EHOBA koyaiiraige, Shinuma kon reihei orun konishuk yan; Moshiri uirup tumugeta Shinuma ki ikip assuru ashte yan.
EHOBA koyayirayke, Sinuma kor rehe orun konisuk yan; Mosir uyrup tumke ta Sinuma ki iki p assuru aste yan.
Give thanks unto the LORD, call upon his name; make known his doings among the peoples.
Shinuma orun shinotcha-ki, Shinuma orun ramye shinotcha ki yan; Shinuma iki obitta no okai iyokunnurep ramepakari yan.
Sinuma orun sinotca-ki, Sinuma orun ramye sinotcaki yan; Sinuma iki opittano okay iyokunnurep ramepakari yan.
Sing unto him, sing praises unto him; talk ye of all his marvelous works.
Shinuma ashkanne reihei gusu yaiyomonnure yan: Ehoba hunara utara koro sambe ritetkere yan.
Sinuma askanne rehe kusu yaiyomonnure yan: Ehoba hunara utar kor sanpe ritetkere yan.
Glory ye in his holy name: let the heart of them rejoice that seek the LORD.
Ehoba newa Shinuma kiroro hunara yan; Ramma pakno Shinuma koro nanuhu hunara yan?
Ehoba newa Sinuma kiroro hunara yan; Ramma pakno Sinuma kor nanuhu hunara yan?
Seek ye the LORD and his strength; seek his face evermore.
Shinuma ki iyokunnure ikip hene; Shinuma koro iyokunnurep newa paroho sange aesanniyop hene;
Sinuma ki iyokunnure iki p hene; Sinuma kor iyokunnurep newa paroho sanke aesanniyop hene;
Remember his marvelous works that he hath done; his wonders, and the judgments of his mouth;
Aa Shinuma uitek guru me Abraham koro sanikiri, Shinuma numge utara ne Yakob koro poho, nei ambe eshkarun yan.
Aa Sinuma uytek kur me Abraham kor sanikiri, Sinuma numke utar ne Yakob kor poho, ne anpe eskarun yan.
O ye seed of Abraham his servant, ye children of Jacob, his chosen ones.
Shinuma anak ne chikoro Kamui ne Ehoba ne ruwe ne: Shinuma koro aesanniyop anak ne moshiri ebitta ta an ruwe ne.
Sinuma anakne ci=kor Kamuy ne Ehoba ne ruwe ne: Sinuma kor aesanniyop anakne mosir epitta ta an ruwe ne.
He is the LORD our God: his judgments are in all the earth.
Shinuma anak ne ramma pakno koro uitaknup eshkarun nisa; Ashikne shine wan hotne okai ainu ikiri pakno kashpaotte itak eshkarun nisa ruwe ne;
Sinuma anakne ramma pakno kor uytaknup eskarun nisa; Asikne sine wan hotne okay aynu ikiri pakno kaspaotte itak eskarun nisa ruwe ne;
He hath remembered his covenant for ever, the word which he commanded to a thousand generations;
Abraham otta ki uitaknup newa; Isaak shiyuppa no ye ambe eshkarun nisa ruwe ne;
Abraham or ta ki uytaknup newa; Isaak siyuppa no ye anpe eskarun nisa ruwe ne;
[The covenant ]which he made with Abraham, and his oath unto Isaac;
Orowa, ehui, ekambaktep nei no nei ambe Yakob gusu ashte, Israeru gusu ramma u pakno an uitaknup ne kuni ashte hine,
Orowa, ehuy, ekanpaktep néno ne anpe Yakob kusu aste, Israeru kusu ramma u pakno an uytaknup ne kuni aste hine,
And confirmed the same unto Jacob for a statute, to Israel for an everlasting covenant:
Ene itak-hi:— E orun Kanaan moshiri e kore:ash na, E eikeshkoro kuni ushike ne na.
Ene itak hi:— E orun Kanaan mosir e kore:as na, E eykeskoro kuni usike ne na.
Saying, Unto thee will I give the land of Canaan, the lot of your inheritance:
Nei ita anak ne nei utara moyo ne, Ruwe newa, shi no moyo wa nei moshirita payekai ruwe ne;
Ne hi ta anakne ne utar moyo ne, Ruwe newa, sino moyo wa ne mosir ta payekay ruwe ne;
When they were but a few men in number; yea, very few, and sojourners in it;
Aige, nei utara uirup orowa mo uirup pakno paye, Shine moshiri wano oya moshiri uirup orun paye nisa ruwe ne.
Ayke, ne utar uyrup orowa mo uyrup pakno paye, Sine mosir wano oya mosir uyrup orun paye nisa ruwe ne.
And they went about from nation to nation, from one kingdom to another people.
Nei utara iteki wende kuni ne ki; Ruwe un nei utara gusu moshiri shikkashima utara pakashnu nisa ruwe ne na.
Ne utar iteki wente kuni ne ki; Ruwe un ne utar kusu mosir sikkasima utar pakasnu nisa ruwe ne na.
He suffered no man to do them wrong; yea, he reproved kings for their sakes;
Aige, ene itak-hi:— Ku goro kashi-a-ota utara iteki tomooshma, Ku goro uweingara utara iteki wende yan.
Ayke, ene itak hi:— Ku=kor kasi-a-ota utar iteki tomoosma, Ku=kor ueinkar utar iteki wente yan.
[Saying], Touch not mine anointed ones, and do my prophets no harm.
Orowa, moshiri kata keman kuni Shinuma kara; Aige, aep ara isamka nisa ruwe ne.
Orowa, mosir kata keman kuni Sinuma kar; Ayke, aep ar isamka nisa ruwe ne.
And he called for a famine upon the land; he brake the whole staff of bread.
Nei utara ratchaot Shinuma ainu omande; Awa, Yosep anak ne auitek guru ne kuni ehok nisa:
Ne utar ratcaot Sinuma aynu omante; Awa, Yosep anakne awitek kur ne kuni e=hok nisa:
He sent a man before them; Joseph was sold for a servant:
Shinuma koro chikiri shinkop ani ashirikirapte; Shinkop ani akote nisa ruwe ne na:
Sinuma kor cikiri sinkop ani a=sirkirapte; Sinkop ani a=kote nisa ruwe ne na:
His feet they hurt with fetters; he was laid in [chains of ]iron:
Shinuma ki itak auweoma pakno; Ehoba koro itak Shinuma shiruwande nisa.
Sinuma ki itak auweoma pakno; Ehoba kor itak Sinuma siruwante nisa.
Until the time that his word came to pass; the word of the LORD tried him.
Moshiri shikkashima guru anak ne teshkara wa shinuma pita yara; Uirup utara esapane utara poka, orowa, shinuma honnere nisa ruwe ne na.
Mosir sikkasima kur anakne teskar wa sinuma pita yara; Uyrup utar esapane utar poka, orowa, sinuma honnere nisa ruwe ne na.
The king sent and loosed him; even the ruler of peoples, and let him go free.
Shinuma kot chisei esapanere, Shui, korobe obitta epunginere nisa:
Sinuma kot cise esapanere, Suy, kor pe opitta epunkinere nisa:
He made him lord of his house, and ruler of all his substance:
Rengaine moshiri shikkashima utara koro poho kotere, Orowa, ekashi utara wayashnure kuni ne kan nisa ruwe ne.
Renkayne mosir sikkasima utar kor poho kotere, Orowa, ekasi utar wayasnure kuni ne kan nisa ruwe ne.
To bind his princes at his pleasure, and teach his senators wisdom.
Israeru ne yakka Echipt moshiri orota ek, Orowa, Yakob anak ne Ham moshiri ta reushi nisa ruwe ne.
Israeru ne yakka Ecipt mosir oro ta ek, Orowa, Yakob anakne Ham mosir ta rewsi nisa ruwe ne.
Israel also came into Egypt; and Jacob sojourned in the land of Ham.
Orowa, shinuma koro utara shiri ainnere hine, Koro epokba utara kasu no tumashnure nisa.
Orowa, sinuma kor utar siri ainnere hine, Kor epokpa utar kasuno tumasnure nisa.
And he increased his people greatly, and made them stronger than their adversaries.
Shinuma anak ne koro utara etunne gusu nei utara koro keutum kirure, Koro uitek utara otta irarare nisa ruwe ne na.
Sinuma anakne kor utar etunne kusu ne utar kor kewtum kirure, Kor uytek utar or ta irarare nisa ruwe ne na.
He turned their heart to hate his people, to deal subtilly with his servants.
Shinuma koro uitek guru ne Mose newa, Anumge a Aaron teshkan nisa.
Sinuma kor uytek kur ne Mose newa, A=numke a Aaron teskar nisa.
He sent Moses his servant, [and ]Aaron whom he had chosen.
Shinuma anak ne nei utara tumugeta koro shirosh atte, Aige, Ham moshiri ta iyokunnurep iki nisa ruwe ne na.
Sinuma anakne ne utar tumke ta kor siros atte, Ayke, Ham mosir ta iyokunnurep iki nisa ruwe ne na.
They set among them his signs, and wonders in the land of Ham.
Shinuma kunne-i omande wa shirikunne ne; Awa, nei utara Shinuma ki itak eokbare shomoki nisa ruwe ne.
Sinuma kunne hi omante wa sirkunne ne; Awa, ne utar Sinuma ki itak e=okpare somo ki nisa ruwe ne.
He sent darkness, and made it dark; and they rebelled not against his words.
Shinuma anak ne nei utara koro wakka kem ne tasare, Aine, koro chep ronnu nisa ruwe ne.
Sinuma anakne ne utar kor wakka kem ne tasare, Ayne, kor cep ronnu nisa ruwe ne.
He turned their waters into blood, and slew their fish.
Toi kata otereke-ibe shiri eshikte, Moshiri esapane guru kot tumbu ta okai.
Toy kata oterke-ipe siri esikte, Mosir esapane kur kot tumpu ta okay.
Their land swarmed with frogs, in the chambers of their kings.
Shinuma itak, orowa, mosh shiri hetuku, Nei moshirʼebitta uruki ainnere nisa.
Sinuma itak, orowa, mos siri hetuku, Ne mosir epitta uruki ainnere nisa.
He spake, and there came swarms of flies, and lice in all their borders.
Apto shirine kaukau ashte, Paraparase abe nei moshiri ta sange.
Apto sirine kawkaw aste, Parparse ape ne mosir ta sanke.
He gave them hail for rain, [and ]flaming fire in their land.
Koro hat-pungara newa ichijiku chikuni tauge; Orowa, nei moshiri ta okai chikuni kaye nisa ruwe ne.
Kor hat-punkar newa icijiku cikuni tawke; Orowa, ne mosir ta okay cikuni kaye nisa ruwe ne.
He smote their vines also and their fig trees; and brake the trees of their borders.
Shinuma itak, aige, patta araki, Apishki eaikap pakno moshpe hetuku,
Sinuma itak, ayke, patta arki, A=piski eaykap pakno mospe hetuku,
He spake, and the locust came, and the cankerworm, and that without number,
Aine, nei utara koro moshiri ta obitta no okai mun ibe, Toi wa hetuku aep ibe nisa ruwe ne na.
Ayne, ne utar kor mosir ta opittano okay mun ipe, Toy wa hetuku aep ipe nisa ruwe ne na.
And did eat up every herb in their land, and did eat up the fruit of their ground.
Nei moshiri ta obitta no okai nei utara koro kiyanne poho shirikik, Koro kiroro heashiripe shirikik nisa ruwe ne.
Ne mosir ta opittano okay ne utar kor kiyanne poho sirkik, Kor kiroro heasiripe sirkik nisa ruwe ne.
He smote also all the firstborn in their land, the chief of all their strength.
Shirokani newa kongani koro wa nei utara turare: Nei uirup tumugeta epetchiu guru shinen ka isam nisa ruwe ne.
Sirokani newa konkani kor wa ne utar turare: Ne uyrup tumke ta epetciw kur sinen ka isam nisa ruwe ne.
And he brought them forth with silver and gold: and there was not one feeble person among his tribes.
Nei utara paye ita Echipt anak ne nupetne; Nei utara kimatek wa okai nisa ruwe ne gusu ne na.
Ne utar paye hi ta Ecipt anakne nupetne; Ne utar kimatek wa okay nisa ruwe ne kusu ne na.
Egypt was glad when they departed; for the fear of them had fallen upon them.
Nei utara kamure guru nishkuru Shinuma pirasa; Anchikarata pekere atte gusu abe ande nisa:
Ne utar kamure kur niskur Sinuma pirasa; Ancikar ta peker atte kusu ape ante nisa:
He spread a cloud for a covering; and fire to give light in the night.
Nei utara koramkoro, aige, Shinuma pekepkere chikap sange bine, Kando un aep ani eramushinnere nisa ruwe ne.
Ne utar koramkor, ayke, Sinuma pekepkere cikap sanke pine, Kanto un aep ani eramusinnere nisa ruwe ne.
They asked, and he brought quails, and satisfied them with the bread of heaven.
Shinuma watara maka, orowa, wakka oashin; Pet korachi sat ushike ta mom nisa ruwe ne.
Sinuma watara maka, orowa, wakka oasin; Pet koraci sat usike ta mom nisa ruwe ne.
He opened the rock, and waters gushed out; they ran in the dry places [like ]a river.
Shinuma anak ne koro Ashkanne itak newa, Koro uitek guru eshkarun nisa ruwe ne gusu ne na.
Sinuma anakne kor Askanne itak newa, Kor uytek kur eskarun nisa ruwe ne kusu ne na.
For he remembered his holy word, [and ]Abraham his servant.
Orowa, nupetne no koro utara atura, Shinotcha ki wa koro numge utara atura nisa ruwe ne.
Orowa, nupetne no kor utar a=tura, Sinotcaki wa kor numke utar a=tura nisa ruwe ne.
And he brought forth his people with joy, [and ]his chosen with singing.
Aige, Shinuma nei utara otta uirup koro moshiri koropare; Awa, nei utara anak ne moshima utara iki ambe eikeshkoro nisa:
Ayke, Sinuma ne utar or ta uyrup kor mosir korpare; Awa, ne utar anakne mosma utar iki anpe eykeskoro nisa:
And he gave them the lands of the nations; and they took the labour of the peoples in possession:
Nei ambe anak nei utara Shinuma koro ekambakbe shikkashima hene ki, Koto tuitak nei no ki kuni an ambe ne. Yah ramye yan.
Ne anpe anakne utar Sinuma kor ekanpakpe sikkasima hene ki, Koto tuytak néno ki kuni an anpe ne. Yah ramye yan.
That they might keep his statutes, and observe his laws. Praise ye the LORD.