96 Ik.

ASHIRI shinotcha ani Ehoba otta ko-shinotcha-ki yan: Moshirʼebitta Ehoba orun ko-shinotcha-ki yan.

A=siri sinotca ani Ehoba or ta ko-sinotca-ki yan: Mosir epitta Ehoba orun ko-sinotca-ki yan.

新しい歌を主に向かって歌え。全地よ、主に向かって歌え。

Ehoba otta ko-shinotcha-ki yan, Shinuma kon reihei nunuke yan; Kesto Shinuma ki kashiobiuki ambe ashte yan.

Ehoba or ta ko-sinotca-ki yan, Sinuma kor rehe nunuke yan; Kesto Sinuma ki kasiopiwki anpe aste yan.

主に向かって歌い、御名をたたえよ。日から日へ、御救いの良い知らせを告げよ。

Moshiri uirup tumugeta Shinuma koro nupeki nure, Utara tumta Shinuma ki iyokunnure ikip ashte yan.

Mosir uyrup tumke ta Sinuma kor nupeki nure, Utar tum ta Sinuma ki iyokunnure iki p aste yan.

国々に主の栄光を語り伝えよ諸国の民にその驚くべき御業を。

Inambe gusu ne yakun, Ehoba anak ne pase wa poron no airamye kuni ambe ne: Obitta no okai Kamui kasu no akoishitoma kunip ne ruwe ne.

Inanpe kusu ne yakun, Ehoba anakne pase wa poronno a=yramye kuni anpe ne: Opittano okay Kamuy kasuno a=koysitoma kunip ne ruwe ne.

大いなる主、大いに賛美される主神々を超えて、最も畏るべき方。

Inambe gusu ne yakun, utara koro obitta no okai Kamui anak ne isambe nep ruwe ne: Koroka, Ehoba anak kando kara Kamui ne ruwe ne na.

Inanpe kusu ne yakun, utar kor opittano okay Kamuy anakne i=sanpe nep ruwe ne: Korka, Ehoba anak kanto kar Kamuy ne ruwe ne na.

諸国の民の神々はすべてむなしい。主は天を造られ

Shinuma tek-samata aeoripakbe newa arakuru an: Kiroro newa shiretokbe Shinuma koro ashkanne ushiketa okai ruwe ne.

Sinuma tek-sama ta aeoripakpe newa a=rakur an: Kiroro newa siretokpe Sinuma kor askanne uske ta okay ruwe ne.

御前には栄光と輝きがあり聖所には力と光輝がある。

Utara iriwak utara Ehoba otta kore, Nupeki newa aeoripakbe Ehoba otta kore yan.

Utar irwak utar Ehoba or ta kore, Nupeki newa aeoripakpe Ehoba or ta kore yan.

諸国の民よ、こぞって主に帰せよ栄光と力を主に帰せよ。

Koro reihei gusu an kuni nupeki Ehoba orun kore: Ayangep koro wa Shinuma koro kenru orun ahup yan.

Kor rehe kusu an kuni nupeki Ehoba orun kore: Ayangep kor wa Sinuma kor kenru orun ahup yan.

御名の栄光を主に帰せよ。供え物を携えて神の庭に入り

Aa, Ashkanne chitomtep koro wa Ehoba ko-ongami yan, Moshirʼebitta Shinuma tek-samata tusushke yan.

Aa, Askanne citomtep kor wa Ehoba ko-onkami yan, Mosir epitta Sinuma tek-sama ta tususke yan.

聖なる輝きに満ちる主にひれ伏せ。全地よ、御前におののけ。

Moshiri uirup utara ene ye-hi:— Ehoba esapane korʼan: Moimoige eaikap kuni ne moshiri aashte wa an: Shinuma anak ne oupeka no utara koipishi kusu ne na.

Mosir uyrup utar ene ye hi:— Ehoba esapane kor an: Moymoyke eaykap kuni ne mosir a=aste wa an: Sinuma anakne owpekano utar koypisi kusu ne na.

国々にふれて言え、主こそ王と。世界は固く据えられ、決して揺らぐことがない。主は諸国の民を公平に裁かれる。

Kando yaikopuntek yan, toitoi nupetne yan; Atui newa nei eshikbe newa humi ashte yan.

Kanto yaykopuntek yan, toytoy nupetne yan; Atuy newa ne esik pe newa humi aste yan.

天よ、喜び祝え、地よ、喜び躍れ海とそこに満ちるものよ、とどろけ

Nup newa otta okaibe obitta ramuritetke yan; Nitai otta obitta no okai chikuni nupetne wa shinotcha ki yan;

Nup newa or ta okaype opitta ramuritetke yan; Nitay or ta opittano okay cikuni nupetne wa sinotcaki yan;

野とそこにあるすべてのものよ、喜び勇め森の木々よ、共に喜び歌え

Shinuma ek gusu, Ehoba kotchaketa ki yan; Moshiri koipishi gusu Shinuma ek ruwe ne: Shinuma oupeka no moshiri koipishi kusu ne, Son no ambe ani uirup utara koipishi kusu ne na.

Sinuma ek kusu, Ehoba kotcake ta ki yan; Mosir koypisi kusu Sinuma ek ruwe ne: Sinuma owpekano mosir koypisi kusu ne, Sonno anpe ani uyrup utar koypisi kusu ne na.

主を迎えて。主は来られる、地を裁くために来られる。主は世界を正しく裁き真実をもって諸国の民を裁かれる。