139 Ik.

Rektep esapane guru gusu. Dabid kara iyohaichish.

rektep esapane kur kusu. Dabid kar iyohaycis.

For the Chief Musician. A Psalm of David.

AA Ehoba, Aokai anak ne en pishi wa en eraman ruwe ne.

Aa Ehoba, Aokay anakne en=pisi wa en=eraman ruwe ne.

LORD, thou hast searched me, and known [me].

Ku a shiri ash shiri-hi Aokai eraman, Ehangeko no an ushike wano Aokai anak ne ku yainu-hi ramepakari ruwe ne.

Ku=a siri as sirihi Aokay eraman, E=hankeko no an usike wano Aokay anakne ku=yaynu hi ramepakari ruwe ne.

Thou knowest my downsitting and mine uprising, thou understandest my thought afar off.

Aokai anak ne ku apkash ru hemhem ku hotke-i hemhem nukara, Orowa, ku ki buri obitta esanniyo ruwe ne.

Aokay anakne ku=apkas ru hemhem ku=hotke hi hemhem nukar, Orowa, ku=ki puri opitta esanniyo ruwe ne.

Thou searchest out my path and my lying down, and art acquainted with all my ways.

Aa Ehoba, ingarʼan, Aokai earikinne erampeutek itak, Shinep poka ku parumbe otta isam ruwe ne.

Aa Ehoba, inkar=an, Aokay earikinne eranpewtek itak, Sinep poka ku=parunpe or ta isam ruwe ne.

For there is not a word in my tongue, but, lo, O LORD, thou knowest it altogether.

Aokai anak ne en oshmake ne yakka en kotchake ne yakka an, Aige, en kashiketa e tekehe ande nisa ruwe ne na.

Aokay anakne en=osmake ne yakka en=kotcake ne yakka an, Ayke, en=kasike ta e tekehe ante nisa ruwe ne na.

Thou hast beset me behind and before, and laid thine hand upon me.

Nei no okai eramushbe anak ne en gusu pase mashkin ruwe ne; Ri ambe ne, pakno ku epa eaikap ruwe ne.

Néno okay eramuspe anakne en kusu pase maskin ruwe ne; Ri anpe ne, pakno ku=epa eaykap ruwe ne.

[Such ]knowledge is too wonderful for me; it is high, I cannot attain unto it.

E kon ramat orowa no hunakta ku arapa kusu ne ya? Shui, E nanuhu orowa no hunak un ku kira kusu ne ya?

E=kor ramat oro wano hunak ta ku=arpa kusu ne ya? Suy, E nanuhu oro wano hunak un ku=kira kusu ne ya?

Whither shall I from thy spirit? or whither shall I flee from thy presence?

Kando orun ku rikin chiki, Aokai toada an: Sheo oshiketa shotki ku kara chiki, ingaran, Aokai toada an.

Kanto orun ku=rikin ciki, Aokay toata an: Seo oske ta sotki ku=kar ciki, inkaran, Aokay toata an.

If I ascend up into heaven, thou art there: if I make my bed in Sheol, behold, thou art there.

Kunneiwano tekkup ku koro wa Atuigesh ta oshiroma chiki;

Kunneywano tekkup ku=kor wa Atuyges ta osiroma ciki;

If I take the wings of the morning, and dwell in the uttermost parts of the sea;

Nei ushiketa poka ne yakka E tekehe en ani kusu ne, E koro shimon-tek en kishima kusu ne na.

Ne uske ta poka ne yakka E tekehe en ani kusu ne, E=kor simon-tek en=kisma kusu ne na.

Even there shall thy hand lead me, and thy right hand shall hold me.

Son no newa kunne-i en kamure kusu ne, Orowa, en okari ta an pekere kunnep ne sekoro ku ye chiki;

Sonno newa kunne hi en=kamure kusu ne, Orowa, en=okari ta an peker kunnep ne sekor ku=ye ciki;

If I say, Surely the darkness shall overwhelm me, and the light about me shall be night;

E otta kunne-i ne yakka nuina shomoki, Koroka, an anak ne tokap korachi pekere atte: Kunne newa pekere newa Aokai gusu ukorachi an ambe ne ruwe ne.

E or ta kunne hi ne yakka nuyna somo ki, Korka, an anakne tokap koraci peker atte: Kunne newa peker newa Aokay kusu ukoraci an anpe ne ruwe ne.

Even the darkness hideth not from thee, but the night shineth as the day: the darkness and the light are both alike [to thee].

Aokai anak ne ku onnaige shikkashima nisa Ku habo honihi ta ku an rapoketa Aokai anak ne en kan nisa.

Aokay anakne ku=onnayke sikkasima nisa Ku=hapo honihi ta ku=an rapoketa Aokay anakne en=kan nisa.

For thou hast possessed my reins: thou hast covered me in my mother’s womb.

Kuani anak ne ashitoma newa aiyokunnure no akara gusu; E koyaiiraige ash kusu ne: E ki ikip anak ne iyokunnure ambe ne; Nei ambe ku kon ramat pirika no eraman ruwe ne.

Kuani anakne asitoma newa a=iyokunnure no a=kar kusu; E koyayirayke as kusu ne: E ki iki p anakne iyokunnure anpe ne; Ne anpe ku=kor ramat pirkano eraman ruwe ne.

I will give thanks unto thee; for I am fearfully and wonderfully made: wonderful are thy works; and that my soul knoweth right well.

Anuina no an ushiketa a en kara, Aeoyamokte no moshiri iyotta rata an ushiketa a en kara ita anak ne, Ku kon niyehe Aokai otta shomo anuina nisa ruwe ne na.

A=nuyna no an uske ta a en=kar, Aeoyamokte no mosir iyotta rata an uske ta a en=kar hi ta anakne, Ku=kor niyehe Aokay or ta somo a=nuyna nisa ruwe ne na.

My frame was not hidden from thee, when I was made in secret, and curiously wrought in the lowest parts of the earth.

E koro shikihi anak ne naa shomo aokere ku netobake nukara, Orowa, obitta no okai ku koro awehe E koro kambi kata anuye nisa ruwe ne, Nei ambe anak ne naa isam no okai korachi an ita, Kesto-kesto katuhu akore nisa ruwe ne.

E=kor sikihi anakne naa somo a=okere ku=netopake nukar, Orowa, opittano okay ku=kor awehe E=kor kampi kata a=nuye nisa ruwe ne, Ne anpe anakne naa isam no okay koraci an hi ta, Kesto-kesto katuhu a=kore nisa ruwe ne.

Thine eyes did see mine unperfect substance, and in thy book were all [my members ]written, which day by day were fashioned, when as yet there was none of them.

Aa Kamui, E koro yainuhi anak ne hemanda en gusu aoshkorobe humi! Nei pishki-hi anak ne hemanda poro humi!

Aa Kamuy, E=kor yaynu hi anakne hemanta en kusu aoskorope humi! Ne piski hi anakne hemanta poro humi!

How precious also are thy thoughts unto me, O God! how great is the sum of them!

Nei okaibe ku pishki chiki ota kasu no inne ruwe ne: Ku mosh chiki, E tura no ku an na.

Ne okaype ku=piski ciki ota kasuno inne ruwe ne: Ku=mos ciki, E turano ku=an na.

If I should count them, they are more in number than the sand: when I awake, I am still with thee.

Aa Kamui, son no newa Aokai anak ne wen utara ronnu kusu ne; Tambe gusu, iraye rusui utara en orowa no oyakta paye yan.

Aa Kamuy, sonno newa Aokay anakne wen utar ronnu kusu ne; Tanpe kusu, iraye rusuy utar en=oro wano oyak ta paye yan.

Surely thou wilt slay the wicked, O God: depart from me therefore, ye bloodthirsty men.

Inambe gusu ne yakun, wen no E ohaigekara, Orowa, E epokba utara raka-isam no E keshke ruwe ne.

Inanpe kusu ne yakun, wenno E ohaykekar, Orowa, E epokpa utar raka-isam no E keske ruwe ne.

For they speak against thee wickedly, and thine enemies take [thy name ]in vain.

Aa Ehoba, E etunne utara shomo ku etunne ruwe he an? Orowa, E epokba gusu hopumba utara gusu shomo ku oknatara ruwe be an?

Aa Ehoba, E etunne utar somo ku=etunne ruwe he an? Orowa, E epokpa kusu hopunpa utar kusu somo ku=oknatara ruwe pe an?

Do not I hate them, O LORD, that hate thee? and am not I grieved with those that rise up against thee?

Son no etunnep ani kuani nei utara etunne ruwe ne: En epokba utara ne sekoro ku esanniyo ruwe ne.

Sonno etunnep ani kuani ne utar etunne ruwe ne: En epokpa utar ne sekor ku=esanniyo ruwe ne.

I hate them with perfect hatred: I count them mine enemies.

Aa Kamui, en pishi wa ku goro keutum onnere wa en kore! En shiruwande wa ku yainu-hi onnere yan:

Aa Kamuy, en=pisi wa ku=kor kewtum onnere wa en=kore! En=siruwante wa ku=yaynu hi onnere yan:

Search me, O God, and know my heart: try me and know my thoughts:

Orowa, en onnaigeta wen-buri an ruwe he an? sekoro ingara, Samata, otusashuishiri pakno an ruhu otta en an de wa en kore.

Orowa, en=onnayke ta wen-puri an ruwe he an? sekor inkar, Sama ta, otu sasuysir pakno an ruhu or ta en=an te wa en=kore.

And see if there be any way of wickedness in me, and lead me in the way everlasting.