19 Ik.

Shinotcha rekte esapane guni gusu; Dabid kara Iyohaichish.

Sinotca rekte esapane kuni kusu; Dabid kar Iyohaycis.

For the Chief Musician. A Psalm of David.

KANDO anak ne Kamui nupeki atte, Aoingara moshiri Shinuma ki ikip nukare ruwe ne.

Kanto anakne Kamuy nupeki atte, A=oinkar mosir Sinuma ki iki p nukare ruwe ne.

The heavens declare the glory of God; and the firmament sheweth his handywork.

Tokap anak ne tokap otta hawe ash, anchikara anak ne anchikara otta wayashnu ambe ashte ruwe ne.

Tokap anakne tokap or ta hawe as, ancikar anakne ancikar or ta wayasnu anpe aste ruwe ne.

Day unto day uttereth speech, and night unto night sheweth knowledge.

Kutchama isam, itak isama; Koro hawe anu eaikapbe ne.

Kutcama isam, itak isam; Kor hawe anu eaykap pe ne.

There is no speech nor language; their voice cannot be heard.

Nei ambe koro rue anak ne shiri ebitta kush, Koro itak moshiri gesh pakno oman ruwe ne. Nei oshiketa Shinuma anak ne tokap chup gusu kash kara nisa ruwe ne na.

Ne anpe kor rue anakne siri epitta kus, Kor itak mosir kes pakno oman ruwe ne. Ne oske ta Sinuma anakne tokap cup kusu kas kar nisa ruwe ne na.

Their line is gone out through all the earth, and their words to the end of the world. In them hath he set a tabernacle for the sun,

Aige, tane mat koro guru koro tumbu wano soine korachi nep, Kiroroashnu ainu uwetushmak ki-i enupetne korachi ne ruwe ne.

Ayke, tane mat kor kur kor tumpu wano soyne koraci nep, Kiroroashnu aynu uwetusmak ki hi enupetne koraci ne ruwe ne.

Which is as a bridegroom coming out of his chamber, and rejoiceth as a strong man to run his course.

Nei hetuku ushike anak ne kando pake i ne, Pakno apkash-i anak kando gesh-i ne ruwe ne: Orowa, koro seisek mau otta anuinap isam ruwe ne.

Ne hetuku usike anakne kanto pake i ne, Pakno apkas hi anak kanto kes hi ne ruwe ne: Orowa, kor sesek maw or ta anuynap isam ruwe ne.

His going forth is from the end of the heaven, and his circuit unto the ends of it: and there is nothing hid from the heat thereof.

Ehoba tuitak anak ne oupeka wa ramat shiturire ambe ne; Ehoba koro ekambakbe tumashnu ne, ramu-sak guru wayashnure ambe ne ruwe ne.

Ehoba tuytak anakne owpeka wa ramat siturire anpe ne; Ehoba kor ekanpakpe tumasnu ne, ramu-sak kur wayasnure anpe ne ruwe ne.

The law of the LORD is perfect, restoring the soul: the testimony of the LORD is sure, making wise the simple.

Ehoba ipawetenge oupeka wa sambe nupetnerep ne: Ehoba ikashpaotte turu-sakbe wa shikihi pekerekap ne ruwe ne.

Ehoba ipawetenke owpeka wa sanpe nupetnerep ne: Ehoba ikaspaotte tur-sak pe wa sikihi pekerekap ne ruwe ne.

The precepts of the LORD are right, rejoicing the heart: the commandment of the LORD is pure, enlightening the eyes.

Ehoba ishitomap anak ne ashkanne wa ramma aokere shomoki: Ehoba aesanniyop anak ne sonep ne shi no oupeka ambe ne ruwe ne.

Ehoba isitoma p anakne askanne wa ramma a=okere somo ki: Ehoba aesanniyop anakne sonep ne sino owpeka anpe ne ruwe ne.

The fear of the LORD is clean, enduring for ever: the judgments of the LORD are true, [and ]righteous altogether.

Kongani kasu no, poron no okai pirika kongani kasu no akon rusui kunip ne: Soyai ninge ne wa soyai set ka kasu no shisakbe ne ruwe ne.

Konkani kasuno, poronno okay pirka konkani kasuno a=kor rusuy kunip ne: Soyay ninke ne wa soyay set ka kasuno sisakpe ne ruwe ne.

More to be desired are they than gold, yea, than much fine gold: sweeter also than honey and the honeycomb.

Samata, E uitek guru nei ambe gusu aepakashnu: Nei ambe shikkashima chiki iwai poron no an ruwe ne.

Sama ta, E uytek kur ne anpe kusu a=epakasnu: Ne anpe sikkasima ciki iway poronno an ruwe ne.

Moreover by them is thy servant warned: in keeping of them there is great reward.

Yaikota koro haita buri eraman guru nen ne ruwe he an? Ku ki nuina wa okai wen-buri isamka wa en kore.

Yaykota kor hayta puri eraman kur nen ne ruwe he an? Ku=ki nuyna wa okay wen-puri isamka wa en=kore.

Who can discern [his ]errors? clear thou me from hidden [faults].

Shui, E koro uitek guru iteki hokamginʼno katpak ki kuni ne kara wa en kore; Nei ap iteki en esapanere wa en kore: yakun kuani aeramushinne kusu ne, Orowa, nei poro okaitap ku ki shomoki kusu ne na.

Suy, E=kor uytek kur iteki hokamkin no katpak ki kuni ne kar wa en=kore; Ne ap iteki en esapanere wa en=kore: yakun kuani a=eramusinne kusu ne, Orowa, ne poro okaytap ku=ki somo ki kusu ne na.

Keep back thy servant also from presumptuous [sins]; let them not have dominion over me: then shall I be perfect, and I shall be clear from great transgression.

Aa ku goro Ehoba, ku watara, ku goro en kikirayep, Ku paro un itak, keutum ta ku esanniyo yainu-hi E tek samata an wa E nupetnere kuni ne kara wa en kore.

Aa ku=kor Ehoba, ku watara, ku=kor en kikirayep, Ku=paro un itak, kewtum ta ku=esanniyo yaynu hi E teksama ta an wa E nupetnere kuni ne kar wa en=kore.

Let the words of my mouth and the meditation of my heart be acceptable in thy sight, O LORD, my rock, and my redeemer.