AA ku kon ramat, Ehoba ramye yan. Aa ku koro Ehoba ne Kamui, Aokai anak ne shiri pase ruwe ne; Aoripakbe newa nupeki ani Aokai automchiure wa an na.
Aa ku=kor ramat, Ehoba ramye yan. Aa ku=kor Ehoba ne Kamuy, Aokay anakne siri pase ruwe ne; Aoripakbe newa nupeki ani Aokay a=wtomciwre wa an na.
Bless the LORD O my soul, O LORD my God, thou art very great; thou art clothed with honour and majesty.
Aokai anak ne amip nei no pekere ani yaimire; Puyara otbe korachi kando kotoro shipiraspare ruwe ne:
Aokay anakne amip néno peker ani yaymire; Puyar otpe koraci kanto kotor sipiraspare ruwe ne:
Who coverest thyself with light as with a garment; who stretchest out the heavens like a curtain:
E koro tumbu oma umangi ni wakka otta aande; Nishkuru anak ne koro nishinda ne akara; Bera tekkup kata apkash ruwe ne:
E=kor tumpu oma umanki ni wakka or ta a=ante; Niskur anakne kor nisinta ne a=kar; Pera tekkup kata apkas ruwe ne:
Who layeth the beams of his chambers in the waters; who maketh the clouds his chariot; who walketh upon the wings of the wind:
Bera ani uitekbe ne akara; Koro yaishieiwangere utara paraparase abe ne:
Pera ani uytekpe ne a=kar; Kor yaysieywankere utar parparse ape ne:
Who maketh winds his messengers; his ministers a flaming fire:
Ramma pakno iteki moimoyege kuni ne, Moshiri asamaha ande nisa ruwe ne.
Ramma pakno iteki moymoyeke kuni ne, Mosir asamaha ante nisa ruwe ne.
Who laid the foundations of the earth, that it should not be moved for ever.
Aokai anak ne amip ani korachi ooho-i ari nei ambe kamure; Wakka anak ne nupuri kashita roshki nisa ruwe ne.
Aokay anakne amip ani koraci ooho hi ari ne anpe kamure; Wakka anakne nupuri kasi ta roski nisa ruwe ne.
Thou coveredst it with the deep as with a vesture; the waters stood above the mountains.
Aokai kosakayokara ita nei ambe kira; E koro Kamui hum hawe gusu nei ambe chashnu no paye wa isam;
Aokay kosakayokar hi ta ne anpe kira; E=kor Kamuy hum hawe kusu ne anpe casnu no paye wa isam;
At thy rebuke they fled; at the voice of thy thunder they hasted away;
Nupuri kari nei ambe rikin, pinnai kari rap nisa ruwe ne, Aokai kara ushike orun paye nisa ruwe ne.
Nupuri kari ne anpe rikin, pinnay kari rap nisa ruwe ne, Aokay kar usike orun paye nisa ruwe ne.
They went up by the mountains, they went down by the valleys, unto the place which thou hadst founded for them.
Nei ambe shomo kush kuni Aokai anak ne uturu-ushi ande; Iteki kanna-shui moshiri kamu kuni akan na.
Ne anpe somo kus kuni Aokay anakne uturu-usi ante; Iteki kanna-suy mosir kamu kuni a=kar na.
Thou hast set a bound that they may not pass over; that they turn not again to cover the earth.
Pinnai otta Shinuma anak ne wakka purupurugere; Iworʼotta nei ambe paye ruwe ne na.
Pinnay or ta Sinuma anakne wakka purupurukere; Iwor or ta ne anpe paye ruwe ne na.
He sendeth forth springs into the valleys; they run among the mountains:
Nup otta obitta no okai chikoikip gusu iku ambe ne; Kimta okai roba nei ambe iku ruwe ne.
Nup or ta opittano okay cikoykip kusu iku anpe ne; Kim ta okay ropa ne anpe iku ruwe ne.
They give drink to every beast of the field; the wild asses quench their thirst.
Nei samaketa rik kush chikap oshiroma wa, Ni-tek tumta hau kon ruwe ne.
Ne samake ta rik kus cikap osiroma wa, Ni-tek tum ta hawkor ruwe ne.
By them the fowl of the heaven have their habitation, they sing among the branches.
Shinuma anak ne koro kenru orowa no nupuri teineka: Toitoi anak ne E ki ikip gusu eramushinne ruwe ne.
Sinuma anakne kor kenru oro wano nupuri teyneka: Toytoy anakne E ki iki p kusu eramusinne ruwe ne.
He watereth the mountains from his chambers: the earth is satisfied with the fruit of thy works.
Chikoikip gusu Shinuma anak ne mun shipiraspa, Ainu monraige gusu haru hetukure; Nei ambe anak ne toitoi wano aep sangere kuni gusu an ap ne:
Cikoykip kusu Sinuma anakne mun sipiraspa, Aynu monrayke kusu haru hetukure; Ne anpe anakne toytoy wano aep sankere kuni kusu an ap ne:
He causeth the grass to grow for the cattle, and herb for the service of man; that he may bring forth food out of the earth:
Shui, Ainu keutum ritetkere tonoto, Koro nanuhu hererushte shum, Orowa, ainu sambe tumashnure aep sangere ruwe ne.
Suy, Aynu kewtum ritetkere tonoto, Kor nanuhu hereruste sum, Orowa, aynu sanpe tumasnure aep sankere ruwe ne.
And wine that maketh glad the heart of man, [and ]oil to make his face to shine, and bread that strengtheneth man’s heart.
Ehoba koro chikuni eramushinne; Shinuma etoita Rebanon un kokaku chikuni ene ani ne;
Ehoba kor cikuni eramusinne; Sinuma etoyta Rebanon un kokaku cikuni ene ani ne;
The trees of the LORD are satisfied; the cedars of Lebanon, which he hath planted;
Chikap anak ne nei ni kata set kara; Sarorun chikap gusu anak, hup ni shinuma kot chisei ne ruwe ne.
Cikap anakne ne ni kata set kar; Sarorun cikap kusu anak, hup ni sinuma kot cise ne ruwe ne.
Where the birds make their nests: as for the stork, the fir trees are her house.
Ri nupuri anak ne kim un yangi gusu an ap ne; Watara ushbe anak ne isepo gusu an numne-ushi ne.
Ri nupuri anakne kimun yanki kusu an ap ne; Watara uspe anakne isepo kusu an numne-usi ne.
The high mountains are for the wild goats; the rocks are a refuge for the conies.
Unpa gusu Shinuma kunne chup are: Tokap chup anak koro ahun-i eraman.
unpa kusu Sinuma kunne cup are: Tokap cup anak kor ahun hi eraman.
He appointed the moon for seasons: the sun knoweth his going down.
Aokai anak ne kunne-i kara, orowa anchikara ne; Nei rapoketa nitai un chikoikip obitta apkash ruwe ne.
Aokay anakne kunne hi kar, orowa ancikar ne; Ne rapoketa nitay un cikoykip opitta apkas ruwe ne.
Thou makest darkness, and it is night; Wherein all the beasts of the forest do creep forth.
Upen shishi anak ne koro aep gusu hawe ashte wa Kamui otta koro aep hunara ruwe ne.
Upen sisi anakne kor aep kusu hawe aste wa Kamuy or ta kor aep hunara ruwe ne.
The young lions roar after their prey, and seek their meat from God.
Chup hetuku, orowa no nei okaibe paye wa, Koro chisei ta hotke.
Cup hetuku, orowano ne okaype paye wa, Kor cise ta hotke.
The sun ariseth, they get them away, and lay them down in their dens.
Aige, ainu anak nepki gusu arupa. Onuman pakno koro monraige ki ruwe ne.
Ayke, aynu anak nepki kusu arpa. Onuman pakno kor monrayke ki ruwe ne.
Man goeth forth unto his work and to his labour until the evening.
Aa Ehoba, E ki ikip nep inne humi! Wayashnu no Aokai obitta kan nisa: Moshiri anak ne E korobe ani eshik ruwe ne.
Aa Ehoba, E ki iki p nep inne humi! Wayasnu no Aokay opitta kan nisa: Mosir anakne E=kor pe ani esik ruwe ne.
O LORD, how manifold are thy works! in wisdom hast thou made them all: the earth is full of thy riches.
Toanda anak ne atui an, poro newa sep, Nei oshiketa reye okaibe shiri inne ruwe ne, Poro chikoikip newa pon chikoikip newa okai ruwe ne na.
Toanta anakne atuy an, poro newa sep, Ne oske ta reye okaype siri inne ruwe ne, Poro cikoykip newa pon cikoykip newa okay ruwe ne na.
Yonder is the sea, great and wide, wherein are things creeping innumerable, both small and great beasts.
Nei kata chip paye; Otta shinot gusu e kara nei poro Repiatan okai ruwe ne.
Ne kata cip paye; Or ta sinot kusu e kar ne poro Repiatan okay ruwe ne.
There go the ships; there is leviathan, whom thou hast formed to take his pastime therein.
Nei okaibe anak ne pakihi epa ita ae kuni aep uk gusu. Aokai otta eyaikopashte ruwe ne.
Ne okaype anakne pakihi epa hi ta ae kuni aep uk kusu. Aokay or ta e=yaykopaste ruwe ne.
These wait all upon thee, that thou mayest give them their meat in due season.
Aokai kore okaibe nei ambe uina; E koro tekehe E pirasa chiki pirikap gusu eramushinne ruwe ne.
Aokay kore okaype ne anpe uyna; E=kor tekehe E pirasa ciki pirka p kusu eramusinne ruwe ne.
That thou givest unto them they gather; thou openest thine hand, they are satisfied with good.
E nanuhu E nuina yakne nei okaibe yairamkoiki; Koro heisei mawe E uk koro rai, Aige, koponchi ne ruwe ne.
E nanuhu E nuyna yakne ne okaype yayramkoyki; Kor hese mawe E uk kor ray, Ayke, koponci ne ruwe ne.
Thou hidest thy face, they are troubled; thou takest away their breath they die, and return to their dust.
Aokai anak ne ramat sange, orowa, nei okaibe akara; Toitoi kurukashi Aokai ashinno kan ruwe ne.
Aokay anakne ramat sanke, orowa, ne okaype a=kar; Toytoy kurkasi Aokay asinno kan ruwe ne.
Thou sendest forth thy spirit, they are created; and thou renewest the face of the ground.
Ehoba araguru otusashuishiri pakno an; Koro ki ikip gusu Ehoba nupetne kusu ne:
Ehoba a=rakur otu sasuysir pakno an; Kor ki iki p kusu Ehoba nupetne kusu ne:
Let the glory of the LORD endure for ever; let the LORD rejoice in his works:
Shinuma moshiri orun ingara, aige, nei ambe tusushke; Shinuma nupuri tomooshma, orowa, shupuya at ruwe ne.
Sinuma mosir orun inkar, ayke, ne anpe tususke; Sinuma nupuri tomoosma, orowa, supuya at ruwe ne.
Who looketh on the earth, and it trembleth; he toucheth the mountains, and they smoke.
Ku ishu pakno Ehoba otta shinotcha ku ki kusu ne: Ku an pakno ku goro Kamui ku iramye kusu ne na.
Ku=i=su pakno Ehoba or ta sinotca ku=ki kusu ne: Ku=an pakno ku=kor Kamuy ku=iramye kusu ne na.
I will sing unto the LORD as long as I live: I will sing praise to my God while I have any being.
Ku yaikoshiramsei-i anak ne Shinuma gusu shisakbe ne: Ehoba otta ku nupetne kusu ne na.
Ku yaykosiramsey hi anakne Sinuma kusu sisakpe ne: Ehoba or ta ku=nupetne kusu ne na.
Let my meditation be sweet unto him: I will rejoice in the LORD.
Katpak-ki utara moshiri wano aisamka, Wen utara te wa isam kuni ne ki wa un kore. Aa ku kon ramat, Ehoba ramye yan. Yah reika yan.
katpak-ki utar mosir wano a=ysamka, Wen utar te wa isam kuni ne ki wa un kore. Aa ku=kor ramat, Ehoba ramye yan. Yah rek yan.
Let sinners be consumed out of the earth, and let the wicked be no more. Bless the LORD, O my soul. Praise ye the LORD.