49 Ik.

Shinotcha esapane guru gusu; Kora poho kara Iyohaichish.

Sinotca esapane kur kusu; Kor poho kar Iyohaycis.

For the Chief Musician; a Psalm of the sons of Korah.

ECHI okai uirup utara obitta tambe nu yan Moshiri uirup utara echi utara obitta ikokanu yan:

Eci=okay uyrup utar opitta tanpe nu yan Mosir uyrup utar eci utar opitta ikokanu yan:

Hear this, all ye peoples; give ear, all ye inhabitants of the world:

Nupuru nishpa hene, nupan guru bene, Oteknu nishpa hene, irapokkari guru hene ne yakka ikokanu yan.

Nupur nispa hene, nupan kur pene, Oteknu nispa hene, irapokkari kur hene ne yakka ikokanu yan.

Both low and high, rich and poor together.

Ku paro anak ne wayashnu ambe ye; Keutum ta ku esanniyo-hi anak ne ramu an no an ambe ne kusu ne na.

Ku=paro anakne wayasnu anpe ye; Kewtum ta ku=esanniyo hi anakne ramuan no an anpe ne kusu ne na.

My mouth shall speak wisdom; and the meditation of my heart shall be of understanding.

Itak-maukushte-itak orun ku nu kusu ne: Koto rekte wa ku goro kunne itak ku sange kusu ne na.

Itak-mawkuste-itak orun ku=nu kusu ne: Koto rekte wa ku=kor kunne itak ku=sanke kusu ne na.

I will incline mine ear to a parable: I will open my dark saying upon the harp.

Wen-buri anak ne ku keshup okari ta okai, Hemanda gusu wen orushpe an toho ku ishitoma?

Wen-puri anakne ku=kesup okari ta okay, Hemanta kusu wen oruspe an toho ku=isitoma?

Wherefore should I fear in the days of evil, when iniquity at my heels compasseth me about?

Koro oiteknup eyaikopashte utara, Koro ikoro inne ruwe ne gusu yaiomonnure utara anak,

Kor oyteknup e=yaykopaste utar, Kor i=kor inne ruwe ne kusu yayomonnure utar anak,

They that trust in their wealth, and boast themselves in the multitude of their riches;

Nei utara anak ne oara moshima an guru kikiraye eaikap, Orowa, nei guru gusu Kamui orota imommuyep sange eaikap;

Ne utar anakne oar mosma an kur kikiraye eaykap, Orowa, ne kur kusu Kamuy oro ta imommuyep sanke eaykap;

None [of them ]can by any means redeem his brother, nor give to God a ransom for him:

(Nei utara kon ramat kikiraye-hi anak ne shiri ataye nupurube ne. Orowa, ramma pakno moshima no aande kunip ne).

(Ne utar kor ramat kikiraye hi anakne siri ataye nupur pe ne. Orowa, ramma pakno mosmano a=ante kunip ne).

(For the redemption of their soul is costly, and must be let alone for ever:)

Nei guru anak ne ramma pakno shiknu wa, Iyurui shomo nukara kuni ne kara eaikap ruwe ne na.

Ne kur anakne ramma pakno siknu wa, Iyurui somo nukar kuni ne kar eaykap ruwe ne na.

That he should still live alway, that he should not see corruption.

Shinuma nei ambe nukara kunip ne gusu ne: wayashnu utara rai kunip ne; Haita guru newa chikoikip nepkoro an guru ne yakka utura isam wa Koro oiteknup moshima utara gusu hoppa kusu ne na.

Sinuma ne anpe nukar kunip ne kusu ne: wayasnu utar ray kunip ne; Hayta kur newa cikoykip nepkor an kur ne yakka utura isam wa Kor oyteknup mosma utar kusu hoppa kusu ne na.

For he seeth that wise men die, the fool and the brutish together perish, and leave their wealth to others.

Koro keutum ta an yainu-hi anak ne ene ani ne: —Kot chisei ramma pakno an, Koro oshiroma-i inne ainu ikiri pakno ash kusu ne: Yaikota kon reihei an korachi koro kotan reikore nisa ruwe ne.

Kor kewtum ta an yaynu hi anakne ene ani ne: —Kot cise ramma pakno an, Kor osiroma hi inne aynu ikiri pakno as kusu ne: Yaykota kor rehe an koraci kor kotan rékore nisa ruwe ne.

Their inward thought is, [that ]their houses [shall continue ]for ever, [and ]their dwelling places to all generations; they call their lands after their own names.

Aeoripak an ainu ramma an shomoki, Aisamka chikoikip ukorachi ne.

A=eoripak an aynu ramma an somo ki, A=ysamka cikoykip ukoraci ne.

But man abideth not in honour: he is like the beasts that perish.

Tap nei utara ruhu anak ne raka sakbe ne, Orowa, okaketa utara anak ne nei utara ye itak reika ruwe ne. [Sera.]

Tapne utar ruhu anakne raka sak pe ne, Orowa, okake ta utar anakne ne utar ye itak rek ruwe ne. [Sera.]

This their way is their folly: yet after them men approve their sayings. Selah

Hitsuji chikoikip nei no nei utara anak ne Sheo gusu aesanniyo wa okai; Bai ambe anak ne nei utara koro epungine guru ne ruwe ne. Kunneiwano ne chiki oupeka utara anak ne nei utara esapane kusu ne, Koro katuhu anak ne Sheo orota aisamka kusu ne a ambe ne, tewa no oshiroma-i isama ruwe ne gusu ne na.

hitsuji cikoykip néno ne utar anakne Seo kusu a=esanniyo wa okay; Pay anpe anakne ne utar kor epunkine kur ne ruwe ne. Kunneywano ne ciki owpeka utar anakne ne utar esapane kusu ne, Kor katuhu anakne Seo oro ta a=ysamka kusu ne a anpe ne, tewano osiroma hi isam ruwe ne kusu ne na.

They are appointed as a flock for Sheol; death shall be their shepherd: and the upright shall have dominion over them in the morning; and their beauty shall be for Sheol to consume, that there be no habitation for it.

Koroka, Kamui anak ne Sheo kiroro wano ku kon ramat kikiraye kusu ne: Shinuma anak ne en uk kusu ne gusu ne na. [Sera.]

Korka, Kamuy anakne Seo kiroro wano ku=kor ramat kikiraye kusu ne: Sinuma anakne en=uk kusu ne kusu ne na. [Sera.]

But God will redeem my soul from the power of Sheol: for he shall receive me. Selah

Ainu anak ne aoteknure chiki, Koro chisei ta chitomtep ainnere chiki, iteki ishitoma yan:

Aynu anakne aoteknure ciki, Kor cise ta citomtep ainnere ciki, iteki isitoma yan:

Be not thou afraid when one is made rich, when the glory of his house is increased:

Shinuma rai chiki nep ne yakka koro wa oman shomoki; Shinuma oshi koro chitomtep shomo rap kusu ne na.

Sinuma ray ciki nep ne yakka kor wa oman somo ki; Sinuma osi kor citomtep somo rap kusu ne na.

For when he dieth he shall carry nothing away; his glory shall not descend after him.

Moshiri koapkash rapoketa kon ramat nunuke yakka Orowa, aokai yaikota eyaiepirikare chiki, utara ramye yakka,

Mosir koapkas rapoketa kor ramat nunuke yakka Orowa, aokay yaykota eyayepirikare ciki, utar ramye yakka,

Though while he lived he blessed his soul, and men praise thee, when thou doest well to thyself,

Te wa no shui shiripekere shomo nukara, Koro ekashi ikiri orota ek kusu ne na.

Te wa no suy sirpeker somo nukar, Kor ekasi ikiri oro ta ek kusu ne na.

He shall go to the generation of his fathers; they shall never see the light.

Aeoripak an wa ramu-sak ainu anak ne, Aisamka chikoikip ukorachi an ruwe ne.

A=eoripak an wa ramu-sak aynu anakne, A=ysamka cikoykip ukoraci an ruwe ne.

Man that is in honour, and understandeth not, is like the beasts that perish.