38 Ik.

Aeshkarunde kuni gusu Dabid kara Iyohaichish.

aeskarunte kuni kusu Dabid kar Iyohaycis.

A Psalm of David, to bring to remembrance.

AA Ehoba, iteki irushka wa en pakashnu: Iteki seisek no kinrakara wa en panakte wa en kore.

Aa Ehoba, iteki iruska wa en=pakasnu: Iteki sesek no kinrakar wa en=panakte wa en=kore.

O LORD, rebuke me not in thy wrath: neither chasten me in thy hot displeasure.

E koro ai en eroshki, E koro teke yupke no en rarapa ruwe ne.

E=kor ay en=eroski, E=kor teke yupke no en=rarpa ruwe ne.

For thine arrows stick fast in me, and thy hand presseth me sore.

Aokai irushka gusu ku goro kam otta nisashnu ushike isam; Ku katpak gusu ku goro pone shomo shini ruwe ne na.

Aokay iruska kusu ku=kor kam or ta nisasnu usike isam; Ku katpak kusu ku=kor pone somo sini ruwe ne na.

There is no soundness in my flesh because of thine indignation; neither is there any health in my bones because of my sin.

Ku wen-buri anak ne ku sapaha kamure Pase shikehe nei no en gusu mashkin no pase ruwe ne.

Ku=wen-puri anakne ku=sapaha kamure Pase sikehe néno en kusu maskinno pase ruwe ne.

For mine iniquities are gone over mine head: as an heavy burden they are too heavy for me.

Ku haitap gusu, Ku piri anak ne hura at wa munin ruwe ne.

Ku=haytap kusu, Ku=piri anakne hura at wa munin ruwe ne.

My wounds stink and are corrupt, because of my foolishness.

Ku ukomomse wa ara ku hotku; To ebitta yaituwashkarap ku ki ruwe ne.

Ku ukomomse wa ar ku=hotku; To epitta yaytuwaskarap ku=ki ruwe ne.

I am pained and bowed down greatly; I go mourning all the day long.

Ku kiruosh shiri seisek; Ku kam otta nisashnu ushike isam ruwe ne.

Ku kiruos siri sesek; Ku=kam or ta nisasnu usike isam ruwe ne.

For my loins are filled with burning; and there is no soundness in my flesh.

Ku sambe-toranne wa son no piri ao: Sambe aetushtek gusu hawe ku ashte nisa ruwe ne.

Ku=sanpe-toranne wa sonno piri ao: Sanpe aetustek kusu hawe ku=aste nisa ruwe ne.

I am faint and sore bruised: I have roared by reason of the disquietness of my heart.

Aa Utarapa, ku kon rusuibe anak ne E kotchaketa okai, Ku nuwap hawe anak ne E otta aseshke shomo ne ruwe ne.

Aa Utarpa, ku=kor rusuy pe anakne E kotcake ta okay, Ku=nuwap hawe anakne E or ta a=seske somo ne ruwe ne.

Lord, all my desire is before thee; and my groaning is not hid from thee.

Ku sambe popporose, ku tum-sak; Ku shiki oma pekere anak ne, nei ambe aokere na.

Ku=sanpe popporose, ku=tum-sak; Ku=siki oma peker anakne, ne anpe a=okere na.

My heart throbbeth, my strength faileth me: as for the light of mine eyes, it also is gone from me.

En katairotke utara newa ku iriwak utara tura ku tashum gusu oyakta roshki; Ku utarahi anak ehangeko no roshki ruwe ne.

En katayrotke utar newa ku=irwak utar tura ku=tasum kusu oyak ta roski; Ku utarahi anak e=hankeko no roski ruwe ne.

My lovers and my friends stand aloof from my plague; and my kinsmen stand afar off.

Ku inotu hunara utara ne yakka en gusu akbe ande; Orowa, en wende rusui utara anak ne shunge itak ye, To ebitta shungep ramepakari ruwe ne.

Ku=inotu hunara utar ne yakka en kusu akpe ante; Orowa, en=wente rusuy utar anakne sunke itak ye, To epitta sunkep ramepakari ruwe ne.

They also that seek after my life lay snares [for me]; and they that seek my hurt speak mischievous things, and imagine deceits all the day long.

Koroka, kuani anak ne ashpa guru korachi shomo ku nu; Paro hasa shomoki shomo-itak guru korachi ku ne.

Korka, kuani anakne aspa kur koraci somo ku=nu; Paro hasa somo ki somo-itak kur koraci ku ne.

But I, as a deaf man, hear not; and I am as a dumb man that openeth not his mouth.

Ruwe un, shomo nu guru korachi ne, Paro oshiketa ese-itak isam no an guru korachi ku ne ruwe ne.

Ruwe un, somo nu kur koraci ne, Paro oske ta ese-itak isam no an kur koraci ku ne ruwe ne.

Yea, I am as a man that heareth not, and in whose mouth are no reproofs.

Aa Ehoba, Aokai gusu ku chipachipa ruwe ne: Aa Utarapa ne ku goro Kamui, Aokai anak ne ese-itak ki kusu ne na.

Aa Ehoba, Aokay kusu ku=cipacipa ruwe ne: Aa Utarpa ne ku=kor Kamuy, Aokay anakne ese-itak ki kusu ne na.

For in thee, O LORD, do I hope: thou wilt answer, O Lord my God.

Inambe gusu ne yakun, ene ku itak-hi: —Ikineipeka nei utara ika en gusu nupetne: Ku chikiri oshitteshu ita ika en gusu yairiknare kuni gusu ne na.

Inanpe kusu ne yakun, ene ku=itak hi: —Ikineypeka ne utar ika en kusu nupetne: Ku=cikiri osittesu hi ta ika en kusu yayriknare kuni kusu ne na.

For I said, Lest they rejoice over me: when my foot slippeth, they magnify themselves against me.

Hera no apkash ku etoko-oiki, Ramma yairamhekomo ruwe ne.

Her no apkas ku=etoko-oyki, Ramma yayramhekomo ruwe ne.

For I am ready to halt, and my sorrow is continually before me.

Ku goro wen-buri ku eyaipushi; Ku goro katpak gusu ku yairamhekomo kusu ne.

Ku=kor wen-puri ku eyaypusi; Ku=kor katpak kusu ku yayramhekomo kusu ne.

For I will declare mine iniquity; I will be sorry for my sin.

Koroka, en epokba utara anak ne niwashnu wa okirashnu ruwe ne: Orowa, ikkewe sak no en kowen utara ainnere nisa ruwe ne.

Korka, en epokpa utar anakne niwasnu wa okirasnu ruwe ne: Orowa, ikkewe sak no en=kowen utar ainnere nisa ruwe ne.

But mine enemies are lively, [and ]are strong: and they that hate me wrongfully are multiplied.

Shui, pirikap shirine wenbe sange utara anak ne En epokba ruwe ne, pirikap ku ki ruwe ne gusu ne na.

Suy, pirka p sirine wenpe sanke utar anakne En epokpa ruwe ne, pirka p ku=ki ruwe ne kusu ne na.

They also that render evil for good are adversaries unto me, because I follow the thing that is good.

Aa Ehoba, iteki en em aka wa en kore: Aa Ku goro Kamui, iteki en orowa no ehangeko no an wa en kore.

Aa Ehoba, iteki en em aka wa en=kore: Aa Ku=kor Kamuy, iteki en=oro wano e=hankeko no an wa en=kore.

Forsake me not, O LORD: O my God, be not far from me.

Aa en kashiobiuki Utarapa, Tunashi no en ikashiu wa en kore.

Aa en=kasiopiwki Utarpa, Tunasno en ikasiw wa en=kore.

Make haste to help me, O Lord my salvation.