119 Ik.

OUPEKA no ruhu otta okai, Ehoba koro tuitak otta apkash utara anak ne anunuke ne.

Owpekano ruhu or ta okay, Ehoba kor tuytak or ta apkas utar anakne a=nunuke ne.

Blessed are they that are perfect in the way, who walk in the law of the LORD.

Shinuma koro ekambaktep shikkashima wa Keutum ebitta ani Shinuma hunara utara anak ne anunuke ne ruwe ne.

Sinuma kor ekanpaktep sikkasima wa Kewtum epitta ani Sinuma hunara utar anakne a=nunuke ne ruwe ne.

Blessed are they that keep his testimonies, that seek him with the whole heart.

Ruwe un, nei utara anak ne oheugep shomo ikichi wa okai, Shinuma kon ruhu otta apkash ruwe ne na.

Ruwe un, ne utar anakne ohewkep somo ikici wa okay, Sinuma kor ruhu or ta apkas ruwe ne na.

Yea, they do no unrighteousness; they walk in his ways.

Chi utara shiarikiki no shikkashima kuni ne, Aokai anak ne ipawetenge sange wa un kashpaotte nisa ruwe ne.

Ci utar siarikiki no sikkasima kuni ne, Aokay anakne ipawetenke sanke wa un kaspaotte nisa ruwe ne.

Thou hast commanded [us ]thy precepts, that we should observe them diligently.

Aa, E koro ekambakbe ashikkashimare kuni ne E kon ruhu aashte wa an humi!

Aa, E=kor ekanpakpe a=sikkasmare kuni ne E=kor ruhu a=aste wa an humi!

Oh that my ways were established to observe thy statutes!

Kuani anak ne obitta no okai E koro ikashpaotte eyaikoshiramshuiba yak anak ne, Shomo ku yainikoroshma kusu ne na.

Kuani anakne opittano okay E=kor ikaspaotte eyaykosiramsuypa yakanak ne, Somo ku=yaynikorosma kusu ne na.

Then shall I not be ashamed, when I have respect unto all thy commandments.

Kuani anak ne E koro oupeka esanniyo-hi eyaihannokkara ita, Oupeka keutum ani E koyaiiraige ash kusu ne na.

Kuani anakne E=kor owpeka esanniyo hi eyayhannokkara hi ta, Owpeka kewtum ani E koyayirayke as kusu ne na.

I will give thanks unto thee with uprightness of heart, when I learn thy righteous judgments.

Kuani E koro ekambakbe shikkashima kusu ne: Aa, iteki ara en emaka wa en kore.

Kuani E=kor ekanpakpe sikkasima kusu ne: Aa, iteki ar en=emaka wa en=kore.

I will observe thy statutes: O forsake me not utterly.

Peure ainu anak ne hemanda ani kon ruhu ashkannere kusu ne ruwe he an? E koro itak an korachi koyairamatte ani aki kusu ne na.

Pewre aynu anakne hemanta ani kor ruhu askannere kusu ne ruwe he an? E=kor itak an koraci koyayramatte ani aki kusu ne na.

Wherewithal shall a young man cleanse his way? by taking heed [thereto ]according to thy word.

Kuani ramu-osshi wano E hunara ash nisa: Neum poka, E koro ikashpaotte iteki ku ehaita kuni ne kara wa en kore.

Kuani ramu-ossi wano E hunara as nisa: Neum poka, E=kor ikaspaotte iteki ku=ehayta kuni ne kar wa en=kore.

With my whole heart have I sought thee: O let me not wander from thy commandments.

Kuani ika E epeka no wen-be ku ki kuni ne, E koro itak ku keutum ta eumashnu wa an na.

Kuani ika E epeka no wen-pe ku=ki kuni ne, E=kor itak ku=kewtum ta ewmasnu wa an na.

Thy word have I laid up in mine heart, that I might not sin against thee.

Aa Ehoba, Aokai anak ne anunuke ne: E koro ekambakbe en epakashnu wa en kore.

Aa Ehoba, Aokay anakne a=nunuke ne: E=kor ekanpakpe en=epakasnu wa en=kore.

Blessed art thou, O LORD: teach me thy statutes.

Kuani ku paro ani obitta no okai E paro orowa no san aesanniyop assuru ashte ruwe ne.

Kuani ku=paro ani opittano okay E paro oro wano san aesanniyop assuru aste ruwe ne.

With my lips have I declared all the judgments of thy mouth.

Obitta no okai aeoteknup ku enupetne korachi, Kuani E koro ipawetenge oma ru enupetne nisa ruwe ne.

Opittano okay aeoteknup ku=enupetne koraci, Kuani E=kor ipawetenke oma ru enupetne nisa ruwe ne.

I have rejoiced in the way of thy testimonies, as much as in all riches.

Kuani E koro ipawetenge ku ramepakari, Aige, E kon ruhu koyairamatte kusu ne na.

Kuani E=kor ipawetenke ku=ramepakari, Ayke, E=kor ruhu koyayramatte kusu ne na.

I will meditate in thy precepts, and have respect unto thy ways.

Kuani yaikota E koro san irenga eyainupetnere kusu ne: Samata, E koro itak shomo ku oira kusu ne na.

Kuani yaykota E=kor san irenka eyaynupetnere kusu ne: Sama ta, E=kor itak somo ku=oyra kusu ne na.

I will delight myself in thy statutes: I will not forget thy word.

A en shiknure kuni ne, E koro uitek guru pirikare wa en kore; Yakun, E koro itak ku shikkashima kusu he na.

A en=siknure kuni ne, E=kor uytek kur pirkare wa en=kore; Yakun, E=kor itak ku=sikkasima kusu he na.

Deal bountifully with thy servant, that I may live; so will I observe thy word.

E koro tuitak ta okai iyokunnure ambe ku nukara kuni ne, Ku goro shiki maka wa en kore.

E=kor tuytak ta okay iyokunnure anpe ku=nukar kuni ne, Ku=kor siki maka wa en=kore.

Open thou mine eyes, that I may behold wondrous things out of thy law.

Moshiri kata payekai guru ku ne: En otta iteki E koro ikashpaotte nuina wa en kore.

Mosir kata payekay kur ku ne: En or ta iteki E=kor ikaspaotte nuyna wa en=kore.

I am a sojourner in the earth: hide not thy commandments from me.

Ramma E koro aesanniyop eyaikatekara gusu Ku ramat anak ne pereke ruwe ne.

Ramma E=kor aesanniyop eyaykatekar kusu Ku=ramat anakne perke ruwe ne.

My soul breaketh for the longing that it hath unto thy judgments at all times.

E koro ikashpaotte otereke Aiyoitakushi pakesara utara Aokai anak ne kopa-shirota nisa ruwe ne.

E=kor ikaspaotte oterke A=iyoytakus pakesara utar Aokay anakne kopa-sirota nisa ruwe ne.

Thou hast rebuked the proud that are cursed, which do wander from thy commandments.

Yainikoroshma ambe newa iyesapse-i en orowa no oyakta ande wa en kore; E koro ekambakbe ku shikkashina nisa ruwe ne gusu ne na.

Yaynikorosma anpe newa iyesapse hi en=oro wano oyak ta ante wa en=kore; E=kor ekanpakpe ku sikkasina nisa ruwe ne kusu ne na.

Take away from me reproach and contempt; for I have kept thy testimonies.

Moshiri esapane utara rok wa en ohaigekara, Awa, E koro uitek guru anak ne E koro ipawetenge ramepakari nisa ruwe ne na.

Mosir esapane utar rok wa en=ohaykekar, Awa, E=kor uytek kur anakne E=kor ipawetenke ramepakari nisa ruwe ne na.

Princes also sat and talked against me: [but ]thy servant did meditate in thy statutes.

E koro ekambakbe ne yakka ku enupetnep ne, Nei ambe anak ne tura no ku ukoramkorohe ne ruwe ne na.

E=kor ekanpakpe ne yakka ku enupetnep ne, Ne anpe anakne turano ku ukoramkorohe ne ruwe ne na.

Thy testimonies also are my delight [and ]my counsellors.

Ku ramat anak ne koponchi kotuk: E koro itak an korachi en shiknure wa en kore.

Ku=ramat anakne koponci kotuk: E=kor itak an koraci en=siknure wa en=kore.

My soul cleaveth unto the dust: quicken thou me according to thy word.

Kuani anak ne ku apkash ru sarare, aige, Aokai en ko-ese itak nisa; Nekon ka newa, E koro ekambakbe en epakashnu wa en kore.

Kuani anakne ku=apkas ru sarare, ayke, Aokay en=ko-ese itak nisa; Nekon ka newa, E=kor ekanpakpe en=epakasnu wa en=kore.

I declared my ways, and thou answeredst me: teach me thy statutes.

E koro ipawetenge ruhu en eramande wa en kore: Yakun, E koro aiyokunnure ikip ku ramepakari kusu ne na.

E=kor ipawetenke ruhu en=eramante wa en=kore: Yakun, E=kor a=iyokunnure iki p ku=ramepakari kusu ne na.

Make me to understand the way of thy precepts: so shall I meditate of thy wondrous works.

Ku ramat shingi wa nin ruwe ne: E koro itak an korachi en tumashnure wa en kore.

Ku=ramat sinki wa nin ruwe ne: E=kor itak an koraci en tumasnure wa en=kore.

My soul melteth for heaviness: strengthen thou me according unto thy word.

En orowa no shungep oyakta ande wa, Pirika irenga sange hine E koro tuitak en kore.

En=oro wano sunkep oyak ta ante wa, Pirka irenka sanke hine E=kor tuytak en=kore.

Remove from me the way of falsehood: and grant me thy law graciously.

Kuani anak ne son no an ruhu ku numge nisa: E koro aesanniyo-hi en kotchaketa ku ande okere na.

Kuani anakne sonno an ruhu ku=numke nisa: E=kor a=esanniyo hi en=kotcake ta ku=ante okere na.

I have chosen the way of faithfulness: thy judgments have I set [before me].

Kuani E koro ipawetenge shikkashima: Aa Ehoba, nekon ka newa, iteki en yainikoroshmare wa en kore.

Kuani E=kor ipawetenke sikkasima: Aa Ehoba, nekon ka newa, iteki en yaynikorosmare wa en=kore.

I cleave unto thy testimonies: O LORD, put me not to shame.

E koro ikashpaotte oma ruhu otta ku hoyupu kusu ne, Nei i orota Aokai ku goro sambe porore kusu ne na.

E=kor ikaspaotte oma ruhu or ta ku=hoyupu kusu ne, Ne i oro ta Aokay ku=kor sanpe porore kusu ne na.

I will run the way of thy commandments, when thou shalt enlarge my heart.

Aa Ehoba, E koro ekambakbe oma ruhu en epakashnu wa en kore; Yakun, okese pakno nei ambe ku shikkashima kusu ne na.

Aa Ehoba, E=kor ekanpakpe oma ruhu en=epakasnu wa en=kore; Yakun, okes pakno ne anpe ku=sikkasima kusu ne na.

Teach me, O LORD, the way of thy statutes; and I shall keep it unto the end.

En wayashnure wa en kore, yakun, E koro tuitak ku shikkashima kusu ne; Ruwe newa ramu-osshi wano nei ambe ku shikkashima ruwe ne kusu ne na

En wayasnure wa en=kore, yakun, E=kor tuytak ku=sikkasima kusu ne; Ruwe newa ramu-ossi wano ne anpe ku=sikkasima ruwe ne kusu ne na

Give me understanding, and I shall keep thy law; yea, I shall observe it with my whole heart.

E koro ikashpaotte oma ru otta en apkashte wa en kore; Inambe gusu ne yakun, nei ambe ku enupetne ruwe ne gusu ne na.

E=kor ikaspaotte oma ru or ta en=apkaste wa en=kore; Inanpe kusu ne yakun, ne anpe ku=enupetne ruwe ne kusu ne na.

Make me to go in the path of thy commandments; for therein do I delight.

E koro ipawetenge orun ku keutum epekare wa, Shomo yaikoshipuinere-hi otta hosari kuni ne kara wa en kore.

E=kor ipawetenke orun ku=kewtum epekare wa, Somo yaykosipuynere hi or ta hosari kuni ne kar wa en=kore.

Incline my heart unto thy testimonies, and not to covetousness.

Ku shikihi anak ne raka-isambe shomo nukara kuni ne kara wa en kore, Orowa, E kon ruhu otta en shiknure wa en kore.

Ku=sikihi anakne raka-i=sanpe somo nukar kuni ne kar wa en=kore, Orowa, E=kor ruhu or ta en=siknure wa en=kore.

Turn away mine eyes from beholding vanity, and quicken me in thy ways.

E koishitoma wa an E koro uitek guru gusu E koro itak ashte wa en kore.

E koysitoma wa an E=kor uytek kur kusu E=kor itak aste wa en=kore.

Confirm thy word unto thy servant, which [belongeth ]unto the fear of thee.

Ku koishitoma yainikoroshma ambe en haitare wa en kore; E koro aesanniyo ambe pirika ruwe ne gusu ne na.

Ku=koysitoma yaynikorosma anpe en haytare wa en=kore; E=kor a=esanniyo anpe pirka ruwe ne kusu ne na.

Turn away my reproach whereof I am afraid; for thy judgments are good.

Ingarʼan, E koro ipawetenge ku eyaikatekara nisa; E koro oupeka ambe gusu en shiknure wa en kore.

Inkar=an, E=kor ipawetenke ku=eyaykatekar nisa; E=kor owpeka anpe kusu en=siknure wa en=kore.

Behold, I have longed after thy precepts: quicken me in thy righteousness.

Aa Ehoba, en erampokiwen ne yakka ki wa en kore, E koro itak an korachi en kashiobiuki poka ki wa en kore.

Aa Ehoba, en=eranpokiwen ne yakka ki wa en=kore, E=kor itak an koraci en=kasiopiwki poka ki wa en=kore.

Let thy mercies also come unto me, O LORD, even thy salvation, according to thy word.

Yak anak ne en wenkurashpa guru otta ese itak ku ki kusu ne; E korʼitak ku eyaikopashte ruwe ne gusu ne na.

Yakanak ne en=wenkuraspa kur or ta ese itak ku=ki kusu ne; E=kor itak ku=e=yaykopaste ruwe ne kusu ne na.

So shall I have an answer for him that reproacheth me; for I trust in thy word.

Samata, E korʼitak ku paro wano iteki ara etaye wa en kore; E koro aisanniyo-hi ku echipachipa ruwe ne gusu ne na.

Sama ta, E=kor itak ku=paro wano iteki ar etaye wa en=kore; E=kor aysanniyo hi ku=ecipacipa ruwe ne kusu ne na.

And take not the word of truth utterly out of my mouth; for I have hoped in thy judgments.

Nei no nei chiki, ramma kane otusashuishiri pakno E koro tuitak ku shikkashima kusu ne na.

Néno ne ciki, ramma kane otu sasuysir pakno E=kor tuytak ku=sikkasima kusu ne na.

So shall I observe thy law continually for ever and ever.

Orowa, ku rengaine ku apkash kusu ne; E koro ipawetenge ku hunara nisa ruwe ne gusu ne na.

Orowa, ku=renkayne ku=apkas kusu ne; E=kor ipawetenke ku=hunara nisa ruwe ne kusu ne na.

And I will walk at liberty; for I have sought thy precepts.

Orowa shui, Moshiri esapane utara kotchaketa E koro ekambakbe gusu ku ye, Aige, shomo ku yainikoroshma kusu ne.

Orowa suy, Mosir esapane utar kotcake ta E=kor ekanpakpe kusu ku=ye, Ayke, somo ku=yaynikorosma kusu ne.

I will also speak of thy testimonies before kings, and will not be ashamed.

Orowa, ku omap, Gusu eyainupetnere ikashpaotte enupetne kusu ne.

Orowa, ku=omap, Kusu eyaynupetnere ikaspaotte enupetne kusu ne.

And I will delight myself in thy commandments, which I have loved.

Ku omap E koro ikashpaotte orun ku tekehe ne yakka ku yange kusu ne; Orowa, E koro ekambakbe eyaikoshiramshuiba ku ki kusu ne na.

Ku=omap E=kor ikaspaotte orun ku=tekehe ne yakka ku=yanke kusu ne; Orowa, E=kor ekanpakpe eyaykosiramsuypa ku=ki kusu ne na.

I will lift up my hands also unto thy commandments, which I have loved; and I will meditate in thy statutes.

Gusu chipachipa kuni ne kara E koro uitek guru orun asange itak eshkarun wa en kore.

Kusu cipacipa kuni ne kar E=kor uytek kur orun a=sanke itak eskarun wa en=kore.

Remember the word unto thy servant, because thou hast made me to hope.

Tambe anak ne ku yairamkoiki ita an en omaoma ambe ne: E koro itak en shiknure nisa ruwe ne gusu ne na.

Tanpe anakne ku yayramkoyki hi ta an en=omaoma anpe ne: E=kor itak en=siknure nisa ruwe ne kusu ne na.

This is my comfort in my affliction: for thy word hath quickened me.

Pakesara utara anak ne poron no en esapse nisa: Yakka E tuitak shomo ku otereke nisa ruwe ne.

Pakesara utar anakne poronno en=esapse nisa: Yakka E tuytak somo ku=oterke nisa ruwe ne.

The proud have had me greatly in derision: [yet ]have I not swerved from thy law.

Aa Ehoba, E koro fushko ne okai aesanniyo-hi ku eshkarun nisa, Aige, ku yaiomaoma nisa ruwe ne.

Aa Ehoba, E=kor husko ne okay a=esanniyo hi ku=eskarun nisa, Ayke, ku yayomaoma nisa ruwe ne.

I have remembered thy judgments of old, O LORD, and have comforted myself.

E koro tuitak emaka wen utara gusu Kuani shiri kinrakara ruwe ne.

E=kor tuytak emaka wen utar kusu Kuani siri kinrakar ruwe ne.

Hot indignation hath taken hold upon me, because of the wicked that forsake thy law.

Ku payekai chisei E koro ekambakbe ku shinotcha ki nisa ruwe ne.

Ku=payekay cise E=kor ekanpakpe ku=sinotca ki nisa ruwe ne.

Thy statutes have been my songs in the house of my pilgrimage.

Aa Ehoba, ʼanchikara ta E reihei ku eshkarun, Aige, E koro tuitak ku shikkashima nisa ruwe ne.

Aa Ehoba, 'ancikara ta E rehe ku=eskarun, Ayke, E=kor tuytak ku=sikkasima nisa ruwe ne.

I have remembered thy name, O LORD, in the night, and have observed thy law.

E koro ipawetenge ku shikkashima nisa ruwe ne wa gusu, Tap okaibe ku kon ruwe ne na.

E=kor ipawetenke ku=sikkasima nisa ruwe ne wa kusu, Tap okaype ku=kor ruwe ne na.

This I have had, because I kept thy precepts.

Ehoba anak ne ku korobe ne: E koro itak ku shikkashima kusu ne sekoro ku ye nisa ruwe ne.

Ehoba anakne ku=kor pe ne: E=kor itak ku=sikkasima kusu ne sekor ku=ye nisa ruwe ne.

The LORD is my portion: I have said that I would observe thy words.

Ramu-osshi wano E koro irenga ku koramkon nisa: E koro itak an korachi pirika irenga sange wa en kore.

Ramu-ossi wano E=kor irenka ku=koramkor nisa: E=kor itak an koraci pirka irenka sanke wa en=kore.

I entreated thy favour with my whole heart: be merciful unto me according to thy word.

Kuani ku apkash ruhu ku yainu nisa, Aige, E koro ekambakbe orun ku chikiri hosarire nisa ruwe ne.

Kuani ku=apkas ruhu ku=yaynu nisa, Ayke, E=kor ekanpakpe orun ku=cikiri hosarire nisa ruwe ne.

I thought on my ways, and turned my feet unto thy testimonies.

Kuani E koro ikashpaotte shikkashima kuni ne, Untere shomoki no yaikimatekka nisa ruwe ne.

Kuani E=kor ikaspaotte sikkasima kuni ne, Untere somo ki no yaykimatekka nisa ruwe ne.

I made haste, and delayed not, to observe thy commandments.

Wen utara koro tush en kokarase, Koroka, E koro tuitak shomo ku oira nisa ruwe ne.

Wen utar kor tus en kokarase, Korka, E=kor tuytak somo ku=oyra nisa ruwe ne.

The cords of the wicked have wrapped me round; [but ]I have not forgotten thy law.

E ki oupeka aesanniyo-hi gusu: Kuani an noshiketa ku hopuni wa e koyaiiraige ash kusu ne na?

E ki owpeka a=esanniyo hi kusu: Kuani an noske ta ku=hopuni wa e koyayirayke as kusu ne na?

At midnight I will rise to give thanks unto thee because of thy righteous judgments.

E koishitoma obitta no okai utara newa,. E koro ipawetenge shikkashima utara utarasam ku ne ruwe ne.

E koysitoma opittano okay utar newa,. E=kor ipawetenke sikkasima utar utarasam ku ne ruwe ne.

I am a companion of all them that fear thee, and of them that observe thy precepts.

Aa Ehoba, moshiri anak ne E koro rampoken ani eshik ruwe ne. E koro ekambakbe en epakashnu wa en kore.

Aa Ehoba, mosir anakne E=kor ranpoken ani esik ruwe ne. E=kor ekanpakpe en=epakasnu wa en=kore.

The earth, O LORD, is full of thy mercy: teach me thy statutes.

Aa Ehoba, E koro itak an korachi, Aokai anak ne E koro uitek guru orun pirika irenga sange nisa ruwe ne.

Aa Ehoba, E=kor itak an koraci, Aokay anakne E=kor uytek kur orun pirka irenka sanke nisa ruwe ne.

Thou hast dealt well with thy servant, O LORD, according unto thy word.

Okaibe pirika no en esanniyore wa en eramande wa en kore; E koro ikashpaotte Aokai en eishokore nisa ruwe ne gusu ne na.

Okaype pirkano en esanniyore wa en=eramante wa en=kore; E=kor ikaspaotte Aokay en eysokore nisa ruwe ne kusu ne na.

Teach me good judgment and knowledge; for I have believed in thy commandments.

A en shirikirapte etokota kuani ru turainu nisa; Koroka, tane anak ne E koro itak ku shikkashima ruwe ne.

A en=sirkirapte etoko ta kuani ru turaynu nisa; Korka, tane anakne E=kor itak ku=sikkasima ruwe ne.

Before I was afflicted I went astray; but now I observe thy word.

Aokai anak ne pirika wa, pirikap ki ruwe ne. E koro ekambakbe en epakashnu wa en koi e.

Aokay anakne pirka wa, pirka p ki ruwe ne. E=kor ekanpakpe en=epakasnu wa en=koy e.

Thou art good, and doest good; teach me thy statutes.

Pakesara utara anak ne en epeka no shunge oshke nisa: Ramu-osshi wano e koro ipawetenge ku shikkashima kusu ne na.

Pakesara utar anakne en=epeka no sunke oske nisa: Ramu-ossi wano e=kor ipawetenke ku=sikkasima kusu ne na.

The proud have forged a lie against me: with my whole heart will I keep thy precepts.

Nei utara koro keutum anak ne shum korachi mimush; Koroka, kuani anak ne e koro tuitak enupetne kusu ne na.

Ne utar kor kewtum anakne sum koraci mimus; Korka, kuani anakne e=kor tuytak enupetne kusu ne na.

Their heart is as fat as grease; but I delight in thy law.

Ani a en shirikirap ambe anak ne kuani gusu pirika ruwe ne; Nei ambe anak E koro ekambakbe ku eyaihannokkara kuni gusu an ambe ne na.

Ani a en=sirkirap anpe anakne kuani kusu pirka ruwe ne; Ne anpe anak E=kor ekanpakpe ku eyayhannokkara kuni kusu an anpe ne na.

It is good for me that I have been afflicted; that I might learn thy statutes.

E paro sange tuitak anak ne kuani gusu Shiri inne kongani newa shirokani kasu no pirika ruwe ne na.

E paro sanke tuytak anakne kuani kusu Siri inne konkani newa sirokani kasuno pirka ruwe ne na.

The law of thy mouth is better unto me than thousands of gold and silver.

E koro tekehe en kara wa en ashte nisa: E koro ikashpaotte ku eyaihannokkara kuni ne oramush keutum en kore.

E=kor tekehe en=kar wa en=aste nisa: E=kor ikaspaotte ku eyayhannokkara kuni ne oramus kewtum en=kore.

Thy hands have made me and fashioned me: give me understanding, that I may learn thy commandments.

E koishitoma utara anak ne en nukara wa yaikopuntek kusu ne; E koro itak gusu ku chipachipa nisa ruwe ne gusu ne na.

E koysitoma utar anakne en=nukar wa yaykopuntek kusu ne; E=kor itak kusu ku=cipacipa nisa ruwe ne kusu ne na.

They that fear thee shall see me and be glad; because I have hoped in thy word.

Aa Ehoba, E koro aesanniyo-hi anak ne oupekap ne sekoro ku eraman,

Aa Ehoba, E=kor a=esanniyo hi anakne owpekap ne sekor ku=eraman,

I know, O LORD, that thy judgments are righteous, and that in faithfulness thou hast afflicted me.

Nekon ka newa, E koro uitek guru orun san E korʼitak nei no, Omap-an-ramuhauge kore hine en omaoma wa en kore.

Nekon ka newa, E=kor uytek kur orun san E=kor itak néno, Omap-an-ramuhawke kore hine en=omaoma wa en=kore.

Let, I pray thee, thy lovingkindness be for my comfort, according to thy word unto thy servant.

A en shiknure kuni ne ramuhauge wa en erampokiwen wa en kore: E koro tuitak ku enupetne ruwe ne gusu ne na.

A en=siknure kuni ne ramuhawke wa en=eranpokiwen wa en=kore: E=kor tuytak ku=enupetne ruwe ne kusu ne na.

Let thy tender mercies come unto me, that I may live: for thy law is my delight.

Pakesara utara yainikoroshmare wa en kore, nei utara shunge wa en hokushte nisa ruwe ne gusu ne na. Kuani anak ne E koro ipawetenge ku ramepakari kusu ne.

Pakesara utar yaynikorosmare wa en=kore, ne utar sunke wa en=hokuste nisa ruwe ne kusu ne na. Kuani anakne E=kor ipawetenke ku=ramepakari kusu ne.

Let the proud be ashamed; for they have overthrown me wrongfully: [but ]I will meditate in thy precepts.

E koishitoma utara en orun hosarire, Yakun, E koro ekambakbe eraman ruwe ne kusu ne na.

E koysitoma utar en=orun hosarire, Yakun, E=kor ekanpakpe eraman ruwe ne kusu ne na.

Let those that fear thee turn unto me, and they shall know thy testimonies.

Shomo ku yainikoroshma kuni ne, E koro ekambakbe orun ku keutum eramushinnere wa en kore.

Somo ku=yaynikorosma kuni ne, E=kor ekanpakpe orun ku=kewtum eramusinnere wa en=kore.

Let my heart be perfect in thy statutes; that I be not ashamed.

E koro kashiobiuki-hi ku kon rusui wa ku ramurai ruwe ne: E koro itak ku chipachipa ruwe ne.

E=kor kasiopiwki hi ku=kor rusuy wa ku ramuray ruwe ne: E=kor itak ku=cipacipa ruwe ne.

My soul fainteth for thy salvation: [but ]I hope in thy word.

Hembara Aokai anak ne en omaoma kusu ne ya? sekoro ku ye rapoketa, E koro itak gusu ku shikihi nin ruwe ne.

Henpara Aokay anakne en=omaoma kusu ne ya? sekor ku=ye rapoketa, E=kor itak kusu ku=sikihi nin ruwe ne.

Mine eyes fail for thy word, while I say, When wilt thou comfort me?

Kuani anak ne shupuya ta an kapu-pukuru nei no ku an; Yakka, E koro ekambakbe shomo ku oira ruwe ne.

Kuani anakne supuya ta an kapu-pukuru néno ku=an; Yakka, E=kor ekanpakpe somo ku=oyra ruwe ne.

For I am become like a bottle in the smoke; yet do I not forget thy statutes.

E koro uitek guru toho hembakbe an a? Hembara Aokai anak ne en epokba utara esanniyo wa panakte ruwe he an?

E=kor uytek kur toho henpakpe an a? Henpara Aokay anakne en epokpa utar esanniyo wa panakte ruwe he an?

How many are the days of thy servant? when wilt thou execute judgment on them that persecute me?

Kuani gusu pakesara utara shui ohori nisa, Nei utara anak ne E ki tuitak nei no shomo ki utara ne ruwe ne.

Kuani kusu pakesara utar suy ohor nisa, Ne utar anakne E ki tuytak néno somo ki utar ne ruwe ne.

The proud have digged pits for me, who are not after thy law.

Obitta no okai E koro ikashpaotte anak ne son no ambe ne: Nei utara shunge wa en epokba ruwe ne; nekon a poka en kaohiuki wa en kore.

Opittano okay E=kor ikaspaotte anakne sonno anpe ne: Ne utar sunke wa en epokpa ruwe ne; nekona poka en kaohiwki wa en=kore.

All thy commandments are faithful: they persecute me wrongfully; help thou me.

Naanihungo nei utara moshiri ka wa en isamka; Koroka, kuani E koro ipawetenge shomo ku emaka nisa ruwe ne.

naanihunko ne utar mosir ka wa en=isamka; Korka, kuani E=kor ipawetenke somo ku=emaka nisa ruwe ne.

They had almost consumed me upon earth; but I forsook not thy precepts.

E koro omap-an-ramuhauge-hi an korachi en shiknure wa en kore; Yak anak ne E paro sange ipawetenge ku shikka-shima kusu ne na.

E=kor omap-an-ramuhawke hi an koraci en=siknure wa en=kore; Yakanak ne E paro sanke ipawetenke ku sikka-sima kusu ne na.

Quicken me after thy lovingkindness; so shall I observe the testimony of thy mouth.

Aa Ehoba, otusashuishiri pakno, E koro itak kando otta aashte wa an na.

Aa Ehoba, otu sasuysir pakno, E=kor itak kanto or ta a=aste wa an na.

For ever, O LORD, thy word is settled in heaven.

E koro sonep anak ne otusashuishiri pakno okai ainu ikiri otta an: Aokai anak ne moshiri ashte, aige, an ruwe ne.

E=kor sonep anakne otu sasuysir pakno okay aynu ikiri or ta an: Aokay anakne mosir aste, ayke, an ruwe ne.

Thy faithfulness is unto all generations: thou hast established the earth, and it abideth.

E esanniyop korachi tanto ne yakka nei ambe okai; Obitta no okaibe E koro uitek guru korobe ne ruwe ne gusu ne na.

E esanniyop koraci tanto ne yakka ne anpe okay; Opittano okaype E=kor uytek kur kor pe ne ruwe ne kusu ne na.

They abide this day according to thine ordinances; for all things are thy servants.

Kuani anak ne E koro tuitak shomo enupetne yak anak ne, Yairamhekomo wa ku isam kusu ne na.

Kuani anakne E=kor tuytak somo enupetne yakanak ne, Yairamhekomo wa ku=isam kusu ne na.

Unless thy law had been my delight, I should then have perished in mine affliction.

Samma pakno E koro ipawetenge shomo ku oira kusu ne; Nei ambe ani aokai anak ne en shiknure nisa ruwe ne gusu ne na.

Samma pakno E=kor ipawetenke somo ku=oyra kusu ne; Ne anpe ani aokay anakne en=siknure nisa ruwe ne kusu ne na.

I will never forget thy precepts; for with them thou hast quickened me.

Kuani anak ne E korobe ne, en kaobiuki wa en kore; E koro ipawetenge ku hunara nisa ruwe ne gusu ne na.

Kuani anakne E=kor pe ne, en kaopiwki wa en=kore; E=kor ipawetenke ku=hunara nisa ruwe ne kusu ne na.

I am thine, save me; for I have sought thy precepts.

En isamka kuni ne wen utara anak ne en ehuye nisa; Aine, kuani anak ne E koro ekambakbe ramepakari kusu ne na.

En=isamka kuni ne wen utar anakne en=ehuy nisa; Ayne, kuani anakne E=kor ekanpakpe ramepakari kusu ne na.

The wicked have waited for me to destroy me; [but ]I will consider thy testimonies.

Obitta no okai aeramushinne ambe okese-i ku nukan nisa; E koro ikashpaotte shi no sap ruwe ne na.

Opittano okay a=eramusinne anpe okes hi ku=nukar nisa; E=kor ikaspaotte sino sap ruwe ne na.

I have seen an end of all perfection; [but ]thy commandment is exceeding broad.

Aa E koro tuitak ku omap humi! Tokap ebitta nei ambe ku ramepakari ruwe ne.

Aa E=kor tuytak ku=omap humi! Tokap epitta ne anpe ku=ramepakari ruwe ne.

Oh how love I thy law! it is my meditation all the day.

E koro ikashpaotte anak ne en epokba utara kasu no en wayashnure nisa ruwe ne, Ramma nei ambe en otta an ruwe ne na.

E=kor ikaspaotte anakne en epokpa utar kasuno en wayasnure nisa ruwe ne, Ramma ne anpe en or ta an ruwe ne na.

Thy commandments make me wiser than mine enemies; for they are ever with me.

Obitta no okai en epakashnu utara kasu no ku wayashnu ruwe ne; E koro ipawetenge ku ramepakari ruwe ne gusu ne na.

Opittano okay en=epakasnu utar kasuno ku=wayasnu ruwe ne; E=kor ipawetenke ku=ramepakari ruwe ne kusu ne na.

I have more understanding than all my teachers; for thy testimonies are my meditation.

Pa poro utara kasu no ku oramush ruwe ne, E koro ipawetenge ku shikkashima ilisa ruwe ne gusu ne na.

Pa poro utar kasuno ku oramus ruwe ne, E=kor ipawetenke ku=sikkasima ilisa ruwe ne kusu ne na.

I understand more than the aged, because I have kept thy precepts.

E koro tuitak ku shikkashima kuni ne, Obitta no okai wen ruhu otta shomo ku chikiri ku apkashte nisa ruwe ne na.

E=kor tuytak ku=sikkasima kuni ne, Opittano okay wen ruhu or ta somo ku=cikiri ku=apkaste nisa ruwe ne na.

I have refrained my feet from every evil way, that I might observe thy word.

E koro aesanniyo-hi shomo ku eshishi; Aokai en epakashnu nisa ruwe ne gusu ne na.

E=kor a=esanniyo hi somo ku=esisi; Aokay en=epakasnu nisa ruwe ne kusu ne na.

I have not turned aside from thy judgments; for thou hast taught me.

Ku parumbe gusu E koro itak hemanda shisak humi! Ku paro otta soyai ninge kasu no ne.

Ku=parunpe kusu E=kor itak hemanta sisak humi! Ku=paro or ta soyay ninke kasuno ne.

How sweet are thy words unto my taste! [yea, sweeter ]than honey to my mouth!

E koro ipawetenge ankushkerai ku wayashnu ne: Tambe gusu obitta no okai wen-buri ku etunne ruwe ne na.

E=kor ipawetenke an kuskeray ku=wayasnu ne: Tanpe kusu opittano okay wen-puri ku=etunne ruwe ne na.

Through thy precepts I get understanding: therefore I hate every false way.

E koro itak anak ne ku chikiri gusu an ratchako ne, Ku apkash ru gusu an pekere ne ruwe ne,

E=kor itak anakne ku=cikiri kusu an ratcako ne, Ku=apkas ru kusu an peker ne ruwe ne,

Thy word is a lamp unto my feet, and light unto my path,

E koro oupeka aesanniyo-hi ku shikkashima kusu ne sekoro, Shiyuppa no ku ekambakte wa ramuoshitchiu nisa ruwe ne.

E=kor owpeka a=esanniyo hi ku=sikkasima kusu ne sekor, Siyuppa no ku ekanpakte wa ramuositciw nisa ruwe ne.

I have sworn, and have confirmed it, that I will observe thy righteous judgments.

Kuani poro no shirikirap wa an: Aa Ehoba, E korʼitak an korachi en shiknure wa en kore.

Kuani poro no sirkirap wa an: Aa Ehoba, E=kor itak an koraci en=siknure wa en=kore.

I am afflicted very much: quicken me, O LORD, according unto thy word.

Aa Ehoba, nekon ka newa, ku paroho wano rengaine asange ayangep uk hemhem ki, E koro aesanniyo-hi en epakashnu hemhem ki wa en kore.

Aa Ehoba, nekon ka newa, ku=paroho wano renkayne a=sanke ayankep uk hemhem ki, E=kor a=esanniyo hi en=epakasnu hemhem ki wa en=kore.

Accept, I beseech thee, the freewill offerings of my mouth, O LORD, and teach me thy judgments.

Ku ramat anak ne ramma kane ku teke ta an; Yakka E koro tuitak shomo ku oira ruwe ne.

Ku=ramat anakne ramma kane ku=teke ta an; Yakka E=kor tuytak somo ku=oyra ruwe ne.

My soul is continually in my hand; yet do I not forget thy law.

Wen utara anak ne kuani gusu akbe yokore; Yakka, E koro ipawetenge shomo ku ehaita ruwe ne na.

Wen utar anakne kuani kusu akpe yokore; Yakka, E=kor ipawetenke somo ku=ehayta ruwe ne na.

The wicked have laid a snare for me; yet went I not astray from thy precepts.

Ramma pakno eikeshkorobe gusu E koro ipawetenge ku uina; Nei ambe anak ne ku koro keutum nupetnere ruwe ne gusu ne na.

Ramma pakno eykeskorope kusu E=kor ipawetenke ku=uyna; Ne anpe anakne ku=kor kewtum nupetnere ruwe ne kusu ne na.

Thy testimonies have I taken as an heritage for ever; for they are the rejoicing of my heart.

E koro ekambakbe shikkashima kuni ne keutum ku atte, Otusashuishiri pakno, ramma pakno poka nei no ku ki kusu ne na.

E=kor ekanpakpe sikkasima kuni ne kewtum ku=atte, Otu sasuysir pakno, ramma pakno poka néno ku=ki kusu ne na.

I have inclined mine heart to perform thy statutes, for ever, even unto the end.

Tu keutum o guru ku etunne ruwe ne; Koroka, E koro tuitak ku omap ruwe ne na.

Tu kewtum o kur ku=etunne ruwe ne; Korka, E=kor tuytak ku=omap ruwe ne na.

I hate them that are of a double mind; but thy law do I love.

Aokai anak ne ku numne ushike ne, ku koro kikhumbe E ne: E korʼitak gusu ku chipachipa ruwe ne.

Aokay anakne ku numne usike ne, ku=kor kikhunpe E ne: E=kor itak kusu ku=cipacipa ruwe ne.

Thou art my hiding place and my shield: I hope in thy word.

Ku goro Kamui ikashpaotte ku shikkashima eashkai kuni ne: Wen-buri ikichi utara, en orowa no oyake un paye yan.

Ku=kor Kamuy ikaspaotte ku=sikkasima easkay kuni ne: Wen-puri ikici utar, en=oro wano oyake un paye yan.

Depart from me, ye evil-doers; that I may keep the commandments of my God.

Ku shiknu kuni gusu, E korʼitak an korachi en nitata wa en kore; Orowa, ku chipachipa kuni ambe gusu iteki en yainikoroshmare wa en kore.

Ku=siknu kuni kusu, E=kor itak an koraci en=nitata wa en=kore; Orowa, ku=cipacipa kuni anpe kusu iteki en yaynikorosmare wa en=kore.

Uphold me according unto thy word, that I may live; and let me not be ashamed of my hope.

En nitata wa en kore, yakun a en kashiobiuki kusu ne, Aige, ramma kani E koro ekambakbe ku esanniyo kusu ne na.

En=nitata wa en=kore, yakun a en=kasiopiwki kusu ne, Ayke, ramma kani E=kor ekanpakpe ku=esanniyo kusu ne na.

Hold thou me up, and I shall be safe, and shall have respect unto thy statutes continually.

E koro ekambakbe ohaita obitta no okai utara Aokai anak ne nanu isamka ruwe ne; Nei utara koro shunge anak ne raka sakbe ne ruwe ne gusu ne na.

E=kor ekanpakpe ohay ta opittano okay utar Aokay anakne nanu isamka ruwe ne; Ne utar kor sunke anakne raka sak pe ne ruwe ne kusu ne na.

Thou hast set at nought all them that err from thy statutes; for their deceit is falsehood.

Aokai anak ne moshiri kata an obitta no okai wen utara kani turu korachi isamka ruwe ne: Tambe gusu E koro ekambakbe ku omap ruwe ne.

Aokay anakne mosir kata an opittano okay wen utar kani tur koraci isamka ruwe ne: Tanpe kusu E=kor ekanpakpe ku=omap ruwe ne.

Thou puttest away all the wicked of the earth like dross: therefore I love thy testimonies.

E koishitoma gusu ku kam anak ne tusushke ruwe ne; Orowa, E koro aesanniyo-hi gusu ku ishitoma ruwe ne.

E koysitoma kusu ku=kam anakne tususke ruwe ne; Orowa, E=kor a=esanniyo hi kusu ku=isitoma ruwe ne.

My flesh trembleth for fear of thee; and I am afraid of thy judgments.

Kuani anak ne esanniyo wa oupekap ki nisa: En keshke utara gusu iteki en ande wa en kore.

Kuani anakne esanniyo wa owpekap ki nisa: En=keske utar kusu iteki en=ante wa en=kore.

I have done judgment and justice: leave me not to mine oppressors.

E koro uitek guru pirikare gusu koro iyuturu oma guru yaikara wa en kore: Orowa, pakesara utara iteki en keshke kuni ne kara wa en kore.

E=kor uytek kur pirkare kusu kor iyuturu oma kur yaykar wa en=kore: Orowa, pakesara utar iteki en=keske kuni ne kar wa en=kore.

Be surety for thy servant for good: let not the proud oppress me.

E koro kashiobiuki-hi gusu hemhem, E koro oupeka itak gusu hemhem ku shikihi nin ruwe ne.

E=kor kasiopiwki hi kusu hemhem, E=kor owpeka itak kusu hemhem ku=sikihi nin ruwe ne.

Mine eyes fail for thy salvation, and for thy righteous word.

E koro rampoken an korachi E koro uitek guru otta ki, Orowa, E koro ekambakbe en epakashnu wa en kore.

E=kor ranpoken an koraci E=kor uytek kur or ta ki, Orowa, E=kor ekanpakpe en=epakasnu wa en=kore.

Deal with thy servant according unto thy mercy, and teach me thy statutes.

E koro uitek guru ku ne, oramush keutum en kore; Yakun, E koro ekambakbe ku eraman ruwe ne kusu ne na

E=kor uytek kur ku ne, oramus kewtum en=kore; Yakun, E=kor ekanpakpe ku=eraman ruwe ne kusu ne na

I am thy servant, give me understanding; that I may know thy testimonies.

Tane Ehoba monraige kuni paki ne; Nei utara E koro tuitak raka sakte nisa ruwe ne.

Tane Ehoba monrayke kuni paki ne; Ne utar E=kor tuytak raka sakte nisa ruwe ne.

It is time for the LORD to work; [for ]they have made void thy law.

Tambe gusu, kongani kasu no, ruwe newa, pirika no aturu-sakte kongani kasu no, E koro ikashpaotte ku omap ruwe ne.

Tanpe kusu, konkani kasuno, ruwe newa, pirkano a=tur-sakte konkani kasuno, E=kor ikaspaotte ku=omap ruwe ne.

Therefore I love thy commandments above gold, yea, above fine gold.

Tambe gusu nep ne yakka epeka no an obitta no okai E koro ipawetenge oupeka ambe ne sekoro ku esanniyo; Orowa, nep okai wen-buri ne yakka ku etunne ruwe ne na.

Tanpe kusu nep ne yakka epeka no an opittano okay E=kor ipawetenke owpeka anpe ne sekor ku=esanniyo; Orowa, nep okay wen-puri ne yakka ku=etunne ruwe ne na.

Therefore I esteem all [thy ]precepts concerning all [things ]to be right; [and ]I hate every false way.

E sange ipawetenge anak ne iyokunnurep ne; Tambe gusu, ku ramat anak ne nei okaibe shikkashima ruwe ne.

E sanke ipawetenke anakne iyokunnurep ne; Tanpe kusu, ku=ramat anakne ne okaype sikkasima ruwe ne.

Thy testimonies are wonderful: therefore doth my soul keep them.

E koro itak sarare-i anak ne pekereka shiriki; Wayasap utara wayashnure ruwe ne.

E=kor itak sarare hi anakne pekereka siriki; Wayasap utar wayasnure ruwe ne.

The opening of thy words giveth light; it giveth understanding unto the simple.

Ku parakayashte wa tashmak-tashmak ku ki nisa; E koro ikashpaotte ku eyaikatekara nisa ruwe ne gusu ne na.

Ku parakayaste wa tasmak-tasmak ku=ki nisa; E=kor ikaspaotte ku=eyaykatekar nisa ruwe ne kusu ne na.

I opened wide my mouth, and panted; for I longed for thy commandments.

E kon reihei ko-omap utara orun Aokai ki nisa ruwe ne korachi, En orun hosari hine pirika irenga sange wa en kore.

E=kor rehe ko-omap utar orun Aokay ki nisa ruwe ne koraci, En=orun hosari hine pirka irenka sanke wa en=kore.

Turn thee unto me, and have mercy upon me, as thou usest to do unto those that love thy name.

Ku goro chikiri E korʼitak orun omande wa en kore; Orowa nep irarape ne yakka iteki en esapanere kuni ne kara wa en kore.

Ku=kor cikiri E=kor itak orun omante wa en=kore; Orowa nep irara p ne yakka iteki en esapanere kuni ne kar wa en=kore.

Order my footsteps in thy word; and let not any iniquity have dominion over me.

Ainu keshke-i orowa no en kikiraye wa en kore: Yakun, E koro ipawetenge ku shikkashima kusu ne na.

Aynu keske hi oro wano en kikiraye wa en=kore: Yakun, E=kor ipawetenke ku=sikkasima kusu ne na.

Redeem me from the oppression of man: so will I observe thy precepts.

E koro uitek guru otta E nanuhu here atte wa en kore; Orowa, E koro ekambakbe en epakashnu wa en kore.

E=kor uytek kur or ta E nanuhu her atte wa en=kore; Orowa, E=kor ekanpakpe en=epakasnu wa en=kore.

Make thy face to shine upon thy servant; and teach me thy statutes.

Nei utara E koro tuitak shikkashima shomoki ruwe ne gusu, Ku shikihi pet korachi nupe yaikorange ruwe ne.

Ne utar E=kor tuytak sikkasima somo ki ruwe ne kusu, Ku=sikihi pet koraci nupe yaykoranke ruwe ne.

Mine eyes run down with rivers of water, because they observe not thy law.

Aa Ehoba, Aokai anak ne oupeka ne, Esanniyo E ki chiki oupeka no E ki ruwe ne.

Aa Ehoba, Aokay anakne owpeka ne, Esanniyo E ki ciki owpekano E ki ruwe ne.

Righteous art thou, O LORD, and upright are thy judgments.

Aokai shi no sonep ki wa Oupeka no E koro ekambakbe kashpaotte nisa ruwe ne.

Aokay sino sonep ki wa Owpekano E=kor ekanpakpe kaspaotte nisa ruwe ne.

Thou hast commanded thy testimonies in righteousness and very faithfulness.

En keshke utara E koro itak oira nisa ruwe ne gusu, Seisek mau keutum ku koro wa ku yai-isamka ki ruwe ne.

En=keske utar E=kor itak oyra nisa ruwe ne kusu, Sesek maw kewtum ku=kor wa ku=yay-isamka ki ruwe ne.

My zeal hath consumed me, because mine adversaries have forgotten thy words.

E koro itak anak ne shi no aturu-sakbe ne, Tambe gusu E koro uitek guru nei ambe omap ruwe ne.

E=kor itak anakne sino a=tur-sak pe ne, Tanpe kusu E=kor uytek kur ne anpe omap ruwe ne.

Thy word is very pure; therefore thy servant loveth it.

Kuani anak ne ponbe ne wa aeankeshbe ne: Yakka, E koro ipawetenge shomo ku oira ruwe ne.

Kuani anakne ponpe ne wa aeankespe ne: Yakka, E=kor ipawetenke somo ku=oyra ruwe ne.

I am small and despised: [yet ]do not I forget thy precepts.

E koro oupeka-i anak ne otusashuishiri pakno an oupeka ambe ne, Orowa, E koro tuitak anak ne sonep ne ruwe ne.

E=kor owpeka hi anakne otu sasuysir pakno an owpeka anpe ne, Orowa, E=kor tuytak anakne sonep ne ruwe ne.

Thy righteousness is an everlasting righteousness, and thy law is truth.

Ku yairamhekomo wa yairamshitnere ruwe ne: Yakka, E koro ikashpaotte ku enupetne ruwe ne na.

Ku yayramhekomo wa yayramsitnere ruwe ne: Yakka, E=kor ikaspaotte ku=enupetne ruwe ne na.

Trouble and anguish have taken hold on me: [yet ]thy commandments are my delight.

E sange ipawetenge otusashuishiri pakno oupekap ne: En wayashnure wa en kore, yakun ku shiknu kusu ne na.

E sanke ipawetenke otu sasuysir pakno owpekap ne: En wayasnure wa en=kore, yakun ku=siknu kusu ne na.

Thy testimonies are righteous for ever: give me understanding, and I shall live.

Ramu-osshi wano E konishuk, awa, Aa Ehoba, ene orun ese wa en kore. Kuani E koro ekambakbe ku shikkashima kusu ne na.

Ramu-ossi wano E konisuk, awa, Aa Ehoba, ene orun ese wa en=kore. Kuani E=kor ekanpakpe ku=sikkasima kusu ne na.

I have called with my whole heart; answer me, O LORD: I will keep thy statutes.

E orun ku konishuk, awa, en kaobiuki wa en kore, Yakun, E koro ekambakbe ku koitaknu kusu ne.

E orun ku konisuk, awa, en kaopiwki wa en=kore, Yakun, E=kor ekanpakpe ku koytaknu kusu ne.

I have called unto thee; save me, and I shall observe thy testimonies.