YAH ramye yan. Aa Ehoba koyaiiraige yan; Shinuma pirika ruwe ne gusu: Shinuma koro rampoken ramma pakno an ruwe ne gusu ne na.
YAH ramye yan. Aa Ehoba koyayirayke yan; Sinuma pirka ruwe ne kusu: Sinuma kor ranpoken ramma pakno an ruwe ne kusu ne na.
Praise ye the LORD. O give thanks unto the LORD; for he is good: for his mercy [endureth ]for ever.
Ehoba iki kiroro ikip ye eashkai guru hunna? Shinuma koro obitta no okai iramye ambe atte eashkaibe hunna ruwe he an?
Ehoba iki kiroro iki p ye easkay kur hunna? Sinuma kor opittano okay iramye anpe atte easkay pe hunna ruwe he an?
Who can utter the mighty acts of the LORD, or shew forth all his praise?
Aesanniyop ramma shikkasbima hene ki utara, Ramma oupekap kara hene ki guru anak ne anunuke ne.
aesanniyop ramma sikkaspima hene ki utar, Ramma owpekap kar hene ki kur anakne a=nunuke ne.
Blessed are they that keep judgment, and he that doeth righteousness at all times.
Aa Ehoba, E koro utara gusu sange irenga ani en eshkarun wa en kore; Aa, en kashiobiuki wa en kore.
Aa Ehoba, E=kor utar kusu sanke irenka ani en=eskarun wa en=kore; Aa, en=kasiopiwki wa en=kore.
Remember me, O LORD, with the favour that thou bearest unto thy people; O visit me with thy salvation:
E koro anumge utara aepirikare ambe ku nukara hemhem ki, E koro uirup yainuchattek-hi ku enupetne hemhem ki, E koro eikeshkoro utara tura iramye hemhem ku ki kuni ne en eshkarun wa en kore.
E=kor a=numke utar aepirikare anpe ku=nukar hemhem ki, E=kor uyrup yaynucattek hi ku=enupetne hemhem ki, E=kor eykeskoro utar tura iramye hemhem ku=ki kuni ne en=eskarun wa en=kore.
That I may see the prosperity of thy chosen, that I may rejoice in the gladness of thy nation, that I may glory with thine inheritance.
Chi utara anak ne koro ekashi tura katpak koro, Oheugep chi ki wen no ikichi nisa ruwe ne.
Ci utar anakne kor ekasi tura katpak kor, Oheugep ci ki wenno ikici nisa ruwe ne.
We have sinned with our fathers, we have committed iniquity, we have done wickedly.
Chikoro ekashi anak ne Echipt moshiri ta E ki iyokunnurep eraman shomoki; E sange inne no okai rampoken eshkarun shomoki; Koroka atui samta, nei Kokai atui samta okbare ki nisa ruwe ne.
Ci=kor ekasi anakne Ecipt mosir ta E ki iyokunnurep eraman somo ki; E sanke inne no okay ranpoken eskarun somo ki; Korka atuy sam ta, ne Kokai atuy sam ta okpare ki nisa ruwe ne.
Our fathers understood not thy wonders in Egypt; they remembered not the multitude of thy mercies; but were rebellious at the sea, even at the Red Sea.
Yakka, Shinuma yaikota kon reihei gusu nei utara kashiobiuki, Koro tumashnu kiroro ashte kuni gusu ne na.
Yakka, Sinuma yaykota kor rehe kusu ne utar kasiopiwki, Kor tumasnu kiroro aste kuni kusu ne na.
Nevertheless he saved them for his name’s sake, that he might make his mighty power to be known.
Shinuma Kokai atui ne yakka kopashirota, awa, nei ambe sat nisa: Tambe gusu nup akush korachi nei ooho-i akushte nisa ruwe ne.
Sinuma Kokai atuy ne yakka kopasirota, awa, ne anpe sat nisa: Tanpe kusu nup akus koraci ne ooho hi a=kuste nisa ruwe ne.
He rebuked the Red Sea also, and it was dried up: so he led them through the depths, as through a wilderness.
Orowa, etunne guru koro teke wano Shinuma ohaitare, Aige, epokba guru koro teke wano kikiraye nisa ruwe ne na.
Orowa, etunne kur kor teke wano Sinuma ohaytare, Ayke, epokpa kur kor teke wano kikiraye nisa ruwe ne na.
And he saved them from the hand of him that hated them, and redeemed them from the hand of the enemy.
Orowa, wakka anak ne nei utara epokba utara kamure nisa: Shinen ne yakka shomo ohaita nisa ruwe ne na.
Orowa, wakka anakne ne utar epokpa utar kamure nisa: Sinen ne yakka somo ohay ta nisa ruwe ne na.
And the waters covered their adversaries: there was not one of them left.
Nei orowa no nei utara anak ne Shinuma itak eishokoro; Orowa, iramye nisa ruwe ne.
Ne oro wano ne utar anakne Sinuma itak eysokor; Orowa, iramye nisa ruwe ne.
Then believed they his words; they sang his praise.
Nei utara tunashino Shinuma kii ikip oira; Shinuma ki ukoramkorʼi ehuye shomoki nisa ruwe ne.
Ne utar tunasno Sinuma ki iki p oyra; Sinuma ki ukoramkor i ehuy somo ki nisa ruwe ne.
They soon forgat his works; they waited not for his counsel:
Koroka, kimta eikaunu kashpa shiri ki, Nup otta Kamui koramnukan nisa.
Korka, kim ta e=kawnu kaspa siriki, Nup or ta Kamuy koramnukar nisa.
But lusted exceedingly in the wilderness, and tempted God in the desert.
Orowa, Shinuma nei utara koramkorope sange; Koroka, kon ramat sattekte nisa ruwe ne.
Orowa, Sinuma ne utar koramkorope sanke; Korka, kor ramat sattekte nisa ruwe ne.
And he gave them their request; but sent leanness into their soul.
Orowa, kash koro wa okai ushiketa ne yakka Mose eyaitunnap, Shui, Ehoba koro Ashkanne Aaron eyaitunnap nisa u ruwe nei na.
Orowa, kas kor wa okay uske ta ne yakka Mose eyaytunnap, Suy, Ehoba kor Askanne Aaron eyaytunnap nisa u ruwe ne na.
They envied Moses also in the camp, [and ]Aaron the saint of the LORD.
Toitoi i maka wa Datan ruki, Orowa, Abiram tura no okai utara kamure nisa ruwe ne.
Toytoy i maka wa Datan ruki, Orowa, Abiram turano okay utar kamure nisa ruwe ne.
The earth opened and swallowed up Dathan, and covered the company of Abiram.
Nei utara tumugeta abe aare; Abe nupeki anak ne, wen utara uhuyeka nisa ruwe ne.
Ne utar tumke ta ape a=re; Ape nupeki anakne, wen utar uhuyeka nisa ruwe ne.
And a fire was kindled in their company; the flame burned up the wicked.
Horeb ta nei utara pon beka kara, Ru kani nokaha ko-ongami nisa.
horep ta ne utar pon peka kar, Ru kani nokaha ko-onkami nisa.
They made a calf in Horeb, and worshipped a molten image.
Tap korachi nei utara; anak ne koro iramye kunip itasare wa, Mun ibe beko nokaha ne kan nisa ruwe ne na.
Tap koraci ne utar; anakne kor iramye kunip itasare wa, Mun ipe peko nokaha ne kan nisa ruwe ne na.
Thus they changed their glory for the likeness of an ox that eateth grass.
Echipt moshiri ta poro ikip ki, Koro kashiobiuki kuni Kamui oira nisa;
Ecipt mosir ta poro iki p ki, Kor kasiopiwki kuni Kamuy oyra nisa;
They forgat God their saviour, which had done great things in Egypt;
Shinuma Ham moshiri ta iyokunnure ambe kara, Kokai atui samta ashitoma okaibe ki nisa ruwe ne na.
Sinuma Ham mosir ta iyokunnure anpe kar, Kokai atuy sam ta asitoma okaype ki nisa ruwe ne na.
Wondrous works in the land of Ham, [and ]terrible things by the Red Sea.
Tambe gusu, nei utara isamka kusu ne sekoro shinuma itak, Aige, Shinuma ki kinrakarape shishire wa ika nei utara isamka kuni ne, Shinuma numge Mose anak ne nei wen ushiketa Shinuma kotchake ash nisa ruwe ne.
Tanpe kusu, ne utar isamka kusu ne sekor sinuma itak, Ayke, Sinuma ki kinrakarape sisire wa ika ne utar isamka kuni ne, Sinuma numke Mose anakne ne wen uske ta Sinuma kotcake as nisa ruwe ne.
Therefore he said that he would destroy them, had not Moses his chosen stood before him in the breach, to turn away his wrath, lest he should destroy [them].
Bu we ne wa, nei utara nei pirika moshiri etunne nisa, Shinuma koro itak eumbipka nisa ruwe ne;
Pu we ne wa, ne utar ne pirka mosir etunne nisa, Sinuma kor itak eunpipka nisa ruwe ne;
Yea, they despised the pleasant land, they believed not his word;
Koroka, koro kashi otta okai wa oromam ki, Aine, Ehoba koro hawe shomo nu nisa ruwe ne.
Korka, kor kasi or ta okay wa oromam ki, Ayne, Ehoba kor hawe somo nu nisa ruwe ne.
But murmured in their tents, and hearkened not unto the voice of the LORD.
Tambe gusu, nup otta nei utara hachirepa kuni ne, Koro teke puni nisa:
Tanpe kusu, nup or ta ne utar hacirepa kuni ne, Kor teke puni nisa:
Therefore he lifted up his hand unto them, that he would overthrow them in the wilderness:
Orowa shui, moshiri uirup tumugeta nei sanikiri hokushte wa, Moshiri kata charichari kuni gusu ne na.
Orowa suy, mosir uyrup tumke ta ne sanikiri hokuste wa, Mosir kata caricari kuni kusu ne na.
And that he would overthrow their seed among the nations, and scatter them in the lands.
Nei utara anak ne Baar-Peor orun paye, Aige, rai guru gusu ayangep ibe nisa ruwe ne.
Ne utar anakne Baar-Peor orun paye, Ayke, raykur kusu ayankep ipe nisa ruwe ne.
They joined themselves also unto Baal-peor, and ate the sacrifices of the dead.
Orowa, nei utara ki ikip gusu Shinuma airushkare; Aige, koturuse tashum asange nisa.
Orowa, ne utar ki iki p kusu Sinuma ayruskare; Ayke, koturse tasum a=sanke nisa.
Thus they provoked him to anger with their doings; and the plague brake in upon them.
Nei ita Pinehas ash wa koipishi ki, Awa, nei tashum aisamka nisa ruwe ne.
Ne hi ta Pinehas as wa koypisi ki, Awa, ne tasum a=ysamka nisa ruwe ne.
Then stood up Phinehas, and executed judgment: and so the plague was stayed.
Tambe anak ne otusashuishiri pakno okai ainu ikiri pakno Oupekap ne sekoro aesanniyo nisa ruwe ne.
Tanpe anakne otu sasuysir pakno okay aynu ikiri pakno Oupekap ne sekor a=esanniyo nisa ruwe ne.
And that was counted unto him for righteousness, unto all generations for evermore.
Orowa shui, Meriba wakka ta ne yakka nei utara Shinum irushkare, Tambe gusu nei utara ankushkerai Mose gusu wen ruwe ne:
Orowa suy, Meriba wakkata ne yakka ne utar Sinum iruskare, Tanpe kusu ne utar an kuskeray Mose kusu wen ruwe ne:
They angered him also at the waters of Meribah, so that it went ill with Moses for their sakes:
Nei utara Shinuma kon ramat eokbare, Aine, Shinuma anak ne koro papush ani aesanniyo shomoki itak sange nisa ruwe ne gusu ne na.
Ne utar Sinuma kor ramat e=okpare, Ayne, Sinuma anakne kor papus ani a=esanniyo somo ki itak sanke nisa ruwe ne kusu ne na.
Because they were rebellious against his spirit, and he spake unadvisedly with his lips.
Ehoba ikashpaotte korachi, Nei utara moshiri uirup isamka shomoki nisa;
Ehoba ikaspaotte koraci, Ne utar mosir uyrup isamka somo ki nisa;
They did not destroy the peoples, as the LORD commanded them;
Koroka, nei uirup utara tura ukopoyege wa, Koro ki ikip eyaihannokkan nisa ruwe ne:
Korka, ne uyrup utar tura ukopoyeke wa, Kor ki iki p eyayhannokkan nisa ruwe ne:
But mingled themselves with the nations, and learned their works:
Aige, yaikota gusu akbe ne akara, Potoki otta yaishieiwangere nisa ruwe ne:
Ayke, yaykota kusu akpe ne a=kar, Potoki or ta yaysieywankere nisa ruwe ne:
And they served their idols; which became a snare unto them:
Ruwe un, koro okkai poho newa koro matnepo nitnep orun yange nisa,
Ruwe un, kor okkay poho newa kor matnepo nitnep orun yanke nisa,
Yea, they sacrificed their sons and their daughters unto demons,
Orowa, turu-sak kemihi, koro okkai poho newa matne poho koro kem poka ohetu, Nei utara Kanaan moshiri ta okai nokaha otta yange nisa; Awa, kemihi ani toitoi turuaushte nisa ruwe ne na.
Orowa, tur-sak kemihi, kor okkay poho newa matnepoho kor kem poka ohetu, Ne utar Kanaan mosir ta okay nokaha or ta yanke nisa; Awa, kemihi ani toytoy turuauste nisa ruwe ne na.
And shed innocent blood, even the blood of their sons and of their daughters, whom they sacrificed unto the idols of Canaan; and the land was polluted with blood.
Tap korachi nei utara anak ne koro ki ikip ani turuaushte, Aine, ki ikip ani omoinu nisa ruwe ne.
Tap koraci ne utar anakne kor ki iki p ani turuauste, Ayne, ki iki p ani omoynu nisa ruwe ne.
Thus were they defiled with their works, and went a whoring in their doings.
Tambe gusu Ehoba anak ne koro utara gusu kinrakara, Aige, koro eikeshkoro utara etunne nisa ruwe ne na.
Tanpe kusu Ehoba anakne kor utar kusu kinrakar, Ayke, kor eykeskoro utar etunne nisa ruwe ne na.
Therefore was the wrath of the LORD kindled against his people, and he abhorred his inheritance.
Orowa, moshiri uirup koro teke otta Shinuma nei utara koropare, Awa, etunne utara anak esapane nisa ruwe ne.
Orowa, mosir uyrup kor teke or ta Sinuma ne utar korpare, Awa, etunne utar anak esapane nisa ruwe ne.
And he gave them into the hand of the nations; and they that hated them ruled over them.
Epokba utara anak nei utara koeramunishte; Aige, koro teke ani ausshiunere nisa ruwe ne.
epokpa utar anakne utar koeramuniste; Ayke, kor teke ani aussiwnere nisa ruwe ne.
Their enemies also oppressed them, and they were brought into subjection under their hand.
Kanna-kanna Shinuma nei utara kashiobiuki nisa, Koroka, koro ukoramkor-i ta okbare ki, Aine, koro wen-buri gusu aramde nisa ruwe ne na.
Kanna-kanna Sinuma ne utar kasiopiwki nisa, Korka, kor ukoramkor hi ta okpare ki, Ayne, kor wen-puri kusu a=ramte nisa ruwe ne na.
Many times did he deliver them; but they were rebellious in their counsel, and were brought low in their iniquity.
Yakka, Shinuma anak ne nei utara yairamkoiki-hi nukara wa, Aashte hawehe nu nisa ruwe ne:
Yakka, Sinuma anakne ne utar yayramkoyki hi nukar wa, A=aste hawehe nu nisa ruwe ne:
Nevertheless he regarded their distress, when he heard their cry:
Orowa, nei utara gusu an uitaknup Shinuma eshkarun wa, Koro rampoken inne no okai wa wenbe kirure nisa ruwe ne.
Orowa, ne utar kusu an uytaknup Sinuma eskarun wa, Kor ranpoken inne no okay wa wenpe kirure nisa ruwe ne.
And he remembered for them his covenant, and repented according to the multitude of his mercies.
Orowa, teke pashte utara orowa no Aechishikiraine kuni ne Shinuma ki nisa ruwe ne.
Orowa, teke paste utar oro wano Aecisikirayne kuni ne Sinuma ki nisa ruwe ne.
He made them also to be pitied of all those that carried them captives.
Aa chikoro Kamui ne Ehoba, un kaobiuki wa un kore, Moshiri uirup wano un uwekarare wa un kore, E koro ashkanne reihei orun koyaiiraige hemhem ki, E koro iramye-hi koereika hemhem ki kuni ne nei no kara wa un kore.
Aa ci=kor Kamuy ne Ehoba, un kaopiwki wa un kore, Mosir uyrup wano un uwekarare wa un kore, E=kor askanne rehe orun koyayirayke hemhem ki, E=kor iramye hi koereyka hemhem ki kuni ne néno kar wa un kore.
Save us, O LORD our God, and gather us from among the nations, to give thanks unto thy holy name, and to triumph in thy praise.
Israeru koro Kamui ne Ehoba anak ne, Otusashuishiri wano otusashuishiri pakno anunuke ne. Amen, ari an itak an obitta no okai utara yerero. Yah ramye yan.
Israeru kor Kamuy ne Ehoba anakne, Otu sasuysir wano otu sasuysir pakno a=nunuke ne. Amen, ari an itak an opittano okay utar yerero. Yah ramye yan.
Blessed be the LORD, the God or Israel, from everlasting even to everlasting. And let all the people say, Amen. Praise ye the LORD.