103 Ik.

Dabid karape.

Dabid kar pe.

【ダビデの詩。】

AA ku ramat, Ehoba nunuke yan; En onnaigeta okaibe obitta Shinuma kon reihei nunuke yan.

Aa ku=ramat, Ehoba nunuke yan; En=onnayke ta okaype opitta Sinuma kor rehe nunuke yan.

わたしの魂よ、主をたたえよ。わたしの内にあるものはこぞって聖なる御名をたたえよ。

Aa ku ramat, Ehoba nunuke yan, Obitta no okai Shinuma sange epirikarep iteki oira yan.

Aa ku=ramat, Ehoba nunuke yan, Opittano okay Sinuma sanke epirikarep iteki oyra yan.

わたしの魂よ、主をたたえよ。主の御計らいを何ひとつ忘れてはならない。

Shinuma anak ne obitta no okai e koro wen-buri tusare; Obitta no okai e koro shiyeye iwangere;

Sinuma anakne opittano okay e=kor wen-puri tusare; Opittano okay e=kor siyeye iwankere;

主はお前の罪をことごとく赦し病をすべて癒し

Orowa, nei shui gusu e koro inotu kikiraye; Omap-an-ramuhauge-hi newa rampoken e sapa kata ande ruwe ne.

Orowa, ne suy kusu e=kor inotu kikiraye; Omap-an-ramuhawke hi newa ranpoken e sapa kata ante ruwe ne.

命を墓から贖い出してくださる。慈しみと憐れみの冠を授け

Pirikap ani e koro paroho eramushinnere; Aige, kapachiri chikap nei no e upente ruwe ne.

Pirka p ani e=kor paroho eramusinnere; Ayke, kapacir cikap néno e upente ruwe ne.

長らえる限り良いものに満ち足らせ鷲のような若さを新たにしてくださる。

Ehoba anak ne oupeka ambe iki, Orowa, aeramunishte akore utara gusu esanniyop iki ruwe ne.

Ehoba anakne owpeka anpe iki, Orowa, a=eramuniste a=kore utar kusu esanniyop iki ruwe ne.

主はすべて虐げられている人のために恵みの御業と裁きを行われる。

Shinuma anak ne Mose otta kon ruhu eramande, Israeru un utara otta koro ki ikip eramande nisa ruwe ne.

Sinuma anakne Mose or ta kor ruhu eramante, Israeru un utar or ta kor ki iki p eramante nisa ruwe ne.

主は御自分の道をモーセに御業をイスラエルの子らに示された。

Ehoba anak ne chishikiraine eshik wa irenga sange Kamui ne, Irushka moire wa nuye an no rampokiwen wa kore

Ehoba anakne cisikirayne esik wa irenka sanke Kamuy ne, Iruska moyre wa nuye an no ranpokiwen wa kore

主は憐れみ深く、恵みに富み忍耐強く、慈しみは大きい。

Shinuma ramma pashirota shomoki; Shui ramma pakno irushka shomoki kusu ne.

Sinuma ramma pasirota somo ki; Suy ramma pakno iruska somo ki kusu ne.

永久に責めることはなくとこしえに怒り続けられることはない。

Chikoro katpak am nei no un orun shomo ki nisa, Chikoro wen-buri nei no un kore shomoki nisa ruwe me.

Ci=kor katpak am néno un orun somo ki nisa, Ci=kor wen-puri néno un kore somo ki nisa ruwe me.

主はわたしたちを罪に応じてあしらわれることなくわたしたちの悪に従って報いられることもない。

Inambe gusu ne yakun; moshiri kashita kando anak su ne ri korachi, Shinuma koishitoma utara gusu Shinuma: koro rampoken poro ruwe ne.

Inanpe kusu ne yakun; mosir kasi ta kanto anak su ne ri koraci, Sinuma koysitoma utar kusu Sinuma: kor ranpoken poro ruwe ne.

天が地を超えて高いように慈しみは主を畏れる人を超えて大きい。

Moshiripa wano moshirigesh anak ne ehangeko no an korachi, Nei oro pakno chikoro ohaita-buri Shinuma oyakta ande nisa ruwe ne.

Mosirpa wano mosirkes anakne e=hankeko no an koraci, Ne oro pakno ci=kor ohay ta-puri Sinuma oyak ta ante nisa ruwe ne.

東が西から遠い程わたしたちの背きの罪を遠ざけてくださる。

Michihi anak ne koro poho utara chishikiraine korachi, Ehoba anak ne Shinuma koishitoma utara chishikiraine ruwe ne.

Micihi anakne kor poho utar cisikirayne koraci, Ehoba anakne Sinuma koysitoma utar cisikirayne ruwe ne.

父がその子を憐れむように主は主を畏れる人を憐れんでくださる。

Shinuma anak ne chikoro tumama-niye eraman; Chi utara anak ne koponchi ne sekoro eshkarun ruwe a ne.

Sinuma anakne ci=kor tumama-niye eraman; Ci utar anakne koponci ne sekor eskarun ruwe a ne.

主はわたしたちをどのように造るべきか知っておられた。わたしたちが塵にすぎないことを御心に留めておられる。

Ainu gusu anak, Shinuma toho mun ukorachi ne; Nup un nonno korachi Shinuma shipirasai ruwe ne.

Aynu kusu anak, Sinuma toho mun ukoraci ne; Nup un nonno koraci Sinuma sipirasay ruwe ne.

人の生涯は草のよう。野の花のように咲く。

Nei kashiketa rera kush, aige, nei ambe isam; An a ushiketa anak ne waa isam ruwe ne kusu ne na.

Ne kasike ta rera kus, ayke, ne anpe isam; An a uske ta anakne wa isam ruwe ne kusu ne na.

風がその上に吹けば、消えうせ生えていた所を知る者もなくなる。

Koroka, Ehoba koro rampoken anak otusashuishiri wano otusashuishiri pakno Shinuma koishitoma guru kata an, Orowa, Shinuma koro oupeka ambe anak ne nei utara koro santek koro poho utara otta an ruwe ne;

Korka, Ehoba kor ranpoken anak otu sasuysir wano otu sasuysir pakno Sinuma koysitoma kur kata an, Orowa, Sinuma kor owpeka anpe anakne ne utar kor santek kor poho utar or ta an ruwe ne;

主の慈しみは世々とこしえに主を畏れる人の上にあり恵みの御業は子らの子らに

Tambe anak ne Shinuma ki uitaknup bene ki, Shinuma ipawetenge shikkasbima kuni eshkarun hene ki utara otta nei no an ruwe ne.

Tanpe anakne Sinuma ki uytaknup pene ki, Sinuma ipawetenke sikkaspima kuni eskarun hene ki utar or ta néno an ruwe ne.

主の契約を守る人命令を心に留めて行う人に及ぶ。

Ehoba anak ne kando otta koro amset ande nisa; Orowa, Shinuma koro epungine mondum anak obitta no okaibe esapane ruwe ne.

Ehoba anakne kanto or ta kor amset ante nisa; Orowa, Sinuma kor epunkine montum anak opittano okaype esapane ruwe ne.

主は天に御座を固く据え主権をもってすべてを統治される。

Kora itak hawe inu wa, Nei itak nei no ki kiroroashnu wa tumashnu Kamui Uitekbe Ehoba ramye yan.

Kor itak hawe inu wa, Ne itak néno ki kiroroasnu wa tumasnu Kamuy Uitekbe Ehoba ramye yan.

御使いたちよ、主をたたえよ主の語られる声を聞き御言葉を成し遂げるものよ力ある勇士たちよ。

Ehoba koro topaha utara, Shinuma irenga ki wa otta yaishieiwangere utara, Ehoba ramye yan.

Ehoba kor topaha utar, Sinuma irenka ki wa or ta yaysieywankere utar, Ehoba ramye yan.

主の万軍よ、主をたたえよ御もとに仕え、御旨を果たすものよ。

Shinuma esapane ushiketa okai Shinuma ki ikip obitta Ehoba ramye yan: Aa ku kon ramat, Ehoba ramye yan.

Sinuma esapane uske ta okay Sinuma ki iki p opitta Ehoba ramye yan: Aa ku=kor ramat, Ehoba ramye yan.

主に造られたものはすべて、主をたたえよ主の統治されるところの、どこにあっても。わたしの魂よ、主をたたえよ。