66 Ik.

Shinotcha esapane guru gusu, Shinotcha, Iyohaichish.

Sinotca esapane kur kusu, Sinotca, Iyohaycis.

For the Chief Musician. A Song, a Psalm.

MOSHIRʼEBITTA, Kamui gusu nupetne hau ashte yan.

Mosir Epitta, Kamuy kusu nupetne haw aste yan.

Make a joyful noise unto God, all the earth:

Shinuma reihei arakuru gusu shinotcha ki wa ashte yan: Shinuma ramyep nupekte yan.

Sinuma rehe a=rakur kusu sinotcaki wa aste yan: Sinuma ramyep nupekte yan.

Sing forth the glory of his name: make his praise glorious.

Kamui otta, E ki ikip nep ashitomap humi! E koro kiroro porobe ne gusu E epokba utara itaknu kusu ne na, ari an itak ani ye yan.

Kamuy or ta, E ki iki p nep asitomap humi! E=kor kiroro poro p ne kusu E epokpa utar itak nu kusu ne na, ari an itak ani ye yan.

Say unto God, How terrible are thy works! through the greatness of thy power shall thine enemies submit themselves unto thee.

Moshirʼebitta E ko-ongami wa Aokai orun shinotcha ki kusu ne: E reihei orun shinotcha ki kusu ne na. [Sera.]

Mosir epitta E ko-onkami wa Aokay orun sinotcaki kusu ne: E rehe orun sinotcaki kusu ne na. [Sera.]

All the earth shall worship thee, and shall sing unto thee; they shall sing to thy name. Selah

Araki wa Kamui ki ikip ingara yan; Utara poho epeka no ki ikip gusu shinuma anak ne ashitomap ne.

Arki wa Kamuy ki iki p inkar yan; Utar poho epeka no ki iki p kusu sinuma anakne asitomap ne.

Come, and see the works of God; [he is ]terrible in his doing toward the children of men.

Atui itasare wa sat toi ne kara: Apkash wa nei utara anak ne nei pet kush nisa: Nei ita Shinuma gusu chi utara nupetne nisa ruwe ne.

Atuy itasare wa sat toy ne kar: Apkas wa ne utar anakne ne pet kus nisa: Ne hi ta Sinuma kusu ci utar nupetne nisa ruwe ne.

He turned the sea into dry land: they went through the river on foot: there did we rejoice in him.

Shinuma anak ne kiroro sange wa ramma pakno epungine: Shinuma koro shikihi moshiri uirup shiruwande: Okbare ki utara, iteki yaikota yairire yan. [Sera.]

Sinuma anakne kiroro sanke wa ramma pakno epunkine: Sinuma kor sikihi mosir uyrup siruwante: Okpare ki utar, iteki yaykota yayrire yan. [Sera.]

He ruleth by his might for ever; his eyes observe the nations: let not the rebellious exalt themselves. Selah

Aa uirup utara, chikoro Kamui ramye yan, Shinuma reika hau anu no ashte yan.

Aa uyrup utar, ci=kor Kamuy ramye yan, Sinuma rek haw anu no aste yan.

O bless our God, ye peoples, and make the voice of his praise to be heard.

Shinuma anak ne chikonʼramat nitatpa wa shiknure, Chikoro chikiri shomo moimoige kuni ne kan ruwe ne.

Sinuma anakne ci=kor ramat nitatpa wa siknure, Ci=kor cikiri somo moymoyke kuni ne kan ruwe ne.

Which holdeth our soul in life, and suffereth not our feet to be moved.

Aa Kamui, Aokai anak ne un shiruwande nisa; Shirokani auwande korachi un shiruwande nisa ruwe ne.

Aa Kamuy, Aokay anakne un siruwante nisa; Sirokani a=uwante koraci un siruwante nisa ruwe ne.

For thou, O God, hast proved us: thou hast tried us, as silver is tried.

Aokai anak ne nei ya orun un ahupte; Chikoro seturu kata pase shikehe E ande nisa ruwe ne.

Aokay anakne ne ya orun un ahupte; Ci=kor seturu kata pase sikehe E ante nisa ruwe ne.

Thou broughtest us into the net; thou layedst a sore burden upon our loins.

Chikoro sapa kashike ainu utara aore nisa; Chi utara abe newa wakka kush nisa; Koroka, Aokai anak ne nuye an no an ushike orun un tura nisa ruwe ne na.

Ci=kor sapa kasike aynu utar a=or nisa; Ci utar ape newa wakka kus nisa; Korka, Aokay anakne nuye an no an usike orun un tura nisa ruwe ne na.

Thou hast caused men to ride over our heads; we went through fire and through water; but thou broughtest us out into a wealthy place.

Uhuyeka yange kunip ku goro wa E kora kenru ta ku ahun, Ku uitaknup Aokai orun ku ki kusu ne;

uhuyeka yanke kunip ku=kor wa E=kor kenru ta ku=ahun, Ku uytaknup Aokay orun ku=ki kusu ne;

I will come into thy house with burnt offerings, I will pay thee my vows,

Nei ambe anak ne ku yairamchuptekka ita ku paro ani ku itak ambe ne, Ku papush ani ku ye nisa ruwe ne.

Ne anpe anakne ku yayramcuptekka hi ta ku=paro ani ku=itak anpe ne, Ku=papus ani ku=ye nisa ruwe ne.

Which my lips have uttered, and my mouth hath spoken, when I was in distress.

Pinne hitsuji senko tura Mimushbe uhuyeka yange kunip E orun ku yange kusu ne na; Beko newa yangi kem tura ku yange kusu ne na. [Sera.]

Pinne hitsuji senko tura Mimushbe uhuyeka yanke kunip E orun ku=yanke kusu ne na; Peko newa yanki kem tura ku=yanke kusu ne na. [Sera.]

I will offer unto thee burnt offerings of fatlings, with the incense of rams; I will offer bullocks with goats. Selah

Kamui koishitoma obitta no okai utara araki wa nu yan, Yakun, ku ramat gusu Shinuma iki ambe echi nure ash kusu ne.

Kamuy koysitoma opittano okay utar arki wa nu yan, Yakun, ku=ramat kusu Sinuma iki anpe eci=nure as kusu ne.

Come, and hear, all ye that fear God, and I will declare what he hath done for my soul.

Inambe gusu ne yakun, paro ani Shinuma orun ku konishuk, awa, Ku paroho ani Shinuma airamye nisa ruwe ne.

Inanpe kusu ne yakun, paro ani Sinuma orun ku konisuk, awa, Ku=paroho ani Sinuma a=yramye nisa ruwe ne.

I cried unto him with my mouth, and he was extolled with my tongue.

Ku keutum ta irarape ku yainu chiki, Utarapa shomo nu kusu ne:

Ku=kewtum ta irara p ku=yaynu ciki, Utarpa somo nu kusu ne:

If I regard iniquity in my heart, the Lord will not hear:

Koroka, son no newa Kamui anak ne nu nisa; Ku ki inonno-itak gusu ikokanu nisa ruwe ne.

Korka, sonno newa Kamuy anakne nu nisa; Ku=ki inonno-itak kusu ikokanu nisa ruwe ne.

But verily God hath heard; he hath attended to the voice of my prayer.

Kamui anak ne anunuke ne, Shinuma anak ne ku ki inonno-itak shomo korampoktuye, orowa koro rampoken en orowa no shishire shomoki nisa ruwe ne na.

Kamuy anakne a=nunuke ne, Sinuma anakne ku=ki inonno-itak somo koranpoktuye, orowa kor ranpoken en=oro wano sisire somo ki nisa ruwe ne na.

Blessed be God, which hath not turned away my prayer, nor his mercy from me.