ASHIRI shinotcha ani Ehoba otta ko-shinotcha-ki yan: Moshirʼebitta Ehoba orun ko-shinotcha-ki yan.
A=siri sinotca ani Ehoba or ta ko-sinotca-ki yan: Mosir epitta Ehoba orun ko-sinotca-ki yan.
O SING unto the LORD a new song: sing unto the LORD, all the earth.
Ehoba otta ko-shinotcha-ki yan, Shinuma kon reihei nunuke yan; Kesto Shinuma ki kashiobiuki ambe ashte yan.
Ehoba or ta ko-sinotca-ki yan, Sinuma kor rehe nunuke yan; Kesto Sinuma ki kasiopiwki anpe aste yan.
Sing unto the LORD, bless his name; shew forth his salvation from day to day.
Moshiri uirup tumugeta Shinuma koro nupeki nure, Utara tumta Shinuma ki iyokunnure ikip ashte yan.
Mosir uyrup tumke ta Sinuma kor nupeki nure, Utar tum ta Sinuma ki iyokunnure iki p aste yan.
Declare his glory among the nations, his marvelous works among all the peoples.
Inambe gusu ne yakun, Ehoba anak ne pase wa poron no airamye kuni ambe ne: Obitta no okai Kamui kasu no akoishitoma kunip ne ruwe ne.
Inanpe kusu ne yakun, Ehoba anakne pase wa poronno a=yramye kuni anpe ne: Opittano okay Kamuy kasuno a=koysitoma kunip ne ruwe ne.
For great is the LORD, and highly to be praised: he is to be feared above all gods.
Inambe gusu ne yakun, utara koro obitta no okai Kamui anak ne isambe nep ruwe ne: Koroka, Ehoba anak kando kara Kamui ne ruwe ne na.
Inanpe kusu ne yakun, utar kor opittano okay Kamuy anakne i=sanpe nep ruwe ne: Korka, Ehoba anak kanto kar Kamuy ne ruwe ne na.
For all the gods of the peoples are idols: but the LORD made the heavens.
Shinuma tek-samata aeoripakbe newa arakuru an: Kiroro newa shiretokbe Shinuma koro ashkanne ushiketa okai ruwe ne.
Sinuma tek-sama ta aeoripakpe newa a=rakur an: Kiroro newa siretokpe Sinuma kor askanne uske ta okay ruwe ne.
Honour and majesty are before him: strength and beauty are in his sanctuary.
Utara iriwak utara Ehoba otta kore, Nupeki newa aeoripakbe Ehoba otta kore yan.
Utar irwak utar Ehoba or ta kore, Nupeki newa aeoripakpe Ehoba or ta kore yan.
Give unto the LORD, ye kindreds of the peoples, give unto the LORD glory and strength.
Koro reihei gusu an kuni nupeki Ehoba orun kore: Ayangep koro wa Shinuma koro kenru orun ahup yan.
Kor rehe kusu an kuni nupeki Ehoba orun kore: Ayangep kor wa Sinuma kor kenru orun ahup yan.
Give unto the LORD the glory due unto his name: bring an offering, and come into his courts.
Aa, Ashkanne chitomtep koro wa Ehoba ko-ongami yan, Moshirʼebitta Shinuma tek-samata tusushke yan.
Aa, Askanne citomtep kor wa Ehoba ko-onkami yan, Mosir epitta Sinuma tek-sama ta tususke yan.
O worship the LORD in the beauty of holiness: tremble before him, all the earth.
Moshiri uirup utara ene ye-hi:— Ehoba esapane korʼan: Moimoige eaikap kuni ne moshiri aashte wa an: Shinuma anak ne oupeka no utara koipishi kusu ne na.
Mosir uyrup utar ene ye hi:— Ehoba esapane kor an: Moymoyke eaykap kuni ne mosir a=aste wa an: Sinuma anakne owpekano utar koypisi kusu ne na.
Say among the nations, The LORD reigneth: the world also is stablished that it cannot be moved: he shall judge the peoples with equity.
Kando yaikopuntek yan, toitoi nupetne yan; Atui newa nei eshikbe newa humi ashte yan.
Kanto yaykopuntek yan, toytoy nupetne yan; Atuy newa ne esik pe newa humi aste yan.
Let the heavens be glad, and let the earth rejoice; let the sea roar, and the fulness thereof;
Nup newa otta okaibe obitta ramuritetke yan; Nitai otta obitta no okai chikuni nupetne wa shinotcha ki yan;
Nup newa or ta okaype opitta ramuritetke yan; Nitay or ta opittano okay cikuni nupetne wa sinotcaki yan;
Let the field exult, and all that is therein; then shall all the trees of the wood sing for joy;
Shinuma ek gusu, Ehoba kotchaketa ki yan; Moshiri koipishi gusu Shinuma ek ruwe ne: Shinuma oupeka no moshiri koipishi kusu ne, Son no ambe ani uirup utara koipishi kusu ne na.
Sinuma ek kusu, Ehoba kotcake ta ki yan; Mosir koypisi kusu Sinuma ek ruwe ne: Sinuma owpekano mosir koypisi kusu ne, Sonno anpe ani uyrup utar koypisi kusu ne na.
Before the LORD, for he cometh; for he cometh to judge the earth: he shall judge the world with righteousness, and the peoples with his truth.