Otek-sak no ramu-rai wa Ehoba otta koro keutum sange ita eiwange gusu an inonno-itak.
otek-sak no ramu-ray wa Ehoba or ta kor kewtum sanke hi ta eywanke kusu an inonno-itak.
A Prayer of the afflicted, when he is overwhelmed, and poureth out his complaint before the LORD.
AA Ehoba, ku ki inonno-itak nu wa en kore, Ku ashte hawe E orun arakire wa en kore.
Aa Ehoba, ku=ki inonno-itak nu wa en=kore, Ku=aste hawe E orun arkire wa en=kore.
Hear my prayer, O LORD, and let my cry come unto thee.
Ku yairamkoiki toho ta iteki E nanuhu seshke: En orun e koro kisaraha itutanure wa en kore; Hawe ku ashte toho ta chashnu no nu wa en kore.
Ku yayramkoyki toho ta iteki E nanuhu seske: En=orun e=kor kisaraha itutanure wa en=kore; Hawe ku=aste toho ta casnu no nu wa en=kore.
Hide not thy face from me in the day of my distress: incline thine ear unto me; in the day when I call answer me speedily.
Ku toho anak ne shupuya nei no nin wa isam, Abe-kes korachi ku pone anak ne uhuyeka ruwe ne gusu ne na.
Ku=toho anakne supuya néno nin wa isam, Ape-kes koraci ku=pone anakne uhuyeka ruwe ne kusu ne na.
For my days consume away like smoke, and my bones are burned as a firebrand.
Mun korachi ku sambe ashirikik wa shumumge; Aep ibe kuni ku oira ruwe ne gusu ne na.
Mun koraci ku=sanpe a=sirkik wa sumumke; Aep ipe kuni ku=oyra ruwe ne kusu ne na.
My heart is smitten like grass, and withered; for I forget to eat my bread.
Nuwap ki hawe ku ashte gusu Ku pone anak ne ku kamihi otta kotuk ruwe ne,
Nuwap ki hawe ku=aste kusu Ku=pone anakne ku=kamihi or ta kotuk ruwe ne,
By reason of the voice of my groaning my bones cleave to my flesh.
Nup otta okai chipta-chikap ukorachi ku ne; Nitai-sak ushiketa an ahunrasambe nei no ku an ruwe ne na.
Nup or ta okay cipta-cikap ukoraci ku ne; Nitay-sak uske ta an ahunrasanpe néno ku=an ruwe ne na.
I am like a pelican of the wilderness; I am become as an owl of the waste places.
Shiruwe ku ki wa, chisei kitaigeta an Shinep ne po an amam-e-chikap korachi ku ne ruwe ne.
Siruwe ku=ki wa, cise kitayke ta an Sinep ne po an amam-e-cikap koraci ku ne ruwe ne.
I watch, and am become like a sparrow that is alone upon the housetop.
To ebitta en epokba utara en esapse; En etunne utara en gusu iyoitakushi ki ruwe ne.
To epitta en epokpa utar en=esapse; En=etunne utar en kusu iyoytakus ki ruwe ne.
Mine enemies reproach me all the day; they that are mad against me do curse by me.
Aep korachi uina ku ibe nisa, Ku chish nupe iku ambe tura ukopoyege ruwe ne.
Aep koraci uyna ku=ipe nisa, Ku=cis nupe iku anpe tura ukopoyeke ruwe ne.
For I have eaten ashes like bread, and mingled my drink with weeping.
Aokai kinrakara wa irushka gusu nep ne: Aokai en uk wa en osura nisa ruwe ne gusu ne na.
Aokay kinrakar wa iruska kusu nep ne: Aokay en=uk wa en=osura nisa ruwe ne kusu ne na.
Because of thine indignation and thy wrath: for thou hast taken me up, and cast me away.
Ku toho anak ne nin korʼan kurihi korachi ne; Mun korachi ku shumumge ruwe ne na.
Ku=toho anakne nin kor an kurihi koraci ne; Mun koraci ku=sumumke ruwe ne na.
My days are like a shadow that declineth; and I am withered like grass.
Koroka Aokai anak, Aa Ehoba, ramma pakno rok; E koro aeshkarunbe otusashuishiri pakno an ruwe ne.
Korka Aokay anak, Aa Ehoba, ramma pakno rok; E=kor aeskarunpe otu sasuysir pakno an ruwe ne.
But thou, O LORD, shalt abide for ever; and thy memorial unto all generations.
Aokai anak ne hopuni wa Zion erampokiwen wa kore kusu ne; Shinuma orun irenga kore pakihi tane an, ruwe un, nei epa kuni pakihi ek wa an ruwe ne gusu ne na.
Aokay anakne hopuni wa Zion eranpokiwen wa kore kusu ne; Sinuma orun irenka kore pakihi tane an, ruwe un, ne epa kuni pakihi ek wa an ruwe ne kusu ne na.
Thou shalt arise, and have mercy upon Zion: for it is time to have pity upon her, yea, the set time is come.
E koro uitek utara anak ne shinuma koro shuma enupetne, Orowa, shinuma koro koponchi gusu irenga sange ruwe ne gusu ne na.
E=kor uytek utar anakne sinuma kor suma enupetne, Orowa, sinuma kor koponci kusu irenka sanke ruwe ne kusu ne na.
For thy servants take pleasure in her stones, and have pity upon her dust.
Tambe gusu, moshiri uirup utara anak ne Ehoba kon reihei koishitoma, Obitta no okai moshiri shikkasbima utara anak ne E koro nupeki koishitoma kusu ne na.
Tanpe kusu, mosir uyrup utar anakne Ehoba kor rehe koysitoma, Opittano okay mosir sikkaspima utar anakne E=kor nupeki koysitoma kusu ne na.
So the nations shall fear the name of the LORD, and all the kings of the earth thy glory:
Ehoba anak ne Zion kanna kara, Koro nupeki otta yainukare nisa;
Ehoba anakne Zion kanna kar, Kor nupeki or ta yaynukare nisa;
For the LORD hath built up Zion, he hath appeared in his glory;
Otek-sak guru ki inonno-itak nu, Koro inonno-itak shomo etunne nisa ruwe ne.
otek-sak kur ki inonno-itak nu, Kor inonno-itak somo etunne nisa ruwe ne.
He hath regarded the prayer of the destitute, and hath not despised their prayer.
Tambe anak ne ek kusu ne ainu ikiri gusu anuye kusu ne: Orowa, akara kusu ne uirup YAH koiramye kusu ne na.
Tanpe anakne ek kusu ne aynu ikiri kusu a=nuye kusu ne: Orowa, a=kar kusu ne uyrup YAH koyramye kusu ne na.
This shall be written for the generation to come: and a people which shall be created shall praise the LORD.
Shinuma anak ne koro ashkanne ri ushike wano herashi ingara; Kando wano Ehoba anak ne moshiri nukan nisa ruwe ne gusu ne na;
Sinuma anakne kor askanne ri usike wano herasi inkar; Kanto wano Ehoba anakne mosir nukar nisa ruwe ne kusu ne na;
For he hath looked down from the height of his sanctuary; from heaven did the LORD behold the earth;
Ipakashnu chisei ta an guru ki tanne heisei nu; Aronnu kuni aesanniyo utara honnere gusu aki na;
Ipakasnu cise ta an kur ki tanne hese nu; A=ronnu kuni a=esanniyo utar honnere kusu aki na;
To hear the sighing of the prisoner; to loose those that are appointed to death;
Tambe anak Zion oshiketa Ehoba kon reihei assuru ashte, Yerusarem ta Shinuma ramye kuni gusu an ambe ne;
Tanpe anak Zion oske ta Ehoba kor rehe assuru aste, Yerusarem ta Sinuma ramye kuni kusu an anpe ne;
That men may declare the name of the LORD in Zion, and his praise in Jerusalem;
Nei ambe anak ne Ehoba otta yaishieiwangere gusu, Utara newa moshiri uirup utara uwekarapa ita aki kusu ne na.
Ne anpe anakne Ehoba or ta yaysieywankere kusu, Utar newa mosir uyrup utar uekarpa hi ta aki kusu ne na.
When the peoples are gathered together, and the kingdoms, to serve the LORD.
Shinuma anak ne ru hontomota ku kiroro shirikirapte; Ku toho taknere nisa ruwe ne.
Sinuma anakne ru hontom ta ku=kiroro sirkirapte; Ku=toho taknere nisa ruwe ne.
He weakened my strength in the way; he shortened my days.
Ene ku itak-hi, Aa ku goro Kamui, ku toho tumuge wano iteki en uk: E paha anak ne otushashuishiri wano otusashuishiri pakno an ambe ne.
Ene ku=itak hi, Aa ku=kor Kamuy, ku=toho tumuke wano iteki en=uk: E paha anakne otu sasuysir wano otu sasuysir pakno an anpe ne.
I said, O my God, take me not away in the midst of my days: thy years are throughout all generations.
Fushkotoita Aokai anak ne moshiri asamaha ande nisa; Orowa, kando ne yakka E tekehe karape ne ruwe ne.
Huskotoyta Aokay anakne mosir asamaha ante nisa; Orowa, kanto ne yakka E tekehe kar pe ne ruwe ne.
Of old hast thou laid the foundation of the earth; and the heavens are the work of thy hands.
Nei ambe isam kusu ne, koroka, Aokai anak ne an kusu ne: Ruwe un, nei okaibe obitta amip korachi fushko ne; Amip korachi Aokai anak ne nei ambe itasare kusu ne, aige, nei ambe aitasare kusu ne na:
Ne anpe isam kusu ne, korka, Aokay anakne an kusu ne: Ruwe un, ne okaype opitta amip koraci husko ne; Amip koraci Aokay anakne ne anpe itasare kusu ne, ayke, ne anpe aytasare kusu ne na:
They shall perish, but thou shalt endure: yea, all of them shall wax old like a garment; as a vesture shalt thou change them, and they shall be changed:
Koroka, Aokai anak ne ramma ukorachi ne, Orowa, E paha anak ne aokere shomoki kusu ne na.
Korka, Aokay anakne ramma ukoraci ne, Orowa, E paha anakne a=okere somo ki kusu ne na.
But thou art the same, and thy years shall have no end.
E koro uitek utara koro poho ramma okai, Nei utara koro sanikiri E tek-samata aare kusu ne na.
E=kor uytek utar kor poho ramma okay, Ne utar kor sanikiri E tek-sama ta a=re kusu ne na.
The children of thy servants shall continue, and their seed shall be established before thee.