30 Ik.

Iyohaichish. Nei kenru ayange ita shinotcha ki kuni Dabid karape.

Iyohaycis. Ne kenru a=yanke hi ta sinotcaki kuni Dabid kar pe.

A Psalm; a Song at the Dedication of the House; \add a Psalm \add*of David.

AA Ehoba, Aokai anak ne en riknare nisa ruwe ne gusu, Ku iramye na, En epokba utara orowa no, shomo a en rapokikara kuni ne E ki nisa ruwe ne.

Aa Ehoba, Aokay anakne en riknare nisa ruwe ne kusu, Ku=iramye na, En epokpa utar oro wano, somo a en rapokikara kuni ne E ki nisa ruwe ne.

A Psalm; a Song at the Dedication of the House; [a Psalm ]of David. I will extol thee, O LORD; for thou hast raised me up, and hast not made my foes to rejoice over me.

Aa ku goro Ehoba Kamui, E orun ku konishuk nisa, awa, Aokai en iwangere nisa ruwe ne na.

Aa ku=kor Ehoba Kamuy, E orun ku konisuk nisa, awa, Aokay en=iwankere nisa ruwe ne na.

O LORD my God, I cried unto thee, and thou hast healed me.

Aa Ehoba, Aokai anak ne ku ramat Sheo wano yange; Iteki shui orun rap utara tura no ku ran kuni ne en shiknure nisa ruwe ne.

Aa Ehoba, Aokay anakne ku=ramat Seo wano yanke; Iteki suy orun rap utar turano ku=ran kuni ne en=siknure nisa ruwe ne.

O LORD, thou hast brought up my soul from Sheol: thou hast kept me alive, that I should not go down to the pit.

Aa ashkanne echi utara, Ehoba otta iyohaichish shinotchaki yan; Shinuma koro Ashkanne-i gusu yaiiraige ki yan.

Aa askanne eci utar, Ehoba or ta iyohaycis sinotcaki yan; Sinuma kor Askanne hi kusu yayirayke ki yan.

Sing praise unto the LORD, O ye saints of his, and give thanks to his holy name.

Shinuma kinrakara ambe anak ne nisako ta patek an, Koro pirika irenga anak moshiri ko-hoppa pakno an ruwe ne: Onuman chish ambe anak ne reushi kuni ne ahun, Koroka, kunneiwano nupetne hawe an na.

Sinuma kinrakar anpe anakne nisako ta patek an, Kor pirka irenka anak mosir ko-hoppa pakno an ruwe ne: Onuman cis anpe anakne rewsi kuni ne ahun, Korka, kunneywano nupetne hawean na.

For his anger is but for a moment; in his favour is life: weeping may tarry for the night, but joy [cometh ]in the morning.

Kuani anak, aeyaiepirikare an ita, Samma pakno shomo ku moimoyege kusu ne, ari ku itak.

Kuani anak, aeyayepirikare an hi ta, Samma pakno somo ku moymoyeke kusu ne, ari ku=itak.

As for me, I said in my prosperity, I shall never be moved.

Ehoba, Aokai anak ne irenga sange wa ku goro nupuri tumashnu no ashte nisa: E koro nanuhu E nuina gusu, ku chiukopoye nisa ruwe ne.

Ehoba, Aokay anakne irenka sanke wa ku=kor nupuri tumasnu no aste nisa: E=kor nanuhu E nuyna kusu, ku=ci=wkopoye nisa ruwe ne.

Thou, LORD, of thy favour hadst made my mountain to stand strong: thou didst hide thy face; I was troubled.

Aa Ehoba, E orun ku konishuk nisa; Ehoba otta ku koramkoro ku ki nisa ruwe ne:

Aa Ehoba, E orun ku konisuk nisa; Ehoba or ta ku=koramkor ku=ki nisa ruwe ne:

I cried to thee, O LORD; and unto the LORD I made supplication:

Shui orun ku ran ita, ku kem gusu nep pirika ambe an a? Koponchi anak ne E ramye kusu ne ya? nei ambe anak E koro sonep assuru ashte ya?

Suy orun ku=ran hi ta, ku=kem kusu nep pirka anpe an a? Koponci anakne E ramye kusu ne ya? ne anpe anak E=kor sonep assuru aste ya?

What profit is there in my blood, when I go down to the pit? Shall the dust praise thee? shall it declare thy truth?

Aa Ehoba, nu wa pirika irenga sange wa en kore: Aa Ehoba, en ikashiu wa en kore.

Aa Ehoba, nu wa pirka irenka sanke wa en=kore: Aa Ehoba, en ikasiw wa en=kore.

Hear, O LORD, and have mercy upon me: LORD, be thou my helper.

Aokai anak ne ku ki yaituwashkarap itasare wa en rimsere nisa ruwe ne: Aokai ku goro aeshiyuk amip pita wa yainuchattek-i ani en kut-kore nisa ruwe ne.

Aokay anakne ku=ki yaytuwaskarap itasare wa en=rimsere nisa ruwe ne: Aokay ku=kor a=esiyuk amip pita wa yaynucattek hi ani en=kut-kore nisa ruwe ne.

Thou hast turned for me my mourning into dancing; thou hast loosed my sackcloth, and girded me with gladness:

Tambe gusu ku ramat mo no an shomoki no iyohaichish E orun shinotchaki kusu ne. Aa ku goro Ehoba Kamui, otusashuishiri pakno ne yakka E ko-yaiiraige ash na.

Tanpe kusu ku=ramat mo no an somo ki no iyohaycis E orun sinotcaki kusu ne. Aa ku=kor Ehoba Kamuy, otu sasuysir pakno ne yakka E ko-yayirayke as na.

To the end that [my ]glory may sing praise to thee, and not be silent. O LORD my God, I will give thanks unto thee for ever.