46 Ik.

Shinotcha esapane guru gusu; Kora poho karape; Aramot otta. Shinotcha.

Sinotca esapane kur kusu; Kor poho kar pe; Aramot or ta. Sinotca.

【指揮者に合わせて。コラの子の詩。アラモト調。歌。】

KAMUI anak ne chikoro numne ushi ne, chikoro kiroro ne, Yairamhekomo ita anak ne un kashiobiukip ne ruwe ne,

Kamuy anakne ci=kor numne usi ne, ci=kor kiroro ne, Yairamhekomo hi ta anakne un kasiopiwkip ne ruwe ne,

神はわたしたちの避けどころ、わたしたちの砦。苦難のとき、必ずそこにいまして助けてくださる。

Tambe gusu, toitoi aitasare wa, Nupuri anak ne atui noshike orun aomande yakka, chi ishitoma ash shomoki kusu ne;

Tanpe kusu, toytoy aytasare wa, Nupuri anakne atuy noske orun a=omante yakka, ci isitoma as somo ki kusu ne;

わたしたちは決して恐れない地が姿を変え山々が揺らいで海の中に移るとも

Atui un wakka poro humi ashte akoyakoya yakka, Nei ambe aporore gusu nupuri ashuyeshuye yakka ishitoma shomoki kusu ne na.

Atuy un wakka poro humi aste akoyakoya yakka, Ne anpe a=porore kusu nupuri a=suyesuye yakka isitoma somo ki kusu ne na.

海の水が騒ぎ、沸き返りその高ぶるさまに山々が震えるとも。〔セラ

Pet an, nei pet awehe anak ine Kamui machiya nupetnere, Iyotta rikunbe koro oshiroma-i nupetnere ruwe ne.

Pet an, ne pet awehe anak ine Kamuy maciya nupetnere, Iyotta rikunpe kor osiroma hi nupetnere ruwe ne.

大河とその流れは、神の都に喜びを与えるいと高き神のいます聖所に。

Kamui anak ne nei machiya noshiketa an; amoimoyege shomoki kusu ne: Kunne-nisat ta Kamui nei ambe kashiobas kusu ne na.

Kamuy anakne ne maciya noske ta an; amoymoyeke somo ki kusu ne: Kunne-nisatta Kamuy ne anpe kasiopas kusu ne na.

神はその中にいまし、都は揺らぐことがない。夜明けとともに、神は助けをお与えになる。

Moshiri uirup sakayo hopunire, moshiri moimoyege: Shinuma hawe ashte, aige, toitoi ru nisa ruwe ne.

Mosir uyrup sakayo hopunire, mosir moymoyeke: Sinuma hawe aste, ayke, toytoy ru nisa ruwe ne.

すべての民は騒ぎ、国々は揺らぐ。神が御声を出されると、地は溶け去る。

Inne topaha koro Ehoba un tura no an; Chi utara gusu Yakob koro Kamui anak ne ri chashi ne ruwe ne. [Sera.]

Inne topaha kor Ehoba un turano an; Ci utar kusu Yakob kor Kamuy anakne ri casi ne ruwe ne. [Sera.]

万軍の主はわたしたちと共にいます。ヤコブの神はわたしたちの砦の塔。〔セラ

Araki wa Ehoba ki ikip ingara yan, Hemanda ashitoma okaibe Shinuma ki,

Arki wa Ehoba ki iki p inkar yan, Hemanta asitoma okaype Sinuma ki,

主の成し遂げられることを仰ぎ見よう。主はこの地を圧倒される。

Moshirigesh pakno okai tumi okerere; Ku kaye, op otuye Tumi nishinda abe ari uhuyeka ruwe ne.

Mosirkes pakno okay tumi okerere; Ku=kaye, op otuye Tumi nisinta ape ari uhuyeka ruwe ne.

地の果てまで、戦いを断ち弓を砕き槍を折り、盾を焼き払われる。

Iram, Kuani anak ne Kamui ku ne sekoro eraman yan: Uirup tumugeta kuani anak ne apasere kusu ne, moshiri kata apaserep ku ne ruwe ne.

Iram, Kuani anakne Kamuy ku ne sekor eraman yan: Uyrup tumke ta kuani anakne a=pasere kusu ne, mosir kata apaserep ku ne ruwe ne.

「力を捨てよ、知れわたしは神。国々にあがめられ、この地であがめられる。」

Inne topaba koro Ehoba anak ne un tura no an; Chi utara gusu Yakob koro Kamui anak ne ri chashi ne ruwe ne. [Sera.]

Inne toppa kor Ehoba anakne un turano an; Ci utar kusu Yakob kor Kamuy anakne ri casi ne ruwe ne. [Sera.]

万軍の主はわたしたちと共にいます。ヤコブの神はわたしたちの砦の塔。〔セラ