31 Ik.

Shinotcha rekte esapane guni gusu; Dabid kara iyohaichish.

Sinotca rekte esapane kuni kusu; Dabid kar iyohaycis.

For the Chief Musician. A Psalm of David.

AA Ehoba, Aokai gusu ku eyaikopashte; ramma pakno iteki a en yainikoroshmare kuni ne kara wa en kore. E koro oupeka irenga sange wa en honnere wa en kore.

Aa Ehoba, Aokay kusu ku=e=yaykopaste; ramma pakno iteki a en yaynikorosmare kuni ne kar wa en=kore. E=kor owpeka irenka sanke wa en=honnere wa en=kore.

In thee, O LORD, do I put my trust; let me never be ashamed: deliver me in thy righteousness.

E koro kisara en orun atte hine tunashino en kashiobiuki wa en kore: Aokai anak ne ku goro tumashnu watara, en kaobiuki gusu an chashi ne kuni yaikara wa en kore.

E=kor kisara en=orun atte hine tunasno en=kasiopiwki wa en=kore: Aokay anakne ku=kor tumasnu watara, en kaopiwki kusu an casi ne kuni yaykar wa en=kore.

Bow down thine ear unto me; deliver me speedily: be thou to me a strong rock, an house of defence to save me.

Aokai anak ne ku watara ne, ku chashi E ne; Tambe gusu E reihei rengap gusu en ani hine en epakashnu wa en kore.

Aokay anakne ku watara ne, ku=casi E ne; Tanpe kusu E rehe renkap kusu en ani hine en=epakasnu wa en=kore.

For thou art my rock and my fortress; therefore for thy name’s sake lead me and guide me.

Nei utara nuina no en gusu are ya orowa no en etaye wa en kore; Aokai anak ne ku goro kiroro E ne ruwe ne gusu ne na.

Ne utar nuyna no en kusu are ya oro wano en=etaye wa en=kore; Aokay anakne ku=kor kiroro E ne ruwe ne kusu ne na.

Pluck me out of the net that they have laid privily for me; for thou art my strong hold.

E teke orun ku ramat ku ande ruwe ne: Aa Sone Kamui Ehoba, Aokai anak ne en kikiraye nisa.

E teke orun ku=ramat ku=ante ruwe ne: Aa Sone Kamuy Ehoba, Aokay anakne en kikiraye nisa.

Into thine hand I commend my spirit: thou hast redeemed me, O LORD, thou God of truth.

Oba raka isambe konoburu utara E etunne: Koroka, Ehoba gusu ku eyaikopashte nisa ruwe ne.

Op raka i=sanpe konopuru utar E etunne: Korka, Ehoba kusu ku=e=yaykopaste nisa ruwe ne.

I hate them that regard lying vanities: but I trust in the LORD.

Ku yaikopuntek hine E koro rampoken gusu ku enupetne kusu ne: Aokai anak ne ku ki shirikirap nukan nisa; Ku ramat yairamhekomo ita Aokai eramu nisa ruwe ne.

Ku=yaykopuntek hine E=kor ranpoken kusu ku=enupetne kusu ne: Aokay anakne ku=ki sirkirap nukar nisa; Ku=ramat yayramhekomo hi ta Aokay eramu nisa ruwe ne.

I will be glad and rejoice in thy mercy: for thou hast seen my affliction; thou hast known my soul in adversities:

En epokba utara koro teke otta Aokai anak ne shomo en arapare; Ku koro kema poro ushiketa E ashte nisa ruwe ne.

En epokpa utar kor teke or ta Aokay anakne somo en=arpare; Ku=kor kema poro uske ta E aste nisa ruwe ne.

And thou hast not shut me up into the hand of the enemy; thou hast set my feet in a large place.

Aa Ehoba ku yairamhekomo gusu pirika irenga sange wa en kore: Ku oknatara gusu ku shikihi nin, ku ramat newa ku netobake ne yakka.

Aa Ehoba ku yayramhekomo kusu pirka irenka sanke wa en=kore: Ku=oknatara kusu ku=sikihi nin, ku=ramat newa ku=netopake ne yakka.

Have mercy upon me, O LORD, for I am in distress: mine eye wasteth away with grief, [yea], my soul and my body.

Kuani ramuoknatara wa moshiri koapkash, nuwap ki wa ku paha isam: Ku goro kiroro anak ne wen-buri gusu epetchiu nisa, shui, ku pone nin wa isam ruwe ne na.

Kuani ramuoknatara wa mosir koapkas, nuwap ki wa ku=paha isam: Ku=kor kiroro anakne wen-puri kusu epetciw nisa, suy, ku=pone nin wa isam ruwe ne na.

For my life is spent with sorrow, and my years with sighing: my strength faileth because of mine iniquity, and my bones are wasted away.

Obitta no okai en ramushitnere utara gusu ayainikoroshmap ku ne, Ruwe ne wa, aota un utara gusu nei no ku an shiri, aeamkiri utara gusu ashitomap ku ne; Soita ku an wa en nukara utara anak ne en okira nisa ruwe ne.

Opittano okay en=ramusitnere utar kusu ayaynikorosmap ku ne, Ruwe ne wa, a=o ta un utar kusunéno ku=an siri, aeamkiri utar kusu asitomap ku ne; Soy ta ku=an wa en=nukar utar anakne en=okira nisa ruwe ne.

Because of all mine adversaries I am become a reproach, yea, unto my neighbours exceedingly, and a fear to mine acquaintance: they that did see me without fled from me.

Shomo aeshkarun no an rai guru korachi a en oira wa ku an: Ameshpa sei shintoko korachi ku ne ruwe ne.

Somo a=eskarun no an raykur koraci a en=oyra wa ku=an: A=mespa sey sintoko koraci ku ne ruwe ne.

I am forgotten as a dead man out of mind: I am like a broken vessel.

Inne utara ye ohaigekara itak ku nu nisa, En pishkaniketa aekimatekbe an: Nei utara en gusu ukoramkoro ita Ku inotu auk kuni ne esanniyo nisa ruwe ne.

Inne utar ye ohaykekar itak ku=nu nisa, En=piskanike ta aekimatekpe an: Ne utar en kusu ukoramkor hi ta Ku=inotu auk kuni ne esanniyo nisa ruwe ne.

For I have heard the defaming of many, terror on every side: while they took counsel together against me, they devised to take away my life.

Koroka, aa Ehoba, E orun ku eyaikopashte nisa, Aokai anak ne ku goro Kamui ne sekoro ku itak nisa ruwe ne.

Korka, aa Ehoba, E orun ku=e=yaykopaste nisa, Aokay anakne ku=kor Kamuy ne sekor ku=itak nisa ruwe ne.

But I trusted in thee, O LORD: I said, Thou art my God.

Ku paha anak ne E tekehe ta okai: En epokba utara orowa no hene, en keshke utara koro teke wano hene en pita wa en kore.

Ku=paha anakne E tekehe ta okay: En epokpa utar oro wano hene, en=keske utar kor teke wano hene en=pita wa en=kore.

My times are in thy hand: deliver me from the hand of mine enemies, and from them that persecute me.

E koro uitek guru orun E nanuhu hereatte wa en kore; E koro omap an ramuhauge irenga gusu en kashi-obiuki wa en kore.

E=kor uytek kur orun E nanuhu hereatte wa en=kore; E=kor omap an ramuhawke irenka kusu en=kasi-opiwki wa en=kore.

Make thy face to shine upon thy servant: save me in thy lovingkindness.

Aa Ehoba, kuani E konishuk gusu, iteki a en yainikoroshmare kuni ne kara wa en kore: Wen utara ayainikoroshmare wa Sheo oshiketa mo no okai kuni kara wa en kore.

Aa Ehoba, kuani E konisuk kusu, iteki a en yaynikorosmare kuni ne kar wa en=kore: Wen utar ayaynikorosmare wa Seo oske ta mo no okay kuni kar wa en=kore.

Let me not he ashamed, O LORD; for I have called upon thee: let the wicked be ashamed, let them be silent in Sheol.

Pakesara wa esapse, Shomo yaikatanu no oupeka utara ohaigekara guru Koro shunge papush shomo itak kuni ne kara wa en kore.

Pakesara wa esapse, Somo yaykatanu no owpeka utar ohaykekar kur Kor sunke papus somo itak kuni ne kar wa en=kore.

Let the lying lips be dumb; which speak against the righteous insolently, with pride and contempt.

Utara poho utara shiksamata Aokai gusu eyaikopashte, E koishitoma utara gusu Aokai eumashnu pirika ambe anak ne nep poro humi!

Utar poho utar siksamata Aokay kusu e=yaykopaste, E koysitoma utar kusu Aokay ewmasnu pirka anpe anakne nep poro humi!

Oh how great is thy goodness, which thou hast laid up for them that fear thee, which thou hast wrought for them that put their trust in thee, before the sons of men!

Utara oshke esanniyop gusu E an i otta nei utara E nuina kusu ne: Parumbe sakayo gusu nuina no E koro kash ta ashikkashima kusu ne na.

Utar oske esanniyop kusu E an i or ta ne utar E nuyna kusu ne: Parunpe sakayo kusu nuyna no E=kor kas ta a=sikkasma kusu ne na.

In the covert of thy presence shalt thou hide them from the plottings of man: thou shalt keep them secretly in a pavilion from the strife of tongues.

Ehoba anak ne anunuke ne: Tumashnu machiya otta koro aeiyokunnure an omap an ramuhaugep atte nisa ruwe ne gusu ne na.

Ehoba anakne a=nunuke ne: Tumasnu maciya or ta kor aeiyokunnure an omap an ramuhawkep atte nisa ruwe ne kusu ne na.

Blessed be the LORD: for he hath shewed me his marvelous lovingkindness in a strong city.

Kuani anak, E shiksam wano a en otuye an ari chashnu no ku ye nisa: Yakka, E orun ku konishuk ita ku ki koramkoro hau E nu nisa ruwe ne.

Kuani anak, E siksam wano a en=otuye an ari casnu no ku=ye nisa: Yakka, E orun ku konisuk hi ta ku=ki koramkor hawE nu nisa ruwe ne.

As for me, I said in my haste, I am cut off from before thine eyes: nevertheless thou heardest the voice of my supplications when I cried unto thee.

Ehoba koro ashkanne utara, Shinuma omap yan: Ehoba anak ne Oupeka ambe shikkashima Orowa, pakesara ambe ki guru itasa ambe nuye an no koropare ruwe ne.

Ehoba kor askanne utar, Sinuma omap yan: Ehoba anakne Owpeka anpe sikkasima Orowa, pakesara anpe ki kur itasa anpe nuye an no korpare ruwe ne.

O love the LORD, all ye his saints: the LORD preserveth the faithful, and plentifully rewardeth the proud doer.

Ehoba gusu echipachipa echi utara, Yaitumashnure wa koro keutum rametokte yan.

Ehoba kusu ecipacipa eci utar, Yaitumashnure wa kor kewtum rametokte yan.

Be strong, and let your heart take courage, all ye that hope in the LORD.