1
Dabid karape.
Dabid kar pe.
A Psalm of David.
Dabid karape.
Dabid kar pe.
A Psalm of David.
AA ku ramat, Ehoba nunuke yan; En onnaigeta okaibe obitta Shinuma kon reihei nunuke yan.
Aa ku=ramat, Ehoba nunuke yan; En=onnayke ta okaype opitta Sinuma kor rehe nunuke yan.
Bless the LORD, O my soul; and all that is within me, [bless ]his holy name.
Aa ku ramat, Ehoba nunuke yan, Obitta no okai Shinuma sange epirikarep iteki oira yan.
Aa ku=ramat, Ehoba nunuke yan, Opittano okay Sinuma sanke epirikarep iteki oyra yan.
Bless the LORD, O my soul, and forget not all his benefits:
Shinuma anak ne obitta no okai e koro wen-buri tusare; Obitta no okai e koro shiyeye iwangere;
Sinuma anakne opittano okay e=kor wen-puri tusare; Opittano okay e=kor siyeye iwankere;
Who forgiveth all thine iniquities; who healeth all thy diseases;
Orowa, nei shui gusu e koro inotu kikiraye; Omap-an-ramuhauge-hi newa rampoken e sapa kata ande ruwe ne.
Orowa, ne suy kusu e=kor inotu kikiraye; Omap-an-ramuhawke hi newa ranpoken e sapa kata ante ruwe ne.
Who redeemeth thy life from destruction; who crowneth thee with lovingkindness and tender mercies:
Pirikap ani e koro paroho eramushinnere; Aige, kapachiri chikap nei no e upente ruwe ne.
Pirka p ani e=kor paroho eramusinnere; Ayke, kapacir cikap néno e upente ruwe ne.
Who satisfieth thy mouth with good things; [so that ]thy youth is renewed like the eagle.
Ehoba anak ne oupeka ambe iki, Orowa, aeramunishte akore utara gusu esanniyop iki ruwe ne.
Ehoba anakne owpeka anpe iki, Orowa, a=eramuniste a=kore utar kusu esanniyop iki ruwe ne.
The LORD executeth righteous acts, and judgments for all that are oppressed.
Shinuma anak ne Mose otta kon ruhu eramande, Israeru un utara otta koro ki ikip eramande nisa ruwe ne.
Sinuma anakne Mose or ta kor ruhu eramante, Israeru un utar or ta kor ki iki p eramante nisa ruwe ne.
He made known his ways unto Moses, his doings unto the children of Israel.
Ehoba anak ne chishikiraine eshik wa irenga sange Kamui ne, Irushka moire wa nuye an no rampokiwen wa kore
Ehoba anakne cisikirayne esik wa irenka sanke Kamuy ne, Iruska moyre wa nuye an no ranpokiwen wa kore
The LORD is full of compassion and gracious, slow to anger, and plenteous in mercy.
Shinuma ramma pashirota shomoki; Shui ramma pakno irushka shomoki kusu ne.
Sinuma ramma pasirota somo ki; Suy ramma pakno iruska somo ki kusu ne.
He will not always chide; neither will he keep [his anger ]for ever.
Chikoro katpak am nei no un orun shomo ki nisa, Chikoro wen-buri nei no un kore shomoki nisa ruwe me.
Ci=kor katpak am néno un orun somo ki nisa, Ci=kor wen-puri néno un kore somo ki nisa ruwe me.
He hath not dealt with us after our sins, nor rewarded us after our iniquities.
Inambe gusu ne yakun; moshiri kashita kando anak su ne ri korachi, Shinuma koishitoma utara gusu Shinuma: koro rampoken poro ruwe ne.
Inanpe kusu ne yakun; mosir kasi ta kanto anak su ne ri koraci, Sinuma koysitoma utar kusu Sinuma: kor ranpoken poro ruwe ne.
For as the heaven is high above the earth, so great is his mercy toward them that fear him.
Moshiripa wano moshirigesh anak ne ehangeko no an korachi, Nei oro pakno chikoro ohaita-buri Shinuma oyakta ande nisa ruwe ne.
Mosirpa wano mosirkes anakne e=hankeko no an koraci, Ne oro pakno ci=kor ohay ta-puri Sinuma oyak ta ante nisa ruwe ne.
As far as the east is from the west, so far hath he removed our transgressions from us.
Michihi anak ne koro poho utara chishikiraine korachi, Ehoba anak ne Shinuma koishitoma utara chishikiraine ruwe ne.
Micihi anakne kor poho utar cisikirayne koraci, Ehoba anakne Sinuma koysitoma utar cisikirayne ruwe ne.
Like as a father pitieth his children, so the LORD pitieth them that fear him.
Shinuma anak ne chikoro tumama-niye eraman; Chi utara anak ne koponchi ne sekoro eshkarun ruwe a ne.
Sinuma anakne ci=kor tumama-niye eraman; Ci utar anakne koponci ne sekor eskarun ruwe a ne.
For he knoweth our frame; he remembereth that we are dust.
Ainu gusu anak, Shinuma toho mun ukorachi ne; Nup un nonno korachi Shinuma shipirasai ruwe ne.
Aynu kusu anak, Sinuma toho mun ukoraci ne; Nup un nonno koraci Sinuma sipirasay ruwe ne.
As for man, his days are as grass; as a flower of the field, so he flourisheth.
Nei kashiketa rera kush, aige, nei ambe isam; An a ushiketa anak ne waa isam ruwe ne kusu ne na.
Ne kasike ta rera kus, ayke, ne anpe isam; An a uske ta anakne wa isam ruwe ne kusu ne na.
For the wind passeth over it, and it is gone; and the place thereof shall know it no more.
Koroka, Ehoba koro rampoken anak otusashuishiri wano otusashuishiri pakno Shinuma koishitoma guru kata an, Orowa, Shinuma koro oupeka ambe anak ne nei utara koro santek koro poho utara otta an ruwe ne;
Korka, Ehoba kor ranpoken anak otu sasuysir wano otu sasuysir pakno Sinuma koysitoma kur kata an, Orowa, Sinuma kor owpeka anpe anakne ne utar kor santek kor poho utar or ta an ruwe ne;
But the mercy of the LORD is from everlasting to everlasting upon them that fear him, and his righteousness unto children’s children;
Tambe anak ne Shinuma ki uitaknup bene ki, Shinuma ipawetenge shikkasbima kuni eshkarun hene ki utara otta nei no an ruwe ne.
Tanpe anakne Sinuma ki uytaknup pene ki, Sinuma ipawetenke sikkaspima kuni eskarun hene ki utar or ta néno an ruwe ne.
To such as keep his covenant, and to those that remember his precepts to do them.
Ehoba anak ne kando otta koro amset ande nisa; Orowa, Shinuma koro epungine mondum anak obitta no okaibe esapane ruwe ne.
Ehoba anakne kanto or ta kor amset ante nisa; Orowa, Sinuma kor epunkine montum anak opittano okaype esapane ruwe ne.
The LORD hath established his throne in the heavens; and his kingdom ruleth over all.
Kora itak hawe inu wa, Nei itak nei no ki kiroroashnu wa tumashnu Kamui Uitekbe Ehoba ramye yan.
Kor itak hawe inu wa, Ne itak néno ki kiroroasnu wa tumasnu Kamuy Uitekbe Ehoba ramye yan.
Bless the LORD, ye angels of his: ye mighty in strength, that fulfill his word, hearkening unto the voice of his word.
Ehoba koro topaha utara, Shinuma irenga ki wa otta yaishieiwangere utara, Ehoba ramye yan.
Ehoba kor topaha utar, Sinuma irenka ki wa or ta yaysieywankere utar, Ehoba ramye yan.
Bless the LORD, all ye his hosts; ye ministers of his, that do his pleasure.
Shinuma esapane ushiketa okai Shinuma ki ikip obitta Ehoba ramye yan: Aa ku kon ramat, Ehoba ramye yan.
Sinuma esapane uske ta okay Sinuma ki iki p opitta Ehoba ramye yan: Aa ku=kor ramat, Ehoba ramye yan.
Bless the LORD, all ye his works, in all places of his dominion: bless the LORD, O my soul.