OUPEKA utara, Ehoba enupetne gusu haukore kunitara yan: Oupeka utara ramye ki kuni ambe anak ne oupakbe ne ruwe ne gusu ne na.
Owpeka utar, Ehoba enupetne kusu hawkore kunitara yan: Owpeka utar ramye ki kuni anpe anakne owpakpe ne ruwe ne kusu ne na.
主に従う人よ、主によって喜び歌え。主を賛美することは正しい人にふさわしい。
Koto ani Ehoba koyaiiraige yan: Wan ka oma koto ani shinotcha ki wa Shinuma ramye yan.
Koto ani Ehoba koyayirayke yan: Wan ka oma koto ani sinotcaki wa Sinuma ramye yan.
琴を奏でて主に感謝をささげ十弦の琴を奏でてほめ歌をうたえ。
Ashiri shinotcha ani Shinuma orun shinotchaki yan; Poro humi ani ashkai no rekte yan.
A=siri sinotca ani Sinuma orun sinotcaki yan; Poro humi ani askay no rekte yan.
新しい歌を主に向かってうたい美しい調べと共に喜びの叫びをあげよ。
Ehoba itak anak ne oupeka ambe ne; Shinuma sonep ne wa nep ne yakka ki nisa ruwe ne.
Ehoba itak anakne owpeka anpe ne; Sinuma sonep ne wa nep ne yakka ki nisa ruwe ne.
主の御言葉は正しく御業はすべて真実。
Shinuma oupeka ambe newa aesanniyop omap: Moshiri anak ne Ehoba omap-an-ramuhauge-hi ani aeshik wa an ruwe ne na.
Sinuma owpeka anpe newa aesanniyop omap: Mosir anakne Ehoba omap-an-ramuhawke hi ani a=esik wa an ruwe ne na.
主は恵みの業と裁きを愛し地は主の慈しみに満ちている。
Ehoba koro itak gusu kando akan nisa; Kando un topaha obitta Shinuma koro paroho oma ramat ani akan nisa ruwe ne na.
Ehoba kor itak kusu kanto a=kar nisa; Kanto un topaha opitta Sinuma kor paroho oma ramat ani a=kar nisa ruwe ne na.
御言葉によって天は造られ主の口の息吹によって天の万象は造られた。
Epunepushbe nep koro Shinuma anak ne atui un wakka uwekarapare: Ooho ushike pu otta eumashnu wa ande ruwe ne.
epunepuspe nep kor Sinuma anakne atuy un wakka uwekarpare: Ooho usike pu or ta ewmasnu wa ante ruwe ne.
主は大海の水をせき止め深淵の水を倉に納められた。
Moshirʼebitta Ehoba gusu ishitoma: Ingi moshirʼun uirup obitta Shinuma gusu ramutuika na,
Mosir epitta Ehoba kusu isitoma: Inki mosir un uyrup opitta Sinuma kusu ramutuyka na,
全地は主を畏れ世界に住むものは皆、主におののく。
Inambe gusu ne yakun, Shinuma itak, aige, akara; Shinuma kashpaotte, aige, tumashnu no roshki nisa ruwe ne.
Inanpe kusu ne yakun, Sinuma itak, ayke, a=kar; Sinuma kaspaotte, ayke, tumasnu no roski nisa ruwe ne.
主が仰せになると、そのように成り主が命じられると、そのように立つ。
Ehoba anak ne oya utara ki ukoramkoro ambe isamka: Moshirʼun utara oshke yainu-hi raka-sakte nisa ruwe ne.
Ehoba anakne oya utar ki ukoramkor anpe isamka: Mosir un utar oske yaynu hi raka-sakte nisa ruwe ne.
主は国々の計らいを砕き諸国の民の企てを挫かれる。
Ehoba ukoramkorobe anak ne ramma pakno tumashnu no ash, Shinuma koro keutum ta aesanniyo yainu-hi anak ne obitta no okai ainu ikiri pakno an kusu ne.
Ehoba ukoramkorope anakne ramma pakno tumasnu no as, Sinuma kor kewtum ta a=esanniyo yaynu hi anakne opittano okay aynu ikiri pakno an kusu ne.
主の企てはとこしえに立ち御心の計らいは代々に続く。
Ehoba ani Kamui ne koro moshiri uirup anak ne anunuke ne; Yaikota koro eikeshkorobe ne kuni gusu Shinuma numge utara anak anunuke ne ruwe ne.
Ehoba ani Kamuy ne kor mosir uyrup anakne a=nunuke ne; Yaykota kor eykeskorope ne kuni kusu Sinuma numke utar anak a=nunuke ne ruwe ne.
いかに幸いなことか主を神とする国主が嗣業として選ばれた民は。
Ehoba anak ne kando orowa no herashi ingara; Shinuma anak ne obitta no okai ainu koro poho utara nukan ruwe ne.
Ehoba anakne kanto oro wano herasi inkar; Sinuma anakne opittano okay aynu kor poho utar nukar ruwe ne.
主は天から見渡し人の子らをひとりひとり御覧になり
Koro oshiroma ushike orowa no Shinuma anak ne Moshiri kata obitta no okai utara orun ingan ruwe ne.
Kor osiroma usike oro wano Sinuma anakne Mosir kata opittano okay utar orun inkar ruwe ne.
御座を置かれた所から地に住むすべての人に目を留められる。
Shinuma anak ne obitta no okai utara koro keutum kara; Ki ikip obitta esanniyo ruwe ne na.
Sinuma anakne opittano okay utar kor kewtum kar; Ki iki p opitta esanniyo ruwe ne na.
人の心をすべて造られた主は彼らの業をことごとく見分けられる。
Inne topaha an gusu kashiaobiuki moshiri esapane guru isam: Okirashnu guru anak ne poro kiroro gusu ashiknure shomoki ruwe ne.
Inne topaha an kusu kasiaopiwki mosir esapane kur isam: Okirasnu kur anakne poro kiroro kusu a=siknure somo ki ruwe ne.
王の勝利は兵の数によらず勇士を救うのも力の強さではない。
Kashiobiuki gusu umma anak ne raka sakbe ne: Shui, poro kiroro koro wa gusu shiknure shomoki kusu ne.
Kasiopiwki kusu umma anakne raka sak pe ne: Suy, poro kiroro kor wa kusu siknure somo ki kusu ne.
馬は勝利をもたらすものとはならず兵の数によって救われるのでもない。
Ingarʼan, Utarapa shikihi anak ne Shinuma koishitoma utara kata an, Shinuma sange rampoken gusu chipachipa utara kata an ruwe ne na.
Inkar=an, Utarpa sikihi anakne Sinuma koysitoma utar kata an, Sinuma sanke ranpoken kusu cipacipa utar kata an ruwe ne na.
見よ、主は御目を注がれる主を畏れる人、主の慈しみを待ち望む人に。
Nei ambe anak rai-i orowa no nei utara kon ramat ohaitare, Orowa, keman ita shiknure kuni gusu ne na.
Ne anpe anak ray hi oro wano ne utar kor ramat ohaytare, Orowa, keman hi ta siknure kuni kusu ne na.
彼らの魂を死から救い飢えから救い、命を得させてくださる。
Chikon ramat anak ne Ehoba echipachipa nisa, Shinuma anak un kashiobiukip ne chikoro kikhumbe ne ruwe ne.
Ci=kor ramat anakne Ehoba ecipacipa nisa, Sinuma anakun kasiopiwkip ne ci=kor kikhunpe ne ruwe ne.
我らの魂は主を待つ。主は我らの助け、我らの盾。
Shinuma koro ashkanne reihei otta chi eyaikopashte nisa ruwe ne gusu, Shinuma gusu chikon ramat nupetne kusu ne na.
Sinuma kor askanne rehe or ta ci e=yaykopaste nisa ruwe ne kusu, Sinuma kusu ci=kor ramat nupetne kusu ne na.
我らの心は喜び聖なる御名に依り頼む。
Aa Ehoba, un erampokiwen wa un kore, Aokai gusu chi chipachipa ash nisa ruwe ne gusu ne na.
Aa Ehoba, un eranpokiwen wa un kore, Aokay kusu ci cipacipa as nisa ruwe ne kusu ne na.
主よ、あなたの慈しみが我らの上にあるように主を待ち望む我らの上に。