなたたちも人間として死ぬ。君侯のように、いっせいに没落する。

Aa Kamui hopuni wa moshiri koipishi yan: Aokai anak ne obitta no okai moshiri uirup eikeshkoro kusu ne gusu ne na.

Aa Kamuy hopuni wa mosir koypisi yan: Aokay anakne opittano okay mosir uyrup eykeskoro kusu ne kusu ne na.

神よ、立ち上がり、地を裁いてください。あなたはすべての民を嗣業とされるでしょう。