90 Ik.

Kamui koro Ainu Mose ki inonno-itak.

Kamuy kor Aynu Mose ki inonno-itak.

A Prayer of Moses the man of God.

UTARAPA, Aokai anak ne shashuishiri wano Chikoro oshiroma-i E ne nisa ruwe ne.

Utarpa, Aokay anakne sasuysir wano Ci=kor osiroma hi E ne nisa ruwe ne.

Lord, thou hast been our dwelling place in all generations.

Nupuri ahetukure etokota, Toitoi newa moshiri newa kara etokota Shashuishiri wano shashuishiri pakno an Kamui E ne ruwe ne.

Nupuri ahetukure etoko ta, Toytoy newa mosir newa kar etoko ta Sasuysir wano sasuysir pakno an Kamuy E ne ruwe ne.

Before the mountains were brought forth, or ever thou hadst formed the earth and the world, even from everlasting to everlasting, thou art God.

Aokai anak ne ainu koponchi orun hoshipire kusu ne; Utara poho, hoshippa yan, ari an itak ani E ye nisa ruwe ne.

Aokay anakne aynu koponci orun hosipire kusu ne; Utar poho, hosippa yan, ari an itak ani E ye nisa ruwe ne.

Thou turnest man to destruction; and sayest, Return, ye children of men.

E shik-samata wan ili paha anak ne, Aokere numan ukorachi ne, Anchikara ta an shiure korachi ne ruwe ne.

E sik-sama ta wan ili paha anakne, A=okere numan ukoraci ne, Ancikar ta an siwre koraci ne ruwe ne.

For a thousand years in thy sight are but as yesterday when it is past, and as a watch in the night.

Aokai anak ne pesambe ani korachi nei utara isamka; Mokoro wa okaibe korachi ne: Kunneiwano hetuku mun ukoheraye ne;

Aokay anakne pesanpe ani koraci ne utar isamka; Mokor wa okaype koraci ne: Kunneywano hetuku mun ukoheraye ne;

Thou carriest them away as with a flood; they are as a sleep: in the morning they are like grass which groweth up.

Kunneiwano nei ambe shipiraspa wa shukup; Onuman ta aotuye wa shumumge ruwe ne.

Kunneywano ne anpe sipiraspa wa sukup; Onuman ta a=otuye wa sumumke ruwe ne.

In the morning it flourisheth, and groweth up; in the evening it is cut down, and withereth.

Aokai un koirushka gusu a un isamka, Uni koirushka gusu chi utara chiukopoye ruwe ne gusu ne na.

Aokay un koyruska kusu a un isamka, Uni koyruska kusu ci utar ci=wkopoye ruwe ne kusu ne na.

For we are consumed in thine anger, and in thy wrath are we troubled.

Aokai anak ne chikoro wen-buri E kotchaketa ande, Chi ki nuina na okai katpak E shik-samata aande nisa ruwe ne.

Aokay anakne ci=kor wen-puri E kotcake ta ante, Ci ki nuyna na okay katpak E sik-sama ta a=ante nisa ruwe ne.

Thou hast set our iniquities before thee, our secret sins in the light of thy countenance.

Aokai un koirushka rapoketa chi ishu ash kuni toho isam: Shine heise hum korachi chikoro paha aokere na.

Aokay un koyruska rapoketa ci i=su as kuni toho isam: Sine hese hum koraci ci=kor paha a=okere na.

For all our days are passed away in thy wrath: we bring our years to an end as a tale [that is told].

Chi shiknu ash kuni paha un to anak ne wan pa ikashima re hotne pa ne ruwe ne, Orowa, okirashnu wa gusu poka ine hotne pa pakno an ruwe ne; Yakka, nei okirashnu-i anak patek irarabe newa wenbe ne ruwe ne, Tunashino nei ambe nin wa chi paye ash wa isam ruwe ne gusu ne na.

Ci siknu as kuni paha un to anakne wan pa ikasma re hotne pa ne ruwe ne, Orowa, okirasnu wa kusu poka ine hotne pa pakno an ruwe ne; Yakka, ne okirasnu hi anak patek irara p newa wenpe ne ruwe ne, Tunasno ne anpe nin wa ci paye as wa isam ruwe ne kusu ne na.

The days of our years are threescore years and ten, or even by reason of strength fourscore years; yet is their pride but labour and sorrow; for it is soon gone, and we fly away.

E koro kinrakara kiroro eraman guru nen ne ruwe? E ko-oripak kuni gusu an irushka-i eraman guru nen ne ruwe he an?

E=kor kinrakar kiroro eraman kur nen ne ruwe? E ko-oripak kuni kusu an iruska hi eraman kur nen ne ruwe he an?

Who knoweth the power of thine anger, and thy wrath according to the fear that is due unto thee?

Wayashnu keutum chi koro kuni ne, Chi shiknu ash kuni toho pishki kuni gusu un epakashnu wa un kore.

Wayasnu kewtum ci kor kuni ne, Ci siknu as kuni toho piski kuni kusu un epakasnu wa un kore.

So teach us to number our days, that we may get us an heart of wisdom.

Aa Ehoba, hoshipi wa ikore; hembara pakno ruwe? E koro uitek utara gusu koingara wa un kore.

Aa Ehoba, hosipi wa ikore; henpara pakno ruwe? E=kor uytek utar kusu koinkar wa un kore.

Return, O LORD; how long? and let it repent thee concerning thy servants.

Chi shiknu ash toho ebitta chi yaikopuntek wa nupetne ash kuni gusu, Nekon ka newa, E koro rampoken ani iramushinnere wa un kore.

Ci siknu as toho epitta ci yaykopuntek wa nupetne as kuni kusu, Nekon ka newa, E=kor ranpoken ani iramusinnere wa un kore.

O satisfy us in the morning with thy mercy; that we may rejoice and be glad all our days.

Otta un shirikirapte toho newa Otta wenbe chi nukara ash paha newa esanniyo wa un yaikopuntekte wa un kore.

Or ta un sirkirapte toho newa Or ta wenpe ci nukar as paha newa esanniyo wa un yaykopuntekte wa un kore.

Make us glad according to the days wherein thou hast afflicted us, and the years wherein we have seen evil.

E ki ikip E koro uitek utara otta nukare, Nei utara koro poho otta E koro nupeki sange wa un kore.

E ki iki p E=kor uytek utar or ta nukare, Ne utar kor poho or ta E=kor nupeki sanke wa un kore.

Let thy work appear unto thy servants, and thy glory upon their children.

Orowa, chikoro Ehoba ne Kamui koro aekiroro an-hi un otta anro: Teke ani chi ki ikip un otta ashte wa un kore; Ruwe newa, teke ani chi ki ikip un gusu ashte wa un kore.

Orowa, ci=kor Ehoba ne Kamuy kor aekiroro an hi un or ta an ro: Teke ani ci ki iki p un or ta aste wa un kore; Ruwe newa, teke ani ci ki iki p un kusu aste wa un kore.

And let the beauty of the LORD our God be upon us: and establish thou the work of our hands upon us; yea, the work of our hands establish thou it.