142 Ik.

Poru otta an rapoketa, Dabid kara Maskir; inonno-itak.

Poru or ta an rapoketa, Dabid kar Maskir; inonno-itak.

Maschil of David, when he was in the cave; a Prayer.

KU hawe ani Ehoba ku konishuk; Ku hawe ani Ehoba otta ku koramkoro.

Ku hawe ani Ehoba ku konisuk; Ku hawe ani Ehoba or ta ku=koramkor.

I cry with my voice unto the LORD; with my voice unto the LORD do I make supplication.

Kuani, Shinuma kotchaketa inonno-itak ku ki; Shinuma kotchaketa ku yairamhekomo ambe ku ye ruwe ne.

Kuani, Sinuma kotcake ta inonno-itak ku=ki; Sinuma kotcake ta ku yayramhekomo anpe ku=ye ruwe ne.

I pour out my complaint before him; I shew before him my trouble.

En oshiketa ku ramat anak ne ramurai ita Aokai ku ruhu eraman. Ku apkash kuni ru otta nei utara anak ne en gusu akbe nuina nisa ruwe ne.

En=oske ta ku=ramat anakne ramuray hi ta Aokay ku=ruhu eraman. Ku=apkas kuni ru or ta ne utar anakne en kusu akpe nuyna nisa ruwe ne.

When my spirit was overwhelmed within me, thou knewest my path. In the way wherein I walk have they hidden a snare for me.

Ku shimon-tek sam orun nukara wa ingara; en eamkiri guru isam ruwe ne gusu ne na: Ku numne ushike isama; ku ramat omap guru isam ruwe ne.

Ku=simon-teksam orun nukar wa inkar; en=e=amkir kur isam ruwe ne kusu ne na: Ku numne usike isam; ku=ramat omap kur isam ruwe ne.

Look on [my ]right hand, and see; for there is no man that knoweth me: refuge hath failed me; no man careth for my soul.

Aa Ehoba, E orun ku kohawe ashte nisa: Aokai anak ne en gusu an numne-ushi ne, Shiknu pito koro moshiri ta ku korobe E ne ruwe ne, sekoro ku itak nisa.

Aa Ehoba, E orun ku kohawe aste nisa: Aokay anakne en kusu an numne-usi ne, Siknu pito kor mosir ta ku=kor pe E ne ruwe ne, sekor ku=itak nisa.

I cried unto thee, O LORD; I said, Thou art my refuge, my portion in the land of the living.

Ku ashte hawe ikokanu wa en kore; son no a en eraratki wa an ruwe ne gusu ne na. En epokba utara orowa no en ohaitare wa en kore; nei utara anak ne en kasu no okirashnu ruwe ne gusu ne na.

Ku=aste hawe ikokanu wa en=kore; sonno a en eraratki wa an ruwe ne kusu ne na. En epokpa utar oro wano en ohaytare wa en=kore; ne utar anakne en=kasu no okirasnu ruwe ne kusu ne na.

Attend unto my cry; for I am brought very low: deliver me from my persecutors; for they are stronger than I.

E kon reihei ku koyaiiraige kuni ne, ipakashnu chisei orowa no en uk wa en kore; Oupeka utara en okari ta uwekarapa kusu ne; Aokai anak ne en pirikare ruwe ne kusu ne gusu ne na.

E=kor rehe ku=koyayirayke kuni ne, ipakasnu cise oro wano en=uk wa en=kore; Owpeka utar en=okari ta uekarpa kusu ne; Aokay anakne en=pirkare ruwe ne kusu ne kusu ne na.

Bring my soul out of prison, that I may give thanks unto thy name: the righteous shall compass me about; for thou shalt deal bountifully with me.