6 Ik.

Sheminit gusu an, Nikinot esapane guru gusu, Dabid kara Iyohaichish.

Seminit kusu an, Nikinot esapane kur kusu, Dabid kar Iyohaycis.

For the Chief Musician; on stringed instruments, set to the Sheminith. A Psalm of David.

AA Ehoba, iteki irushka wa en pakashnu wa en kore, Iteki seisek no irushka wa en panakte wa en kore.

Aa Ehoba, iteki iruska wa en=pakasnu wa en=kore, Iteki sesek no iruska wa en=panakte wa en=kore.

O LORD, rebuke me not in thine anger, neither chasten me in thy hot displeasure.

Aa Ehoba, son no ku ramu-nin ruwe ne gusu, pirika irenga sange wa en kore; Aa Ehoba, ku pone chiukopoye wa an gusu en iwangere wa en kore.

Aa Ehoba, sonno ku=ramu-nin ruwe ne kusu, pirka irenka sanke wa en=kore; Aa Ehoba, ku=pone ci=wkopoye wa an kusu en=iwankere wa en=kore.

Have mercy upon me, O LORD; for I am withered away: O LORD, heal me; for my bones are vexed.

Ku ramat ne yakka shi no chiukopoye wa an ruwe ne; Aa Ehoba, Aokai anak hembara pakno ruwe?

Ku=ramat ne yakka sino ci=wkopoye wa an ruwe ne; Aa Ehoba, Aokay anak henpara pakno ruwe?

My soul also is sore vexed: and thou, O LORD, how long?

Aa Ehoba, hoshipi wa ku ramat honnere wa en kore; E koro omap an ramuhauge ambe gusu en kashiobiuki wa en kore.

Aa Ehoba, hosipi wa ku=ramat honnere wa en=kore; E=kor omap an ramuhawke anpe kusu en=kasiopiwki wa en=kore.

Return, O LORD, deliver my soul: save me for thy lovingkindness’ sake.

Inambe gusu ne yakun, rai-i otta E eshkarun ushi isama; Sheo otta E koyaiiraige ki guru nen ne ruwe be an?

Inanpe kusu ne yakun, ray hi or ta E eskarun usi isam; Seo or ta E koyayirayke ki kur nen ne ruwe pe an?

For in death there is no remembrance of thee: in Sheol who shall give thee thanks?

Ku nuwap gusu ku shingi, An ebitta ku goro shotki amare; Ku nupe ani ku goro shotki apenere ruwe ne.

Ku=nuwap kusu ku=sinki, An epitta ku=kor sotki a=mar; Ku=nupe ani ku=kor sotki a=penere ruwe ne.

I am weary with my groaning; every night make I my bed to swim; I water my couch with my tears.

A en kinrakara wa an gusu ku shikihi nin; En ramushitnere utara okai gusu ku onne ruwe ne.

A en=kinrakar wa an kusu ku=sikihi nin; En=ramusitnere utar okay kusu ku=onne ruwe ne.

Mine eye wasteth away because of grief; it waxeth old because of all mine adversaries.

Irarape iki utara, en samake wano oyakta paye yan; Ehoba anak ne ku ki raiyaiyaise hawe nu nisa ruwe ne gusu ne na.

Irara p iki utar, en=samake wano oyak ta paye yan; Ehoba anakne ku=ki raiyaiyayse hawe nu nisa ruwe ne kusu ne na.

Depart from me, all ye workers of iniquity; for the LORD hath heard the voice of my weeping.

Ehoba ku ki koramkor-i nu nisa ruwe ne; Ehoba anak ne ku ki inonno-itak uk kusu ne.

Ehoba ku=ki koramkor hi nu nisa ruwe ne; Ehoba anakne ku=ki inonno-itak uk kusu ne.

The LORD hath heard my supplication; the LORD will receive my prayer.

En epokba utara anak ne obitta ayainikoroshmare wa shi no achiukopoyere kusu ne: Nei utara hoshippa wa ekushkonna ayainikoroshmare kusu ne na.

En epokpa utar anakne opitta ayaynikorosmare wa sino aciwkopoyere kusu ne: Ne utar hosippa wa ekuskonna ayaynikorosmare kusu ne na.

All mine enemies shall be ashamed and sore vexed: they shall turn back, they shall be ashamed suddenly.