39 Ik.

Shinotcha rekte utara esapane gusu, Jedutun gusu an ap. Dabid kara iyohaichish.

Sinotca rekte utar esapane kusu, Jedutun kusu an ap. Dabid kar iyohaycis.

For the Chief Musician, for Jeduthun. A Psalm of David.

PARUMBE ani katpak iteki ku ki kuni ne, Ku ruhu ku esanniyo kusu ne, sekoro ku itak nisa: En kotchaketa wen utara okai rapoketa, Omonkai ani ku paroho ku shikkashima kusu ne na.

Parunpe ani katpak iteki ku=ki kuni ne, Ku=ruhu ku=esanniyo kusu ne, sekor ku=itak nisa: En=kotcake ta wen utar okay rapoketa, Omonkai ani ku=paroho ku=sikkasima kusu ne na.

I said, I will take heed to my ways, that I sin not with my tongue: I will keep my mouth with a bridle, while the wicked is before me.

Mo no an wa shomo ku itak, pirikap otta ne yakka shomo ku itak nisa, Orowa, ku ki oknatara ambe anak ne chiukopoye nisa ruwe ne.

Mo no an wa somo ku=itak, pirka p or ta ne yakka somo ku=itak nisa, Orowa, ku=ki oknatara anpe anakne ci=wkopoye nisa ruwe ne.

I was dumb with silence, I held my peace, even from good; and my sorrow was stirred.

En oshike un sambe anak ne seisek ruwe ne: Yaikoshiramshuiba ku ki rapoketa nei abe aare nisa ruwe ne. Orowa, parumbe ani ku itak-hi;

En=osike un sanpe anakne sesek ruwe ne: Yaykosiramsuypa ku=ki rapoketa ne ape a=re nisa ruwe ne. Orowa, parunpe ani ku=itak hi;

My heart was hot within me; while I was musing the fire kindled: [then ]spake I with my tongue:

Ehoba, ku okere-i hemhem, ku shiknu kuni toho nei pakno an a hemhem, En eramande wa en kore; Nep oro pakno katchakbe ku ne ya, en eshiramkire wa en kore.

Ehoba, ku okere hi hemhem, ku=siknu kuni toho ne pakno an a hemhem, En=eramante wa en=kore; Nep oro pakno katcakpe ku ne ya, en=e=siramkire wa en=kore.

LORD, make me to know mine end, and the measure of my days, what it is; let me know how frail I am.

Ingara, ku toho anak tek-tomotuye korachi ne E kara; Ku paha anak ne Kamui tek-samata nep ne ka aramu shomoki korachi ne: Son no newa, obitta no okai utara irammakaka an ita yakka pishno oara rera ne.

Inkar, ku=toho anak tek-tomotuye koraci ne E kar; Ku=paha anakne Kamuy tek-sama ta nep ne ka a=ramu somo ki koraci ne: Sonno newa, opittano okay utar irammakaka an hi ta yakka pisno oar rera ne.

Behold, thou hast made my days [as ]handbreadths; and mine age is as nothing before thee: surely every man at his best estate is altogether vanity. Selah

Son no newa, obitta no an guru anak ne noka korachi apkash na: Son no un, raka sak no keutum kopoye ruwe ne: Ikoro eumashnu, koroka, okaketa nei ambe uina kusu ne a guru nen ne ruwe he an eramushkare.

Sonno newa, opittano an kur anakne noka koraci apkas na: Sonno un, raka sak no kewtum kopoye ruwe ne: I=kor ewmasnu, korka, okake ta ne anpe uyna kusu ne a kur nen ne ruwe he an eramuskare.

Surely every man walketh in a vain shew: surely they are disquieted in vain: he heapeth up [riches], and knoweth not who shall gather them.

Orowa, Aa Utarapa, nep tane ku echipachipa ya? Aokai gusu ku eyaikopashte ruwe ne.

Orowa, Aa Utarpa, nep tane ku=ecipacipa ya? Aokay kusu ku=e=yaykopaste ruwe ne.

And now, Lord, what wait I for? my hope is in thee.

Ku ohaitap orowa no en ohaitare wa en kore; Ramusak utara iteki en aeyainikoroshmarep ne kara kuni ne ki wa en kore.

Ku ohaytap oro wano en ohaytare wa en=kore; Ramusak utar iteki en aeyaynikorosmarep ne kar kuni ne ki wa en=kore.

Deliver me from all my transgressions: make me not the reproach of the foolish.

Shomo ku itak, ku paro shomo ku hasa; Aokai nei ambe kan nisa ruwe ne gusu ne na.

Somo ku=itak, ku=paro somo ku=hasa; Aokay ne anpe kan nisa ruwe ne kusu ne na.

I was dumb, I opened not my mouth; because thou didst it.

E ki shirikik ambe en orowa no oyakta omande wa en kore; E tekehe ani a en panakte gusu a en isamka ruwe ne.

E ki sirkik anpe en=oro wano oyak ta omante wa en=kore; E tekehe ani a en=panakte kusu a en=isamka ruwe ne.

Remove thy stroke away from me: I am consumed by the blow of thine hand.

Ainu wen wa gusu, Aokai anak ne kopashirota ani panakte ita anak ne; Shish korachi nei guru koro shiretok-hi E isamka ruwe ne. [Sera.] Son no newa, obitta no okai utara pishno paha korachi ne.

Aynu wen wa kusu, Aokay anakne kopasirota ani panakte hi ta anakne; Shish koraci ne kur kor siretok hi E isamka ruwe ne. [Sera.] Sonno newa, opittano okay utar pisno paha koraci ne.

When thou with rebukes dost correct man for iniquity, thou makest his beauty to consume away like a moth: surely every man is vanity. Selah

Aa Ehoba, ku ki inonno-itak nu wa en kore; ku ashte hau orun ikokanu wa en kore; Ku sange nupe iteki ikorampoktuye wa en kore: Kuani anak ne E tek-samata oya guru korachi ne; Ku goro ekashi korachi payekai guru ku ne ruwe ne gusu ne na.

Aa Ehoba, ku=ki inonno-itak nu wa en=kore; ku=aste haw orun ikokanu wa en=kore; Ku=sanke nupe iteki ikoranpoktuye wa en=kore: Kuani anakne E tek-sama ta oya kur koraci ne; Ku=kor ekasi koraci payekay kur ku ne ruwe ne kusu ne na.

Hear my prayer, O LORD, and give ear unto my cry; hold not thy peace at my tears: for I am a stranger with thee, a sojourner, as all my fathers were.

Nekon ka newa, tewa no ku oman wa isam etokota. En erampokiwen wa en tumashnure wa en kore.

Nekon ka newa, tewano ku=oman wa isam etoko ta. En=eranpokiwen wa en tumasnure wa en=kore.

O spare me, that I may recover strength, before I go hence, and be no more.