86 Ik.

Dabid ki inonno-itak.

Dabid ki inonno-itak.

A Prayer Of David.

AA Ehoba en orun kisara atte wa nu wa en kore; Otek-sak newa irapokkari ku ne ruwe ne gusu ne na.

Aa Ehoba en=orun kisara atte wa nu wa en=kore; Otek-sak newa irapokkari ku ne ruwe ne kusu ne na.

Bow down thine ear, O LORD, and answer me; for I am poor and needy.

Ku kon ramat koshiratki wa en kore; Kamui ku kooripak ruwe ne gusu ne na: Aa ku goro Kamui, Aokai orun eyaikopashte uitek guru kashiobiuki wa en kore.

Ku=kor ramat kosiratki wa en=kore; Kamuy ku=kooripak ruwe ne kusu ne na: Aa ku=kor Kamuy, Aokay orun e=yaykopaste uytek kur kasiopiwki wa en=kore.

Preserve my soul; for I am godly: O thou my God, save thy servant that trusteth in thee.

Aa Utarapa, en erampokiwen wa en kore; Ramne-to E orun hawe ku koashte ruwe ne gusu ne na.

Aa Utarpa, en=eranpokiwen wa en=kore; Ramne-to E orun hawe ku koaste ruwe ne kusu ne na.

Be merciful unto me, O Lord; for unto thee do I cry all the day long.

E koro uitek guru kon ramat nupetnere wa en kore; Aa Utarapa, E orun ku ramat ku punire ruwe ne gusu ne na.

E=kor uytek kur kor ramat nupetnere wa en=kore; Aa Utarpa, E orun ku=ramat ku punire ruwe ne kusu ne na.

Rejoice the soul of thy servant; for unto thee, O Lord, do I lift up my soul.

Aa Utarapa, Aokai anak ne pirika wa honnere rusui, Samata, E orun konishuk obitta no okai utara otta nuye an no rampoken sange Kamui E ne ruwe ne gusu ne na.

Aa Utarpa, Aokay anakne pirka wa honnere rusuy, Sama ta, E orun konisuk opittano okay utar or ta nuye an no ranpoken sanke Kamuy E ne ruwe ne kusu ne na.

For thou, Lord, art good, and ready to forgive, and plenteous in mercy unto all them that call upon thee.

Aa Ehoba, ku ki inonno-itak nu wa en kore; Ku koramkoro hawe orun ikokanu wa en kore,

Aa Ehoba, ku=ki inonno-itak nu wa en=kore; Ku=koramkor hawe orun ikokanu wa en=kore,

Give ear, O LORD, unto my prayer; and hearken unto the voice of my supplications.

Yairamhekomo toho ta E orun ku konishuk ash na; Aokai nu ruwe ne kusu ne gusu ne na.

yayramhekomo toho ta E orun ku konisuk as na; Aokay nu ruwe ne kusu ne kusu ne na.

In the day of my trouble I will call upon thee; for thou wilt answer me.

Aa Utarapa, Kamui tumta Aokai korachi an ambe isam, Shui, E ki ikip korachi an ikip isam ruwe ne.

Aa Utarpa, Kamuy tum ta Aokay koraci an anpe isam, Suy, E ki iki p koraci an iki p isam ruwe ne.

There is none like unto thee among the gods, O Lord; neither [are there any works ]like unto thy works.

Aa Utarapa, Aokai kara obitta no okai moshiri uirup anak ne araki wa E ko-ongami kusu ne; Aige, E kon reihei koiramye kusu ne na.

Aa Utarpa, Aokay kar opittano okay mosir uyrup anakne arki wa E ko-onkami kusu ne; Ayke, E=kor rehe koyramye kusu ne na.

All nations whom thou hast made shall come and worship before thee, O Lord; and they shall glorify thy name.

Aokai anak ne pase Kamui ne, iyokunnure ambe iki: Aokai patek Kamui ne ruwe ne.

Aokay anakne pase Kamuy ne, iyokunnure anpe iki: Aokay patek Kamuy ne ruwe ne.

For thou art great, and doest wondrous things: thou art God alone.

Aa Ehoba en orun E kon ruhu epakashnu wa en kore; yakun, E koro sonep otta ku apkash kusu ne na: E kon reihei ku ko-oripak kuni ne ka goro keutum atte wa en kore.

Aa Ehoba en=orun E=kor ruhu epakasnu wa en=kore; yakun, E=kor sonep or ta ku=apkas kusu ne na: E=kor rehe ku=ko-oripak kuni ne ka kor kewtum atte wa en=kore.

Teach me thy way, O LORD; I will walk in thy truth: unite my heart to fear thy name.

Aa Utarapa ne ku goro Kamui, ramne keutum ani E koiramye ash kusu ne; Orowa, ramma pakno E kon reihei ku pasere ash kusu ne na.

Aa Utarpa ne ku=kor Kamuy, ramne kewtum ani E koyramye as kusu ne; Orowa, ramma pakno E=kor rehe ku=pasere as kusu ne na.

I will praise thee, O Lord my God, with my whole heart; and I will glorify thy name for evermore.

E en kore E koro rampoken porope ne; Iyotta rata an pokna ushike wano ku kon ramat Aokai etaye nisa ruwe ne.

E en=kore E=kor ranpoken poro p ne; Iyotta rata an pokna usike wano ku=kor ramat Aokay etaye nisa ruwe ne.

For great is thy mercy toward me; and thou hast delivered my soul from the lowest pit.

Aa Kamui, pakesara utara hopumba wa en keshke, Niwen utara koro uwekari anak ne ku kon ramat hunara, Koro shik-samata Kamui atte shomoki nisa ruwe ne.

Aa Kamuy, pakesara utar hopunpa wa en=keske, Niwen utar kor uekari anakne ku=kor ramat hunara, Kor sik-sama ta Kamuy atte somo ki nisa ruwe ne.

O God, the proud are risen up against me, and the congregation of violent men have sought after my soul, and have not set thee before them.

Koroka Aokai, Aa Utarapa, chishikiraine ani eshik wa irenga sange, Irushka moire wa rampokiwen newa sonep nuye an no kon ruwe ne.

Korka Aokay, Aa Utarpa, cisikirayne ani esik wa irenka sanke, Iruska moyre wa ranpokiwen newa sonep nuye an no kor ruwe ne.

But thou, O Lord, art a God full of compassion and gracious, slow to anger, and plenteous in mercy and truth.

Aa, en orun koingara wa pirika irenga sange wa en kore, E koro uitek guru tumashnure, E koro uitek-mat koro poho kashiobiuki wa en kore.

Aa, en=orun koinkar wa pirka irenka sanke wa en=kore, E=kor uytek kur tumasnure, E=kor uytek-mat kor poho kasiopiwki wa en=kore.

O turn unto me, and have mercy upon me; give thy strength unto thy servant, and save the son of thine handmaid.

Pirikap gusu an shirosh en nukare bine, En etunne utara nei ambe nukara wa ayainikorosh-mare, Aa Ehoba, Aokai en kaobiuki wa en omaoma nisa ruwe ne gusu ne na.

Pirka p kusu an siros en=nukare pine, En=etunne utar ne anpe nukar wa ayaynikoros-mare, Aa Ehoba, Aokay en kaopiwki wa en=omaoma nisa ruwe ne kusu ne na.

Shew me a token for good; that they which hate me may see it, and be ashamed, because thou, LORD, hast holpen me, and comforted me,