26 Ik.

Dabid karabe.

Dabid kar pe.

【ダビデの詩。】

AA Ehoba, oheuge sak no ku apkash gusu, en koipishi wa en kore; Utumashi shomoki no Ehoba gusu ku eyaikopashte nisa ruwe ne.

Aa Ehoba, ohewke sak no ku=apkas kusu, en koypisi wa en=kore; Utumasi somo ki no Ehoba kusu ku=e=yaykopaste nisa ruwe ne.

主よ、あなたの裁きを望みます。わたしは完全な道を歩いてきました。主に信頼して、よろめいたことはありません。

Aa Ehoba, en pishi wa en esanniyo wa en kore; Ku keutum newa kinop shiruwande wa en kore.

Aa Ehoba, en=pisi wa en=esanniyo wa en=kore; Ku=kewtum newa kinop siruwante wa en=kore.

主よ、わたしを調べ、試みはらわたと心を火をもって試してください。

E sange omap an ramuhauge-i anak ne ku shik samata an; Orowa, E koro sonep otta ku apkash nisa ruwe ne gusu ne na.

E sanke omap an ramuhawke hi anakne ku=sik sama ta an; Orowa, E=kor sonep or ta ku=apkas nisa ruwe ne kusu ne na.

あなたの慈しみはわたしの目の前にありあなたのまことに従って歩き続けています。

Irara utara tura shomo ku a nisa; Shui, kokandama ki utara ukoiram no shomo ku ahun kusu ne.

Irara utar tura somo ku=a nisa; Suy, kokantama ki utar ukoyram no somo ku=ahun kusu ne.

偽る者と共に座らず欺く者の仲間に入らず

Wen utara uwekari ku etunne, Orowa, akokatpak utara tura ku a shomoki kusu ne.

Wen utar uekari ku=etunne, Orowa, a=kokatpak utar tura ku=a somo ki kusu ne.

悪事を謀る者の集いを憎み主に逆らう者と共に座ることをしません。

Turu sakbe ani ku tekehe ku furaye kusu ne; Ene ku an wa, aa Ehoba, E koro yange set orun ku oman kusu ne na:

Tur sak pe ani ku=tekehe ku=huraye kusu ne; Ene ku=an wa, aa Ehoba, E=kor yanke set orun ku=oman kusu ne na:

主よ、わたしは手を洗って潔白を示しあなたの祭壇を廻り

Yaiiraige hau ku ashte kuni gusu, Samata, E ki aeiyokunnure ikip anure kuni gusu ne na.

Yayirayke haw ku=aste kuni kusu, Sama ta, E ki aeiyokunnure iki p a=nure kuni kusu ne na.

感謝の歌声を響かせ驚くべき御業をことごとく語り伝えます。

Aa Ehoba, otta E oshiroma kenru, Otta E nupeki an ushike ku omap ruwe ne.

Aa Ehoba, or ta E osiroma kenru, Or ta E nupeki an usike ku=omap ruwe ne.

主よ、あなたのいます家あなたの栄光の宿るところをわたしは慕います。

Akokatpak utara otta iteki ku keutum arapare; Kem un utara otta iteki ku ramat omande wa en kore:

A=kokatpak utar or ta iteki ku=kewtum arpare; Kem un utar or ta iteki ku=ramat omante wa en=kore:

わたしの魂を罪ある者の魂と共にわたしの命を流血を犯す者の命と共に取り上げないでください。

Nei utara koro teke otta irarape okai, Koro shimon teke wairo ani aeshik wa an ruwe ne.

Ne utar kor teke or ta irara p okay, Kor simon teke wayro ani a=esik wa an ruwe ne.

彼らの手は汚れた行いに馴れその右の手には奪った物が満ちています。

Koroka, kuani anak ne oupeka no ku apkash kusu ne: En kikiraye, pirika irenga sange wa en kore.

Korka, kuani anakne owpekano ku=apkas kusu ne: En kikiraye, pirka irenka sanke wa en=kore.

わたしは完全な道を歩きます。わたしを憐れみ、贖ってください。

Ku kema anak ne kaptek ushiketa ash: Uwekari otta Ehoba ku iramye kusu ne na.

Ku=kema anakne kaptek uske ta as: Uekari or ta Ehoba ku=iramye kusu ne na.

わたしの足はまっすぐな道に立っています。聖歌隊と共にわたしは主をたたえます。