143 Ik.

Dabid kava iyohaichish.

Dabid kava iyohaycis.

A Psalm of David.

AA Ehoba ku ki inonno-itak nu wa en kore; ku koramkorope gusu ikokanu wa en koi e: Aokai oupeka wa son no en orun ese wa en kore.

Aa Ehoba ku=ki inonno-itak nu wa en=kore; ku koramkorope kusu ikokanu wa en=koy e: Aokay owpeka wa sonno en=orun ese wa en=kore.

Hear my prayer, O LORD; give ear to my supplications: in thy faithfulness answer me, [and ]in thy righteousness.

Orowa, E tek-samata katpak isam no an shiknu guru isam ruwe ne; Tambe gusu, iteki E uitek guru esanniyo wa en kore.

Orowa, E tek-sama ta katpak isam no an siknu kur isam ruwe ne; Tanpe kusu, iteki E uytek kur esanniyo wa en=kore.

And enter not into judgment with thy servant; for in thy sight shall no man living be justified.

En epokba guru anak ne ku kon ramat keshke; Shiri pakno ku inotu ko-shirikik; Ohon no uturuta rai wa isam utara nei no kunne ushiketa en oshiromare nisa ruwe ne.

En epokpa kur anakne ku=kor ramat keske; Siri pakno ku=inotu ko-sirkik; Ohor no utur ta ray wa isam utar néno kunne uske ta en osiromare nisa ruwe ne.

For the enemy hath persecuted my soul; he hath smitten my life down to the ground: he hath made me to dwell in dark places, as those that have been long dead.

Tambe gusu ku ramat anak ne en onnaigeta ramurai; Ku keutum anak irapokkari ruwe ne.

Tanpe kusu ku=ramat anakne en=onnayke ta ramuray; Ku=kewtum anak irapokkari ruwe ne.

Therefore is my spirit overwhelmed within me; my heart within me is desolate.

Fushko toho ku eshkarun; E ki ikip ku esanniyo; E tekehe ki ikip ku ramepakari ruwe ne.

Husko toho ku=eskarun; E ki iki p ku=esanniyo; E tekehe ki iki p ku=ramepakari ruwe ne.

I remember the days of old; I meditate on all thy doings: I muse on the work of thy hands.

E orun ku teke ku pirasa: Shingi toi korachi ku ramat anak ne Aokai eyaikate-kara. [Sera.]

E orun ku=teke ku=pirasa: Sinki toy koraci ku=ramat anakne Aokay eyaykate-kar. [Sera.]

I spread forth my hands unto thee: my soul [thirsteth ]after thee, as a weary land. Selah

Aa Ehoba tunashino en orun koese, ku ramat ramurai ruwe ne: En otta iteki E nanuhu nuina; Ikineipeka shui orun rap utara nei no ku an ruwe ne kusu ne na.

Aa Ehoba tunasno en=orun koese, ku=ramat ramuray ruwe ne: En or ta iteki E nanuhu nuyna; Ikineypeka suy orun rap utar néno ku=an ruwe ne kusu ne na.

Make haste to answer me, O LORD; my spirit faileth: hide not thy face from me; lest I become like them that go down into the pit.

Kunneiwano E koro omap-an-ramuhauge-i en nure wa en kore; Kuani E eyaikopashte ash ruwe ne gusu ne na: Ku apkash kuni ruhu en eramande wa en kore; E orun ku ramat ku yange ruwe ne gusu ne na.

Kunneywano E=kor omap-an-ramuhawke hi en=nure wa en=kore; Kuani E e=yaykopaste as ruwe ne kusu ne na: Ku=apkas kuni ruhu en=eramante wa en=kore; E orun ku=ramat ku=yanke ruwe ne kusu ne na.

Cause me to hear thy lovingkindness in the morning; for in thee do I trust: cause me to know the way wherein I should walk; for I lift up my soul unto thee.

Aa Ehoba, en epokba utara orowa no en ohaitare wa en kore: En nuina kuni ne E orun ku kokira ruwe ne na.

Aa Ehoba, en epokpa utar oro wano en ohaytare wa en=kore: En=nuyna kuni ne E orun ku=kokira ruwe ne na.

Deliver me, O LORD, from mine enemies: I flee unto thee to hide me.

Aokai anak ne ku goro Kamui E ne ruwe ne gusu, E korʼirenga ku ki kuni ne en epakashnu wa en kore: E kon ramat pirika ruwe ne; oupeka moshiri ta en ani wa en kore.

Aokay anakne ku=kor Kamuy E ne ruwe ne kusu, E=kor irenka ku=ki kuni ne en=epakasnu wa en=kore: E=kor ramat pirka ruwe ne; owpeka mosir ta en ani wa en=kore.

Teach me to do thy will; for thou art my God: thy spirit is good; lead me in the land of uprightness.

Aa Ehoba, E reihei rengap gusu en shiknure wa en kore: Aokai oupeka wa gusu yairamhekomo ambe wano en etaye wa en kore.

Aa Ehoba, E rehe renkap kusu en=siknure wa en=kore: Aokay owpeka wa kusu yayramhekomo anpe wano en=etaye wa en=kore.

Quicken me, O LORD, for thy name’s sake: in thy righteousness bring my soul out of trouble.

Orowa, omap-an-ramuhauge irenga sange wa en epokba utara otuye, Orowa, ku ramat eyairamshitnere utara ushtekka wa en kore; E koro uitek guru ku ne ruwe ne gusu ne na.

Orowa, omap-an-ramuhawke irenka sanke wa en epokpa utar otuye, Orowa, ku=ramat eyayramsitnere utar ustekka wa en=kore; E=kor uytek kur ku ne ruwe ne kusu ne na.

And in thy lovingkindness cut off mine enemies, and destroy all them that afflict my soul; for I am thy servant.