76 Ik.

Shinotcha esapane guru gusu; ka oma arektep. Asap kara iyohaichish, shinotcha.

Sinotca esapane kur kusu; ka oma arektep. Asap kar iyohaycis, sinotca.

For the Chief Musician; on stringed instruments. A Psalm of Asaph, a Song.

YUDA orota Kamui reihei aeamkire na. Israeru orota Shinuma kon reihei pase ruwe ne.

YUDA oro ta Kamuy rehe aeamkire na. Israeru oro ta Sinuma kor rehe pase ruwe ne.

In Judah is God known: his name is great in Israel.

Shinuma koro kash anak ne Sarem ta an, Shinuma koro oshiroma-i anak Zion ta an ruwe ne.

Sinuma kor kas anakne Sarem ta an, Sinuma kor osiroma hi anak Zion ta an ruwe ne.

In Salem also is his tabernacle, and his dwelling place in Zion.

Toada shinuma ku gusu an ai kaye, Tani kik-humbe newa rangetam newa tumi newa kaye nisa ruwe ne. [Sera.]

toata sinuma ku kusu an ay kaye, Tani kik-hunpe newa ranke tam newa tumi newa kaye nisa ruwe ne. [Sera.]

There he brake the arrows of the bow; the shield, and the sword, and the battle. Selah

Ae kuni chikoikip nupuri wano Aokai anak ne chitomte newa pirika ruwe ne.

Ae kuni cikoykip nupuri wano Aokay anakne citomte newa pirka ruwe ne.

Glorious art thou [and ]excellent, from the mountains of prey.

Keutum tumashnu utara anak ne awende hine mokoro wa mokon nisa ruwe ne; Orowa, rametok koro utara anak ne koro tekehe shomo pa ruwe ne.

Kewtum tumasnu utar anakne awente hine mokor wa mokor nisa ruwe ne; Orowa, rametok kor utar anakne kor tekehe somo pa ruwe ne.

The stouthearted are spoiled, they have slept their sleep; and none of the men of might have found their hands.

Aa Yakob koro Kamui, Aokai kopao gusu, Nishinda newa umma kane amokon-noyere ruwe ne.

Aa Yakob kor Kamuy, Aokay kopao kusu, Nishinda newa umma kane amokon-noyere ruwe ne.

At thy rebuke, O God of Jacob, both chariot and horse are cast into a dead sleep.

Aokai, Aokai poka, koishitoma kunip ne: Orowa, Aokai irushka chiki E kotchaketa ash eashkai guru inan guru ne ya?

Aokay, Aokay poka, koysitoma kunip ne: Orowa, Aokay iruska ciki E kotcake ta as easkay kur inan kur ne ya?

Thou, even thou, art to be feared: and who may stand in thy sight when once thou art angry?

Kando wano E ki koipishi itak anure nisa; Toitoi ishitoma wa mo no an nisa ruwe ne:

Kanto wano E ki koypisi itak a=nure nisa; Toytoy isitoma wa mo no an nisa ruwe ne:

Thou didst cause sentence to be heard from heaven; the earth feared, and was still,

Kamui anak ne esanniyo ki kuni gusu, Moshiri kata okai ramu-rotcha utara kashiobiuki gusu hopuni ita ene ani ne ruwe ne.

Kamuy anakne esanniyo ki kuni kusu, Mosir kata okay ramu-rotca utar kasiopiwki kusu hopuni hi ta ene ani ne ruwe ne.

When God arose to judgment, to save all the meek of the earth. Selah

Ainu kinrakarabe anak ne E koiramye kunip ne, Kinrakarabe ikashimap ani Aokai anak ne yaikut kon ruwe ne.

Aynu kinrakarape anakne E koyramye kunip ne, Kinrakarabe ikasma p ani Aokay anakne yaykut kor ruwe ne.

Surely the wrath of man shall praise thee: the residue of wrath shalt thou gird upon thee.

Uitaknup ki yan, orowa, Ehoba ne e koro Kamui gusu nei no kara yan: Aeishitoma kunip okari ta obitta no okai utara anak ne Shinuma orota ekoimokokorobe koro wa araki yan.

uytaknup ki yan, orowa, Ehoba ne e=kor Kamuy kusunéno kar yan: Aeysitoma kunip okari ta opittano okay utar anakne Sinuma oro ta ekoymokokorope kor wa arki yan.

Vow, and pay unto the LORD your God: let all that be round about him bring presents unto him that ought to be feared.

Shinuma anak ne Esapane utara koro poho kon ramat otuye ruwe ne: Moshiri shikkashima utara orowa no aeishitomap ne ruwe ne.

Sinuma anakne Esapane utar kor poho kor ramat otuye ruwe ne: Mosir sikkasima utar oro wano aeysitomap ne ruwe ne.

He shall cut off the spirit of princes: he is terrible to the kings of the earth.