141 Ik.

Dabid kara Iyohaichish.

Dabid kar Iyohaycis.

A Psalm of David.

AA Ehoba, E orun ku konishuk, awa, chashnu no en kaobiuki wa en kore: E orun ku konishuk ita, ku goro hawe nu wa en kore.

Aa Ehoba, E orun ku konisuk, awa, casnu no en kaopiwki wa en=kore: E orun ku konisuk hi ta, ku=kor hawe nu wa en=kore.

LORD, I have called upon thee; make haste unto me: give ear unto my voice, when I call unto thee.

Senko korachi E kotchaketa ku ki inonno-itak yan kuni kara wa en kore; Ku teke ku rikipuni ambe anak ne onuman ayange kunip nei no uk wa en kore.

senko koraci E kotcake ta ku=ki inonno-itak yan kuni kar wa en=kore; Ku=teke ku=rikip un anpe anakne onuman a=yanke kunip néno uk wa en=kore.

Let my prayer be set forth as incense before thee; the lifting up of my hands as the evening sacrifice.

Aa Ehoba, ku paro samta eyoko guru ande, Ku papush apa shikkashima wa en kore.

Aa Ehoba, ku=paro sam ta eyoko kur ante, Ku=papus apa sikkasima wa en=kore.

Set a watch, O LORD, before my mouth; keep the door of my tips.

Irarape ikichi utara tura Wen-buri iteki ku ki kuni ne, Ku keutum anak wenbe orun shomo epeka kuni ne kara wa en kore; Orowa, nei utara koro shisakbe shomo ku ibe kuni ne kara wa en kore.

Irara p ikici utar tura Wen-puri iteki ku=ki kuni ne, Ku=kewtum anak wenpe orun somo epeka kuni ne kar wa en=kore; Orowa, ne utar kor sisakpe somo ku=ipe kuni ne kar wa en=kore.

Incline not my heart to any evil thing, to be occupied in deeds of wickedness with men that work iniquity: and let me not eat of their dainties.

Oupeka guru en shirikik chiki, ramuhaugep ne; Shinuma en pakashnu yakun, ku sapa kata shum aota korachi ne; Ku sapa anak ne shomo nei ambe eshishi: Inambe gusu ne yakun, tane ne yakka ku ki inonno-itak nei wenbe gusu an na.

Owpeka kur en=sirkik ciki, ramuhawkep ne; Sinuma en=pakasnu yakun, ku=sapa kata sum a=o ta koraci ne; Ku=sapa anakne somo ne anpe esisi: Inanpe kusu ne yakun, tane ne yakka ku=ki inonno-itak ne wenpe kusu an na.

Let the righteous smite me, [it shall be ]a kindness; and let him reprove me, [it shall be as ]oil upon the head; let not my head refuse it: for even in their wickedness shall my prayer continue.

Koro koipishi utara anak ne watara samta ahachire wa okai; Orowa, nei utara ku itak nu kusu ne; shisakbe ne ruwe ne gusu ne na.

Kor koypisi utar anakne watara sam ta a=hacir wa okay; Orowa, ne utar ku=itak nu kusu ne; sisakpe ne ruwe ne kusu ne na.

Their judges are thrown down by the sides of the rock; and they shall hear my words; for they are sweet.

Nenka toitoi pushu wa toi tuye korachi, Akoro ponehe Sheol paro samta chichari wa an na.

Nen ka toytoy pusu wa toy tuye koraci, A=kor ponehe Seol paro sam ta cicari wa an na.

As when one ploweth and cleaveth the earth, our bones are scattered at the grave’s mouth.

Aa Ehoba ne Utarapa, ku shiki anak ne E otta an: E orun eyaikopashte gusu, iteki ku ramat atusa no ande wa en kore,

Aa Ehoba ne Utarpa, ku=siki anakne E or ta an: E orun e=yaykopaste kusu, iteki ku=ramat atusa no ante wa en=kore,

For mine eyes are unto thee, O GOD the Lord: in thee do I put my trust; leave not my soul destitute.

Nei utara en gusu ande kutek orowa no en ohaitare, Shui, irarape ikichi utara koro akbe en shishire wa en kore.

Ne utar en kusu ante kutek oro wano en ohaytare, Suy, irara p ikici utar kor akpe en sisire wa en=kore.

Keep me from the snare which they have laid for me, and from the gins of the workers of iniquity.

Kuani anak nei okaibe ku eshishi rapoketa, Wen utara anak ne yaikota ande ya otta hachire wa en kore.

Kuani anakne okaype ku=esisi rapoketa, Wen utar anakne yaykota ante ya or ta hacire wa en=kore.

Let the wicked fall into their own nets, whilst that I withal escape.