Benyamin sanike ne Kush ye itak gusu, Ehoba otta Dabid Shinotchaki Shigayon Iyohaichish.
Benyamin sanike ne Kus ye itak kusu, Ehoba or ta Dabid Sinotcaki Sigayon Iyohaycis.
Shiggaion of David, which he sang unto the LORD; concerning the words of Cush a Benjamite.
KU goro Ehoba Kamui, Aokai gusu ku eyaikopashte ruwe ne: Obitta no okai en keseamba utara gusu en kashiobiuki hine en ohaitare wa en kore:
Ku=kor Ehoba Kamuy, Aokay kusu ku=e=yaykopaste ruwe ne: Opittano okay en=keseanpa utar kusu en=kasiopiwki hine en ohaytare wa en=kore:
O LORD my God, in thee do I put my trust: save me from all them that pursue me, and deliver me:
Ikineipeka en kashiobiuki guru isam ita, Shinuma anak ne shishi chikoikip korachi ku ramat humne yaspa kusu ne.
Ikineypeka en=kasiopiwki kur isam hi ta, Sinuma anakne sisi cikoykip koraci ku=ramat humne yaspa kusu ne.
Lest he tear my soul like a lion, rending it in pieces, while there is none to deliver.
Ku goro Ehoba Kamui, tap ambe ku ki yakun; Ku teke otta wen-buri an yakun;
Ku=kor Ehoba Kamuy, tapanpe ku=ki yakun; Ku=teke or ta wen-puri an yakun;
O LORD my God, if I have done this; if there be iniquity in my hands;
Itomo irenga ikore guru otta wenbe ku kara yakun, (Shomo, ikkewe sak no en ramushitnere guru ku kashiobiuki nisa ruwe ne):
I=tom irenka ikore kur or ta wenpe ku=kar yakun, (Somo, ikkewe sak no en=ramusitnere kur ku=kasiopiwki nisa ruwe ne):
If I have rewarded evil unto him that was at peace with me; (yea, I have delivered him that without cause was mine adversary:)
En epokba guru ku ramat keseamba wa en oshkoni, Ruwe un, toitoi pakno ku inotu otereke, Koponchi otta ku nupekihi are kuni ne kara wa en kore. [Sera.]
En epokpa kur ku=ramat keseanpa wa en=oskoni, Ruwe un, toytoy pakno ku=inotu oterke, Koponci or ta ku nupekihi are kuni ne kar wa en=kore. [Sera.]
Let the enemy pursue my soul, and overtake it; yea, let him tread my life down to the earth, and lay my glory in the dust. Selah
Aa Ehoba, kinra keutum sange wa hopuni; En ramushitnere utara koro irushka-i epeka no hopuni wa en kore; Aesanniyo kuni ambe Aokai ikashpaotte gusu, en gusu mosh wa en kore.
Aa Ehoba, kinra kewtum sanke wa hopuni; En=ramusitnere utar kor iruska hi epeka no hopuni wa en=kore; A=esanniyo kuni anpe Aokay ikaspaotte kusu, en kusu mos wa en=kore.
Arise, O LORD, in thine anger, lift up thyself against the rage of mine adversaries: and awake for me; thou hast commanded judgment.
Utarihi topaha uwekarapa wa E ko-nikkotama; Orowa no nei utara kashiketa rik peka hoshipi wa en kore.
Utarihi topaha uekarpa wa E ko-nikkotama; Orowano ne utar kasike ta rik peka hosipi wa en=kore.
And let the congregation of the peoples compass thee about: and over them return thou on high.
Ehoba anak ne utari koipishi wa aesanniyop kore; Aa Ehoba, ku oupeka ambe esanniyo, aige, ku katpak sak-i nukara wa en koipishi wa en kore
Ehoba anakne utari koypisi wa aesanniyop kore; Aa Ehoba, ku=owpeka anpe esanniyo, ayke, ku katpak sak hi nukar wa en koypisi wa en=kore
The LORD ministereth judgment to the peoples: judge me, O LORD, according to my righteousness, and to mine integrity that is in me.
Aa, wen utara koro wen-buri isamka, koroka, oupeka utara roshkire wa en kore; Inambe gusu ne yakun, oupeka Kamui anak ne keutum newa sambe ikkeu pakno shiruwande ruwe ne.
Aa, wen utar kor wen-puri isamka, korka, owpeka utar roskire wa en=kore; Inanpe kusu ne yakun, owpeka Kamuy anakne kewtum newa sanpe ikkew pakno siruwante ruwe ne.
Oh let the wickedness of the wicked come to an end, but establish thou the righteous: for the righteous God trieth the hearts and reins.
Keutum oupeka utara kashiobiuki Kamui anak ne, Ku goro kikhumbe kon ruwe ne.
Kewtum owpeka utar kasiopiwki Kamuy anakne, Ku=kor kikhunpe kor ruwe ne.
My shield is with God, which saveth the upright in heart.
Kamui anak oupeka koipishi ki Kamui ne, Ruwe un, kesto irushka ki Kamui ne ruwe ne.
Kamuy anak owpeka koypisi ki Kamuy ne, Ruwe un, kesto iruska ki Kamuy ne ruwe ne.
God is a righteous judge, yea, a God that hath indignation every day.
Ainu hoshipi shomoki chiki, Shinuma anak ne koro rangetam eenka kusu ne; Shinuma anak koro ku yupu wa etokooiki nisa ruwe ne na.
Aynu hosipi somo ki ciki, Sinuma anakne kor ranke tam eenka kusu ne; Sinuma anak kor ku=yupu wa etokooyki nisa ruwe ne na.
If a man turn not, he will whet his sword; he hath bent his bow, and made it ready.
Shinuma gusu Kamui anak ne raige kuni eshipopkep etokooiki; Koro ai abe o kuni ne kan nisa ruwe ne.
Sinuma kusu Kamuy anakne rayke kuni esipopkep etokooyki; Kor ay ape o kuni ne kan nisa ruwe ne.
He hath also prepared for him the instruments of death; he maketh his arrows fiery [shafts].
Ingarʼan, irarape gusu shinuma unuwapte; Ruwe un, wenbe yairamure wa shungep hetukure nisa ruwe ne na.
Inkar=an, irara p kusu sinuma unuwapte; Ruwe un, wenpe yayramure wa sunkep hetukure nisa ruwe ne na.
Behold, he travaileth with iniquity; yea, he hath conceived mischief, and brought forth falsehood.
Shinuma ohori wa shui kara, Orowa, yaikota nei o shui otta hachiri nisa ruwe ne.
Sinuma ohor wa suy kar, Orowa, yaykota ne o suy or ta hacir nisa ruwe ne.
He hath made a pit, and digged it, and is fallen into the ditch which he made.
Koro irara-buri yaikota koro sapa kata hoshipi; Samata, koro yupke buri yaikota koro kimui kata ran wa okai kusu ne.
Kor irara-puri yaykota kor sapa kata hosipi; Sama ta, kor yupke puri yaykota kor kimuy kata ran wa okay kusu ne.
His mischief shall return upon his own head, and his violence shall come down upon his own pate.
Ehoba koro oupekap gusu otta ko-yaiiraige ku ki: Iyotta rik un E hoba reihei otta iyohaichish ku koshinotchaki kusu ne na.
Ehoba kor owpekap kusu or ta ko-yayirayke ku=ki: Iyotta rikun E hopa rehe or ta iyohaycis ku kosinotcaki kusu ne na.
I will give thanks unto the LORD according to his righteousness: and will sing praise to the name of the LORD Most High.