3 Ik.

Koro poho Absorom orowa no hira Ua; Dabid kara Iyohaichish.

Kor poho Absorom oro wano hira Ua; Dabid kar Iyohaycis.

A Psalm of David, when he fled from Absalom his son.

AA Ehoba, en epokba utara nep uarep! En kopiuki gusu hopumba utara shiri inne ruwe ne.

Aa Ehoba, en epokpa utar nep uarep! En kopiwki kusu hopunpa utar siri inne ruwe ne.

LORD, how are mine adversaries increased! many are they that rise up against me.

Shinuma gusu Kamui otta kashiobiuki-i isama, sekoro, Ku ramat epeka no ye utara inne ruwe ne. [Sera.]

Sinuma kusu Kamuy or ta kasiopiwki hi isam, sekor, Ku=ramat epeka no ye utar inne ruwe ne. [Sera.]

Many there be which say of my soul, There is no help for him in God. Selah

Koroka, aa Ehoba, Aokai anak ne en okari an kikhumbe E ne ruwe ne; Ku nupeki ne, ku sapa hetarirep E ne ruwe ne.

Korka, aa Ehoba, Aokay anakne en=okari an kikhunpe E ne ruwe ne; Ku=nupeki ne, ku=sapa hetarirep E ne ruwe ne.

But thou, O LORD, art a shield about me; my glory, and the lifter up of mine head.

Hau ani Ehoba otta ku konishuk, Orowa, koro ashkanne nupuri wano Shinuma tasa itak en nure ruwe ne. [Sera.]

Haw ani Ehoba or ta ku konisuk, Orowa, kor askanne nupuri wano Sinuma tasa itak en=nure ruwe ne. [Sera.]

I cry unto the LORD with my voice, and he answereth me out of his holy hill. Selah

Ku hotke wa ku mokon nisa, Ku mosh; Ehoba en nitata shiriki ruwe ne gusu ne na.

Ku=hotke wa ku=mokor nisa, Ku=mos; Ehoba en=nitata siriki ruwe ne kusu ne na.

I laid me down and slept; I awaked; for the LORD sustaineth me.

En epokba gusu shi no inne topaha utara en nikkotama wa okai, Yakka, Ku ishitoma shomoki.

En epokpa kusu sino inne topaha utar en nikkotama wa okay, Yakka, Ku=isitoma somo ki.

I will not be afraid of ten thousands of the people, that have set themselves against me round about.

Aa Ehoba, hopuni: Aa ku goro Kamui, en kashiobiuki wa en kore; Aokai anak ne obitta no okai en epokba utara notakam pone koshirikik nisa; Wen utara nimakihi E kaye nisa ruwe ne gusu ne na.

Aa Ehoba, hopuni: Aa ku=kor Kamuy, en=kasiopiwki wa en=kore; Aokay anakne opittano okay en epokpa utar notakam pone kosirikik nisa; Wen utar nimakihi E kaye nisa ruwe ne kusu ne na.

Arise, O LORD; save me, O my God: for thou hast smitten all mine enemies upon the cheek bone; thou hast broken the teeth of the wicked.

Annokara ambe anak ne Ehoba korobe ne, E korʼirenga E koro utara kata an kuni akoramkon na. [Sera.]

Annokar anpe anakne Ehoba kor pe ne, E=kor irenka E=kor utar kata an kuni a=koramkor na. [Sera.]

Salvation belongeth unto the LORD: thy blessing be upon thy people. Selah