109 Ik.

Shinotcha rekte esapane guru. Dabid kara iyohaichish.

Sinotca rekte esapane kur. Dabid kar iyohaycis.

For the Chief Musician. A Psalm of David.

AA Ku iramye Kamui iteki mo no an wa en kore;

Aa Ku=iramye Kamuy iteki mo no an wa en=kore;

Hold not thy peace, O God of my praise;

Inambe gusu ne yakun, wen utara anak ne en orun wen paroho newa shunge paroho maka, Aige, en gusu shunge parumbe ani itak nisa ruwe ne na.

Inanpe kusu ne yakun, wen utar anakne en=orun wen paroho newa sunke paroho maka, Ayke, en kusu sunke parunpe ani itak nisa ruwe ne na.

For the mouth of the wicked and the mouth of deceit have they opened against me: they have spoken unto me with a lying tongue.

Etunne itak ani ne yakka en nikkotama, Ikkewe sak no en koiki nisa ruwe ne.

Etunne itak ani ne yakka en nikkotama, Ikkewe sak no en=koyki nisa ruwe ne.

They compassed me about also with words of hatred, and fought against me without a cause.

Inambe gusu ne yakun, ku katairotke utara anak en epokba: Koroka, inonno-itak ku ki na.

Inanpe kusu ne yakun, ku katayrotke utar anak en epokpa: Korka, inonno-itak ku=ki na.

For my love they are my adversaries: but I [give myself unto ]prayer.

Orowa, pirikap ku ki a gusu, wenbe en kashi-omare, Shui, ku omap gusu en kowen ruwe ne.

Orowa, pirka p ku=ki a kusu, wenpe en=kasi-omare, Suy, ku=omap kusu en=kowen ruwe ne.

And they have rewarded me evil for good, and hatred for my love.

Wen guru anak nei guru esapanere wa en kore: Orowa, shinuma shimon samata epokba guru ashte yan.

Wenkur anakne kur esapanere wa en=kore: Orowa, sinuma simon sama ta epokpa kur aste yan.

Set thou a wicked man over him: and let an adversary stand at his right hand.

Shinuma akoipishi chiki, akokatpakte; Orowa, shinuma ki, inonno-itak katpak ne kara wa en kore.

Sinuma akoypisi ciki, akokatpakte; Orowa, sinuma ki, inonno-itak katpak ne kar wa en=kore.

When he is judged, let him come forth guilty; and let his prayer be turned into sin.

Shinuma koro toho moyore; Koro ki kuni ushike oya guru shikkashimare wa en kore.

Sinuma kor toho moyore; Kor ki kuni usike oya kur sikkasmare wa en=kore.

Let his days be few; [and ]let another take his office.

Koro poho utara eshikop sakno ne kara, Koro machihi shiyompiyara ne kara wa en kore.

Kor poho utar esikop sakno ne kar, Kor macihi siyonpiyar ne kar wa en=kore.

Let his children be fatherless, and his wife a widow.

Koro poho utara ramma keshirikari wa iyahupkara guru ne kara Koro wen chisei wano paye wa aep iyahupkara kuni kara wa en kore

Kor poho utar ramma kesirikari wa iyahupkar kur ne kar Kor wen cise wano paye wa aep iyahupkar kuni kar wa en=kore

Let his children be vagabonds, and beg; and let them seek [their bread ]out of their desolate places.

Obitta no Shinuma korobe etaraka uk guru orowa no ashikkashimare; Orowa, oya utara anak ne shinuma moni wendere wa en kore.

Opittano Sinuma kor pe etarka uk kur oro wano a=sikkasmare; Orowa, oya utar anakne sinuma moni wentere wa en=kore.

Let the extortioner catch all that he hath; and let strangers make spoil of his labour.

Shinuma orun irenga sange wa kore guru isam kuni ne kara; Shui, Shinuma koro eshikop sak utara chishikiraine kuni utara isam kuni ne kara wa en kore.

Sinuma orun irenka sanke wa kore kur isam kuni ne kar; Suy, Sinuma kor esikop sak utar cisikirayne kuni utar isam kuni ne kar wa en=kore.

Let there be none to extend mercy unto him; neither let there be any to have pity on his fatherless children.

Shinuma sanikiri isamka; Okake an ainu ikiri ta kon reihei ushka wa en kore.

Sinuma sanikiri isamka; Okake an aynu ikiri ta kor rehe uska wa en=kore.

Let his posterity be cut off; in the generation following let their name be blotted out.

Shinuma koro ekashi ki wen-buri Ehoba eshkarun; Orowa, koro habo koro katpak iteki ushka wa en kore.

Sinuma kor ekasi ki wen-puri Ehoba eskarun; Orowa, kor hapo kor katpak iteki uska wa en=kore.

Let the iniquity of his fathers be remembered with the LORD; and let not the sin of his mother be blotted out.

Ramma nei okaibe Ehoba shik-samata an, aige, Nei guru moshiri kata aoira kuni ne ki wa en kore.

Ramma ne okaype Ehoba sik-sama ta an, ayke, Ne kur mosir kata a=oyra kuni ne ki wa en=kore.

Let them be before the LORD continually, that he may cut off the memory of them from the earth.

Shinuma erampokiwen wa kore shomoki, Koroka, otek-sak newa irapokkari guru newa Sambe oknatara guru ronnu kuni ne keshke nisa ruwe ne gusu ne na.

Sinuma eranpokiwen wa kore somo ki, Korka, otek-sak newa irapokkari kur newa Sanpe oknatara kur ronnu kuni ne keske nisa ruwe ne kusu ne na.

Because that he remembered not to shew mercy, but persecuted the poor and needy man, and the broken in heart, to slay [them].

Ruwe un, shinuma iyoitakushi ambe konoburu, awa, orota nei ambe ek nisa; Orowa, Shinuma nunuke ambe enupetne shomoki, aige, nei ambe shinuma orowa no ukattuima no an nisa ruwe ne.

Ruwe un, sinuma iyoytakus anpe konopuru, awa, oro ta ne anpe ek nisa; Orowa, Sinuma nunuke anpe enupetne somo ki, ayke, ne anpe sinuma oro wano ukattuymano an nisa ruwe ne.

Yea, he loved cursing, and it came unto him; and he delighted not in blessing, and it was far from him.

Amip mi korachi iyoitakushi ambe ani yaimire nisa, Awa, wakka nepkoro shinuma onnaige un ahun, Shum korachi shinuma koro pone orun ahun nisa ruwe ne.

Amip mi koraci iyoytakus anpe ani yaymire nisa, Awa, wakka nepkor sinuma onnayke un ahun, Sum koraci sinuma kor pone orun ahun nisa ruwe ne.

He clothed himself also with cursing as with his garment, and it came into his inward parts like water, and like oil into his bones. Let it be unto him as the raiment

Nei ambe anak ne ani yaimire amip nei no, Ani ramma kutkoro kut nei no an kuni kara wa en kore.

Ne anpe anakne ani yaymire amip néno, Ani ramma kutkor kut néno an kuni kar wa en=kore.

wherewith he covereth himself, and for the girdle wherewith he is girded continually.

Tambe anak en epokba utara newa Ku kon ramat gusu wenbe ye utara gusu an Ehoba orowa no hetuku pummaha ne ruwe ne.

Tanpe anak en epokpa utar newa Ku=kor ramat kusu wenpe ye utar kusu an Ehoba oro wano hetuku pummaha ne ruwe ne.

This is the reward of mine adversaries from the LORD, and of them that speak evil against my soul.

Aa Kamui ne Ehoba, E kon reihei gusu, en orun iki wa en kore: E koro rampoken pirika ruwe ne gusu, en ohaitare wa en kore,

Aa Kamuy ne Ehoba, E=kor rehe kusu, en=orun iki wa en=kore: E=kor ranpoken pirka ruwe ne kusu, en ohaytare wa en=kore,

But deal thou with me, O GOD the Lord, for thy name’s sake: because thy mercy is good, deliver thou me,

Kuani anak ne otek-sak newa erapokkari guru ku ne, Orowa, en onnaigeta ku sambe piri ao ruwe ne gusu ne na.

Kuani anakne otek-sak newa e=rapokkari kur ku ne, Orowa, en=onnayke ta ku=sanpe piri ao ruwe ne kusu ne na.

For I am poor and needy, and my heart is wounded within me.

Kuani, atannere kurihi korachi ku nin, Patta korachi ariknashuye aranashuye ruwe ne.

Kuani, a=tannere kurihi koraci ku=nin, Patta koraci a=riknasuye a=ranasuye ruwe ne.

I am gone like the shadow when it declineth: I am tossed up and down as the locust.

Shomo ramnu ku ki gusu ku kokka opantusushke; Orowa, ku kam otta mimi nin ruwe ne.

Somo ramnu ku=ki kusu ku=kokka opantususke; Orowa, ku=kam or ta mimi nin ruwe ne.

My knees are weak through fasting; and my flesh faileth of fatness.

Nei utara gusu aeyainikoroshare ambe ku ne: En nukara chiki koro sapa shuyeshuye ruwe ne.

Ne utar kusu aeyaynikorosare anpe ku ne: En=nukar ciki kor sapa suyesuye ruwe ne.

I am become also a reproach unto them: when they see me, they shake their head.

Ku koro Kamui ne Ehoba, en kaobiuki wa en kore; E koro rampoken an korachi en kashiobiuki wa en kore:

Ku=kor Kamuy ne Ehoba, en kaopiwki wa en=kore; E=kor ranpoken an koraci en=kasiopiwki wa en=kore:

Help me, O LORD my God; O save me according to thy mercy:

Tambe anak E koro teke ne sekoro eraman kuni gusu; Ehoba, Aokai nei no ki nisa ruwe ne.

Tanpe anak E=kor teke ne sekor eraman kuni kusu; Ehoba, Aokay néno ki nisa ruwe ne.

That they may know that this is thy hand; [that ]thou, LORD, hast done it.

Nei utara iyoitakushi yakka, Aokai nunuke wa en kore: Nei utara hopumba chiki ayainikoroshmare kusu ne koroka, E koro uitek guru ramuritetke kusu ne, na.

Ne utar iyoytakus yakka, Aokay nunuke wa en=kore: Ne utar hopunpa ciki ayaynikorosmare kusu ne korka, E=kor uytek kur ramuritetke kusu ne, na.

Let them curse, but bless thou: when they arise, they shall be ashamed, but thy servant shall rejoice.

Akoatchap ani en epokba utara mire, Orowa, amip korachi yaikota gusu an aeyainikoroshmare ambe ani kamure wa en kore.

akoatcap ani en epokpa utar mire, Orowa, amip koraci yaykota kusu an aeyaynikorosmare anpe ani kamure wa en=kore.

Let mine adversaries be clothed with dishonour, and let them cover themselves with their own shame as with a mantle.

Ku paroho ani Ehoba ku koyaiiraige kusu ne; Ruwe un, inne utara tumugeta Shinuma ku koiramye kusu ne na.

Ku=paroho ani Ehoba ku=koyayirayke kusu ne; Ruwe un, inne utar tumke ta Sinuma ku koyramye kusu ne na.

I will give great thanks unto the LORD with my mouth; yea, I will praise him among the multitude.

Inambe gusu ne yakun, kon ramat koipishi guru gusu kashiobiuki kuni ne, Shinuma irapokkari guru koro shimon tek-samata a kusu ne gusu ne na.

Inanpe kusu ne yakun, kor ramat koypisi kur kusu kasiopiwki kuni ne, Sinuma irapokkari kur kor simon tek-sama ta a kusu ne kusu ne na.

For he shall stand at the right hand of the needy, to save him from them that judge his soul.