Shinotcha, Kora poho kara iyohaichish; shinotcha esapane guru gusu; Maharat Reannot otta. Ezra santek ne Heman koro Maskir.
Sinotca, Kor poho kar iyohaycis; sinotca esapane kur kusu; Maharat Reannot or ta. Ezra santek ne Heman kor Maskir.
A Song, a Psalm of the sons of Korah; for the Chief Musician; set to Mahalath Leannoth. Maschil of Heman the Ezrahite.
AA Ehoba ne en kashiobiuki Kamui, Tokap-to ta ne yakka kunne-to ta ne yakka E kotchaketa hawe ku ashte nisa:
Aa Ehoba ne en=kasiopiwki Kamuy, Tokap-to ta ne yakka kunne-to ta ne yakka E kotcake ta hawe ku=aste nisa:
O LORD, the God of my salvation, I have cried day and night before thee:
Ku ki inonno-itak E otta arakire; Ku ashte hawe orun ikokanu wa en kore:
Ku=ki inonno-itak E or ta arkire; Ku=aste hawe orun ikokanu wa en=kore:
Let my prayer enter into thy presence; incline thine ear unto my cry:
Ku ramat anak ne wenbe ani eshik, Orowa, Shio orun ku inotu anak ne karange no ek ruwe ne.
Ku=ramat anakne wenpe ani esik, Orowa, Sio orun ku=inotu anakne karankeno ek ruwe ne.
For my soul is full of troubles, and my life draweth nigh unto Sheol.
Shui orun san guru nei no a en esanniyo wa an; Kashiobiuki-hi sak no an guru korachi ku ne ruwe ne:
Suy orun san kur néno a en=esanniyo wa an; Kasiopiwki hi sak no an kur koraci ku ne ruwe ne:
I am counted with them that go down into the pit; I am as a man that hath no help:
Bai utara tumuge un aosurupa Tushiri otta okai aronnu utara nei no, Aokai shomo eshkarun utara ukorachi ne; Nei utara anak ne E teke wano aotuye utara ne ruwe ne.
Pay utar tumuke un a=osurpa Tusiri or ta okay a=ronnu utar néno, Aokay somo eskarun utar ukoraci ne; Ne utar anakne E teke wano a=otuye utar ne ruwe ne.
Cast off among the dead, like the slain that lie in the grave, whom thou rememberest no more; and they are cut off from thy hand.
Aokai anak ne iyotta ra un shui otta, Kunne an ushike, ooho ushiketa en ande nisa ruwe ne.
Aokay anakne iyotta ra un suy or ta, Kunne an usike, ooho uske ta en=ante nisa ruwe ne.
Thou hast laid me in the lowest pit, in dark places, in the deeps.
E koro irushka-hi en kashiketa an wa pase, Obitta no okai E koro riri ani Aokai en shirikirapte nisa ruwe ne. [Sera.]
E=kor iruska hi en=kasike ta an wa pase, Opittano okay E=kor rir ani Aokay en=sirkirapte nisa ruwe ne. [Sera.]
Thy wrath lieth hard upon me, and thou hast afflicted me with all thy waves. Selah
Aokai anak ne ku eamkiri utara en orowa no ehangeko ande nisa; Nei utara en etunne kuni ne E kara: A en koseshke hine ku soine eaikap ruwe ne.
Aokay anakne ku=e=amkir utar en=oro wano e=hankeko ante nisa; Ne utar en=etunne kuni ne E kar: A en=koseske hine ku=soyne eaykap ruwe ne.
Thou hast put mine acquaintance far from me; thou hast made me an abomination unto them: I am shut up, and I cannot come forth.
Ku ramu-sarak gusu ku shikihi anak ne nin: Aa Ehoba, kesto E orun ku nishuk, Aige, E orun ku teke ku turi nisa ruwe ne.
Ku=ramu-sarak kusu ku=sikihi anakne nin: Aa Ehoba, kesto E orun ku=nisuk, Ayke, E orun ku=teke ku=turi nisa ruwe ne.
Mine eye wasteth away by reason of affliction: I have called daily upon thee, O LORD, I have spread forth my hands unto thee.
Rai utara otta Aokai anak ne iyokunnure ikip nukare ya? Isam utara anak ne hopumba wa E koiramye kusu ne ya? [Sera.]
Ray utar or ta Aokay anakne iyokunnure iki p nukare ya? Isam utar anakne hopunpa wa E koyramye kusu ne ya? [Sera.]
Wilt thou shew wonders to the dead? shall they that are deceased arise and praise thee? Selah
Aokai ki omap-an-ramuhauge-hi anak ne tushiri onnaigeta anure ya? Aisamka ushike ta E ki ikipniukeshpe ku ashte kusu ne ruwe he an?
Aokay ki omap-an-ramuhawke hi anakne tusiri onnayke ta a=nure ya? A=ysamka usike ta E ki ikipniwkespe ku=aste kusu ne ruwe he an?
Shall thy lovingkindness be declared in the grave? or thy faithfulness in Destruction?
Kunne-i otta E ki iyokunnure ikip anukara ya? Samata, E koro oupeka ambe oirare moshiri ta aeraman ruwe he an?
Kunne hi or ta E ki iyokunnure iki p a=nukar ya? Sama ta, E=kor owpeka anpe oyrare mosir ta aeraman ruwe he an?
Shall thy wonders be known in the dark? and thy righteousness in the land of forgetfulness?
Koroka, Aa Ehoba, E orun ku hawe ashte nisa. Orowa, kunneiwano ku ki inonno-itak E kotchaketa ek kusu ne na.
Korka, Aa Ehoba, E orun ku hawe aste nisa. Orowa, kunneywano ku=ki inonno-itak E kotcake ta ek kusu ne na.
But unto thee, O LORD, have I cried, and in the morning shall my prayer come before thee.
Aa Ehoba, hemanda gusu Aokai anak ne ku ramat emaka ya? Hemanda gusu en orun E nanuhu E seshke ruwe he an?
Aa Ehoba, hemanta kusu Aokay anakne ku=ramat emaka ya? Hemanta kusu en=orun E nanuhu E seske ruwe he an?
LORD, why castest thou off my soul? why hidest thou thy face from me?
Ku otek-sak wa ponram orowa no ku rai etoko-oiki: Aokai gusu ku ishitoma ita ku sambekokuruse ruwe ne.
Ku otek-sak wa ponram oro wano ku=ray etoko-oyki: Aokay kusu ku=isitoma hi ta ku sanpekokuruse ruwe ne.
I am afflicted and ready to die from my youth up: while I suffer thy terrors I am distracted.
E ki niwen no an irushka ambe anak ne en kamure nisa; Aokai gusu an ishitoma-hi anak ne en otuye nisa ruwe ne na.
E ki niwen no an iruska anpe anakne en=kamure nisa; Aokay kusu an isitoma hi anakne en=otuye nisa ruwe ne na.
Thy fierce wrath is gone over me; thy terrors have cut me off.
Ramne to wakka korachi nei utara anak ne en okari wa araki; Ukoiram no en nikkotama nisa ruwe ne.
Ramne to wakka koraci ne utar anakne en=okari wa arki; Ukoyram no en nikkotama nisa ruwe ne.
They came round about me like water all the day long; they compassed me about together.
Omap ki guru ne yakka ikateomare guru ne yakka en orowa no ehangeko no E ande nisa, Orowa, ku eamkiri utara anak ne kunnep ne ruwe ne na.
Omap ki kur ne yakka i=kateomare kur ne yakka en=oro wano e=hankeko no E ante nisa, Orowa, ku=e=amkir utar anakne kunnep ne ruwe ne na.
Lover and friend hast thou put far from me, and mine acquaintance into darkness.