148 Ik.

YAH ramye yan. Kando wano Ehoba ramye yan: Ri ushiketa Shinuma ramye yan.

YAH ramye yan. Kanto wano Ehoba ramye yan: Ri uske ta Sinuma ramye yan.

Praise ye the LORD. Praise ye the LORD from the heavens: praise him in the heights.

Koro hauturun utara, Shinuma ramye yan. Koro topaha utara, ramye yan.

Kor hawturun utar, Sinuma ramye yan. Kor topaha utar, ramye yan.

Praise ye him, all his angels: praise ye him, all his host.

Tokap chup newa kunne chup Shinuma ramye yan: Nupeki o nochiu Shinuma ramye yan.

Tokap cup newa kunne cup Sinuma ramye yan: Nupeki o nociw Sinuma ramye yan.

Praise ye him, sun and moon; praise him, all ye stars of light.

Kando un kando, Shinuma ramye yan, Shui kando kashiketa an wakka ne yakka nei no ki yan.

Kanto un kanto, Sinuma ramye yan, Suy kanto kasike ta an wakka ne yakka néno ki yan.

Praise him, ye heavens of heavens, and ye waters that be above the heavens.

Nei okaibe anak ne Ehoba reihei ramye kusu ne: Shinuma ikashpaotte wa nei okaibe akan nisa ruwe ne gusu ne na.

Ne okaype anakne Ehoba rehe ramye kusu ne: Sinuma ikaspaotte wa ne okaype a=kar nisa ruwe ne kusu ne na.

Let them praise the name of the LORD: for he commanded, and they were created.

Otusashuishiri pakno Shinuma nei okaibe ashte: Shomo aohaita kuni ekambakbe sange nisa ruwe ne.

Otu sasuysir pakno Sinuma ne okaype aste: Somo aohayta kuni ekanpakpe sanke nisa ruwe ne.

He hath also stablished them for ever and ever: he hath made a decree which shall not pass away.

Toitoi wano Ehoba ramye yan: Rep un porobe ne yakka, ooho-i ne yakka Shinuma ramye yan.

Toytoy wano Ehoba ramye yan: Repun poro p ne yakka, ooho hi ne yakka Sinuma ramye yan.

Praise the LORD from the earth, ye dragons, and all deeps:

Abe newa kaukau, upas newa paha; Itasayupkep ne yakka Shinuma itak uweomare ruwe ne:

Ape newa kawkaw, upas newa paha; Itasayupkep ne yakka Sinuma itak ueomare ruwe ne:

Fire and hail, snow and vapour; stormy wind, fulfilling his word:

Nupuri newa obitta no okai huru, Ibe o chikuni newa shungu:

Nupuri newa opittano okay hur, Ipe o cikuni newa sunku:

Mountains and all hills; fruitful trees and all cedars:

Chikoikip newa obitta no okai shiknup; Reye wa arapap newa hopumba chikap:

Cikoykip newa opittano okay siknup; Reye wa arpa p newa hopunpa cikap:

Beasts and all cattle; creeping things and flying fowl:

Moshiri shikkashima utara newa obitta no okai uirup; Esapane utara poho newa koipishi ki utara:

Mosir sikkasima utar newa opittano okay uyrup; Esapane utar poho newa koypisi ki utar:

Kings of the earth and all peoples; princes and all judges of the earth:

Upen okkai upen matnep, Ekashi newa poho utara:

Upen okkay upen matnep, Ekasi newa poho utar:

Both young men and maidens; old men and children:

Ehoba reihei ramye yanro; Shinuma reihei patek apasere: Toitoi newa kando kashike Shinuma nupeki an ruwe ne gusu ne na.

Ehoba rehe ramye yanro; Sinuma rehe patek a=pasere: Toytoy newa kanto kasike Sinuma nupeki an ruwe ne kusu ne na.

Let them praise the name of the LORD; for his name alone is exalted: his glory is above the earth and heaven.

Shinuma anak ne koro utara gusu kirawe hopunire, Obitta no okai koro ashkanne utara ki ramyep ne: Shinuma ehange no okai Israeru sanikiri utara sangep ne. Yah ramye yan.

Sinuma anakne kor utar kusu kiraw hopunire, Opittano okay kor askanne utar ki ramyep ne: Sinuma ehanke no okay Israeru sanikiri utar sankep ne. Yah ramye yan.

And he hath lifted up the horn of his people, the praise of all his saints; even of the children of Israel, a people near unto him. Praise ye the LORD.