81 Ik.

Shinotcha esapane guru gusu: Gittit otta; Asap kara iyohaichish.

Sinotca esapane kur kusu: Gittit or ta; Asap kar iyohaycis.

For the Chief Musician; set to the Gittith. A Psalm of Asaph.

CHIKORO okirashnu Kamui otta rui no haukore kunitara yan: Yakob koro Kamui otta ehaukashu yan.

Ci=kor okirasnu Kamuy or ta ruyno hawkore kunitara yan: Yakob kor Kamuy or ta ehawkasu yan.

Sing aloud unto God our strength: make a joyful noise unto the God of Jacob.

Iyohaichish koro, tsuzumi kikkik, Shisak hawe an koto newa so newa koro wa ek yan.

Iyohaycis kor, tsucumi kikkik, Sisak hawean koto newa so newa kor wa ek yan.

Take up the psalm, and bring hither the timbrel, the pleasant harp with the psaltery.

Ashiri chup an ita rappa rekte, Chup poro ita, aeoripak an marapto an ita rekte yan.

A=siri cup an hi ta rappa rekte, Cup poro hi ta, a=eoripak an marapto an hi ta rekte yan.

Blow up the trumpet in the new moon, at the full moon, on our solemn feast day.

Nei ambe anak ne Israeru un utara gusu tuitak ne, Yakob koro Kamui ekambakbe ne ruwe ne gusu ne na.

Ne anpe anakne Israeru un utar kusu tuytak ne, Yakob kor Kamuy ekanpakpe ne ruwe ne kusu ne na.

For it is a statute for Israel, an ordinance of the God of Jacob.

Paweteshu gusu Shinuma anak ne Yosep orota nei ambe sange; Shinuma Echipt moshiri orota arapa wa, Ku erampeutek itak ku nu nisa ruwe ne.

pawetesu kusu Sinuma anakne Yosep oro ta ne anpe sanke; Sinuma Ecipt mosir oro ta arpa wa, Ku=eranpewtek itak ku=nu nisa ruwe ne.

He appointed it in Joseph for testimony, when he went out over the land of Egypt: [where ]I heard a language that I knew not.

Shikehe wano shinuma koro tapsutu ku ohaitare: Koro tekehe saranip wano epittekka nisa ruwe ne.

Sikehe wano sinuma kor tapsutu ku ohaytare: Kor tekehe saranip wano epittekka nisa ruwe ne.

I removed his shoulder from the burden: his hands were freed from the basket.

Yairamhekomo ita anak ne aokai hawe ash nisa, aige, e honnere ku ki; Kamui-hum nuina no an ushiketa ese ku ki nisa; Meriba wakka samaketa e shiruwande ku ki nisa ruwe ne na. [Sera.]

yayramhekomo hi ta anakne aokay hawe as nisa, ayke, e honnere ku=ki; Kamuy-hum nuyna no an uske ta ese ku=ki nisa; Meriba wakka samake ta e siruwante ku=ki nisa ruwe ne na. [Sera.]

Thou calledst in trouble, and I answered thee in the secret place of thunder; I proved thee at the waters of Meribah. Selah

Aa ku goro utara nu yan, yakun echi orun paweteshu ku ki kusu ne; Aa Israeru un utara en orun echi inu chiki humi!

Aa ku=kor utar nu yan, yakun eci=orun pawetesu ku=ki kusu ne; Aa Israeru un utar en=orun eci=inu ciki humi!

Hear, O my people, and I will testify unto thee: O Israel, if thou wouldest hearken unto me!

Echi utara otta oya Kamui isam kusu ne; Shui, echi utara anak ne oya Kamui shomo ko-ongami kusu ne na.

Eci utar or ta oya Kamuy isam kusu ne; Suy, eci utar anakne oya Kamuy somo ko-onkami kusu ne na.

There shall no strange god be in thee; neither shalt thou worship any strange god.

Echipt moshiri orowa no echi tura, Echi koro Ehoba Kamui Ku ne: Echi koro paroho rui no hasa yan, yakun eshikte ku ki kusu ne na.

Ecipt mosir oro wano eci tura, Eci=kor Ehoba Kamuy Ku ne: Eci=kor paroho ruyno hasa yan, yakun esikte ku=ki kusu ne na.

I am the LORD thy God, which brought thee up out of the land of Egypt: open thy mouth wide, and I will fill it.

Koroka, Ku goro utara anak ne ku hawe otta shomo ikokanu; Israeru anak ne En kopan ruwe ne.

Korka, Ku=kor utar anakne ku hawe or ta somo ikokanu; Israeru anakne En=kopan ruwe ne.

But my people hearkened not to my voice; and Israel would none of me.

Tambe gusu, yaikota koro ukoramkor-i nei no apkash kuni ne, Koro shioyapkire sambe an korachi akire nisa ruwe ne.

Tanpe kusu, yaykota kor ukoramkor hi néno apkas kuni ne, Kor sioyapkire sanpe an koraci a=kir nisa ruwe ne.

So I let them go after the stubbornness of their heart, that they might walk in their own counsels.

Aa ku goro utara En orun ikokanu humi! Aa Israeru un utara ku ruhu otta apkash humi!

Aa ku=kor utar En=orun ikokanu humi! Aa Israeru un utar ku=ruhu or ta apkas humi!

Oh that my people would hearken unto me, that Israel would walk in my ways!

Yakun, tunashino nei epokba utara annokara ku ki wa, Ikeshke utara panakte kusu ne na.

Yakun, tunasno ne epokpa utar annokar ku=ki wa, Ikeske utar panakte kusu ne na.

I should soon subdue their enemies, and turn my hand against their adversaries.

Ehoba etunne utara anak ne Shinuma orun itaknu ki kusu ne: Yakun, otusashuishiri pakno okai kusu ne na.

Ehoba etunne utar anakne Sinuma orun itak nu ki kusu ne: Yakun, otu sasuysir pakno okay kusu ne na.

The haters of the LORD should submit themselves unto him: but their time should endure for ever.

Orowa, Shinuma anak ne mungi pirikap ani nei utara ibere: Shui, kuani Watara orowa an soyai-ninge ani e eramushinnere ash kusu ne na.

Orowa, Sinuma anakne munki pirka p ani ne utar ipere: Suy, kuani Watara orowa an soyay-ninke ani e eramusinnere as kusu ne na.

He should feed them also with the finest of the wheat: and with honey out of the rock should I satisfy thee.