92 Ik.

Iyohaichish, Shini toho gusu an shinotcha.

Iyohaycis, Sini toho kusu an sinotca.

A Psalm, a Song for the sabbath day.

EHOBA koyaiiraige ambe anak ne, Aa Iyotta Rikunbe, E reihei orun iramye an shinotcha ki-hi anak pirika ruwe ne na:

EHOBA koyayirayke anpe anakne, Aa Iyotta Rikunbe, E rehe orun iramye an sinotcaki hi anak pirka ruwe ne na:

It is a good thing to give thanks unto the LORD, and to sing praises unto thy name, O Most High:

Kunneiwano E sange omap-an-ramuhauge-hi atte, Kes anchikara ta E koro sonep assuru ashte-hi,

Kunneywano E sanke omap-an-ramuhawke hi atte, Kes ancikar ta E=kor sonep assuru aste hi,

To shew forth thy lovingkindness in the morning, and thy faithfulness every night,

Wan ka omap newa arektep ani; Koto newa mayun hawe ani nei no ki-hi anak ne pirika ruwe ne na.

Wan ka omap newa arektep ani; Koto newa may un hawe ani néno ki hi anakne pirka ruwe ne na.

With an instrument of ten strings, and with the psaltery; with a solemn sound upon the harp.

Aa Ehoba, Aokai anak ne E ki ikip ani en nupetnere nisa: E tekehe iki ikip gusu ku yaiomonnure kusu ne na.

Aa Ehoba, Aokay anakne E ki iki p ani en nupetnere nisa: E tekehe iki iki p kusu ku=yayomonnure kusu ne na.

For thou, LORD, hast made me glad through thy work: I will triumph in the works of thy hands.

Aa Ehoba, E ki ikip hemanda poro! E ki ramepakari-hi anak ne shiri ooho ruwe ne.

Aa Ehoba, E ki iki p hemanta poro! E ki ramepakari hi anakne siri ooho ruwe ne.

How great are thy works, O LORD! thy thoughts are very deep.

Chikoikip nepkoro an ainu anak ne erampeutek; Ramat-sak guru ka tambe eramushkare ruwe ne.

Cikoykip nepkor an aynu anakne eranpewtek; Ramat-sak kur ka tanpe eramuskare ruwe ne.

A brutish man knoweth not; neither doth a fool understand this:

Wen utara anak ne kina nei no hetukba ita, Irarape ikichi utara obitta shipiraspa ita, Nei utara ramma pakno aisamka kusu ne na:

Wen utar anakne kina néno hetukpa hi ta, Irara p ikici utar opitta sipiraspa hi ta, Ne utar ramma pakno a=ysamka kusu ne na:

When the wicked spring as the grass, and when all the workers of iniquity do flourish; it is that they shall be destroyed for ever:

Koroka, Aokai, aa Ehoba, ramma pakno ri ushiketa an ruwe ne.

Korka, Aokay, aa Ehoba, ramma pakno ri uske ta an ruwe ne.

But thou, O LORD, art on high for evermore.

Aa Ehoba, kerai, E epokba utara, Kerai, e epokba utara aisamka kusu ne; Irarape ikichi utara obitta shitchari kusu ne na.

Aa Ehoba, keray, E epokpa utar, Keray, e epokpa utar a=ysamka kusu ne; Irara p ikici utar opitta sitcari kusu ne na.

For, lo, thine enemies, O LORD, for, lo, thine enemies shall perish; all the workers of iniquity shall be scattered.

Koroka, Aokai anak ne niwen beko nei no ku goro kirawe punire nisa: Ashiri shum ani a en kashiaota nisa ruwe ne.

Korka, Aokay anakne niwen peko néno ku=kor kiraw punire nisa: A=siri sum ani a en kasiaota nisa ruwe ne.

But my horn hast thou exalted like [the horn of ]the wild-ox: I am anointed with fresh oil.

En yongororo utara otta aki rusuibe hetuku a-i ku shiki-hi nukan nisa, Hopumba wa en epokba wenbe ikichi utara otta aki rusuibe hetuku a-i ku kisaraha nu nisa ruwe ne.

En=yonkororo utar or ta aki rusuy pe hetuku a hi ku=siki hi nukar nisa, Hopunpa wa en epokpa wenpe ikici utar or ta aki rusuy pe hetuku a hi ku=kisaraha nu nisa ruwe ne.

Mine eye also hath seen [my desire ]on mine enemies, mine ears have heard [my desire ]of the evil-doers that rise up against me.

Oupeka utara anak ne shuro chi kuni nei no shipirasa: Rebanon ta okai kokaku chikuni korachi shukup kusu ne na.

Owpeka utar anakne suro ci kuni néno sipirasa: Rebanon ta okay kokaku cikuni koraci sukup kusu ne na.

The righteous shall flourish like the palm tree: he shall grow like a cedar in Lebanon.

Ehoba kot chisei ta aetoita utara anak ne Kamui koro tumbu ta shipiraspa kusu ne.

Ehoba kot cise ta aetoyta utar anakne Kamuy kor tumpu ta sipiraspa kusu ne.

They that are planted in the house of the LORD shall flourish in the courts of our God.

Onne yakka ibehe hetukure; Fukinani an wa pe eshik kusu ne

Onne yakka ipehe hetukure; Fukinani an wa pe esik kusu ne

They shall still bring forth fruit in old age; they shall be full of sap and green:

Tambe anak Ehoba oupeka nep sekoro assuru ashte kuni an ambe ne Shinuma anak ne ku goro watara ne, Shinuma otta oheugep isam ruwe ne na.

Tanpe anak Ehoba owpeka nep sekor assuru aste kuni an anpe ne Sinuma anakne ku=kor watara ne, Sinuma or ta ohewkep isam ruwe ne na.

To shew that the LORD is upright; he is my rock, and there is no unrighteousness in him.