78 Ik.

Asap kara Maskir.

Asap kar Maskir.

Maschil of Asaph.

AA ku goro utara, ku epakashnu ambe inu yan: Ku paro orowa no san itak otta kisara atte yan.

Aa ku=kor utar, ku=epakasnu anpe inu yan: Ku=paro oro wano san itak or ta kisara atte yan.

Give ear, O my people, to my law; incline your ears to the words of my mouth.

Paro ku maka wa itak-maukushte itak ku sange kusu ne; Fushkotoita kunne okaibe ku itak kusu ne:

Paro ku=maka wa itak-mawkuste itak ku=sanke kusu ne; Huskotoyta kunne okaype ku=itak kusu ne:

I will open my mouth in a parable; I will utter dark sayings of old:

Nei okaibe chi nu wa chi eraman, Chikoro ekashi utara anak ne nei ambe un nure nisa ruwe ne.

Ne okaype ci nu wa ci eraman, Ci=kor ekasi utar anakne ne anpe un nure nisa ruwe ne.

Which we have heard and known, and our fathers have told us.

Koro poho utara otta shomo nei ambe chi nuina, Ek kusu ne ikiri orota Ehoba ramye ambe nure, Shinuma koro kiroro newa iki ikip nure kusu ne na.

Kor poho utar or ta somo ne anpe ci nuyna, Ek kusu ne ikiri oro ta Ehoba ramye anpe nure, Sinuma kor kiroro newa iki iki p nure kusu ne na.

We will not hide them from their children, telling to the generation to come the praises of the LORD, and his strength, and his wondrous works that he hath done.

Shinuma anak ne Yakob orota paweteshu ki, Israeru otta tuitak atte, Nei ambe anak ne chikoro ekashi kashpaotte wa, Koro poho utara otta nure kuni gusu an ambe ne.

Sinuma anakne Yakob oro ta pawetesu ki, Israeru or ta tuytak atte, Ne anpe anakne ci=kor ekasi kaspaotte wa, Kor poho utar or ta nure kuni kusu an anpe ne.

For he established a testimony in Jacob, and appointed a law in Israel, which he commanded our fathers, that they should make them known to their children:

Tambe anak ne ek kusu ne ainu ikiri okaketa ashikore poho utara eraman kuni gusu an ambe ne; Nei utara hopuni wa koro poho otta nure kuni gusu ne na:

Tanpe anakne ek kusu ne aynu ikiri okake ta a=sikore poho utar eraman kuni kusu an anpe ne; Ne utar hopuni wa kor poho or ta nure kuni kusu ne na:

That the generation to come might know [them], even the children which should be born; who should arise and tell [them ]to their children:

Nei utara Kamui echipachipa hine, Kamui iki ikip shomo oira, Koroka, Shinuma koro ikashpaotte shikkashima kuni gusu an ambe ne:

Ne utar Kamuy ecipacipa hine, Kamuy iki iki p somo oyra, Korka, Sinuma kor ikaspaotte sikkasima kuni kusu an anpe ne:

That they might set their hope in God, and not forget the works of God, but keep his commandments:

Orowa, koro ekashi nei no Itakkashi newa okbare utara shomo ne; Keutum etoko-oiki shomoki ikiri, Kon ramat Kamui teksamata utumashire utara shomo ne kuni an ambe ne.

Orowa, kor ekasi néno Itakkasi newa okpare utar somo ne; Kewtum etoko-oyki somo ki ikiri, Kor ramat Kamuy teksam ta utumasire utar somo ne kuni an anpe ne.

And might not be as their fathers, a stubborn and rebellious generation; a generation that set not their heart aright, and whose spirit was not stedfast with God.

Epraim koro poho utara anak ne eshipopkep koro wa ku ani wa okai, awa, Tumi an toho ta hoshippa nisa ruwe ne.

Epraim kor poho utar anakne esipopkep kor wa ku ani wa okay, awa, Tumi an toho ta hosippa nisa ruwe ne.

The children of Ephraim, being armed and carrying bows, turned back in the day of battle.

Nei utara anak ne Kamui uitaknup shomo shikkashima, Shinuma koro tuitak otta apkash kuni kopan nisa ruwe ne;

Ne utar anakne Kamuy uytaknup somo sikkasima, Sinuma kor tuytak or ta apkas kuni kopan nisa ruwe ne;

They kept not the covenant of God, and refused to walk in his law;

Shinuma iki ambe oira, Otta anukare Shinuma iyokunnure ikip oira nisa ruwe ne.

Sinuma iki anpe oyra, Or ta a=nukare Sinuma iyokunnure iki p oyra nisa ruwe ne.

And they forgat his doings, and his wondrous works that he had shewed them.

Nei utara koro ekashi shik-samata Shinuma anak ne iyokunnure ambe ki, Echipt moshiri newa Zoan nup otta aki nisa ruwe ne.

Ne utar kor ekasi sik-sama ta Sinuma anakne iyokunnure anpe ki, Ecipt mosir newa Zoan nup or ta aki nisa ruwe ne.

Marvelous things did he in the sight of their fathers, in the land of Egypt, in the field of Zoan.

Shinuma atui pereba wa nei utara kushte nisa; Epunipushbe nei no wakka ashte nisa.

Sinuma atuy perpa wa ne utar kuste nisa; Epunipushbe néno wakka aste nisa.

He clave the sea, and caused them to pass through; and he made the waters to stand as an heap.

Shui, tokap-to ta nishkuru ari nei utara ani, Orowa, ramne anchikarata abe nipek ari ani nisa ruwe ne.

Suy, tokap-to ta niskur ari ne utar ani, Orowa, ramne ancikar ta ape nipek ari ani nisa ruwe ne.

In the day-time also he led them with a cloud, and all the night with a light of fire.

Nup otta Shinuma watara pereba, Orowa, ooho-i orowa no korachi nuye an no wakka koropare nisa ruwe ne.

Nup or ta Sinuma watara perpa, Orowa, ooho hi oro wano koraci nuye an no wakka korpare nisa ruwe ne.

He clave rocks in the wilderness, and gave them drink abundantly as out of the depths.

Watara wano nai hetukure, Pet korachi wakka sange nisa ruwe ne.

watara wano nay hetukure, Pet koraci wakka sanke nisa ruwe ne.

He brought streams also out of the rock, and caused waters to run down like rivers.

Yakka, nei utara anak ne Shinuma epeka no chikokatpak an, Nup otta Iyotta Rikunbe epeka no okbare nisa ruwe ne.

Yakka, ne utar anakne Sinuma epeka no ci=kokatpak an, Nup or ta Iyotta Rikunbe epeka no okpare nisa ruwe ne.

Yet went they on still to sin against him, to rebel against the Most High in the desert.

Orowa, ibeporore ki hine kam koramkoro gusu, Koro keutum ta Kamui koramnukan nisa ruwe ne.

Orowa, ipeporore ki hine kam koramkor kusu, Kor kewtum ta Kamuy koramnukar nisa ruwe ne.

And they tempted God in their heart by asking meat for their lust.

Ruwe un, nei utara anak ne Kamui ohaigekara; Kamui anak ne nup otta aep etokooiki eashkai ya? ari itak.

Ruwe un, ne utar anakne Kamuy ohaykekar; Kamuy anakne nup or ta aep etokooyki easkay ya? ari itak.

Yea, they spake against God; they said, Can God prepare a table in the wilderness?

Ingarʼan, Shinuma watara shirikik,, awa, wakka hetuku nisa, Nai anak ne ika nisa ruwe ne; Shinuma anak ne aep ne yakka koropare eashkai ya? Koro utara gusu kam etoko-oiki kusu ne ya?

Inkar=an, Sinuma watara sirkik,, awa, wakka hetuku nisa, Nay anakne ika nisa ruwe ne; Sinuma anakne aep ne yakka korpare easkay ya? Kor utar kusu kam etoko-oyki kusu ne ya?

Behold, he smote the rock, that waters gushed out, and streams overflowed; can he give bread also? will he provide flesh for his people?

Tambe gusu, Ehoba nu wa irushka: Yakob epeka no abe aare, Israeru epeka no irushka ambe ne yakka hetuku nisa ruwe ne;

Tanpe kusu, Ehoba nu wa iruska: Yakob epeka no ape a=re, Israeru epeka no iruska anpe ne yakka hetuku nisa ruwe ne;

Therefore the LORD heard, and was wroth: and a fire was kindled against Jacob, and anger also went up against Israel;

Nei utara anak ne Kamui eishokoro shomoki, Shinuma koro kashiobiuki-hi shomo eyaikopashte nisa ruwe ne gusu ne na.

Ne utar anakne Kamuy eysokor somo ki, Sinuma kor kasiopiwki hi somo e=yaykopaste nisa ruwe ne kusu ne na.

Because they believed not in God, and trusted not in his salvation.

Yakka, Shinuma anak ne rikta an nishoro kashpaotte wa, Kando apa maka nisa ruwe ne.

Yakka, Sinuma anakne rik ta an nisor kaspaotte wa, Kanto apa maka nisa ruwe ne.

Yet he commanded the skies above, and opened the doors of heaven;

Ibe gusu manna rapte wa, Kando wano amam koropare nisa ruwe ne.

Ipe kusu manna rapte wa, Kanto wano amam korpare nisa ruwe ne.

And he rained down manna upon them to eat, and gave them of the corn of heaven.

Obitta no okai utara anak ne kiroro-unbe koro aep ibe nisa: Akiroro pakno aep koropare nisa ruwe ne.

Opittano okay utar anakne kiroro-un pe kor aep ipe nisa: Akiroro pakno aep korpare nisa ruwe ne.

Man did eat the bread of the mighty: he sent them meat to the full.

Kando ta ochupka un rera ashte, Orowa, koro kiroro ani pikata rera honoyere nisa ruwe ne.

Kanto ta ocupka un rera aste, Orowa, kor kiroro ani pikata rera honoyere nisa ruwe ne.

He caused the east wind to blow in the heaven: and by his power he guided the south wind.

Koponchi nei no nei utara kata kam ashte nisa, Atuisam ota korachi tekkup-ush chikap atte nisa ruwe ne:

Koponci néno ne utar kata kam aste nisa, Atuysam ota koraci tekkup-us cikap atte nisa ruwe ne:

He rained flesh also upon them as the dust, and winged fowl as the sand of the seas:

Aige, nei utara reushi kuni kash an ushiketa, Koro oshiroma ushike okari ashte nisa ruwe ne.

Ayke, ne utar rewsi kuni kas an uske ta, Kor osiroma usike okari aste nisa ruwe ne.

And he let it fall in the midst of their camp, round about their habitations.

Tambe gusu, nei utara ibe wa akironnure; Awa, Shinuma anak nei utara ibeporore wa kon rusui korachi kore nisa ruwe ne.

Tanpe kusu, ne utar ipe wa akironnure; Awa, Sinuma anakne utar ipeporore wa kor rusuy koraci kore nisa ruwe ne.

So they did eat, and were well filled; and he gave them that they lusted after.

Nei utara koro ibeporore ambe naa isam etokota, Kam anak ne koro paroho otta an rapoketa,

Ne utar kor ipeporore anpe naa isam etoko ta, Kam anakne kor paroho or ta an rapoketa,

They were not estranged from their lust, their meat was yet in their mouths,

Nei utara epeka no Kamui irushka wa, Iyotta mimush utara ronnu, Israeru un upen utara ronnu nisa ruwe ne.

Ne utar epeka no Kamuy iruska wa, Iyotta mimus utar ronnu, Israeru un upen utar ronnu nisa ruwe ne.

When the anger of God went up against them, and slew of the fattest of them, and smote down the young men of Israel.

Yakka nei utara naa katpak ki, Aige, Shinuma iki iyokunnure ambe shomo eishokon nisa ruwe ne.

Yakka ne utar naa katpak ki, Ayke, Sinuma iki iyokunnure anpe somo eysokor nisa ruwe ne.

For all this they sinned still, and believed not in his wondrous works.

Tambe gusu, raka isam no Shinuma anak ne nei utara koro toho isamka, Ishitomare wa nei paha isamka nisa ruwe ne.

Tanpe kusu, raka isam no Sinuma anakne ne utar kor toho isamka, Isitomare wa ne paha isamka nisa ruwe ne.

Therefore their days did he consume in vanity, and their years in terror.

Shinuma anak ne nei utara ronnu ita aepishi, aige: Hoshippawa earikinne Shinuma hunara nisa ruwe ne.

Sinuma anakne ne utar ronnu hi ta a=epis, ayke: Hosippawa earikinne Sinuma hunara nisa ruwe ne.

When he slew them, then they inquired after him: and they returned and sought God early.

Orowa, Kamui anak ne koro Watara ne sekoro nei utara eshikarun, Iyotta Rikun Kamui anak ne nei utara gusu an kikirayep ne sekoro eshikarun nisa ruwe ne.

Orowa, Kamuy anakne kor Watara ne sekor ne utar esikarun, Iyotta Rikun Kamuy anakne ne utar kusu an kikirayep ne sekor esikarun nisa ruwe ne.

And they remembered that God was their rock, and the Most High God their redeemer.

Koroka, paroho ani Shinuma panore, Parumbe ani Shinuma orun shunge ki nisa ruwe ne.

Korka, paroho ani Sinuma panore, Parunpe ani Sinuma orun sunke ki nisa ruwe ne.

But they flattered him with their mouth, and lied unto him with their tongue.

Shinuma epeka no koro keutum autumashire, Shinuma koro uitaknup gusu son no ambe ki shomoki nisa ruwe ne.

Sinuma epeka no kor kewtum awtumasire, Sinuma kor uytaknup kusu sonno anpe ki somo ki nisa ruwe ne.

For their heart was not right with him, neither were they faithful in his covenant.

Koroka, Shinuma anak ne rampokiwen ani eshik gusu, koro wen-buri tusare hine shomo ushtekka: Ruwe un, kanna kanna Shinuma anak ne koro kinra-karape shishire wa Koro irushka-hi shomo atte nisa ruwe ne.

Korka, Sinuma anakne ranpokiwen ani esik kusu, kor wen-puri tusare hine somo ustekka: Ruwe un, kanna kanna Sinuma anakne kor kinra-kar pe sisire wa Kor iruska hi somo atte nisa ruwe ne.

But he, being full of compassion, forgave [their ]iniquity, and destroyed [them ]not: yea, many a time turned he his anger away, and did not stir up all his wrath.

Aige, nei utara anak ne ouse kam ne sekoro Shinuma eshkarun nisa; Paye wa shomo kanna ek rera korachi ne ruwe ne, sekoro eshkarun nisa ruwe ne.

Ayke, ne utar anakne owse kam ne sekor Sinuma eskarun nisa; Paye wa somo kanna ek rera koraci ne ruwe ne, sekor eskarun nisa ruwe ne.

And he remembered that they were but flesh; a wind that passeth away, and cometh not again.

Hempak shui nup otta Shinuma eokbare humi! Hempak shui nitai-sak ushiketa Shinuma oknatare humi!

Henpak suy nup or ta Sinuma e=okpare humi! Henpak suy nitay-sak uske ta Sinuma oknatare humi!

How oft did they rebel against him in the wilderness, and grieve him in the desert!

Orowa, nei utara hosari wa Kamui koramnukara, Israeru un utara koro Ashkannep irushkare nisa ruwe ne.

Orowa, ne utar hosari wa Kamuy koramnukar, Israeru un utar kor Askannep iruskare nisa ruwe ne.

And they turned again and tempted God, and provoked the Holy One of Israel.

Nei utara anak ne Shinuma koro teke shomo eshkarun nisa, Orowa, epokbap orowa no kikiraye toho shomo eshkarun nisa ruwe ne.

Ne utar anakne Sinuma kor teke somo eskarun nisa, Orowa, epokpap oro wano kikiraye toho somo eskarun nisa ruwe ne.

They remembered not his hand, nor the day when he redeemed them from the adversary.

Echipt moshirʼotta Shinuma atte shirosh, Zoan nup otta Shinuma iki iyokunnure ambe shomo eshkarun;

Ecipt mosir or ta Sinuma atte siros, Zoan nup or ta Sinuma iki iyokunnure anpe somo eskarun;

How he set his signs in Egypt, and his wonders in the field of Zoan;

Shinuma anak ne nei utara koro pet ani kem ne itasare nisa, Nai ne yakka nei no aki gusu iku eaikap nisa ruwe ne.

Sinuma anakne ne utar kor pet ani kem ne itasare nisa, Nay ne yakka néno aki kusu iku eaykap nisa ruwe ne.

And turned their rivers into blood, and their streams, that they could not drink.

Shinuma mosh topaha sange wa nei utara aibe; Otereke-ibe sange wa nei utara isamka nisa ruwe ne.

Sinuma mos topaha sanke wa ne utar aype; Oterke-ipe sanke wa ne utar isamka nisa ruwe ne.

He sent among them swarms of flies, which devoured them; and frogs, which destroyed them.

Shui, nei utara gusu an toi orumbe ikombap otta koropare, Koro iki ikip patta otta koropare nisa ruwe ne.

Suy, ne utar kusu an toy orunpe ikompap or ta korpare, Kor iki iki p patta or ta korpare nisa ruwe ne.

He gave also their increase unto the caterpiller, and their labour unto the locust.

Kaukau ani koro hat pungara shumumgere, Poro kaukau ani sikar chikuni isamka nisa ruwe ne.

Kawkaw ani kor hat punkar sumumkere, Poro kawkaw ani sikar cikuni isamka nisa ruwe ne.

He destroyed their vines with hail, and their sycomore trees with frost.

Kaukau otta koro chikoikip koropare nisa, Seisek onishboso otta koro chikoikip topa koropare nisa ruwe ne.

Kawkaw or ta kor cikoykip korpare nisa, Sesek onisposo or ta kor cikoykip topa korpare nisa ruwe ne.

He gave over their cattle also to the hail, and their flocks to hot thunderbolts.

Nei utara kashiketa Shinuma anak ne koro irushka niwenbe omare nisa, Irushka ambe hene, kinrakarape hene, yairamhekomo ambe hene, Wen auitekbe kashi-omare nisa ruwe ne.

Ne utar kasike ta Sinuma anakne kor iruska niwen pe omare nisa, Iruska anpe hene, kinrakarape hene, yayramhekomo anpe hene, Wen awitekpe kasi-omare nisa ruwe ne.

He cast upon them the fierceness of his anger, wrath, and indignation, and trouble, a band of angels of evil.

Koro irushka-hi gusu Shinuma anak ne ruhu kan nisa; Rai-hi orowa no nei utara kon ramat shomo ohaitare nisa, Koroka, koturuse tashum otta koro inotu koropare nisa ruwe ne;

Kor iruska hi kusu Sinuma anakne ruhu kan nisa; Ray hi oro wano ne utar kor ramat somo ohaytare nisa, Korka, koturse tasum or ta kor inotu korpare nisa ruwe ne;

He made a path for his anger; he spared not their soul from death, but gave their life over to the pestilence;

Orowa, Echipt moshirʼun utara koro kiyanne utara shirikik, Ham koro kash otta okai iyotta kiroroashnup shirikik gusu:

Orowa, Ecipt mosir un utar kor kiyanne utar sirkik, Ham kor kas or ta okay iyotta kiroroasnup sirkik kusu:

And smote all the firstborn in Egypt, the chief of their strength in the tents of Ham:

Koroka, hitsuji chikoikip ani korachi Shinuma anak ne yaikota koro utara ani, Awa, chikoikip topaha nei no nup otta ru epakashnu nisa ruwe ne.

Korka, hitsuji cikoykip ani koraci Sinuma anakne yaykota kor utar ani, Awa, cikoykip topaha néno nup or ta ru epakasnu nisa ruwe ne.

But he led forth his own people like sheep, and guided them in the wilderness like a flock.

Orowa, aerannakbe isam no nei utara tura guru ishitoma shomoki nisa: Koroka, atui anak ne nei epokba utara kamure nisa ruwe ne.

Orowa, aerannakpe isam no ne utar tura kur isitoma somo ki nisa: Korka, atuy anakne ne epokpa utar kamure nisa ruwe ne.

And he led them safely, so that they feared not: but the sea overwhelmed their enemies.

Aige, Shinuma koro Ashkanne kotan pakno, Koro, shimontek ani ehok tan nupuri pakno tura nisa ruwe ne.

Ayke, Sinuma kor Askanne kotan pakno, Kor, simontek ani e=hok tan nupuri pakno tura nisa ruwe ne.

And he brought them to the border of his sanctuary, to this mountain, which his right hand had purchased.

Orowa, nei utara kotchake wano moshiri uirup okeuba wa, Aeikeshkorobe ne kuni gusu rue korachi koropare, Samata, koro kash otta Israeru un ikiri utara oshio-mare nisa ruwe ne.

Orowa, ne utar kotcake wano mosir uyrup okewpa wa, Aeikeshkorobe ne kuni kusu rue koraci korpare, Sama ta, kor kas or ta Israeru un ikiri utar osio-mare nisa ruwe ne.

He drove out the nations also before them, and allotted them for an inheritance by line, and made the tribes of Israel to dwell in their tents.

Yakka, Iyotta Rikun Kamui epeka no okbare wa koramnukara ki, Aige, Shinuma koro ekambaktep shomo shikkashima nisa ruwe ne;

Yakka, Iyotta Rikun Kamuy epeka no okpare wa koramnukar ki, Ayke, Sinuma kor ekanpaktep somo sikkasima nisa ruwe ne;

Yet they tempted and rebelled against the Most High God, and kept not his testimonies;

Koroka, hosari wa koro ekashi nei no oheugep ki, Nei utara anak ne wen ku nei no henoye nisa ruwe ne.

Korka, hosari wa kor ekasi néno ohewkep ki, Ne utar anakne wen ku néno henoye nisa ruwe ne.

But turned back, and dealt treacherously like their fathers: they were turned aside like a deceitful bow.

Koro ri ushike ani Shinuma irushkare, Akara potoki ani Shinuma ikoitupare nisa ruwe ne gusu ne na.

Kor ri usike ani Sinuma iruskare, A=kar potoki ani Sinuma ikoytupare nisa ruwe ne kusu ne na.

For they provoked him to anger with their high places, and moved him to jealousy with their graven images.

Kamui tap ambe nu chiki irushka, Shi no Israeru un utara etunne nisa ruwe ne:

Kamuy tapanpe nu ciki iruska, Sino Israeru un utar etunne nisa ruwe ne:

When God heard [this], he was wroth, and greatly abhorred Israel:

Tambe gusu, Shinuma anak ne Shiro un kash emaka, Utara tumugeta aande kash emaka nisa;

Tanpe kusu, Sinuma anakne Sirun kas emaka, Utar tumke ta a=ante kas emaka nisa;

So that he forsook the tabernacle of Shiloh, the tent which he placed among men;

Orowa, koro kiroroashnu utara teke apashtere, Koro nupeki epokba utara koro teke otta koropare nisa ruwe ne.

Orowa, kor kiroroasnu utar teke apastere, Kor nupeki epokpa utar kor teke or ta korpare nisa ruwe ne.

And delivered his strength into captivity, and his glory into the adversary’s hand.

Samata, emush orota koro utara koropare; Aige, koro eikeshkoro utara koirushka nisa ruwe ne.

Sama ta, emus oro ta kor utar korpare; Ayke, kor eykeskoro utar koyruska nisa ruwe ne.

He gave his people over also unto the sword; and was wroth with his inheritance.

Abe anak ne nei utara koro upen utara isamka; Orowa, koro upen matne utara gusu shuke iwai gusu an shinotcha isam ruwe ne.

Ape anakne ne utar kor upen utar isamka; Orowa, kor upen matne utar kusu suke iway kusu an sinotca isam ruwe ne.

Fire devoured their young men; and their maidens had no marriage-song.

Koro Kamui otta yaishieiwangere utara anak ne emush gusu hachiripa; Awa, koro shiyompiyara shiwentep rai-chish ambe shomo ki nisa ruwe ne.

Kor Kamuy or ta yaysieywankere utar anakne emus kusu haciripa; Awa, kor siyonpiyar siwentep ray-cis anpe somo ki nisa ruwe ne.

Their priests fell by the sword; and their widows made no lamentation.

Nei a orota Utarapa anak ne mokoro orowa no korachi mosh, Tonoto gusu ehaukashu okirashnu guru nei no an nisa ruwe ne.

Ne a oro ta Utarpa anakne mokor oro wano koraci mos, Tonoto kusu ehawkasu okirasnu kur néno an nisa ruwe ne.

Then the Lord awaked as one out of sleep, like a mighty man that shouteth by reason of wine.

Orowa, shinuma hetopo nei epokba utara shirikik, Ramma pakno yainikoroshmare nisa ruwe ne.

Orowa, sinuma hetopo ne epokpa utar sirkik, Ramma pakno yaynikorosmare nisa ruwe ne.

And he smote his adversaries backward: he put them to a perpetual reproach.

Orowa, Yosep koro kash emaka, Eparim ikiri shomo numge,

Orowa, Yosep kor kas emaka, Eparim ikiri somo numke,

Moreover he refused the tent of Joseph, and chose not the tribe of Ephraim;

Koroka, Yuda ikiri numge, Shinuma omap Zion nupuri numge nisa ruwe ne.

Korka, Yuda ikiri numke, Sinuma omap Zion nupuri numke nisa ruwe ne.

But chose the tribe of Judah, the mount Zion which he loved.

Orowa, ri ushike nei koro ashkanne ushike kara, Ramma pakno ashte moshiri korachi ne.

Orowa, ri usike ne kor askanne usike kar, Ramma pakno aste mosir koraci ne.

And he built his sanctuary like the heights, like the earth which he hath established for ever.

Shui, koro uitek guru ne Dabid numge wa, Hitsuji chikoikip topaha orowa no shinuma uk nisa:

Suy, kor uytek kur ne Dabid numke wa, Hitsuji cikoykip topaha oro wano sinuma uk nisa:

He chose David also his servant, and took him from the sheepfolds:

To-nonde matne hitsuji chikoikip oshi wano tura, Aige, koro utara ne Yakob newa koro eikeshkoro utara ne Israeru utara ibere kuni ne tura nisa ruwe ne.

To-nonte matne hitsuji cikoykip osi wano tura, Ayke, kor utar ne Yakob newa kor eykeskoro utar ne Israeru utar ipere kuni ne tura nisa ruwe ne.

From following the ewes that give suck he brought him, to feed Jacob his people, and Israel his inheritance.

Tambe gusu, shinuma anak ne koro keutum oupeka ambe nei no nei utara ibere; Koro teke eashkaibe nei no epakashnu nisa ruwe ne na.

Tanpe kusu, sinuma anakne kor kewtum owpeka anpe néno ne utar ipere; Kor teke easkay pe néno epakasnu nisa ruwe ne na.

So he fed them according to the integrity of his heart; and guided them by the skilfulness of his hands.