116 Ik.

KU ki inonno-itak newa ku hawe anu gusu Kuani Ehoba ko-omap nisa ruwe ne.

Ku=ki inonno-itak newa ku hawe anu kusu Kuani Ehoba ko-omap nisa ruwe ne.

I LOVE the LORD, because he hath heard my voice and my supplications.

Shinuma en orun koro kisara atte gusu, Tambe gusu, moshiri kohoppa pakno Shinuma otta ku konishuk kusu ne.

Sinuma en=orun kor kisara atte kusu, Tanpe kusu, mosir kohoppa pakno Sinuma or ta ku konisuk kusu ne.

Because he hath inclined his ear unto me, therefore will I call [upon him ]as long as I live.

Bai gusu an tush en okari nisa, Awa tushiri gusu an iuninbe en kishima nisa: Ku ramu-oknatara newa yairamhekomo nisa ruwe ne na.

Pay kusu an tus en=okari nisa, Awa tusiri kusu an iwninpe en=kisma nisa: Ku=ramu-oknatara newa yayramhekomo nisa ruwe ne na.

The cords of death compassed me, and the pains of Sheol gat hold upon me: I found trouble and sorrow.

Nei ita Ehoba reihei orun ku konishuk; Aa Ehoba, nekon ka newa, ku kon ramat ohaitare wa en kore.

Ne hi ta Ehoba rehe orun ku konisuk; Aa Ehoba, nekon ka newa, ku=kor ramat ohaytare wa en=kore.

Then called I upon the name of the LORD; O LORD, I beseech thee, deliver my soul.

Ehoba anak ne pirika irenga koro wa oupekap ne; Ruwe newa, chikoro Kamui anak ne rampokiwen wa kore Kamui ne ruwe ne.

Ehoba anakne pirka irenka kor wa owpekap ne; Ruwe newa, ci=kor Kamuy anakne ranpokiwen wa kore Kamuy ne ruwe ne.

Gracious is the LORD, and righteous; yea, our God is merciful.

Ehoba anak ne ramusak utara koshiratki ruwe ne: Kuani aeyaisambepokashtere, awa, Shinuma en kashiobiuki.

Ehoba anakne ramusak utar kosiratki ruwe ne: Kuani aeyaysanpepokastere, awa, Sinuma en=kasiopiwki.

The LORD preserveth the simple: I was brought low, and he saved me.

Aa ku kon ramat, E koro shini gusu an ushike otta hoshipi yan; Ehoba anak ne eani gusu nuye an no ki nisa ruwe ne gusu ne.

Aa ku=kor ramat, E=kor sini kusu an usike or ta hosipi yan; Ehoba anakne eani kusu nuye an no ki nisa ruwe ne kusu ne.

Return unto thy rest, O my soul; for the LORD hath dealt bountifully with thee.

Aokai anak ne rai-i orowa no ku kon ramat shiknure, Ku shiki wano nupe isamka, Iteki ku hachiri i kuni ne ku kema kashiobas nisa ruwe ne gusu ne na.

Aokay anakne ray hi oro wano ku=kor ramat siknure, Ku=siki wano nupe isamka, Iteki ku=hacir i kuni ne ku=kema kasiopas nisa ruwe ne kusu ne na.

For thou hast delivered my soul from death, mine eyes from tears, [and ]my feet from falling.

Shiknu pito moshirʼotta Ehoba kotchaketa ku apkash kusu ne.

Siknu pito mosir or ta Ehoba kotcake ta ku=apkas kusu ne.

I will walk before the LORD in the land of the living.

Ku eishokon nisa, tambe gusu, itak ku ki ruwe ne: Poron no ku shirikirap nisa;

Ku=eysokor nisa, tanpe kusu, itak ku=ki ruwe ne: Poronno ku=sirkirap nisa;

I believe, for I will speak: I was greatly afflicted:

Shiri etushtek ku ki wa Obitta no okai ainu anak ne shunge ki utara ne, sekoro ku itak.

Siri e=tustek ku=ki wa Opittano okay aynu anakne sunke ki utar ne, sekor ku=itak.

I said in my haste, All men are a lie.

Ehoba en orota koropare pirikap gusu Shinuma otta nekon a ambe ani imommuye kusu ne ruwe he an?

Ehoba en oro ta korpare pirka p kusu Sinuma or ta nekona anpe ani imommuye kusu ne ruwe he an?

What shall I render unto the LORD for all his benefits toward me?

Kuani kashiobiuki kuni itangi ku uk wa, Ehoba reihei konishuk kusu ne.

Kuani kasiopiwki kuni itanki ku=uk wa, Ehoba rehe konisuk kusu ne.

I will take the cup of salvation, and call upon the name of the LORD.

Ehoba gusu ku ki ukoramkorobe ku kara kusu ne, Ruwe newa, Shinuma koro obitta no okai utara kotchaketa ku ki kusu ne na.

Ehoba kusu ku=ki ukoramkorope ku=kar kusu ne, Ruwe newa, Sinuma kor opittano okay utar kotcake ta ku=ki kusu ne na.

I will pay my vows unto the LORD, yea, in the presence of all his people.

Ehoba shik-samata Shinuma koro Ashkanne utara rai-ambe anak ne Aoshkoro nupurube ne ruwe ne.

Ehoba sik-sama ta Sinuma kor Askanne utar ray-anpe anakne Aoshkoro nupur pe ne ruwe ne.

Precious in the sight of the LORD is the death of his saints.

Aa Ehoba, son no newa Kuani anak ne E koro uitek guru ku ne; E koro uitek guru ku ne, E koro uitek-mat koro poho ku ne ruwe ne; Aokai anak ne ku goro tupetupep pita nisa ruwe ne na.

Aa Ehoba, sonno newa Kuani anakne E=kor uytek kur ku ne; E=kor uytek kur ku ne, E=kor uytek-mat kor poho ku ne ruwe ne; Aokay anakne ku=kor tupetupep pita nisa ruwe ne na.

O LORD, truly I am thy servant: I am thy servant, the son of thine handmaid; thou hast loosed my bonds.

Koyaiiraige an yange kunip E otta ku yange kusu ne, Ehoba kon reihei ku konishuk kusu ne na.

Koyayirayke an yanke kunip E or ta ku=yanke kusu ne, Ehoba kor rehe ku konisuk kusu ne na.

I will offer to thee the sacrifice of thanksgiving, and will call upon the name of the LORD.

Ehoba gusu ku ki ukoramkoro ambe ku kara kusu ne, Ruwe newa, Shinuma koro obitta no okai utara kotchaketa ku ki kusu ne na;

Ehoba kusu ku=ki ukoramkor anpe ku=kar kusu ne, Ruwe newa, Sinuma kor opittano okay utar kotcake ta ku=ki kusu ne na;

I will pay my vows unto the LORD, yea, in the presence of all his people.

Ehoba kora kenru ta an tumbu ta, Aa Yerusarem, E upshororogeta ku ki kusu ne. Utarapa koiramye yan.

Ehoba kor kenru ta an tumpu ta, Aa Yerusarem, E upsororoketa ku=ki kusu ne. Utarpa koyramye yan.

In the courts of the LORD’S house, in the midst of thee, O Jerusalem. Praise ye the LORD.