YAH ramye yan. Aa Ehoba koyaiiraige yan; Shinuma pirika ruwe ne gusu: Shinuma koro rampoken ramma pakno an ruwe ne gusu ne na.
YAH ramye yan. Aa Ehoba koyayirayke yan; Sinuma pirka ruwe ne kusu: Sinuma kor ranpoken ramma pakno an ruwe ne kusu ne na.
ハレルヤ。恵み深い主に感謝せよ、慈しみはとこしえに。
Ehoba iki kiroro ikip ye eashkai guru hunna? Shinuma koro obitta no okai iramye ambe atte eashkaibe hunna ruwe he an?
Ehoba iki kiroro iki p ye easkay kur hunna? Sinuma kor opittano okay iramye anpe atte easkay pe hunna ruwe he an?
主の力強い御業を言葉に表し主への賛美をことごとく告げうる者があろうか。
Aesanniyop ramma shikkasbima hene ki utara, Ramma oupekap kara hene ki guru anak ne anunuke ne.
aesanniyop ramma sikkaspima hene ki utar, Ramma owpekap kar hene ki kur anakne a=nunuke ne.
いかに幸いなことか、裁きを守りどのような時にも恵みの業を果たす人は。
Aa Ehoba, E koro utara gusu sange irenga ani en eshkarun wa en kore; Aa, en kashiobiuki wa en kore.
Aa Ehoba, E=kor utar kusu sanke irenka ani en=eskarun wa en=kore; Aa, en=kasiopiwki wa en=kore.
主よ、あなたが民を喜び迎えられるときわたしに御心を留めてください。御救いによってわたしに報いてください。
E koro anumge utara aepirikare ambe ku nukara hemhem ki, E koro uirup yainuchattek-hi ku enupetne hemhem ki, E koro eikeshkoro utara tura iramye hemhem ku ki kuni ne en eshkarun wa en kore.
E=kor a=numke utar aepirikare anpe ku=nukar hemhem ki, E=kor uyrup yaynucattek hi ku=enupetne hemhem ki, E=kor eykeskoro utar tura iramye hemhem ku=ki kuni ne en=eskarun wa en=kore.
あなたの選ばれた民に対する恵みを見あなたの国が喜び祝うとき共に喜び祝いあなたの嗣業の民と共に誇ることができるようにしてください。
Chi utara anak ne koro ekashi tura katpak koro, Oheugep chi ki wen no ikichi nisa ruwe ne.
Ci utar anakne kor ekasi tura katpak kor, Oheugep ci ki wenno ikici nisa ruwe ne.
わたしたちは先祖と同じく罪を犯し不正を行い、主に逆らった。
Chikoro ekashi anak ne Echipt moshiri ta E ki iyokunnurep eraman shomoki; E sange inne no okai rampoken eshkarun shomoki; Koroka atui samta, nei Kokai atui samta okbare ki nisa ruwe ne.
Ci=kor ekasi anakne Ecipt mosir ta E ki iyokunnurep eraman somo ki; E sanke inne no okay ranpoken eskarun somo ki; Korka atuy sam ta, ne Kokai atuy sam ta okpare ki nisa ruwe ne.
わたしたちの先祖は、エジプトで驚くべき御業に目覚めず豊かな慈しみに心を留めず海辺で、葦の海のほとりで反抗した。
Yakka, Shinuma yaikota kon reihei gusu nei utara kashiobiuki, Koro tumashnu kiroro ashte kuni gusu ne na.
Yakka, Sinuma yaykota kor rehe kusu ne utar kasiopiwki, Kor tumasnu kiroro aste kuni kusu ne na.
主は、御名のために彼らを救い力強い御業を示された。
Shinuma Kokai atui ne yakka kopashirota, awa, nei ambe sat nisa: Tambe gusu nup akush korachi nei ooho-i akushte nisa ruwe ne.
Sinuma Kokai atuy ne yakka kopasirota, awa, ne anpe sat nisa: Tanpe kusu nup akus koraci ne ooho hi a=kuste nisa ruwe ne.
葦の海は主に叱咤されて干上がり彼らは荒れ野を行くように深い淵を通った。
Orowa, etunne guru koro teke wano Shinuma ohaitare, Aige, epokba guru koro teke wano kikiraye nisa ruwe ne na.
Orowa, etunne kur kor teke wano Sinuma ohaytare, Ayke, epokpa kur kor teke wano kikiraye nisa ruwe ne na.
主は憎む者の手から彼らを救い敵の手から贖われた。
Orowa, wakka anak ne nei utara epokba utara kamure nisa: Shinen ne yakka shomo ohaita nisa ruwe ne na.
Orowa, wakka anakne ne utar epokpa utar kamure nisa: Sinen ne yakka somo ohay ta nisa ruwe ne na.
彼らを苦しめた者はすべて水に覆われ生き残る者はひとりもなかった。
Nei orowa no nei utara anak ne Shinuma itak eishokoro; Orowa, iramye nisa ruwe ne.
Ne oro wano ne utar anakne Sinuma itak eysokor; Orowa, iramye nisa ruwe ne.
彼らは御言葉を信じ賛美の歌をうたった。
Nei utara tunashino Shinuma kii ikip oira; Shinuma ki ukoramkorʼi ehuye shomoki nisa ruwe ne.
Ne utar tunasno Sinuma ki iki p oyra; Sinuma ki ukoramkor i ehuy somo ki nisa ruwe ne.
彼らはたちまち御業を忘れ去り神の計らいを待たず
Koroka, kimta eikaunu kashpa shiri ki, Nup otta Kamui koramnukan nisa.
Korka, kim ta e=kawnu kaspa siriki, Nup or ta Kamuy koramnukar nisa.
荒れ野で欲望を燃やし砂漠で神を試みた。
Orowa, Shinuma nei utara koramkorope sange; Koroka, kon ramat sattekte nisa ruwe ne.
Orowa, Sinuma ne utar koramkorope sanke; Korka, kor ramat sattekte nisa ruwe ne.
主はその願いをかなえられたが彼らをやせ衰えさせられた。
Orowa, kash koro wa okai ushiketa ne yakka Mose eyaitunnap, Shui, Ehoba koro Ashkanne Aaron eyaitunnap nisa u ruwe nei na.
Orowa, kas kor wa okay uske ta ne yakka Mose eyaytunnap, Suy, Ehoba kor Askanne Aaron eyaytunnap nisa u ruwe ne na.
彼らは宿営でモーセをねたみ主の聖なる人アロンをねたんだ。
Toitoi i maka wa Datan ruki, Orowa, Abiram tura no okai utara kamure nisa ruwe ne.
Toytoy i maka wa Datan ruki, Orowa, Abiram turano okay utar kamure nisa ruwe ne.
地は口を開けてダタンを呑み込みアビラムの仲間を覆った。
Nei utara tumugeta abe aare; Abe nupeki anak ne, wen utara uhuyeka nisa ruwe ne.
Ne utar tumke ta ape a=re; Ape nupeki anakne, wen utar uhuyeka nisa ruwe ne.
火が彼らの仲間に向かって燃え上がり炎が神に逆らう者を焼き尽くした。
Horeb ta nei utara pon beka kara, Ru kani nokaha ko-ongami nisa.
horep ta ne utar pon peka kar, Ru kani nokaha ko-onkami nisa.
彼らはホレブで子牛の像を造り鋳た像に向かってひれ伏した。
Tap korachi nei utara; anak ne koro iramye kunip itasare wa, Mun ibe beko nokaha ne kan nisa ruwe ne na.
Tap koraci ne utar; anakne kor iramye kunip itasare wa, Mun ipe peko nokaha ne kan nisa ruwe ne na.
彼らは自分たちの栄光を草をはむ牛の像と取り替えた。
Echipt moshiri ta poro ikip ki, Koro kashiobiuki kuni Kamui oira nisa;
Ecipt mosir ta poro iki p ki, Kor kasiopiwki kuni Kamuy oyra nisa;
彼らは自分たちを救ってくださる神を忘れた。エジプトで大いなる御業を行い
Shinuma Ham moshiri ta iyokunnure ambe kara, Kokai atui samta ashitoma okaibe ki nisa ruwe ne na.
Sinuma Ham mosir ta iyokunnure anpe kar, Kokai atuy sam ta asitoma okaype ki nisa ruwe ne na.
ハムの地で驚くべき御業を葦の海で恐るべき御業を成し遂げられた方を忘れた。
Tambe gusu, nei utara isamka kusu ne sekoro shinuma itak, Aige, Shinuma ki kinrakarape shishire wa ika nei utara isamka kuni ne, Shinuma numge Mose anak ne nei wen ushiketa Shinuma kotchake ash nisa ruwe ne.
Tanpe kusu, ne utar isamka kusu ne sekor sinuma itak, Ayke, Sinuma ki kinrakarape sisire wa ika ne utar isamka kuni ne, Sinuma numke Mose anakne ne wen uske ta Sinuma kotcake as nisa ruwe ne.
主は彼らを滅ぼすと言われたが主に選ばれた人モーセは破れを担って御前に立ち彼らを滅ぼそうとする主の怒りをなだめた。
Bu we ne wa, nei utara nei pirika moshiri etunne nisa, Shinuma koro itak eumbipka nisa ruwe ne;
Pu we ne wa, ne utar ne pirka mosir etunne nisa, Sinuma kor itak eunpipka nisa ruwe ne;
彼らは愛すべき地を拒み御言葉を信じなかった。
Koroka, koro kashi otta okai wa oromam ki, Aine, Ehoba koro hawe shomo nu nisa ruwe ne.
Korka, kor kasi or ta okay wa oromam ki, Ayne, Ehoba kor hawe somo nu nisa ruwe ne.
それぞれの天幕でつぶやき主の御声に聞き従わなかった。
Tambe gusu, nup otta nei utara hachirepa kuni ne, Koro teke puni nisa:
Tanpe kusu, nup or ta ne utar hacirepa kuni ne, Kor teke puni nisa:
主は彼らに対して御手を上げ荒れ野で彼らを倒された。
Orowa shui, moshiri uirup tumugeta nei sanikiri hokushte wa, Moshiri kata charichari kuni gusu ne na.
Orowa suy, mosir uyrup tumke ta ne sanikiri hokuste wa, Mosir kata caricari kuni kusu ne na.
子孫は諸国の民に倒され国々の間に散らされることになった。
Nei utara anak ne Baar-Peor orun paye, Aige, rai guru gusu ayangep ibe nisa ruwe ne.
Ne utar anakne Baar-Peor orun paye, Ayke, raykur kusu ayankep ipe nisa ruwe ne.
彼らはバアル・ペオルを慕い死者にささげた供え物を食べた。
Orowa, nei utara ki ikip gusu Shinuma airushkare; Aige, koturuse tashum asange nisa.
Orowa, ne utar ki iki p kusu Sinuma ayruskare; Ayke, koturse tasum a=sanke nisa.
この行いは主の怒りを招き疫病が彼らの間に広がった。
Nei ita Pinehas ash wa koipishi ki, Awa, nei tashum aisamka nisa ruwe ne.
Ne hi ta Pinehas as wa koypisi ki, Awa, ne tasum a=ysamka nisa ruwe ne.
ピネハスが立って祈ると疫病はとどめられた。
Tambe anak ne otusashuishiri pakno okai ainu ikiri pakno Oupekap ne sekoro aesanniyo nisa ruwe ne.
Tanpe anakne otu sasuysir pakno okay aynu ikiri pakno Oupekap ne sekor a=esanniyo nisa ruwe ne.
これは代々に、そしてとこしえにピネハスの正しい業と見なされるであろう。
Orowa shui, Meriba wakka ta ne yakka nei utara Shinum irushkare, Tambe gusu nei utara ankushkerai Mose gusu wen ruwe ne:
Orowa suy, Meriba wakkata ne yakka ne utar Sinum iruskare, Tanpe kusu ne utar an kuskeray Mose kusu wen ruwe ne:
彼らはメリバの水のほとりで主を怒らせた。彼らをかばったモーセは不幸を負った。
Nei utara Shinuma kon ramat eokbare, Aine, Shinuma anak ne koro papush ani aesanniyo shomoki itak sange nisa ruwe ne gusu ne na.
Ne utar Sinuma kor ramat e=okpare, Ayne, Sinuma anakne kor papus ani a=esanniyo somo ki itak sanke nisa ruwe ne kusu ne na.
彼らがモーセの心を苦しめたので彼がそれを唇にのせたからであった。
Ehoba ikashpaotte korachi, Nei utara moshiri uirup isamka shomoki nisa;
Ehoba ikaspaotte koraci, Ne utar mosir uyrup isamka somo ki nisa;
主が命じられたにもかかわらず彼らは諸国の民を滅ぼさず
Koroka, nei uirup utara tura ukopoyege wa, Koro ki ikip eyaihannokkan nisa ruwe ne:
Korka, ne uyrup utar tura ukopoyeke wa, Kor ki iki p eyayhannokkan nisa ruwe ne:
諸国の民と混じり合いその行いに倣い
Aige, yaikota gusu akbe ne akara, Potoki otta yaishieiwangere nisa ruwe ne:
Ayke, yaykota kusu akpe ne a=kar, Potoki or ta yaysieywankere nisa ruwe ne:
その偶像に仕え自分自身を罠に落とした。
Ruwe un, koro okkai poho newa koro matnepo nitnep orun yange nisa,
Ruwe un, kor okkay poho newa kor matnepo nitnep orun yanke nisa,
彼らは息子や娘を悪霊に対するいけにえとし
Orowa, turu-sak kemihi, koro okkai poho newa matne poho koro kem poka ohetu, Nei utara Kanaan moshiri ta okai nokaha otta yange nisa; Awa, kemihi ani toitoi turuaushte nisa ruwe ne na.
Orowa, tur-sak kemihi, kor okkay poho newa matnepoho kor kem poka ohetu, Ne utar Kanaan mosir ta okay nokaha or ta yanke nisa; Awa, kemihi ani toytoy turuauste nisa ruwe ne na.
無実なものの血を流した。カナンの偶像のいけにえとなった息子や娘の血はこの地を汚した。
Tap korachi nei utara anak ne koro ki ikip ani turuaushte, Aine, ki ikip ani omoinu nisa ruwe ne.
Tap koraci ne utar anakne kor ki iki p ani turuauste, Ayne, ki iki p ani omoynu nisa ruwe ne.
彼らは自分たちの行いによって汚れ自分たちの業によって淫行に落ちた。
Tambe gusu Ehoba anak ne koro utara gusu kinrakara, Aige, koro eikeshkoro utara etunne nisa ruwe ne na.
Tanpe kusu Ehoba anakne kor utar kusu kinrakar, Ayke, kor eykeskoro utar etunne nisa ruwe ne na.
主の怒りは民に向かって燃え上がり御自分の嗣業の民を忌むべきものと見なし
Orowa, moshiri uirup koro teke otta Shinuma nei utara koropare, Awa, etunne utara anak esapane nisa ruwe ne.
Orowa, mosir uyrup kor teke or ta Sinuma ne utar korpare, Awa, etunne utar anak esapane nisa ruwe ne.
彼らを諸国の民の手に渡された。彼らを憎む者らが彼らを支配し
Epokba utara anak nei utara koeramunishte; Aige, koro teke ani ausshiunere nisa ruwe ne.
epokpa utar anakne utar koeramuniste; Ayke, kor teke ani aussiwnere nisa ruwe ne.
敵が彼らを虐げその手によって彼らは征服された。
Kanna-kanna Shinuma nei utara kashiobiuki nisa, Koroka, koro ukoramkor-i ta okbare ki, Aine, koro wen-buri gusu aramde nisa ruwe ne na.
Kanna-kanna Sinuma ne utar kasiopiwki nisa, Korka, kor ukoramkor hi ta okpare ki, Ayne, kor wen-puri kusu a=ramte nisa ruwe ne na.
主は幾度も彼らを助け出そうとされたが彼らは反抗し、思うままにふるまい自分たちの罪によって堕落した。
Yakka, Shinuma anak ne nei utara yairamkoiki-hi nukara wa, Aashte hawehe nu nisa ruwe ne:
Yakka, Sinuma anakne ne utar yayramkoyki hi nukar wa, A=aste hawehe nu nisa ruwe ne:
主はなお、災いにある彼らを顧みその叫びを聞き
Orowa, nei utara gusu an uitaknup Shinuma eshkarun wa, Koro rampoken inne no okai wa wenbe kirure nisa ruwe ne.
Orowa, ne utar kusu an uytaknup Sinuma eskarun wa, Kor ranpoken inne no okay wa wenpe kirure nisa ruwe ne.
彼らに対する契約を思い起こし豊かな慈しみに従って思いなおし
Orowa, teke pashte utara orowa no Aechishikiraine kuni ne Shinuma ki nisa ruwe ne.
Orowa, teke paste utar oro wano Aecisikirayne kuni ne Sinuma ki nisa ruwe ne.
彼らをとりこにしたすべての者が彼らを憐れむように計らわれた。
Aa chikoro Kamui ne Ehoba, un kaobiuki wa un kore, Moshiri uirup wano un uwekarare wa un kore, E koro ashkanne reihei orun koyaiiraige hemhem ki, E koro iramye-hi koereika hemhem ki kuni ne nei no kara wa un kore.
Aa ci=kor Kamuy ne Ehoba, un kaopiwki wa un kore, Mosir uyrup wano un uwekarare wa un kore, E=kor askanne rehe orun koyayirayke hemhem ki, E=kor iramye hi koereyka hemhem ki kuni ne néno kar wa un kore.
わたしたちの神、主よ、わたしたちを救い諸国の中からわたしたちを集めてください。聖なる御名に感謝をささげあなたを賛美し、ほめたたえさせてください。
Israeru koro Kamui ne Ehoba anak ne, Otusashuishiri wano otusashuishiri pakno anunuke ne. Amen, ari an itak an obitta no okai utara yerero. Yah ramye yan.
Israeru kor Kamuy ne Ehoba anakne, Otu sasuysir wano otu sasuysir pakno a=nunuke ne. Amen, ari an itak an opittano okay utar yerero. Yah ramye yan.
イスラエルの神、主をたたえよ世々とこしえに。民は皆、アーメンと答えよ。ハレルヤ。