HETAK, araki wa Ehoba otta shinotcha ki: Un Kashiobiuki Watara otta nupetne hau ashtero.
Hetak, arki wa Ehoba or ta sinotcaki: Un Kasiopiwki Watara or ta nupetne haw astero.
O COME, let us sing unto the LORD: let us make a joyful noise to the rock of our salvation.
Yaiiraige koro Shinuma tek-samata araki, Iyohaichish ani Shinuma otta nupetne hau ashtero.
Yayirayke kor Sinuma tek-sama ta arki, Iyohaycis ani Sinuma or ta nupetne haw astero.
Let us come before his presence with thanksgiving, let us make a joyful noise unto him with psalms.
Ehoba anak ne pase Kamui ne, Obitta no okai Kamui kasu no poro esapanep ne gusu ne na.
Ehoba anakne pase Kamuy ne, Opittano okay Kamuy kasuno poro e=sapanep ne kusu ne na.
For the LORD is a great God, and a great King above all gods.
Moshiri ooho-i Shinuma parateke otta an; Nupuri ri-hi ne yakka Shinuma korobe ne.
Mosir ooho hi Sinuma paratek or ta an; Nupuri ri hi ne yakka Sinuma kor pe ne.
In his hand are the deep places of the earth; the heights of the mountains are his also.
Atui anak ne Shinuma korobe ne, Shinuma karabe ne; Shinuma teke anak ne sat toi kan nisa ruwe ne.
Atuy anakne Sinuma kor pe ne, Sinuma kar pe ne; Sinuma teke anakne sat toy kan nisa ruwe ne.
The sea is his, and he made it; and his hands formed the dry land.
Hetak, araki wa ongami hine hepokiki Un kara Ehoba kotchaketa kokkaerok yanro:
Hetak, arki wa onkami hine hepokiki Un kar Ehoba kotcake ta kokkaerok yanro:
O come, let us worship and bow down; let us kneel before the LORD our Maker:
Shinuma anak ne chikoro Kamui ne, Chi utara anak Shinuma koro areshpa utara chi ne, koro teke un hitsuji chi ne ruwe ne gusu ne na.
Sinuma anakne ci=kor Kamuy ne, Ci utar anak Sinuma kor a=respa utar ci ne, kor teke un hitsuji ci ne ruwe ne kusu ne na.
For he is our God, and we are the people of his pasture, and the sheep of his hand. Today, Oh that ye would hear his voice!
Aa, tanto Shinuma koro hau echi nu chiki humi! Meriba ta hene, nup ta okai Massa toho ta hene korachi,
Aa, tanto Sinuma kor haw eci=nu ciki humi! Meriba ta hene, nup ta okay Massa toho ta hene koraci,
Harden not your heart, as at Meribah, as in the day of Massah in the wilderness:
Iteki echi keutum nishtere yan: Nei ita echi shinrit utara En koramnukan nisa;
Iteki eci=kewtum nistere yan: Ne hi ta eci=sinrit utar En=koramnukar nisa;
When your fathers tempted me, proved me, and saw my work.
En koramnukara wa Ku ki ikip nukan nisa ruwe ne. Tu hotne pa uturuta nei ainu ikiri gusu ku eyaisambepokash hine,
En=koramnukar wa Ku=ki iki p nukar nisa ruwe ne. Tu hotne pa utur ta ne aynu ikiri kusu ku eyaysanpepokas hine,
Forty years long was I grieved with [that ]generation, and said, It is a people that do err in their heart, and they have not known my ways:
Ene itak-hi:— Keutum ta ohaitap ki utara ne, Ku kan ruhu erampeutek utara ne ruwe ne: Tambe gusu, nei utara Ku shini-i otta ahup shomoki, Sekoro, Ku irushka wa shiyuppa no Ku ye nisa ruwe ne na.
Ene itak hi:— Kewtum ta ohaytap ki utar ne, Ku=kan ruhu eranpewtek utar ne ruwe ne: Tanpe kusu, ne utar Ku=sini hi or ta ahup somo ki, Sekor, Ku=iruska wa siyuppa no Ku=ye nisa ruwe ne na.
Wherefore I sware in my wrath, that they should not enter into my rest.