22 Ik.

Aichiret hash-Shahar otta, Shinotcha rekte esapane guru gusu; Dabid kara Iyohaichish.

ayciret has-Shahar or ta, Sinotca rekte esapane kur kusu; Dabid kar Iyohaycis.

For the Chief Musician; set to Aijeleth hash-Shahar. A Psalm of David.

KU goro Kamui, ku goro Kamui, nep gusu Aokai en em aka ye? Nep gusu ene ohon no en kashiobiuki shomoki ruwe? nep gusu ku chish hawe anu shomoki ya?

Ku=kor Kamuy, ku=kor Kamuy, nep kusu Aokay en em aka ye? Nep kusu ene ohor no en=kasiopiwki somo ki ruwe? nep kusu ku=cis hawe anu somo ki ya?

My God, my God, why hast thou forsaken me? [why art thou so ]far from helping me, [and from ]the words of my roaring?

Aa ku goro Kamui, kuani tokap-to ta hawe ku ashte, koroka, Aokai shomo ese itak ki nisa; Kunne-to ta hawe ku ashte wa yaimore shomoki nisa ruwe ne na.

Aa ku=kor Kamuy, kuani tokap-to ta hawe ku=aste, korka, Aokay somo ese itak ki nisa; Kunne-to ta hawe ku=aste wa yaymore somo ki nisa ruwe ne na.

O my God, I cry in the day-time, but thou answerest not; and in the night season, and am not silent.

Koroka, Israeru ramye-i kata rok Kamui, Aokai Ashkannep ne ruwe ne.

Korka, Israeru ramye hi kata rok Kamuy, Aokay Askannep ne ruwe ne.

But thou art holy, O thou that inhabitest the praises of Israel.

Chikoro ekashi Aokai gusu eyaikopashte; E eyaikopashte gusu kashiaobiuki nisa ruwe ne.

Ci=kor ekasi Aokay kusu e=yaykopaste; E e=yaykopaste kusu kasiaopiwki nisa ruwe ne.

Our fathers trusted in thee: they trusted, and thou didst deliver them.

Nei utara E orun konishuk gusu ahonnere nisa; Aokai eyaikopashte gusu yainikoroshma shomoki nisa ruwe ne.

Ne utar E orun konisuk kusu a=honnere nisa; Aokay e=yaykopaste kusu yaynikorosma somo ki nisa ruwe ne.

They cried unto thee, and were delivered: they trusted in thee, and were not ashamed.

Koroka, kuani anak ne Ainu shomo ne, toimok ku ne ruwe ne; Utara gusu yainikoroshmarep ne, uirup aesapsep ku ne ruwe ne.

Korka, kuani anakne Aynu somo ne, toymok ku ne ruwe ne; Utar kusu yaynikorosmarep ne, uyrup aesapsep ku ne ruwe ne.

But I am a worm, and no man; a reproach of men, and despised of the people.

Obitta no okai en nukara utara anak ne en emina esapse: En orun patoi turiri hine sapa shuyeshuye wa ene itak-hi:—

Opittano okay en=nukar utar anakne en=emina esapse: En=orun patoy turiri hine sapa suyesuye wa ene itak hi:—

All they that see me laugh me to scorn: they shoot out the lip, they shake the head, [saying],

Ehoba eyaikopashte; Shinuma nei guru honnerero: Shinuma nei guru enupetne gusu kashiobiuki kusu ne na, sekoro itak.

Ehoba e=yaykopaste; Sinuma ne kur honnerero: Sinuma ne kur enupetne kusu kasiopiwki kusu ne na, sekor itak.

Commit [thyself ]unto the LORD; let him deliver him: let him deliver him, seeing he delighteth in him.

Koroka, Aokai anak ne en shikore Kamui ne: Ku habo koro upshotta ku an ita anak Aokai en yaikopashtere nisa ruwe ne.

Korka, Aokay anakne en=sikore Kamuy ne: Ku=hapo kor upsotta ku=an hi ta anak Aokay en yaykopastere nisa ruwe ne.

But thou art he that took me out the womb: thou didst make me trust [when I was ]upon my mother’s breasts.

Ku shiko wano Aokai otta a en yaikopashtere: Ku habo en shikore wano Aokai anak ne ku goro Kamui ne ruwe ne

Ku=siko wano Aokay or ta a en yaykopastere: Ku=hapo en=sikore wano Aokay anakne ku=kor Kamuy ne ruwe ne

I was cast upon thee from the womb: thou art my God from my mother’s belly.

Iteki en orowa no ehangeko no rok wa en kore; yairamhekomo ambe ehange no an ruwe ne gusu ne na; Samata, kashiobiuki guru isam ruwe ne gusu ne na.

Iteki en=oro wano e=hankeko no rok wa en=kore; yayramhekomo anpe ehanke no an ruwe ne kusu ne na; Sama ta, kasiopiwki kur isam ruwe ne kusu ne na.

Be not far from me; for trouble is near; for there is none to help.

Inne pinne beko en nikkotama; Bashan un okirashnu pinne beko en kopiuki ruwe ne.

Inne pinne peko en nikkotama; Basan un okirasnu pinne peko en kopiwki ruwe ne.

Many bulls have compassed me: strong bulls of Bashan have beset me round.

Sambe-chinoiba wa hawe ash shishi korachi En orun paro hasa ruwe ne.

Sanpe-cinoypa wa hawe as sisi koraci En=orun paro hasa ruwe ne.

They gape upon me with their mouth, [as ]a ravening and a roaring lion.

Wakka korachi a en echikiki, Ku pone obitta homeru: Ku sambe anak unkotuk koheraye, Aige, ku honi oshiketa ru nisa ruwe ne.

Wakka koraci a en=ecikiki, Ku=pone opitta homeru: Ku=sanpe anak unkotuk koheraye, Ayke, ku=honi oske ta ru nisa ruwe ne.

I am poured out like water, and all my bones are out of joint: my heart is like wax; it is melted in the midst of my bowels.

Ku kiroro anak ne sei humi korachi sat: Ku parumbe anak ku notkeu kotuk ruwe ne; Samata, Aokai anak ne rai gusu an pana orun en ande nisa ruwe ne.

Ku=kiroro anakne sey humi koraci sat: Ku=parunpe anak ku=notkew kotuk ruwe ne; Sama ta, Aokay anakne ray kusu an pana orun en=ante nisa ruwe ne.

My Strength is dried up like a potsherd; and my tongue cleaveth to my jaws; and thou hast brought me into the dust of death.

Se ta en nikkotama; Uwekarapa wa okai wen-buri ki utara en okari nisa: Ku tekehe newa ku kemaha nei utara kushnare nisa ruwe ne na.

Se ta en nikkotama; Uekarpa wa okay wen-puri ki utar en=okari nisa: Ku=tekehe newa ku=kemaha ne utar kusnare nisa ruwe ne na.

For dogs have compassed me: the assembly of evil-doers have enclosed me; they pierced my hands and my feet.

Ku pone obitta apishki eashkai; Nei utara en orun nukara, en orun enitomom ruwe ne.

Ku=pone opitta a=piski easkay; Ne utar en=orun nukar, en=orun enitomom ruwe ne.

I may tell all my bones; they look and stare upon me:

Nei utara anak ne utashpa ku mipihi uwe-usaraye, Ku horowashi amip gusu ukokonchi etaye ruwe ne.

Ne utar anakne utaspa ku=mipihi ue-usaraye, Ku horowasi amip kusu ukokonci etaye ruwe ne.

They part my garments among them, and upon my vesture do they cast lots.

Aa Ehoba, iteki ehangeko no rok wa en kore: Aa en ikashiu Kamui, chashnu no en kashiobiuki wa en kore.

Aa Ehoba, iteki e=hankeko no rok wa en=kore: Aa en ikasiw Kamuy, casnu no en=kasiopiwki wa en=kore.

But be not thou far off, O LORD: O thou my succour, haste thee to help me.

Rangetam gusu ku ramat yokore, Seta orowa no ku ramat ohaitare wa en kore.

Ranke tam kusu ku=ramat yokore, Seta oro wano ku=ramat ohaytare wa en=kore.

Deliver my soul from the sword; my darling from the power of the dog;

Shishi paro wano en yokore; Ruwe un, niwen beko kirawe orowa no en ohaitare wa en nu nisa ruwe ne na.

Sisi paro wano en=yokore; Ruwe un, niwen peko kiraw oro wano en ohaytare wa en=nu nisa ruwe ne na.

Save me from the lion’s mouth; yea, from the horns of the wild-oxen thou hast answered me.

Ku iriwak utara otta E reihei ku nure kusu ne; Uwekari tumugeta E iramye ash kusu ne na.

Ku=irwak utar or ta E rehe ku=nure kusu ne; Uekari tumke ta E iramye as kusu ne na.

I will declare thy name unto my brethren: in the midst of the congregation will I praise thee.

Ehoba koishitoma utara, Shinuma ramye yan; Yakob sanikiri echi utara anak ne Shinuma pasere yan; Obitta no okai Israeru sanikiri utara Shinuma koishitoma yan.

Ehoba koysitoma utar, Sinuma ramye yan; Yakob sanikiri eci utar anakne Sinuma pasere yan; Opittano okay Israeru sanikiri utar Sinuma koysitoma yan.

Ye that fear the LORD, praise him; all ye the seed of Jacob, glorify him; and stand in awe of him, all ye the seed of Israel.

Shinuma anak ne otek sak guru koro ramusarakbe esapse bene ki etunne bene ki shomoki; Shui, nei guru otta koro nanuhu nuina shomoki: Koroka, Shinuma konishuk ita anu nisa ruwe ne gusu ne na.

Sinuma anakne otek sak kur kor ramusarakpe esapse pene ki etunne pene ki somo ki; Suy, ne kur or ta kor nanuhu nuyna somo ki: Korka, Sinuma konisuk hi ta anu nisa ruwe ne kusu ne na.

For he hath not despised nor abhorred the affliction of the afflicted; neither hath he hid his face from him; but when he cried unto him, he heard.

Poro uwekari oshiketa ku ramuayep Aokai gusu hetuku ruwe ne: Shinuma koishitoma utara kotchaketa ku ki uitaknu ambe ku kara kusu ne.

Poro uekari oske ta ku ramuayep Aokay kusu hetuku ruwe ne: Sinuma koysitoma utar kotcake ta ku=ki uytaknu anpe ku=kar kusu ne.

Of thee cometh my praise in the great congregation: I will pay my vows before them that fear him.

Ramu-rotcha utara aep e wa aeramushinne kusu ne: Ehoba hunara guru anak ne Shinuma koiramye kusu ne: E koro sambe otusashuishiri pakno ne yakka shiknure yan.

Ramu-rotca utar aep e wa a=eramusinne kusu ne: Ehoba hunara kur anakne Sinuma koyramye kusu ne: E=kor sanpe otu sasuysir pakno ne yakka siknure yan.

The meek shall eat and be satisfied: they shall praise the LORD that seek after him: let your heart live for ever.

Obitta no okai moshiri kese anak ne Ehoba eshikarun wa otta hosari kusu ne: Moshirʼun uirup utara obitta E kotchaketa ongami kusu ne na.

Opittano okay mosir kese anakne Ehoba esikarun wa or ta hosari kusu ne: Mosir un uyrup utar opitta E kotcake ta onkami kusu ne na.

All the ends of the earth shall remember and turn unto the LORD: and all the kindreds of the nations shall worship before thee.

Moshiri anak Ehoba korope ne: Shinuma anak ne moshirʼun utara esapanep ne ruwe ne.

Mosir anak Ehoba kor pe ne: Sinuma anakne mosir un utar e=sapanep ne ruwe ne.

For the kingdom is the LORD’S: and he is the ruler over the nations.

Moshirʼun mimush utara obitta ibe wa ongami ki kusu ne: Pana otta rap utara anak ne obitta Shinuma orun hepokiki kusu ne, Yaikota kon ramat shiknure eaikap guru ka nei no ki kusu ne.

Mosir un mimus utar opitta ipe wa onkami ki kusu ne: Pana or ta rap utar anakne opitta Sinuma orun hepokiki kusu ne, Yaykota kor ramat siknure eaykap kur ka néno ki kusu ne.

All the fat ones of the earth shall eat and worship: all they that go down to the dust shall bow before him, even he that cannot keep his soul alive.

Shinuma otta yaishieiwangere utara okai; Ehoba orushpe oya ainu ikiri otta anure kusu ne. Nei utara araki wa okaketa hetuku kusu ne utara otta Ehoba oupeka ambe ye, Shinuma tambe kan nisa ruwe ne ari an ambe nure kusu ne na.

Sinuma or ta yaysieywankere utar okay; Ehoba oruspe oya aynu ikiri or ta a=nure kusu ne. Ne utar arki wa okake ta hetuku kusu ne utar or ta Ehoba owpeka anpe ye, Sinuma tanpe kan nisa ruwe ne ari an anpe nure kusu ne na.

A seed shall serve him; it shall be told of the Lord unto the [next ]generation.