24 Ik.

Dabid kara Iyohaichish.

Dabid kar Iyohaycis.

A Psalm of David.

MOSHIRI newa moshiri aeshikbe kane Ehoba ne korobe; Ingi-moshiri newa otta oshiroma utara Shinuma korobe ne.

Mosir newa mosir aesikpe kane Ehoba ne kor pe; Inki-mosir newa or ta osiroma utar Sinuma kor pe ne.

The earth is the LORD’S, and the fulness thereof; the world, and they that dwell therein.

Shinuma anak nei ambe atui kata asama ande, Poro pesambe kata nei ambe atte nisa ruwe ne.

Sinuma anakne anpe atuy kata asama ante, Poro pesanpe kata ne anpe atte nisa ruwe ne.

For he hath founded it upon the seas, and established it upon the floods.

Ehoba koro huru hemesu kusu ne guru nen ne ruwe? Shinuma koro ashkanne ushiketa ash kuni guru inan guru ne ruwe he an?

Ehoba kor hur hemesu kusu ne kur nen ne ruwe? Sinuma kor askanne uske ta as kuni kur inan kur ne ruwe he an?

Who shall ascend into the hill of the LORD? and who shall stand in his holy place?

Turusak tekehe newa ashkanne sambe koro; Keutum ta ohap ramepakari shomoki, Shunge uitaknup shomo ki guru ne ruwe ne.

Tursak tekehe newa askanne sanpe kor; Kewtum ta ohap ramepakari somo ki, Sunke uytaknup somo ki kur ne ruwe ne.

He that hath clean hands, and a pure heart; who hath not lifted up his soul unto vanity, and hath not sworn deceitfully.

Nei guru anak ne Ehoba orowa no kashnukarape uk, Kashiobiuki Kamui wano oupekap akore kusu ne.

Ne kur anakne Ehoba oro wano kasnukarape uk, Kasiopiwki Kamuy wano owpekap a=kore kusu ne.

He shall receive a blessing from the LORD, and righteousness from the God of his salvation.

Shinuma hunara sanikiri utara anak ne ene ani ne, Yakob koro Kamui, E koro nanuhu hunara utara ene ani ne ruwe ne. [Sera.]

Sinuma hunara sanikiri utar anakne ene ani ne, Yakob kor Kamuy, E=kor nanuhu hunara utar ene ani ne ruwe ne. [Sera.]

This is the generation of them that seek after him, that seek thy face, [O God of ]Jacob. Selah

Aa apa-ushta ne echi utare, koro sapaha hetari yan; Otusashuishiri pakno an apa-ushta, ahetari wa okai yan; Orowa, nupeki koro Moshiri shikkashimap ahun kusu ne na.

Aa apa-us ta ne eci utar, kor sapaha hetari yan; Otu sasuysir pakno an apa-us ta, a=hetari wa okay yan; Orowa, nupeki kor Mosir sikkasimap ahun kusu ne na.

Lift up your heads, O ye gates; and be ye lift up, ye everlasting doors: and the King of glory shall come in.

Nupeki koro moshiri shikkashimap anak ne nen ne ruwe he an? Tumashnu wa kiroroashnu Ehoba ne, Tumi gusu kiroroashnu Ehoba ne ruwe ne.

Nupeki kor mosir sikkasimap anakne nen ne ruwe he an? Tumasnu wa kiroroasnu Ehoba ne, Tumi kusu kiroroasnu Ehoba ne ruwe ne.

Who is the King of glory? The LORD strong and mighty, the LORD mighty in battle.

Aa apa-ushta ne echi utare, koro sapaha hetari yan; Ruwe un, otusashuishiri pakno an apaha, nei ambe hetari yan; Orowa, nupeki koro Moshiri shikkashimap ahun kusu ne na.

Aa apa-us ta ne eci utar, kor sapaha hetari yan; Ruwe un, otu sasuysir pakno an apaha, ne anpe hetari yan; Orowa, nupeki kor Mosir sikkasimap ahun kusu ne na.

Lift up your heads, O ye gates; yea, lift them up, ye everlasting doors: and the King of glory shall come in.

Tap nupeki koro Moshiri shikkashimap anak ne nen ne ruwe he an? Inne tumi-koro utara koro Ehoba ne, Shinuma anak Moshiri shikkashima nupeki koro Kamui ne ruwe tap an na. [Sera.]

Tap nupeki kor Mosir sikkasimap anakne nen ne ruwe he an? Inne tumi-kor utar kor Ehoba ne, Sinuma anak Mosir sikkasima nupeki kor Kamuy ne ruwe tapan na. [Sera.]

Who is this King of glory? The LORD of hosts, he is the King of glory. Selah