89 Ik.

Ezra un guru ne Etan kava Maskir.

Ezra un kur ne Etan kava Maskir.

Maschil of Ethan the Ezrahite.

RAMMA pakno Ehoba koro rampoken gusu shinotcha ku ki kusu ne: Otusashuishiri pakno paroho ani E ki ikipniukeshbe ku assuru ashte kusu ne na.

Ramma pakno Ehoba kor ranpoken kusu sinotca ku=ki kusu ne: Otu sasuysir pakno paroho ani E ki ikipniwkespe ku assuru aste kusu ne na.

I will sing of the mercies of the LORD for ever: with my mouth will I make known thy faithfulness to all generations.

Inambe gusu ne yakun, ramma pakno rampoken anak ne aashte, E ki ikipniukeshbe shi no kando otta aatte kusu ne na, sekoro ku itak nisa ruwe ne gusu ne na.

Inanpe kusu ne yakun, ramma pakno ranpoken anakne a=aste, E ki ikipniwkespe sino kanto or ta aatte kusu ne na, sekor ku=itak nisa ruwe ne kusu ne na.

For I have said, Mercy shall be built up for ever; thy faithfulness shalt thou establish in the very heavens.

Ku numge guru tura uitaknup ku kan nisa, Ku uitek guru ne Dabid otta shiyuppa no ku ekambakte nisa ruwe ne;

Ku=numke kur tura uytaknup ku=kan nisa, Ku=uytek kur ne Dabid or ta siyuppa no ku ekanpakte nisa ruwe ne;

I have made a covenant with my chosen, I have sworn unto David my servant;

Samma pakno koro sanikiri ku ashte, Otusashuishiri pakno e koro amset ku atte kusu ne na. [Sera.]

Samma pakno kor sanikiri ku=aste, Otu sasuysir pakno e=kor amset ku=atte kusu ne na. [Sera.]

Thy seed will I establish for ever, and build up thy throne to all generations. Selah

Aa Ehoba, kando anak ne E kiroro an ikip ramye kusu ne; E koro ikipniukeshbe ashkanne utara tumugeta areika kusu ne na.

Aa Ehoba, kanto anakne E kiroro an iki p ramye kusu ne; E=kor ikipniwkespe askanne utar tumke ta arka kusu ne na.

And the heavens shall praise thy wonders, O LORD; thy faithfulness also in the assembly of the holy ones.

Inambe gusu ne yakun, kando otta an Ehoba tura ukonukara eashkaibe hunna ruwe? Kiroro an utara koro poho tumugeta Ehoba koheraye guru hunna?

Inanpe kusu ne yakun, kanto or ta an Ehoba tura ukonukara easkay pe hunna ruwe? Kiroro an utar kor poho tumke ta Ehoba koheraye kur hunna?

For who in the skies can be compared unto the LORD? who among the sons of the mighty is like unto the LORD,

Kamui anak ne ashkanne utara ukoramkor-i ta shi no ashitomap ne, Shinuma okari ta obitta no okai utara orowa no akoishitoma ruwe ne.

Kamuy anakne askanne utar ukoramkor hi ta sino asitomap ne, Sinuma okari ta opittano okay utar oro wano a=koysitoma ruwe ne.

A God very terrible in the council of the holy ones, and to be feared above all them that are round about him?

Aa inne topaha koro Kamui ne Ehoba, Aa Yah, Aokai nepkoro kiroro korope hunna ruwe he an? E koro ikipniukeshi-i anak ne E okari ta an ruwe ne.

Aa inne topaha kor Kamuy ne Ehoba, Aa Yah, Aokay nepkor kiroro kor pe hunna ruwe he an? E=kor ikipniwkesi hi anakne E okari ta an ruwe ne.

O LORD God of hosts, who is a mighty one, like unto thee, O JAH? and thy faithfulness is round about thee.

Aokai anak ne atui pakesara ambe epungine, Koro riri hopumba yak ne, E more ruwe ne na.

Aokay anakne atuy pakesara anpe epunkine, Kor rir hopunpa yakne, E more ruwe ne na.

Thou rulest the pride of the sea: when the waves thereof arise, thou stillest them.

Aokai anak ne araige guru nei no Rahab humne no pereke nisa; Koro okirashnu teke ani E epokba utara shitchari nisa ruwe ne na.

Aokay anakne arayke kur néno Rahab humne no perke nisa; Kor okirasnu teke ani E epokpa utar sitcari nisa ruwe ne na.

Thou hast broken Rahab in pieces, as one that is slain; thou hast scattered thine enemies with the arm of thy strength.

Kando E korobe ne, toitoi ne yakka E korobe ne ruwe ne: Aokai anak ne moshiri newa ani aeshikbe ashte nisa ruwe ne.

Kanto E=kor pe ne, toytoy ne yakka E=kor pe ne ruwe ne: Aokay anakne mosir newa ani aesikpe aste nisa ruwe ne.

The heavens are thine, the earth also is thine: the world and the fulness thereof, thou hast founded them.

Arutoro newa pikata anak E karape ne: Tabor newa Hermon anak ne E reihei enupetne.

Arutor newa pikata anak E kar pe ne: Tabor newa Hermon anakne E rehe enupetne.

The north and the south, thou hast created them: Tabor and Hermon rejoice in thy name.

Aokai anak ne okirashnu amunin koro E koro teke anak ne kiroro-ashnu, E koro shimon teke ri ambe ne ruwe ne.

Aokay anakne okirasnu amunin kor E=kor teke anakne kiroro-asnu, E=kor simon teke ri anpe ne ruwe ne.

Thou hast a mighty arm: strong is thy hand, and high is thy right hand.

E koro amset asamaha anak ne oupekap ne aesanniyo ambe ne: Rampoken newa sonep anak ne E nanuhu kotchaketa paye ruwe ne.

E=kor amset asamaha anakne owpekap ne a=esanniyo anpe ne: Rampoken newa sonep anakne E nanuhu kotcake ta paye ruwe ne.

Righteousness and judgment are the foundation of thy throne: mercy and truth go before thy face.

Nei nupetne hawe eraman utara anunuke ne: Aa Ehoba, nei utara anak ne E koro nanuhu pekere ta apkash ruwe ne.

Ne nupetne hawe eraman utar a=nunuke ne: Aa Ehoba, ne utar anakne E=kor nanuhu peker ta apkas ruwe ne.

Blessed is the people that know the joyful sound: they walk, O LORD, in the light of thy countenance.

Ramne to nei utara anak ne E reihei enupetne: Orowa, E koro oupeka ambe gusu ariknare ruwe ne.

Ramne to ne utar anakne E rehe enupetne: Orowa, E=kor owpeka anpe kusu ariknare ruwe ne.

In thy name do they rejoice all the day: and in thy righteousness are they exalted.

Aokai anak ne nei utara koro kiroro nupeki E ne: Orowa, E koro irenga gusu chikoro kirawe ariknare kusu ne.

Aokay anakne ne utar kor kiroro nupeki E ne: Orowa, E=kor irenka kusu ci=kor kiraw ariknare kusu ne.

For thou art the glory of their strength: and in thy favour our horn shall be exalted.

Chikoro tam-kikhumbe anak ne Ehoba korope ne; Orowa, chikoro esapane guru Israeru koro Ashkannep korope ne ruwe ne gusu ne na.

Ci=kor tam-kikhunpe anakne Ehoba kor pe ne; Orowa, ci=kor esapane kur Israeru kor Askannep kor pe ne ruwe ne kusu ne na.

For our shield belongeth unto the LORD; and our king to the Holy One of Israel.

Nei ita anak ne Aokai anukarape ani E koro Ashkanne guru otta itak nisa, Ene E ye-hi:— Kiroroashnu guru kashita kashiobiuki-hi ku ande nisa; Utara orowa no an guru ku riknare nisa ruwe ne.

Ne hi ta anakne Aokay anukarape ani E=kor Askanne kur or ta itak nisa, Ene E ye hi:— Kiroroashnu kurkasi ta kasiopiwki hi ku=ante nisa; Utar oro wano an kur ku riknare nisa ruwe ne.

Then thou spakest in vision to thy saints, and saidst, I have laid help upon one that is mighty; I have exalted one chosen out of the people.

Ku goro uitek guru ne Dabid ku pa; Ku goro Ashkanne shum ani Shinuma ku kashiota nisa ruwe ne:

Ku=kor uytek kur ne Dabid ku=pa; Ku=kor Askanne sum ani Sinuma ku=kasi ota nisa ruwe ne:

I have found David my servant; with my holy oil have I anointed him:

Shinuma tura ku teke aashte kusu ne; Ku amunin ne yakka shinuma tumashnure kusu ne na.

Sinuma tura ku=teke a=aste kusu ne; Ku=amunin ne yakka sinuma tumasnure kusu ne na.

With whom my hand shall be established; mine arm also shall strengthen him.

Epokba guru anak ne shomo shinuma otta niwen no iki; Shui, oheuge-buri koro poho anak ne shomo Shinuma shirikirapte kusu ne na.

epokpa kur anakne somo sinuma or ta niwen no iki; Suy, ohewke-puri kor poho anakne somo Sinuma sirkirapte kusu ne na.

The enemy shall not exact upon him; nor the son of wickedness afflict him.

Shinuma kotchaketa yairamhekomore utara ku hachire, Orowa, shinuma etunne utara ku shirikik kusu ne na.

Sinuma kotcake ta yayramhekomore utar ku=hacire, Orowa, sinuma etunne utar ku=sirkik kusu ne na.

And I will beat down his adversaries before him, and smite them that hate him.

Koroka, ku sonep newa rampoken anak ne shinuma tura no an; Orowa, ku reihei gusu shinuma koro kirawe ariknare kusu ne na.

Korka, ku sonep newa ranpoken anakne sinuma turano an; Orowa, ku=rehe kusu sinuma kor kiraw ariknare kusu ne na.

But my faithfulness and my mercy shall be with him; and in my name shall his horn be exalted.

Shinuma koro teke atui kata ku ande, Koro shimon teke pet kata ku ande kusu ne.

Sinuma kor teke atuy kata ku=ante, Kor simon teke pet kata ku=ante kusu ne.

I will set his hand also on the sea, and his right hand on the rivers.

En orun shinuma ene hawe okai kusu ne-hi;— Aokai anak ne ku michi ne, Ku Kamui ne, en kashiobiuki kuni Watara ne ruwe ne.

En=orun sinuma ene hawe okay kusu ne hi;— Aokay anakne ku=mici ne, Ku Kamuy ne, en=kasiopiwki kuni Watara ne ruwe ne.

He shall cry unto me, Thou art my father, my God, and the rock of my salvation.

Shui, shinuma ari ku kiyanne guru ne kuni ku kara kusu ne, Moshiri shikkasbima utara kasu no ku pasere kusu ne na.

Suy, sinuma ari ku=kiyanne kur ne kuni ku=kar kusu ne, Mosir sikkaspima utar kasuno ku=pasere kusu ne na.

I also will make him [my ]firstborn, the highest of the kings of the earth.

Samma pakno Shinuma gusu rampokiwen wa ku kore kusu ne, Orowa, ku ki uitaknup Shinuma gusu aatte kusu ne na.

Samma pakno Sinuma kusu ranpokiwen wa ku=kore kusu ne, Orowa, ku=ki uytaknup Sinuma kusu aatte kusu ne na.

My mercy will I keep for him for evermore, and my covenant shall stand fast with him.

Shinuma koro santek otusashuishiri pakno an kuni ku kara, Shinuma amset anak ne kando toho nei no an kusu ne na.

Sinuma kor santek otu sasuysir pakno an kuni ku=kar, Sinuma amset anakne kanto toho néno an kusu ne na.

His seed also will I make to endure for ever, and his throne as the days of heaven.

Shinuma koro poho utara ku ashte tuitak emaka wa Ku esanniyop otta apkash shomoki yak ne;

Sinuma kor poho utar ku=aste tuytak emaka wa Ku esanniyop or ta apkas somo ki yakne;

If his children forsake my law, and walk not in my judgments;

Shui, ku ki ipawetenge otereke wa Ku sange ikashpaotte shikkashima shomoki chiki:

Suy, ku=ki ipawetenke oterke wa Ku=sanke ikaspaotte sikkasima somo ki ciki:

If they break my statutes, and keep not my commandments;

Yakun, kuwa ani nei ohaitap ku pakashnu, Shirikikbe ani koro wen-buri pakashnu kusu ne na.

Yakun, kuwa ani ne ohaytap ku=pakasnu, Shirikikbe ani kor wen-puri pakasnu kusu ne na.

Then will I visit their transgression with the rod, and their iniquity with stripes.

Koroka, ku koro rampoken obitta nei guru orowa no ku kouk shomoki, Orowa, ku sonep anak ne isam shomoki kusu ne na.

Korka, ku=kor ranpoken opitta ne kur oro wano ku=kouk somo ki, Orowa, ku sonep anakne isam somo ki kusu ne na.

But my mercy will I not utterly take from him, nor suffer my faithfulness to fail.

Ku ki uitaknup ku ehaita shomoki Orowa, ku paro wano oashin itak itasare shomoki kusu ne na.

Ku=ki uytaknup ku=ehayta somo ki Orowa, ku=paro wano oasin itak itasare somo ki kusu ne na.

My covenant will I not break, nor alter the thing that is gone out of my lips.

Ku ashkanne ambe ani shinepe shiyuppa no ku ekambakte nisa; Dabid orota shunge ku ye shomoki kusu ne;

Ku=askanne anpe ani sinep siyuppa no ku ekanpakte nisa; Dabid oro ta sunke ku=ye somo ki kusu ne;

Once have I sworn by my holiness; I will not lie unto David;

Shinuma koro san-ikiri otusashuishiri pakno an, Tokap chup korachi shinuma amset en kotchaketa an kusu ne na.

Sinuma kor san-ikiri otu sasuysir pakno an, Tokap cup koraci sinuma amset en=kotcake ta an kusu ne na.

His seed shall endure for ever, and his throne as the sun before me.

Kunne chup nei no otusashuishiri pakno aatte, Ikipniukesh paweteshu ki guru nei no kando otta an ruwe ne kusu ne na. [Sera.]

Kunne cup néno otu sasuysir pakno aatte, Ikipniukesh pawetesu ki kur néno kanto or ta an ruwe ne kusu ne na. [Sera.]

It shall be established for ever as the moon, and [as ]the faithful witness in the sky. Selah

Koroka, Aokai anak ne emaka wa osura nisa, E koro kashiaota guru koirushka nisa ruwe ne.

Korka, Aokay anakne emaka wa osura nisa, E=kor kasiaota kur koyruska nisa ruwe ne.

But thou hast cast off and rejected, thou hast been wroth with thine anointed.

Aokai anak ne E koro uitek guru koro uitaknup etunne: Toitoi pakno shinuma koro sapa-umbe akoatcha nisa ruwe ne.

Aokay anakne E=kor uytek kur kor uytaknup etunne: Toytoy pakno sinuma kor sapa-un pe a=koatca nisa ruwe ne.

Thou hast abhorred the covenant of thy servant: thou hast profaned his crown [even ]to the ground.

Obitta no okai shinuma koro ankura Aokai hokushte nisa; Shinuma koro okirashnu chashi wende nisa ruwe ne.

Opittano okay sinuma kor ankura Aokay hokuste nisa; Sinuma kor okirasnu casi wente nisa ruwe ne.

Thou hast broken down all his hedges; thou hast brought his strong holds to rain.

Nei ru kari paye obitta no okai utara shinuma wende: Aota un utara gusu aeyainikoroshmap ne nisa.

Ne ru kari paye opittano okay utar sinuma wente: A=o ta un utar kusu aeyaynikorosmap ne nisa.

All that pass by the way spoil him: he is become a reproach to his neighbours.

Aokai anak ne shinuma epokba utara koro shimon teke riknare nisa, Obitta no okai Shinuma epokba utara nupetnere nisa ruwe ne na.

Aokay anakne sinuma epokpa utar kor simon teke riknare nisa, Opittano okay Sinuma epokpa utar nupetnere nisa ruwe ne na.

Thou hast exalted the right hand of his adversaries; thou hast made all his enemies to rejoice.

Ruwe newa, shinuma koro rangetam ibehe chawaugere, Tumi an ita shomo shinuma rametokte nisa ruwe ne.

Ruwe newa, sinuma kor ranke tam ipehe cawawkere, Tumi an hi ta somo sinuma rametokte nisa ruwe ne.

Yea, thou turnest back the edge his sword, and hast not made him to stand in the battle.

Aokai anak ne shinuma koro nupeki-hi ushka, Orowa, shiri kata shinuma amset hokushte nisa ruwe ne na.

Aokay anakne sinuma kor nupeki hi uska, Orowa, siri kata sinuma amset hokuste nisa ruwe ne na.

Thou hast made his brightness to cease, and cast his throne down to the ground.

Shinuma shukup tuika Aokai taknere nisa: Yainikoroshmap ani shinuma kamure nisa ruwe ne. [Sera.]

Sinuma sukup tuyka Aokay taknere nisa: Yainikoroshmap ani sinuma kamure nisa ruwe ne. [Sera.]

The days of his youth hast thou shortened: thou hast covered him with shame. Selah

Aa Ehoba, hembara pakno, ramma pakno E yainuina kusu ne ya? Abe korachi E koro kinrakarape paraparase ruwe he an?

Aa Ehoba, henpara pakno, ramma pakno E yaynuyna kusu ne ya? Ape koraci E=kor kinrakarape parparse ruwe he an?

How long, O LORD, wilt thou hid thyself for ever? [how long ]shall thy wrath burn like fire?

Aa, ku an kuni pakihi anak ne hemanda takne ya kuni eshkarun wa en kore: Nep raka isambe gusu Aokai anak ne obitta no okai ainu poho utara kara ya?

Aa, ku=an kuni pakihi anakne hemanta takne ya kuni eskarun wa en=kore: Nep raka i=sanpe kusu Aokay anakne opittano okay aynu poho utar kar ya?

O remember how short my time is: for what vanity hast thou created all the children of men!

Shiknu wa shomo rai kuni guru nen ne ruwe he an? Shio teke wano kon ramat ohaitare guru anak ne inan guru ne ya? [Sera.]

Siknu wa somo ray kuni kur nen ne ruwe he an? Sio teke wano kor ramat ohaytare kur anakne inan kur ne ya? [Sera.]

What man is he that shall live and not see death, that shall deliver his soul from the power of Sheol? Selah

Aa Utarapa, sonep E ki wa Dabid otta shiyuppa no ekambakte Etoko an E koro rampoken hunakta an ruwe he an?

Aa Utarpa, sonep E ki wa Dabid or ta siyuppa no ekanpakte Etoko an E=kor ranpoken hunak ta an ruwe he an?

Lord, where are thy former mercies, which thou swarest unto David in thy faithfulness?

Aa Utarapa, e koro uitek utara ayainikoroshmare ambe eshkarun; Inne no okai uirup korope ku upshorota an a-hi sekoro eshkarun wa en kore;

Aa Utarpa, e=kor uytek utar ayaynikorosmare anpe eskarun; Inne no okay uyrup kor pe ku=upsor ta an a hi sekor eskarun wa en=kore;

Remember, Lord, the reproach of thy servants; how I do bear in my bosom [the reproach of ]all the mighty peoples:

Aa Ehoba, nei ambe ani E epokba utara aeyainikoroshmarere, Nei ambe ani nei utara anak ne E koro kashiaotap yainikoroshmare nisa ruwe ne.

Aa Ehoba, ne anpe ani E epokpa utar aeyaynikorosmarere, Ne anpe ani ne utar anakne E=kor kasiaotap yaynikorosmare nisa ruwe ne.

Wherewith thine enemies have reproached, O LORD, wherewith they have reproached the footsteps of thine anointed.

Ramma pakno Ehoba anak ne anunuke ne. Amen, shui, Amen.

Ramma pakno Ehoba anakne a=nunuke ne. Amen, suy, Amen.

Blessed be the LORD for evermore. Amen, and Amen.