46 Ik.

Shinotcha esapane guru gusu; Kora poho karape; Aramot otta. Shinotcha.

Sinotca esapane kur kusu; Kor poho kar pe; Aramot or ta. Sinotca.

For the Chief Musician: \add a Psalm \add*of the sons of Korah; set to Alamoth. A Song.

KAMUI anak ne chikoro numne ushi ne, chikoro kiroro ne, Yairamhekomo ita anak ne un kashiobiukip ne ruwe ne,

Kamuy anakne ci=kor numne usi ne, ci=kor kiroro ne, Yairamhekomo hi ta anakne un kasiopiwkip ne ruwe ne,

For the Chief Musician: [a Psalm ]of the sons of Korah; set to Alamoth. A Song. God is our refuge and strength, a very present help in trouble.

Tambe gusu, toitoi aitasare wa, Nupuri anak ne atui noshike orun aomande yakka, chi ishitoma ash shomoki kusu ne;

Tanpe kusu, toytoy aytasare wa, Nupuri anakne atuy noske orun a=omante yakka, ci isitoma as somo ki kusu ne;

Therefore will we not fear, though the earth do change, and though the mountains be moved in the heart of the seas;

Atui un wakka poro humi ashte akoyakoya yakka, Nei ambe aporore gusu nupuri ashuyeshuye yakka ishitoma shomoki kusu ne na.

Atuy un wakka poro humi aste akoyakoya yakka, Ne anpe a=porore kusu nupuri a=suyesuye yakka isitoma somo ki kusu ne na.

Though the waters thereof roar and be troubled, though the mountains shake with the swelling thereof. Selah

Pet an, nei pet awehe anak ine Kamui machiya nupetnere, Iyotta rikunbe koro oshiroma-i nupetnere ruwe ne.

Pet an, ne pet awehe anak ine Kamuy maciya nupetnere, Iyotta rikunpe kor osiroma hi nupetnere ruwe ne.

There is a river, the streams whereof make glad the city of God, the holy place of the tabernacles of the Most High.

Kamui anak ne nei machiya noshiketa an; amoimoyege shomoki kusu ne: Kunne-nisat ta Kamui nei ambe kashiobas kusu ne na.

Kamuy anakne ne maciya noske ta an; amoymoyeke somo ki kusu ne: Kunne-nisatta Kamuy ne anpe kasiopas kusu ne na.

God is in the midst of her; she shall not be moved: God shall help her, and that right early.

Moshiri uirup sakayo hopunire, moshiri moimoyege: Shinuma hawe ashte, aige, toitoi ru nisa ruwe ne.

Mosir uyrup sakayo hopunire, mosir moymoyeke: Sinuma hawe aste, ayke, toytoy ru nisa ruwe ne.

The nations raged, the kingdoms were moved: he uttered his voice, the earth melted.

Inne topaha koro Ehoba un tura no an; Chi utara gusu Yakob koro Kamui anak ne ri chashi ne ruwe ne. [Sera.]

Inne topaha kor Ehoba un turano an; Ci utar kusu Yakob kor Kamuy anakne ri casi ne ruwe ne. [Sera.]

The LORD of hosts is with us; the God of Jacob is our refuge. Selah

Araki wa Ehoba ki ikip ingara yan, Hemanda ashitoma okaibe Shinuma ki,

Arki wa Ehoba ki iki p inkar yan, Hemanta asitoma okaype Sinuma ki,

Come, behold the works of the LORD, what desolations he hath made in the earth.

Moshirigesh pakno okai tumi okerere; Ku kaye, op otuye Tumi nishinda abe ari uhuyeka ruwe ne.

Mosirkes pakno okay tumi okerere; Ku=kaye, op otuye Tumi nisinta ape ari uhuyeka ruwe ne.

He maketh wars to cease unto the end of the earth; he breaketh the bow, and cutteth the spear in sunder; he burneth the chariots in the fire.

Iram, Kuani anak ne Kamui ku ne sekoro eraman yan: Uirup tumugeta kuani anak ne apasere kusu ne, moshiri kata apaserep ku ne ruwe ne.

Iram, Kuani anakne Kamuy ku ne sekor eraman yan: Uyrup tumke ta kuani anakne a=pasere kusu ne, mosir kata apaserep ku ne ruwe ne.

Be still, and know that I am God: I will be exalted among the nations, I will be exalted in the earth.

Inne topaba koro Ehoba anak ne un tura no an; Chi utara gusu Yakob koro Kamui anak ne ri chashi ne ruwe ne. [Sera.]

Inne toppa kor Ehoba anakne un turano an; Ci utar kusu Yakob kor Kamuy anakne ri casi ne ruwe ne. [Sera.]

The LORD of hosts is with us; the God of Jacob is our refuge. Selah