Shinotcha rekte esapane guru gusu ambe. Obitta no okai koro epokba utara newa Sauros tekehe wano aohaitare toko ta Ehoba koro uitek guru ne Dabid Ehoba otta shinotcha oma itak ne; orowa ene hawashi:—
Sinotca rekte esapane kur kusu anpe. Opittano okay kor epokpa utar newa Sawros tekehe wano aohaytare toko ta Ehoba kor uytek kur ne Dabid Ehoba or ta sinotca oma itak ne; orowa ene hawas:—
【指揮者によって。主の僕の詩。ダビデの詩。主がダビデをすべての敵の手、また、サウルの手から救い出されたとき、彼はこの歌の言葉を主に述べた。】
AA ku kiroro ne Ehoba, kuani E omap ash kusu ne.
Aa ku=kiroro ne Ehoba, kuani E omap as kusu ne.
主よ、わたしの力よ、わたしはあなたを慕う。
Ehoba anak ne ku watara ne, ku chashi ne, en kashiobiukip ne ruwe ne; Gusu ku eyaikopashte kusu ne ku goro Kamui ne, ku goro tumashnu watara ne, Ku kikhumbe ne, en kashiobiuki kuni kirawe ne, ku goro ri ushike ne ruwe ne.
Ehoba anakne ku watara ne, ku=casi ne, en kasiopiwkip ne ruwe ne; Kusu ku=e=yaykopaste kusu ne ku=kor Kamuy ne, ku=kor tumasnu watara ne, Ku kikhunpe ne, en=kasiopiwki kuni kiraw ne, ku=kor ri usike ne ruwe ne.
主はわたしの岩、砦、逃れ場わたしの神、大岩、避けどころわたしの盾、救いの角、砦の塔。
Airamye kunip ne Ehoba orun ku konishuk kusu ne: Yakun, en epokba utara gusu en kaobiuki kusu ne na.
A=yramye kunip ne Ehoba orun ku konisuk kusu ne: Yakun, en epokpa utar kusu en kaopiwki kusu ne na.
ほむべき方、主をわたしは呼び求め敵から救われる。
Shiamba tush en okari nisa, Pe-sambe korachi an wen-buri en ishitomare ruwe ne.
sianpa tus en=okari nisa, Pe-sambe koraci an wen-puri en=isitomare ruwe ne.
死の縄がからみつき奈落の激流がわたしをおののかせ
Sbeo tush en okari ta an, Bai akbe en samaketa an ruwe ne.
speo tus en=okari ta an, Pay akpe en=samake ta an ruwe ne.
陰府の縄がめぐり死の網が仕掛けられている。
Kuani a en epokba wa an ita Ehoba orun konishuk nisa, Ku goro Kamui otta ko-hawe ashte na: Shinuma kora kenru ta ku hawe anu, Ku ashte hau Shinuma kisara otta anu nisa ruwe ne.
Kuani a en epokpa wa an hi ta Ehoba orun konisuk nisa, Ku=kor Kamuy or ta ko-hawe aste na: Sinuma kor kenru ta ku hawe anu, Ku=aste haw Sinuma kisara or ta anu nisa ruwe ne.
苦難の中から主を呼び求めわたしの神に向かって叫ぶとその声は神殿に響き叫びは御前に至り、御耳に届く。
Nei ita anak ne moshiri tusushke wa shimoye, Nupuri asama ne yakka kotususatki, Aige, ashuyeshuye, Kamui irushka ruwe ne gusu ne na.
Ne hi ta anakne mosir tususke wa simoye, Nupuri asama ne yakka kotususatki, Ayke, a=suyesuye, Kamuy iruska ruwe ne kusu ne na.
主の怒りは燃え上がり、地は揺れ動く。山々の基は震え、揺らぐ。
Shinuma kinrakara wa shupuya rikin, Koro paroho wano hetuku abe anak okaibe isamka, Abe o usat nei ambe gusu aparaparasere nisa ruwe ne.
Sinuma kinrakar wa supuya rikin, Kor paroho wano hetuku ape anak okaype isamka, Ape o usat ne anpe kusu aparaparasere nisa ruwe ne.
御怒りに煙は噴き上がり御口の火は焼き尽くし、炎となって燃えさかる。
Shinuma kando ne yakka koreuba wa ran: Kema choropoketa rui kunne-i an ruwe ne.
Sinuma kanto ne yakka korewpa wa ran: Kema corpoke ta ruy kunne hi an ruwe ne.
主は天を傾けて降り密雲を足もとに従え
Shinuma Kerub kata o wa hopumba. Ruwe un, rera tekkup kata chashnu no hopumba nisa ruwe ne.
Sinuma Kerub kata o wa hopunpa. Ruwe un, rera tekkup kata casnu no hopunpa nisa ruwe ne.
ケルブを駆って飛び風の翼に乗って行かれる。
Kunne-i ani yainuina kuni ushi ne kara, Kunne wakka newa kando un rui nishkuru ani yainikkotama nisa ruwe ne.
Kunne hi ani yaynuyna kuni usi ne kar, Kunne wakka newa kanto un ruy niskur ani yaynikkotama nisa ruwe ne.
周りに闇を置いて隠れがとし暗い雨雲、立ちこめる霧を幕屋とされる。
Shinuma kotchake un nupeki gusu nei toyekurok nishkuru newa Abe-o usat newa kaukau kush ruwe ne.
Sinuma kotcake un nupeki kusu ne toyekurok niskur newa Ape-o usat newa kawkaw kus ruwe ne.
御前にひらめく光に雲は従い雹と火の雨が続く。
Ehoba shui kando ta kamui-humi ashte, Iyotta rikunbe koro hawe sange, a wa, Kaukau newa abe-o usat okai ruwe ne.
Ehoba suy kanto ta kamuy-humi aste, Iyotta rikunpe kor hawe sanke, a wa, Kawkaw newa ape-o usat okay ruwe ne.
主は天から雷鳴をとどろかせいと高き神は御声をあげられ雹と火の雨が続く。
Shinuma anak koro ai ak wa nei utara charichari, Ruwe un, inne imeru sange wa isamka nisa ruwe ne.
Sinuma anak kor ay ak wa ne utar caricari, Ruwe un, inne imeru sanke wa isamka nisa ruwe ne.
主の矢は飛び交い稲妻は散乱する。
Aa Ehoba, Aokai kopashirota gusu,. E etuhu orowa no hetuku rera mau gusu, Wakka oman ru anukara, Moshiri asam atusare nisa ruwe ne.
Aa Ehoba, Aokay kopasirota kusu,. E etuhu oro wano hetuku rera maw kusu, Wakka oman ru a=nukar, Mosir asam atusare nisa ruwe ne.
主よ、あなたの叱咤に海の底は姿を現しあなたの怒りの息に世界はその基を示す。
Shinuma ri ushike wano teshkara wa en uk, Inne wakka wano en etaye kusu ne na.
Sinuma ri usike wano teskar wa en=uk, Inne wakka wano en=etaye kusu ne na.
主は高い天から御手を遣わしてわたしをとらえ大水の中から引き上げてくださる。
En epokba okirashnu guru wano bene En etunne utara wano bene en ohaitare ruwe ne; nei utara en gusu yupke kashuibe ne ruwe ne gusu ne na.
En epokpa okirasnu kur wano pene En=etunne utar wano pene en ohaytare ruwe ne; ne utar en kusu yupke kasuype ne ruwe ne kusu ne na.
敵は力がありわたしを憎む者は勝ち誇っているがなお、主はわたしを救い出される。
A en ramusarakka wa an toho ta nei utara en kopiuki nisa: Koroka, Ehoba en tumashnurep ne na.
A en ramusarakka wa an toho ta ne utar en kopiwki nisa: Korka, Ehoba en tumasnurep ne na.
彼らが攻め寄せる災いの日主はわたしの支えとなり
Shinuma poro ushiketa ne yakka en ande, En enupetne gusu en kashiobiuki nisa ruwe ne na.
Sinuma poro uske ta ne yakka en=ante, En=enupetne kusu en=kasiopiwki nisa ruwe ne na.
わたしを広い所に導き出し、助けとなり喜び迎えてくださる。
Ehoba anak ne ku oupeka ambe an korachi en epirikare, Ku teke turu-sak-i esanniyo wa iwayehe en kore nisa ruwe ne.
Ehoba anakne ku=owpeka anpe an koraci en=e=pirkare, Ku=teke tur-sak hi esanniyo wa iwayehe en=kore nisa ruwe ne.
主はわたしの正しさに報いてくださる。わたしの手の清さに応じて返してくださる。
Wen wa ku goro Kamui ku osura shomoki no, Ehoba ruhu ku shikkashima nisa ruwe ne gusu ne na.
Wen wa ku=kor Kamuy ku=osura somo ki no, Ehoba ruhu ku=sikkasima nisa ruwe ne kusu ne na.
わたしは主の道を守りわたしの神に背かない。
Shinuma ki esanniyop obitta en shik-samata okai, Kuani nei ipawetenge ku osura shomoki ruwe ne.
Sinuma ki esanniyop opitta en=sik-sama ta okay, Kuani ne ipawetenke ku=osura somo ki ruwe ne.
わたしは主の裁きをすべて前に置き主の掟を遠ざけない。
Shinuma kotchaketa shui kuani opiri-sak ruwe ne, Yairamatte wa wen-buri ku ki shomoki nisa ruwe ne.
Sinuma kotcake ta suy kuani opiri-sak ruwe ne, Yairamatte wa wen-puri ku=ki somo ki nisa ruwe ne.
わたしは主に対して無垢であろうとし罪から身を守る。
Tambe gusu Ehoba anak ne ku oupeka ambe nukara, Koro shik-samata okai ku turu-sak tekehe esanniyo wa en pirikare ruwe ne.
Tanpe kusu Ehoba anakne ku=owpeka anpe nukar, Kor sik-sama ta okay ku=tur-sak tekehe esanniyo wa en=pirkare ruwe ne.
主はわたしの正しさに応じて返してくださる。御目に対してわたしの手は清い。
Bamu-hauge guru otta Aokai anak ne eramu-hauge ki: Oupeka guru otta oupekap ki kusu ne.
pamu-hawke kur or ta Aokay anakne eramu-hawke ki: Owpeka kur or ta owpekap ki kusu ne.
あなたの慈しみに生きる人にあなたは慈しみを示し無垢な人には無垢に
Ashkanne guru otta Aokai ashkanne ne; Itakkashi guru otta Aokai puri yupkep ne ruwe ne.
Askanne kur or ta Aokay askanne ne; Itakkasi kur or ta Aokay puri yupke p ne ruwe ne.
清い人には清くふるまい心の曲がった者には背を向けられる。
Aokai anak ne otek-sak uirup kashiobiuki; Koroka, pakesara shikihi rapokikara gusu ne na.
Aokay anakne otek-sak uyrup kasiopiwki; Korka, pakesara sikihi rapokikara kusu ne na.
あなたは貧しい民を救い上げ高ぶる目を引き下ろされる。
Aokai anak ne ku ratchako uhuyeka, Ku goro Ehoba ne Kamui anak ku kunne ushike pekereka kusu ne.
Aokay anakne ku=ratcako uhuyeka, Ku=kor Ehoba ne Kamuy anak ku=kunne usike pekereka kusu ne.
主よ、あなたはわたしの灯を輝かし神よ、あなたはわたしの闇を照らしてくださる。
Aokai an gusu kuani tumikoro utara tumuge kush; Ku goro Kamui en kaobiuki gusu kuani chashi kama tereke ruwe ne.
Aokay an kusu kuani tumikor utar tumuke kus; Ku=kor Kamuy en kaopiwki kusu kuani casi kama terke ruwe ne.
あなたによって、わたしは敵軍を追い散らしわたしの神によって、城壁を越える。
Kamui ruhu anak ne oupeka ne; Kamui itak turuasakte itak ne ruwe ne; Shinuma gusu eyaikopashte utara gusu an kikhumbe ne ruwe ne.
Kamuy ruhu anakne owpeka ne; Kamuy itak turuasakte itak ne ruwe ne; Sinuma kusu e=yaykopaste utar kusu an kikhunpe ne ruwe ne.
神の道は完全主の仰せは火で練り清められている。すべて御もとに身を寄せる人に主は盾となってくださる。
Ehoba moshima anak inambe Kamui ne ruwe? Chikoro Kamui moshima anak ne inambe Watara ne ruwe he an?
Ehoba mosma anak inanpe Kamuy ne ruwe? Ci=kor Kamuy mosma anakne inanpe Watara ne ruwe he an?
主のほかに神はない。神のほかに我らの岩はない。
Kiroro ani en koshaye, Orowa, ku ruhu oupekarep anak Kamui ne ruwe ne.
Kiroro ani en kosaye, Orowa, ku=ruhu owpekarep anak Kamuy ne ruwe ne.
神はわたしに力を帯びさせわたしの道を完全にし
Shinuma anak ne ku kema momambe kemaha korachi ne kara: Ri ushiketa en andep ne.
Sinuma anakne ku=kema momanpe kemaha koraci ne kar: Ri uske ta en antep ne.
わたしの足を鹿のように速くし高い所に立たせ
Shinuma ku tekehe tumikoro kuni epakashnu, Ku amunini shiunin-kani ku koreuba ruwe ne na.
Sinuma ku=tekehe tumikor kuni epakasnu, Ku=a=munin siwnin-kani ku korewpa ruwe ne na.
手に戦いの技を教え腕に青銅の弓を引く力を帯びさせてくださる。
Aokai anak ne E koro kashichiobiuki kuni kikhumbe ne yakka en koropare; E shimon teke en eukopashte, E koro ramu-hauge ambe en porore ruwe ne.
Aokay anakne E=kor kasiciopiwki kuni kikhunpe ne yakka en=korpare; E simon teke en=ewkopaste, E=kor ramu-hawke anpe en=porore ruwe ne.
あなたは救いの盾をわたしに授け右の御手で支えてくださる。あなたは、自ら降りわたしを強い者としてくださる。
En choropoketa ku apkash ushike e porore, Ku kema anak oteshu shomoki ruwe ne.
En=corpoke ta ku=apkas usike e porore, Ku=kema anak otesu somo ki ruwe ne.
わたしの足は大きく踏み出しくるぶしはよろめくことがない。
En epokba utara ku keseamba wa ku oshkoni; Nei utara aisamka pakno oara ku hoshipi shomoki ruwe ne.
En epokpa utar ku=keseanpa wa ku=oskoni; Ne utar a=ysamka pakno oar ku=hosipi somo ki ruwe ne.
敵を追い、敵に追いつき滅ぼすまで引き返さず
Nei utara hopumba eaikap pakno ku shirikik kusu ne; Ku kema choropoke un hachiri kusu ne na.
Ne utar hopunpa eaykap pakno ku=sirkik kusu ne; Ku=kema corpok un hacir kusu ne na.
彼らを打ち、再び立つことを許さない。彼らはわたしの足もとに倒れ伏す。
Tumi ku koro kuni ne kiroro ani Aokai en koshaye; En epokba utara Aokai en choropoketa annokara nisa ruwe ne na.
Tumi ku=kor kuni ne kiroro ani Aokay en kosaye; En epokpa utar Aokay en=corpoke ta annokar nisa ruwe ne na.
あなたは戦う力をわたしの身に帯びさせ刃向かう者を屈服させ
En etunne utara ku otuiba kuni ne Aokai anak ne en epokba utara koro seturu en orun ko-kirure nisa ruwe ne.
En=etunne utar ku=otuypa kuni ne Aokay anakne en epokpa utar kor seturu en=orun ko-kirure nisa ruwe ne.
敵の首筋を踏ませてくださる。わたしを憎む者をわたしは滅ぼす。
Nei utara hawe ashte a koroka, kashiobiuki kuni guru isam: Ehoba otta ka ko-hawe ashte, yakka, shomo anu nisa ruwe ne.
Ne utar hawe aste a korka, kasiopiwki kuni kur isam: Ehoba or ta ka ko-hawe aste, yakka, somo anu nisa ruwe ne.
彼らは叫ぶが、助ける者は現れず主に向かって叫んでも答えはない。
Nei ita rera rikipuni pana pakno nei utara tauge-tauge wa ku nokande nisa, Machiya un ru otta an rauge-toi aosura korachi nei utara ku osurupa nisa ruwe ne.
Ne hi ta rera rikip un pana pakno ne utar tawke-tawke wa ku=nokante nisa, Maciya un ru or ta an rawke-toy a=osura koraci ne utar ku=osurpa nisa ruwe ne.
わたしは彼らを風の前の塵と見なし野の土くれのようにむなしいものとする。
Utara ki sakayo orowa no Aokai en ohaitare nisa ruwe ne: Moshiri uirup utara ku esapane kuni E kara: Ku eamkiri shomoki utara en otta yaishieiwangere kusu ne.
Utar ki sakayo oro wano Aokay en ohaytare nisa ruwe ne: Mosir uyrup utar ku=esapane kuni E kar: Ku=e=amkir somo ki utar en or ta yaysieywankere kusu ne.
あなたはわたしを民の争いから解き放ち国々の頭としてくださる。わたしの知らぬ民もわたしに仕え
Nei utara en gusu an orushpe nu chiki, nani itaknu kusu ne: Oya utara en otta itaknu kusu ne.
Ne utar en kusu an oruspe nu ciki, nani itak nu kusu ne: Oya utar en or ta itak nu kusu ne.
わたしのことを耳にしてわたしに聞き従い敵の民は憐れみを乞う。
Oya utara orake wa, Otta anuina no an ushike wano tusususatki wa oaship kusu ne na.
Oya utar orke wa, Or ta a=nuyna no an usike wano tusususatki wa oasi p kusu ne na.
敵の民は力を失い、おののいて砦を出る。
Ehoba anak ne ishu ruwe ne; ku Watara anak anunuke ne; En kashiobiuki Kamui ariknare an na:
Ehoba anakne i=su ruwe ne; ku Watara anak a=nunuke ne; En=kasiopiwki Kamuy ariknare an na:
主は命の神。わたしの岩をたたえよ。わたしの救いの神をあがめよ。
En gusu ikemnu ki Kamui, Utara en choropoketa rapokikara Kamui ka anunuke an.
En kusu ikemnu ki Kamuy, Utar en=corpoke ta rapokikara Kamuy ka a=nunuke an.
わたしのために報復してくださる神よ諸国の民をわたしに従わせてください。
En epokba utara wano en ohaitare; Ruwe un, Aokai anak ne hopuni wa en epokba utara kashi en punire ruwe ne: Niwen buri koro guru wano en ohaitare ruwe ne.
En epokpa utar wano en ohaytare; Ruwe un, Aokay anakne hopuni wa en epokpa utar kasi en punire ruwe ne: Niwen puri kor kur wano en ohaytare ruwe ne.
敵からわたしを救い刃向かう者よりも高く上げ不法の者から助け出してください。
Tambe gusu, aa Ehoba, moshiri uirup utara tumugeta kuani E koyaiiraige ash na, E reihei gusu ramye shinotcha ku ki kusu ne.
Tanpe kusu, aa Ehoba, mosir uyrup utar tumke ta kuani E koyayirayke as na, E rehe kusu ramye sinotca ku=ki kusu ne.
主よ、国々の中でわたしはあなたに感謝をささげ御名をほめ歌う。
Shinuma anak ne koro Moshiri Esapane guru shiri kashiobiuki ruwe ne; Hembara pakno ne yakka koro Shum kashiaotap Dabid newa koro sanikiri ramukoehauge ruwe ne na.
Sinuma anakne kor Mosir Esapane kur siri kasiopiwki ruwe ne; Henpara pakno ne yakka kor Sum kasiaotap Dabid newa kor sanikiri ramukoehawke ruwe ne na.
主は勝利を与えて王を大いなる者とし油注がれた人を、ダビデとその子孫をとこしえまで慈しみのうちにおかれる。