62 Ik.

Shinotcha esapane guru gusu; Yedutun nei no. Dabid kara Iyohaichish.

Sinotca esapane kur kusu; Yedutun néno. Dabid kar Iyohaycis.

For the Chief Musician; after the manner of Jeduthun. A Psalm of David.

Kamui gusu ku ramat anak ne chipachipa shiriki, Shinuma orowa no a en kashiobiuki ambe an na.

Kamuy kusu ku=ramat anakne cipacipa siriki, Sinuma oro wano a en=kasiopiwki anpe an na.

My soul waiteth only upon God: from him [cometh ]my salvation.

Shinuma patek en kashiobiuki kuni watara ne: Ku goro ri chashi ne; maskin no ku moimoyege shomoki kusu ne na.

Sinuma patek en=kasiopiwki kuni watara ne: Ku=kor ri casi ne; maskinno ku moymoyeke somo ki kusu ne na.

He only is my rock and my salvation: [he is ]my high tower; I shall not be greatly moved.

Hembara pakno echi utara anak ne ainu kopiuki ya? Shinuma anak ne chiopentari chashi ererashuye ankura nepkoro ne, Aige, echi utara obitta shinuma ara hokushte gusu echi ki ya?

Henpara pakno eci utar anakne aynu kopiwki ya? Sinuma anakne ci=opentari casi ererasuye ankura nepkor ne, Ayke, eci utar opitta sinuma ar hokuste kusu eci=ki ya?

How long will ye set upon a man, that ye may slay [him], all of you, like a bowing wall, like a tottering fence?

Shinuma, ouse pirika wa gusu hokushte kuni ne ukoramkoro; Shungep enupetne: Koro paroho ani nunuke, koroka, keutum ta iyoitakushi ki ruwe ne. [Sera.]

Sinuma, owse pirka wa kusu hokuste kuni ne ukoramkor; Sunkep enupetne: Kor paroho ani nunuke, korka, kewtum ta iyoytakus ki ruwe ne. [Sera.]

They only consult to thrust him down from his excellency; they delight in lies: they bless with their mouth, but they curse inwardly. Selah

Aa ku ramat, ouse mo no an wa Kamui eyaikopashte yan, Shinuma gusu chipachipa ku ki ruwe ne gusu ne na.

Aa ku=ramat, owse mo no an wa Kamuy e=yaykopaste yan, Sinuma kusu cipacipa ku=ki ruwe ne kusu ne na.

My soul, wait thou only upon God; for my expectation is from him.

Shinuma patek en kashiobiuki kuni watara ne: Ku goro ri chashi ne; mashkin no ku moimoyege shomoki kusu ne na.

Sinuma patek en=kasiopiwki kuni watara ne: Ku=kor ri casi ne; maskinno ku moymoyeke somo ki kusu ne na.

He only is my rock and my salvation: [he is ]my high tower; I shall not be moved.

A en kashiobiuki-hi newa ku nupeki-hi anak ne Kamui tura an: Ku kiroro oma watara, ku numne-ushi Kamui otta an ruwe ne.

A en=kasiopiwki hi newa ku=nupeki hi anakne Kamuy tura an: Ku=kiroro oma watara, ku numne-usi Kamuy or ta an ruwe ne.

With God is my salvation and my glory: the rock of my strength, and my refuge, is in God.

Uirup utara, ramma shinuma orun eyaikopashte yan; Shinuma kotchaketa echi koro sambe echikiki yan: Kamui anak ne un gusu an numne ushi ne ruwe ne. [Sera.]

Uyrup utar, ramma sinuma orun e=yaykopaste yan; Sinuma kotcake ta eci=kor sanpe ecikiki yan: Kamuy anakne un kusu an numne usi ne ruwe ne. [Sera.]

Trust in him at all times, ye people; pour out your heart before him: God is a refuge for us. Selah

Son no newa nupan utara anak ne heisepa ne, orowa, nupuru utara anak ne shungep ne: Ipakarip otta aomare chiki, ariknatari, Shi no heisepa kasu no koshnep ne.

Sonno newa nupan utar anakne heysepa ne, orowa, nupur utar anakne sunkep ne: Ipakarip or ta a=omare ciki, ariknatari, Sino heysepa kasuno kosne p ne.

Surely men of low degree are vanity, and men of high degree are a lie: in the balances they will go up; they are together lighter than vanity.

Usshiune gusu iteki eyaikopashte, Ikka gusu iteki pakesara. Aeoteknup ainnere chiki orun iteki chipachipa yan.

Ussiw ne kusu iteki e=yaykopaste, Ikka kusu iteki pakesara. Aeoteknup ainnere ciki orun iteki cipacipa yan.

Trust not in oppression, and become not vain in robbery: if riches increase, set not your heart [thereon].

Kamui anak ne arashui no itak, Tu shuine tambe ku nu nisa; Kiroro anak ne Kamui korope ne ruwe ne.

Kamuy anakne arsuy no itak, Tu suyne tanpe ku=nu nisa; Kiroro anakne Kamuy kor pe ne ruwe ne.

God hath spoken once, twice have I heard this; that power belongeth unto God:

Shui, aa Utarapa, rampoken anak E korope ne: Aokai anak ne obitta no okai utara ki ikip esanniyo wa orota auk kunip kore ruwe ne gusu ne na.

Suy, aa Utarpa, ranpoken anak E=kor pe ne: Aokay anakne opittano okay utar ki iki p esanniyo wa oro ta auk kunip kore ruwe ne kusu ne na.

Also unto thee, O Lord, belongeth mercy: for thou renderest to every man according to his work.